79
2.
İdarəetmənin zəif və güclü olduğu sahələrin analizi üçün daxili
mənbələrin analizi;
3.
Xarici və daxili mühitin analizlərinin uyğunlaşdırılması vasitəsilə
məqsədlərin formalaşdırılması.
Gələcəkdə ortaya çıxacaq şərtlərə uyğun idarəçilik strategiyasının üzərində
duran Peter F.Drucker “Gələcək üçün İdarəçilik düşüncəsi və TMK-lar”
startegiyasını irəli sürmüşdür. Druckerin TMK-larla bağlı praqnozları bunlardır:
92
Dövlət və hökumətlər uğur mərkəzi olmaqdan çıxacaqlar.
İqtisadiyyat beynəlxalq mövqe qazanacaq; bazarlar qloballaşdığı bir
vaxtda TMK-lar birləşəcək və bütün dünyaya yayılmağa çalışacaq.
Beynəlxalq ticarət əvəzinə dünya investisiya yatırımları amili önə
çıxacaq, ixracata əsaslanan strategiyalar əvəzinə uyğun ölkələrə
sərmayə ayırmaq ön plana keçəcək.
Sənaye sektorundan daha çox xidmət sektorundakı TMK-lar
qloballaşacaq.
Ucuz işçi qüvvəsi istifadə etmək və xammal qaynaqlarına sahib
olmaq rəqabətdəki üstünlük səbəbi olmaqdan çıxacaqlar.
Pulun və elmin vətəni qalmayacaq; elm və maliyyə mərkəzi olan
ölkələr və təşkilatlar bu xüsusiyyətləri ilə üstünlük qazanacaq.
Üstünlük öyrənən cəmiyyətlərin və öyrənən təşkilatların olacaq.
İqtisadi tənəzzüldən qurtulmağın yolu elm və xidmət sahələrinin
məhsuldarlığının artırılması olacaq.
Mənfəət məqsədi olmayan TMk-lar yeni cəmiyyətdə daha təsirli rol
oynayacaq.
92
Dinçer, Ömer; a.g.e., s. 117-120.
80
III FƏSİL Beynəlxalq maliyyə qurumları və transmilli korporasiyaların
müasir beynəlxalq əməkdaşlığa töhfəsi
3.1 Azərbaycanın beynəlxalq maliyyə qurumları ilə əlaqələri
1991-ci ilin 18 oktyabrında Azərbaycan müstəqilliyini bütün dünyaya
bəyan etdi. Gənc respublika beynəlxalq münasibətlər sisteminə daxil oldu.
Azərbaycan öz mövcudluğunu qorumaq, müstəqilliyini təmin etmək üçün
beynəlxalq təşkilatlara sıx əməkdaşlıq fəaliyyətinə başladı. 1992-ci ildən etibarən
Azərbaycan beynəlxalq təşkilatlara üzvlüklə bağlı müraciət etdi.
Lakin bu bəzən
uzun müddət və prosedurlar tələb edirdi. Xüsusilə, beynəlxalq maliyyə
təşkilatlarına üzv olmaq üçün müəyyən şərtlər irəli sürülürdü. 1993-cü ildə
prezident Heydər Əliyevin hakimiyyətə qayıtması ilə Azərbaycanın yeni tarixində
dönüş baş verdi. Heydər Əliyev mükəmməl və effektiv xarici iqtisadi siyasət
həyata keçirməyə başladı. Ölkəyə kapital qoyuluşu artdı, Azərbaycan xarici
investorların etibarını qazandı.
Azərbaycan ilk dəfə BMT-nin çərçivəsində onun ixtisaslaşmış qurumları
olan beynəlxalq maliyyə təşkilatları ilə əlaqələr qurmağa başladı. 1992-ci ilin
sentyabrında DB-na daxil oldu. Eyni ildə Çoxtərəfli Sərmayə Qoyuluşunun
Sığortalanması üzrə Agentliyə üzv qəbul olundu. Məhz ümummilli liderimiz
Heydər Əliyevin həyata keçirdiyi məqsədyönlü siyasət nəticəsində 1995-ci ildə
Azərbaycan BİA və BMK-nın üzvü oldu. Azərbaycan üzv qəbul olunduqdan
sonra DB ölkədə azad bazar iqtisadiyyatının qurulmasına çalışırdı. DB
Azərbaycanın əkinə yararlı torpaqlarının özəlləşdirilməsi və bölüşdürülməsində
başlıca rol oynayıb. Azərbaycan DB-nın İcraçı Direktorlar Şurasında 19 qrup
üzvü çərçivəsində təmsil olunur. Azərbaycan digər 7 ölkə ilə birlikdə İsveçrənin
rəhbərlik etdiyi qrupdadır.
Azərbaycan BVF ilə 1992-ci il sentyabrın 18-dən əməkdaşlıq edir.
İndiyədək BVF Azərbaycan Respublikasına altı proqram çərçivəsində kredit
ayırıb, lakin 2005-ci ildən başlayaraq BVF ilə əməkdaşlıq məsləhətləşmələr
səviyyəsində həyata keçirilir, belə ki, Azərbaycan hökuməti fonddan kreditin
81
alınmasından imtina edib. BVF tərəfindən Azərbaycan hökumətinə təqdim edilən
kreditlər müqavilədə nəzərdə tutulan vaxtda hər il gecikdirilmədən ödənilir. Odur
ki, bu müddət ərzində Azərbaycan hökuməti ilə BVF arasında səmərəli
əməkdaşlıq münasibətləri formalaşıb. Bu fakt isə Azərbaycan iqtisadiyyatının
dinamik inkişaf mexanizminə malik olmasından xəbər verir. BVF-nin
Azərbaycan hökuməti ilə danışıqlarında ölkədə sənayenin inkişaf etdirilməsi,
dövlət banklarının özəlləşdirilməsi, su və enerji təchizatı problemlərinin həlli və
bu sistemlərdə islahatların aparılması zərurəti, dövlət strukturunda islahatlar, neft
gəlirlərinin səmərəli istifadəsini təmin etmək, Neft Fondunun fəaliyyətində
şəffaflıq və sair istiqamətlər prioritet təşkil edir.
Azərbaycan Respublikasının Prezidenti Heydər Əliyev bu beynəlxalq
maliyyə qurumu ilə əməkdaşlığa böyük önəm vermişdir. Bakıda səfərdə olan
Beynəlxalq Valyuta Fondunun direktoru Kamdessu 12 mart 1996-cı ildə Heydər
Əliyevlə görüşüb və danışıqlar aparıb. Görüşdən sonra birgə mətbuat
konfransında Heydər Əliyev danışıqların Azərbaycan Respublikası ilə Beynəlxalq
Valyuta Fondunun gələcək əməkdaşlığına həsr olunduğunu, Beynəlxalq Valyuta
Fondunun dünyanın ən böyük maliyyə mərkəzi olduğunu bildirib. O bildirib ki,
BVF Azərbaycanda iqtisadi islahatların keçirilməsi, iqtisadiyyatda struktur
dəyişikliklərin aparılması, özəlləşdirmə və başqa bu cür tədbirlər üçün kreditlərlə
maliyyə yardımı edir.
4 dekabr 1998-ci ildə BVF-nin Azərbaycan üzrə missiyasının rəhbəri Devid
Quen Heydər Əliyevlə görüşüb. Devid Quen BVF ilə Azərbaycan arasında
əlaqələrin yüksək səviyyədə olduğunu bildirib. O, qeyd edib ki, Azərbaycanda
iqtisadi artım müşahidə olunur, infilyasiya məqbul səviyyədədir və ümumiyyətlə,
iqtisadi sahədə uğur əldə olunub, manatın məzənnəsi sabit səviyyədə
qalmaqdadır.
93
Heydər Əliyev Azərbaycana indiyə qədər göstərilən yardımlara və səmərəli
əməkdaşlığa görə təşəkkür edərək, bu əməkdaşlığın davam etdiriləcəyini bildirib:
93
Əliyev H.Ə. Müstəqilliyimiz əbədidir. I-X kitablar. Bakı, 1996-2001
Dostları ilə paylaş: |