26
tərkibli gübrələrin kənd təsərrüfatı bitkilərinin məhsuldarlığına
təsirini öyrətməyə başlayır. Respublikada üzümçülərin bugünkü
uğurlarında torpaqşünaslarımızın çox böyük əməyi vardır.
Ümumiyyuətlə, Həsən Əliyev Azərbaycanda üzümçülüyün
inkişafına daim fikir vermişdir.
V iştirakçı:
Akademik Həsən Əliyevin “Həyəcan təbili”
əsərindən hikmətli sözlər:
Təbiəti düşünərkən:-“Təbiətdə heç bir ünsürün “təklik eqoizmi”
yoxdur. Bir ünsür digərinə söykənəcəkdir və ya digərindən
söykənəcək istəyir”.
-“Su yaşıllığı saxlayır, yaşıllıq suyu. Torpaq anadırsa, su
övladdır, meşə bu övladsız dodağı çat-çat olub yanacaq,
dirigözlü “ölüyə” dönəcək. Bunlar hamısı aydındır. Bircə
qaranlıq qalan odur ki, biz bəzən gündəlik fəaliyyətimizdə niyə
bunları yaddan çıxarırıq?”
Azərbaycan təbiəti: -“Azərbaycanda yerin altı tükənməz xəzinə,
üstü canlı muzeydir”.
-Mən dünyanın bir çox ölkələrini gəzdim, lakin Qafqazın təbiəti
qədər gözəl, romantik, dilbər guşəyə rast gəlməmişəm.
Qafqazda da təbiət ən gözəl nemətlərini bizim respublikaya bəxş
etmişdir.”
Torpaq sərvəti:-“Torpaq Vətən deməkdir.Tarix boyu torpaq
üstündə ölüm-dirim döyüşləri olmuş, torpaq milyonları
udmuşdur.”
-“Təbiətin bizə bəxş etdiyi ən qiymətli sərvət torpağındır.”
-“Torpaq bizim “çörək ağacımız”,... yaşayışımızın ibtidasıdır.
Məhz buna görə də torpaq bizim üçün əzizdir, doğma və
müqəddəsdir”.
27
-“Hər şey torpağın üstündə bitir. Bu mənada insan üçün
torpaqdan kənarda təbiət anlayışı yoxdur”.
-“Ağaclara su verilsə, lazımi qulluq göstərilsə, torpağı ağac
bitkilərinin elə özləri əmələ gətirər.
Meşə sərvəti:- “Meşə sərvətimiz, meşə varlığımız, meşə-
məişətimizin bir hissəsidir”.
-Məlum həqiqətdir ki, meşəni-Yer kürəsinin bu yaşıl kəmərini
bircə an təsəvvür etməsək, demək, bəşər də yoxdur.”
-
Meşə böyük sərvətdir, əvəzsiz xəzinədir.
Quşlar haqqında:-“Quş səsi olmasaydı, təbiət lal-kar olardı. Quş
aləmi təbiətin ən canlı poetik hissəsidir. Quşsuz təbiət mizrabsız
tara bənzər”.
VI iştirakçı: Müəllif yazıb ərsəyə gətirdiyi kitablarla
respublikamız daxilində sanki ətraf mühiti vərəqləyir, onun təbii
mənzərəsini göz önünə gətirməklə, əlvan rənglərdən danışmaqla
bərabər, bu əlvanlığın pozulmaq qorxusundan da həyacanla
söhbət açır. Bu düzənlikləri münbit torpağın əmələ gəlməsi üçün
bəzən min ildən artıq vaxt keçir. Məlumdur ki, insan heç vaxt
onu əhatə edən mühitin düşməni olmamışdır. Lakin insan
təbiətdən istədiyini qopararkən, bəzən onun yarasını bağlamağı
yaddan çıxarır. Təzəsini əkməmiş köhnəsinə sahib çıxır. Təbiət
isə ona qarşı yönələn bu güclü hücumdan sonra özünübərpanın
öhdəsindən gələ bilmir. Çoxdan bəri Azərbaycan Təbiəti
Mühafizə Cəmiyyətinin sədri kimi içtimai vəzifə daşıyan alim
respublikamızı, demək olar ki, qarış-qarış gəzib, hər gədikdə
dayanıb, təbiəti müşahidə eləmiş, hər cığırla addımlayıb flora və
faunamızın vəziyyətini öyrənmiş, həmişə də qeydlər aparıb
mətbuat səhifələrində oxuculara öz sözünü demişdir. Həsən
Əliyevin həyəcanla danışmağında, elmi dəlilləri “ələyib ortaya
28
tökməsində”, son nəticədə insanı öz beşiyini qorumağa
səsləməsində ali məqsədi budur.
Kitabxanada akademik Həsən Əliyevdən bəhs edən xatirə
gecəsi də təşkil etmək olar.
Alimin xatirəsinə həsr olunmuş
“Dedilər ki, təbil çal, qoy hamı eşitsin” adlı gecəyə görkəmli elm
adamları, alim və akademiklər, ekoloqlar, torpaqtşünaslar,
bioloq və s. ixtisas sahibləri ilə yanaşı oxucular və ali məktəb
tələbələri də dəvət olunurlar. Qonaqlar akademikin şəkilləri,
müxtəlif adda əsər başlıqları və hikmətli sözlərinin
çərçivərələrlə bəzədilmiş zalda əyləşirlər. Gecənin qonaqlarına
öncə Həsən Əliyev haqqında hazırlanmış slayt təqdim edilir.
Gecəni açıq elan etmək üçün aparıcılar səhnəyə yaxınlaşırlar.
I aparıcı: - Salam, dəyərli qonaqlar, bu təbiət ətirli, torpaq
hərarətli gecədə xoş gördük sizləri. Gəlin bu gün təbiət anamızı
sırf görkəmli şəxsiyyət dahi insan Həsən Əliyevin qəlbi ilə sevək
və bu gün akademikin gözüylə ona bir daha, bir daha məftun
olaq. Axı varlığının ilk günündən təbiət insanın evi, yaşamaq
üçün qida mənbəyi olmuşdur. İllər keçdikcə, insanlar təbiətin
isti, soyuğunu dərk etdikləri kimi, onun flora və faunasından
istifadənin səmərəli yollarını da müəyyən etmiş, özlərinə lazım
olan nemətləri qorumuş nəsildən-nəslə ötürmüşlər.
II aparıcı: İnsanlarda təbiətə qarşı mədəni rəftar, sağlamlığın
təminatçısı baxımından həmişə qiymətli olmuş və bu gün də öz
dəyərini qoruyub saxlayır. Belə şəxsiyyətlərdən biri uzun illər
Azərbaycan təbiətinin böyük təşəbbüskeşi, Azərbaycan xalqının
dünya şöhrətli alimi, akademik Həsən Əliyev olmuşdur. Həsən
Əliyev üçün Azərbaycan təbiəti müqəddəs varlıq idi. Necə
deyərlər, o, ayağına dəmir çarıq geyib, əlinə dəmir əsa alaraq ilin
29
bütün fəsillərində özünəməxsus gözəllikləri olan vətənimizi
gəzir, təbiətin dərdini öyrənir, qayğısına qalırdı. Talış
dağlarından bağlamış Böyük Qafqazın ətəklərinədək, Kür
qırağından başlamış Göy-gölə kimi meşələrdə ağacları, körpə
fidanları tanıyır, palıdların, çinarlarların yaşını bilirdi.
