İnnovasiyalar tətbiq sferalarına uyğun olaraq müxtəlifdir. Bunlardan biri də
pedaqoji innovasiyalar hesab edilir. Pedaqoji innovasiyalarla təhsil innovasiyaları
arasında xeyli fərq vardır; belə ki, təhsil innovasiyaları buraya daxil olan olan
bütün infrastruktura aid olduğu halda, pedaqoji innovasiyalar daha çox onların
təlim metodları və texniki vasitələrlə bilavasitə tədris prosesinə tətbiqini ehtiva
edir. Yəni təhsil müəssisəsinə aid olan texnoparkda hazırlanmış hər hansı bir
innovasiyanı dərhal pedaqoji innovasiya adlandırmaq düzgün olmazdı.
İnnovasiyalar öz növlərinə, parametrlərinə, tətbiq xüsusiyyətlərinə və digər
aspektlərinə görə müxtəlifdir. Onların ən çox tanınmışlarından birinin – pedaqoji
innovasiyaların müxtəlifnövləri vardır:
Birinci növ
pedaqoji innovasiyalarda daha məhsuldar və səmərəli pedaqoji
metodların tətbiqi ilə daha yaxşı təlim nəticələrinə nail olmaq nəzərdə tutulur.
Əslində, bu pedaqoji innovasiya bu tipdə olan digər bütün innovasiyalar üçün,
haradasa, ümumi kriteriya rolunda çıxış edir, çünki onların bünövrəsində də
bilik və təlim sistemləri dayanır.
İkinci növ
pedaqoji innovasiyalara tələbələrin öyrənmə prosesi zamanı
koqnitiv proseslərinə təsir imkanlarını genişləndirən və stimullaşdıran üsullar,
onlara bacarıq, qabiliyyət və səriştəni inkişaf etdirməyi ehtiva edən pedaqoji-
psixoloji metodlar aid edilir.
Üçüncü növ
pedaqoji innovasiyalarda müəllimlərin təlimə münasibəti,
motivasiyası, özünüqiymətləndirməsi, müstəqil bacarıqları və məsuliyyətinin
innovativ və qeyri-inzibati yollarla gücləndirilməsi nəzərdə tutulur.
Dördüncü növ
pedaqoji innovasiyalar tədris planları və proqramlarının
tərtibində tətbiq olunan qabaqcıl təcrübədən istifadə edilməsini ehtiva edir.
Bu pedaqoji innovasiyalar özünü üç istiqamətdə biruzə verir:
1) Tələbələrə yönəlmiş tədris, təlim və tərbiyə işlərinin yeni metod və ya
üsullarını tətbiq etməklə onun təkmilləşməsinə xidmət edən innovativ
yeniliklər;
2) İnnovativ texnoloji qurğu və avadanlıqlarla tədrisin keyfiyyətinin
artırılmasına xidmət edən yeniliklər;
3) Qabaqcıl innovativ təcrübəni təhsil proqramları və dərsliklərdə təcəssüm
etdirən yeniliklər.
Təhsildə təkamül – sistemli, ardıcıl, eləcə də geniş miqyaslı bir prosedir;
buna görə o, məktəb və kollec müəllimləri, idarəedənlər və tədqiqatçılar, siyasi
sahədə qərar qəbul edənlərin demək olar ki, hamısının iradəsindən asılıdır.
Onun məqsədi, təlim və tərbiyə nəzəriyyəsi və təcrübəsi, həm də bu kompleksin
digər aspektləri ilə bağlıdır; odur ki, bu qurumların məqsədi son nəticədə
bütün tələbələrin həyatını və pedaqoji fəaliyyətə keyfiyyətli hazırlanmasını
təmin etməkdir. Məhz buna görə də, innovasiyayönlü transformasiyaların
məzmun və xarakterini qiymətləndirmək, onun fəaliyyət mexanizmini müəyyən
etmək nəinki gözlənilən, hətta qabaqcadan görünə bilinməyən situasiyaların da
nəzərə alınmasını ehtiva edir.
Təhsildə mövcud olan innovasiyaların məzmununun təyin olunması olduqca
mürəkkəbdir, çünki əksər hallarda innovasiyalar «yenilik» adı altında müxtəlif
Sevda Axundova
Dostları ilə paylaş: