14
“
Yaşıl, qırmızı və mavi rənglərdən, ağ aypara və səkkizguşəli ulduzdan ibarət olan bayraq milli
bayraq hesab edilsin.”
1
Bayraqdakı
mavi rəng türkçülüyü, qırmızı –
müasirliyi, qərb demokratiyasını, yaşıl – islam
ideologiyasını ifadə edir.
Bu
barədə
"Azerbaydjan" qəzetinin 1918-ci il
noyabr nömrələrindən birində çap edilmiş “
Azər-
baycan bayrağı” adlı maraqlı məlumatda deyilir:
“Hökumət tərəfindən yaşıl, qırmızı və mavi
rəngdə olan üçrəngli Azərbaycan bayrağının
layihəsi təsdiq olunmuşdur. Qırmızı rəngin fonunda
aypara və səkkizguşəli ulduzun təsviri olacaqdır.
Aypara və ulduz ağ rəngdə nəzərdə tutulmuşdur”.
2
1919-cu ilin aprel ayında Parlament binası
üzərində dalğalanan üçrəngli bayrağa həsr etdiyi
“Azərbaycan bayrağına” adlı şeirində görkəmli
şair Əhməd Cavad yazmışdır:
Allahın yıldızı, o gözəl pəri,
Sığınmış qoynunda Aya bayrağım!
3
XIX
əsrin sonları və XX əsrin əvvəllərində Bakının sürətlə inkişaf etməsi burada eyni sürətlə
Azərbaycan ziyalı elitasının yaranmasına səbəb olmuş və hətta onlar bir sıra məsələlərdə osmanlılar
üçün nümunəyə çevrilmişlər. Ziya Göyalpın “üçlü ideologiyası” ilə yaxından tanış olan həmin
ziyalıların bir qrupu “türkləşmək, müasirləşmək və islamlaşmaq” ideologiyasını daha da inkişaf
etdirmiş, yuxarıda deyildiyi kimi, Azərbaycan Xalq Cümhuriyyətinin Dövlət bayrağında onu tam
dolğunluğu ilə əks etdirə bilmişlər.
Sevimli
şairimiz Cəfər Cabbarlı Azərbaycanın Dövlət bayrağının çoxmə‘nalı rənglərini
“Sevdiyim” şeirindən gətirdiyimiz bir parçada belə təsvir edir:
Altun köksün hilal-yıldız, işıqları öpüncə,
Yaşıl donlu, mavi gözlü, al duvaqlı sevdiyim.
Altaylardan, Altun dağdan
4
doğma səslər gəliyor,
Yaşıl donlu, mavi gözlü, al duvaqlı sevdiyim.
Qollarilə türk ellərin bütün qucmaq istiyor,
Yaşıl donlu, mavi gözlü, al duvaqlı sevdiyim.
5
1918-ci
il
dekabrın 7-də Azərbaycan Parlamentinin açılışı mərasimində nitq söyləyən
M.Ə.Rəsulzadə bayrağın rəngləri haqqında konkret olaraq söyləmişdir:
“...müstəqil Azərbaycanı təmsil
o üç boyalı bayrağı Şurayi-Milli qaldırmış, türk hürriyyəti, islam mədəniyyəti və müasir əfkari-əhrara-
nəsini təmsil edən bu üç boyalı bayraq daimən başlarımızın
üstündən ehtizaz edəcəkdir…”.
6
“Azərbaycan” qəzetinin baş redaktoru vəzifəsində işləyən dahi jurnalist-bəstəkarımız Üzeyir
bəy Hacıbəyli bu barədə belə yazırdı:
“Məmməd Əmin nitqi-iftitahiyyəsində bu üç rəngin: türkləşmək, islamlaşmaq və müasirləşmək
amalı əlamətindən ibarət olduğuna işarə ilə –
bu bayraq endiriləməz! dedikdə bütün məclis ayağa
qalxıb, əl çala-çala bayraqları salamlarkən təəssürati-fövqəladəmdən başımın tükləri biz-biz durdu”.
7
Göründüyü kimi, burada kainat, ənginlik, böyüklük, əzəmət bildirən mavi rəng türk hürriyyətini,
azadlığını və ucalığını təmsil edir.
Yaşıl rəng islam sivilizasiyasını və ondan bəhrələnməyi əks etdirir.
Yuxarıda işlədilən “əhraranə” (“əhrar” ərəbcə “hürr” sözünün cəmidir) ifadəsi “azadlıqlara xas”
1
Azərbaycan Respublikası Mərkəzi Dövlət Arxivi, fond 894, siyahı 1, iş 25, vərəq 142 və s.
2
Азербайджан, 1918, 11 ноября.
3
Əhməd Cavad. Əsərləri. I cild. Bakı, 1992, s. 138.
4
Altun dağdan – Tyan-Şan dağlarından – müəlliflər.
5
Cabbarlı C. Ədirnə fəthi, s. 151.
6
Azərbaycan, 1918, 9 dekabr.
7
Yenə orada.
15
deməkdir; XVIII əsrin sonlarından Avropada demokratiya və hürriyyət uğrunda qaldırılan qırmızı
bayraqlara işarədir.
Beləliklə, Azərbaycan Xalq Cümhuriyyətinin çox gözəl təsvirdə olan Dövlət bayrağı həm də
çox böyük mənalar kəsb edir.
1990-cı il noyabrın 29-da Azərbaycanda müstəqilliyin bərpası uğrunda xalq hərəkatının
gücləndiyi bir dövrdə respublika Prezidenti tərəfindən “Azərbaycan SSR-in adının və Dövlət
bayrağının dəyişdirilməsi haqqında” fərman verilmişdir. Həmin fərman 1991-ci il fevralın 5-də
Azərbaycan Respublikası Ali Sovetinin növbəti çağırışının ilk sessiyasında təsdiq olunmuşdur.
Fərmana müvafiq olaraq “Azərbaycan Respublikasının Dövlət bayrağı haqqında Əsasnamə” də
tərtib və təsdiq olundu. Bayrağın
ölçüləri dəqiqləşdirildi, ucaldılması nəzərdə tutulan yerlər müəyyən
edildi.
1
1
Xalq qəzeti, 1991, 8 fevral.
16
Azərbaycan Respublikasının
Dövlət bayrağı haqqında
AZƏRBAYCAN RESPUBLİKASININ
QANUNU
Azərbaycan Respublikasının Ali Soveti qərara alır:
1. Azərbaycan Respublikasının Dövlət bayrağının təsviri təsdiq edilsin.
2. Azərbaycan Respublikasının Dövlət bayrağı haqqında Əsasnamə təsdiq edilsin.
3. “Azərbaycan SSR-in Dövlət bayrağı haqqında Əsasnamənin təsdiq edilməsi barəsində”
Azərbaycan SSR Ali Soveti Rəyasət Heyətinin 1966-cı il 5 may tarixli Fərmanı (Azərbaycan SSR
qanunları toplusu. 1938-1966-cı illər, c. I, səh. 221; Azərbaycan SSR Ali Sovetinin Məlumatı, 1981-ci
il, №5-6, maddə 71, №12, maddə 161) qüvvəsini itirmiş hesab edilsin.
Azərbaycan Respublikası Prezidenti
A.Mütəllibov.
Bakı şəhəri, 5 fevral 1991-ci il.
№ 17-XII.
* *
*