I aparıcı:
Həsən Əliyev haqqında müasirlərinin xatirələrindən,
alimin özünün təbiət haqqında yazmış olduğu saysız-hesabsız,
olduqca dəyərli əsərlərindən məlum olur ki, gecələr
budaqlarında quşları qonaq saxlayan, yayın istisində kölgəsində
insanlara sərinlik verən çinarları çox sevərmiş. Təsadüfi deyil ki,
xalqımız qədim zamanlardan bu əzəmətli, uzunömürlü florasına
məğrurluq rəmzi kimi baxmışdır. Yurdumuzun bəzəyi olan
çinarlar nəinki öz şairlərimizin, bəstəkarlarımızın, həm də
xaricdən gələn qonaqların və səyyahların da diqqətini cəlb
etmişdir.
II aparıcı:
Azərbaycan torpağını addım-addım, qarış-qarış
gəzən, hər qayaya, hər bitkinin yarpağına nəzər salan, hər
torpağın profilinə diqqət yetirən, flora və faunanın özünəməxsus
dilini bilən vətənpərvər alim Azərbaycan florasının simvolu olan
Eldar şamının geniş sahələrində introduksiyasından, Şərq
palıdının pasportlaşdırılmasından, nadir, relikt endem ağacların
qorunub saxlanılması və artırılmasından, hər əkilən bitkinin
pöhrələnməsindən və başqa faydalı işlərdən nə qədər böyük
fərəh hissi duyurdusa, ayrı-ayrı rayonlarda təbii meşəliklərin
qırılaraq əkin sahələrinə çevrilməsindən, təbiətə qarşı nankor
münasibətdən də eyni dərəcədə narahatlıq hissi keçirir və
bunlara qarşı barışmaz mövqedə duraraq daim mübarizə
aparırdı.
30
I aparıcı
:
Həsən Əlirza oğlu Əliyev Talış dağlarını, ona yaxın
bölgələrin
təbii
sərvətlərini
insanların
səxavətini
dəyərləndirməklə bərabər, gələcəkdə bu diyarın sağlamlıq
ocaqlarına çevrilməsini lazım bilirdi. Buna görə də Lənkəran,
Lerik, Masallı Yardımlı rayonlarının ərazisində Həsən Əliyevin
görmək istədiyi sağlıq ocaqları, turist düşərgələri, istirahət və
əyləncə mərkəzlərinin sayı ildən-ilə artmaqdadır. Mənalı
ömrünü Azərbaycan təbiətinin qorunub saxlanılması, ölkəmizdə
ekoloji durumun yaxşılaşdırılmasına həsr etmiş akademik Həsən
Əliyev məktəbi, onun məqalələri, çıxışları, kitabları həmişə
müasirdir. Onun əsərlərində biz təbiətimizə həmişə övlad
qayğısı ilə döyünən ürəyinin səsini eşidirik. Bu səs təbiətimizi
qorumaq üçün çalınan həyəcan təbilidir. Müasir şəraitdə
ölkəmizdə təbiətin qorunması, meşəliklərin salınması sahəsində
dövlət səviyyəsində məqsədyönlü işlər aparılır.
Bu arada məktəblilər Musa Urudun akademik H.Əliyevin əziz
xatirəsinə həsr etdiyi “Umud evi” adlı şeiri deməyə başlayırlar.
Eləcə açıqdır bu köhnə qapı,
Eləcə bərəkət gülür bu evdən.
Bir az dağ havası vurur adamı,
Bir az torpaq ətri gəlir bu evdən.
Kimi son ümid tək baxıb bu evə
Kimi çörək yeri bilib gəlibdi.
Kiminin üzünə gülüb taleyi,
Kimi taleyinə gülüb gəlibdi.
İşığa gələn də, paya gələn də
Keçib bu qapıdan, girib bu evə.
Ümidi, sevinci götürüb gedib,
31
Ağrını, nisgili verib bu evə.
İşıq süzgəcindən, haqq mizanından
Keçən tək adamlar keçib bu evdən.
Kiminin əlini çörəkli edib,
Kimi də əlini çəkib bu evdən.
Üzüdönüyü də, mərdi də görüb,
Bu ev umu tutmaz, küsü saxlamaz.
