Qərib məzarlar
23
nümayəndə heyətinin möhkəmləndirilməsi barədə
ciddi düşünməlisiniz. Bizim maliyyə məsələmiz də
yaxşı deyil: Ermənilər 10 milyon rubl götürüblər,
gürcülər hələlik 5 milyon… Deyilənə görə, sanballı
maliyyə olmadan orada iş görmək mümkün deyil…”
27 yanvar 1919-cu il
Məmmədhəsən Hacınski - Fətəli xan Xoyskiyə:
Hörmətli Fətəli xan!
Bu gün yanvarın 27-dir, biz hələ bilmirik bura-
dan nə vaxt çıxacağıq, çıxacağıqmı?
...Xahiş edirəm, nümayəndə heyətinin gücləndi-
rilməsi barədə bir daha düşünəsiniz. Bütün xalqlar
çoxlu, ən güclü adamlarını ora göndərir. Axı orda bö-
yük mübarizə gözlənilir”.
Bu problemi aradan qaldırmaq üçün nü-
mayəndə heyətinin rəhbəri Əlimərdan bəy Top-
çubaşov az qala hər gün Antanta dövlətlərinin
İstanbuldakı nümayəndələri
ilə görüşlər keçirir,
Parisə getməyə icazə almaq üçün çoxsaylı danı-
şıqlar aparır. Lakin bu danışıqlar nəticəsiz qalır.
Ona söz verir, vəd edirlər ki, Parisdən müvafiq
cavab gözlənilir və s. və i.a.
Uzun illər Parisdəki “Topçubaşov arxivi”n-
də araşdırmalar aparmış gürcü tarixçisi Giorgi
Quramoviç Mamulia Konstantinopoldan kiçik
xalqların nümayəndələrinin Parisə buraxılma-
masının səbəbini belə izah edir:
“Xüsusən, azərbaycanlılar çətin vəziyyətə düş-
müşdülər. Çünki onları Türkiyəyə - keçmiş Os-
manlı imperiyasına yaxın xalq hesab edirdilər.
Müttəfiqlər, daha doğrusu, Antanta dövlətlərinin
nümayəndələri Türkiyəyə düşmən kimi, Birin-
ci Dünya müharibəsində məğlub olan ölkə kimi
baxırdılar. Əlbəttə, bir məsələ də var idi: Antanta
ölkələri özlərinə müttəfiq hesab etdikləri ermənilərə
Qafqazın digər xalqlarından daha çox rəğbət bəs-
ləyirdilər. Buna görə də erməni nümayəndə heyəti
Parisə hamıdan tez – 1919-cu ilin yanvarında gedib
çatmışdı. Və təbii ki, onlar Azərbaycan nümayəndə
heyətinin Konstantinopolda qalması və Parisə gedə
bilməməsi üçün əllərindən gələni etmişdilər”.
Məmmədhəsən
Hacınskinin Fətəli xan
Xoyskiyə məktubu.
Yanvar, 1919-cu il.
Qərib məzarlar
24
...Ermənilər Azərbaycan nümayəndə heyə-
tinin Parisə buraxılmaması üçün Türkiyənin
özündə də hər cür bədxahlığa əl atır, xüsusən
Əlimərdan bəy Topçubaşovun
əleyhinə təbliğat
aparırdılar.
Türkiyə parlamentinin üzvü olmuş Əhməd
bəy Ağayevin parlamentdə və mətbuatda An-
tanta əleyhinə çıxışlar etdiyi barədə fransızdilli
“Renessans” erməni qəzetində ciddi kampaniya
gedirdi…
Nəticədə Əhməd bəy Ağayev nəinki Parisə
buraxılmamış, hətta ermənilərin təbliğatı nə-
ticəsində həbs edilmişdi. Onsuz da nümayəndə
heyətinin üzvlərinin azlığından gileylənən heyət
savadlı və təcrübəli bir üzvünü də Türkiyədə qoy-
malı olmuşdu...
...Topçubaşov qalib
ölkələrin nümayəndələri
ilə görüşlərdən bir həqiqəti də anlayırdı: onlar
hələ Rusiyadan ayrılmaq istəyən kiçik dövlətlə-
rin taleyi barədə yox, vahid və bölünməz Rusiya
problemini həll etmək barədə düşünürlər…
Nümayəndə heyətinin Türkiyədə ləngidilmə-
sinin əsas səbəblərindən biri də bu idi. Ona görə
də Topçubaşov sülh konfransının rəhbərliyinə
Konstantinopoldan müraciət ünvanlamalı olur:
21 mart 1919-cu il.
Konstantinopol
Sülh Konfransının sədrinə
Surəti:
Prezident Vilsona
İngiltərənin baş naziri Lloyd Corca
İtaliyanın baş naziri Orlandoya
Fransanın baş naziri Klemansoya
Əlimərdan bəy
Topçubaşovun Paris Sülh
Konfransının sədrinə
məktubu. Mart, 1919-cu il.