Ömrü yeddi simdə, pərdədə görüb,
Bir də bu dünyaya umud bağlamaz.
Hər perikən quşun qalıb dərdinə,
Hər solan çiçəklə solubdu bu ev.
Ağacın yerinə, daşın yerinə
Həyəcan təbili çalıbdı bu ev.
Günəşlə bəsləşən, yerlə səsləşən
Bir adam ömrüdü bu evin ömrü.
Sənətkar ömrüdü, alim ömrüdü,
Yaradan ömrüdü bu evin ömrü.
I aparıcı: Akademik Həsən Əliyevin respublikada xüsusi çəkisi
və hörməti var idi. Onu ürəkdən sevənlər, onun gördüyü işlərdən
fərəhlənənlər, onun qayğıkeşliyini, ədalətsizliyə qarşı söz
deməsini bəyənənlər az deyildir. Onu xalqa sevdirən onun
talantlı torpaqşünas olması, Azərbaycan təbiətində baş
verməkdə olan neqativ cəhətlərə qarşı çıxaraq cəsarətlə həyəcan
təbili çalması, respublikada kadr hazırlığına qayğı göstərən,
mərd, dəyanətli bir insan olması idi. Alim əməyi itmir.
32
Azərbaycan elminin qızıl fonduna daxil olmuşların biri də
məhsuldar vətənpərvər alim, akademik Həsən Əliyevdir. Əsl
alim nur mənbəyidir.
Belə alim bütün dünyaya nur saçmalıdır.
Əgər onun elm işığı bütün dünyaya yayıla bilmirsə, heç olmasa
öz ətrafını, öz şəhərini, yaxud kəndini və ya evini
işıqlandırmalıdır. Bu idi akademik Həsən Əlirza oğlu
Əliyev.Torpağı nurla dolsun!
Həsən Əliyevdən bəhs edən xatirə gecəsinin sonunda məktəbli
oxucular sevilən şairimiz Musa Yaqubun Həsən əliyevə həsr
etdiyi “Yaşıl heykəl” şeirini səsləndirirlər.
Burda xatirəndir könlündə bitən,
Mənə yarpaq-
yarpaq uzanıb əlin.
O qartallı qaya sənin abidən,
Müqəddəs ardıclar yaşıl heykəlin.
Zümrüd göllərin var dağlar qoynunda
İzini saxlayar Şöykəm yaylağı.
Arçanlar minillik ömrün donunda,
Durub damar-damar qucub torpağı.
O gümüş çay kimi ömrün axında,
Ey Vələs, ey Palıd, ey Çinar kişi.
Vətən torpağının hər bucağında
Eşqi, məhəbbəti, izi var kişi.
Qarabağ kitabı, Qafqaz kitabı,
Gözünlə oxunub sətirbəsətir.
Meşələr saxlayır bu haqq-hesabı,
Pöhrələr sanıram ruhundan bitir.
33
O Qafqaz dağları, Kür qıraqları,
Seyrangahın olub, Həsən müəllim.
Hər kəsilən ağac könlün qubarı...
Duman ahın olub, Həsən müəllim.
Sənin də dərdini bilmədik elə.
Yandın təbiətə qəlbində işıq.
Həyəcan təbili çalırsan hələ,
Hələ biz bu səsə ayılmamışıq.
Həyəcan təbili, dözdün birtəhər,
Düşündün bu təbil bizi saxlayar.
Hələ çox mişarlı, baltalı əl var,
Baxma meşəmizə, ruhun ağlayar.
Ustad könlü ipək, ruhu bənövşəm.
Demə ki, tək elə söz acıyam mən.
Mən bir çinar əkib, gül bitirmişəm,
Bununla ruhuna duaçıyam mən.
34
Ədəbiyyat siyahısı:
Əsərləri
Əliyev H. Həyəcan təbili : Təbiət haqqında monoqrafiya. -
Bakı : Elm, 2007. - 204 s.
Haqqında
Budaqov B. Çay kimi çağlayan ömür. - Bakı : Elm, 2007. -
200 s.
Elin oğlu : Akademik Həsən Əliyev haqqında xatirələr. - Bakı
: Elm, 2007. - 184 s. : rəngli foto.
Dövri mətbuatda
Ağazadə A. Ədalətə tapınan şərəfli ömür yolu // Respublika. -
2009. - 13 sentyabr. - N 204. - S. 3.
Budaqov B. Təbiət elminə həsr edilmiş ömür : Həsən Əliyev
haqqında // Azərbaycan. - 2007. - 4 sentyabr. - S.6.
Cabbarov V. Dünya səviyyəsində tanınmış insan : Həsən
Əliyev - 100// Təhsil problemləri. - 2007. - 21-30 sentyabr. -
S.3.
Elcanlı S. Şabrandan Şabrana... // Azərbaycan. - 2011. - № 2. -
S. 146-154. - 1. Daim oxunan kitab və ya deməyə
bilmədiklərim ; 2. Bir xatirənin yaşıl işığı ; 3. Sirli təbəssüm
çiçəkləri və ya Şəhərlərin şahı Şabran. – Məqalədə Həsən
Əliyev haqqında da məlumat verilir.
Fətəliyev K. Unudulmaz elm xadimi : Həsən Əliyev - 105//
Respublika. - 2012. - 15 dekabr. - № 280. - S. 13.
Göyçaylı Ş. Böyük təbiətşünas - alim : Həsən Əliyev haqqında
// Azərbaycan. - 2007. - 29 avqust. - S.6.
35
Göyçaylı Ş. Təbiətşünaslığa və ətraf mühitin mühafizəsinə həsr
edilmiş ömür : Həsən Əliyev haqqında // Azərbaycan. - 2011. -
15 dekabr. - № 277. - S. 6.
Hacıyev E. Azərbaycan təbiətinin vurğunu : Həsən Əliyev -
100 // Xalq qəzeti. - 2008. - 9 yanvar. - S. 5.
Hacıyev V. " Həyəcan təbili" nin sədaları : Həsən Əliyev - 100
// Azərbaycan. - 2007. - 5 oktyabr. - S.6.
Haqverdiyev H. Akademik Həsən Əliyevin milli vətənpərvərlik
qayğısı unudulmur // Respublika. - 2016, - 31 avqust. - № 190.
- S. 3.
Haqverdiyev H. Dünya şöhrətli alim : Həsən Əliyev - 100 //
Azərbaycan. - 2007. - 26 oktyabr. - S. 6.
Həsənov İ.
" O təbiəti öz varlığı qədər sevirdi :
Mingəçevirdə akademik Həsən Əliyevin 100 illik yubileyi //
Xalq qəzeti. - 2007. - 25 aprel. - S.5.
Hüseynov B. Təbiətə və elmə bağlı ömür : Həsən Əliyev //
Xalq qəzeti. - 2015. - 15 dekabr. - № 276. - S. 6.
Hüseynov E. Ekoloji anomaliyalar qlobal fəlakətə
çevrilməkdədir // Xalq qəzeti. - 2007. - 22 may. - S.6.
Xəlilzadə F. Dan yeri ağaranda : Həsən Əliyev - 105 //
Azərbaycan. - 2012. - 16 dekabr. - № 281. - S. 7.
Xəlilzadə F. Təbiətin özü kimi əbədi : torpaqşünas alim, kənd
təsərrüfatı elmləri doktoru Həsən Əliyev haqqında // Kaspi. -
2014. - 16 dekabr. - № 206. - S. 10.
Xəlilzadə F. Vətənpərvər alim xeyrxah əməlləri ilə yaşayır :
akademik Həsən Əliyev // Azərbaycan. - 2009. - 15 dekabr. -
№ 278. - S. 5.
Xəlilzadə F. Zirvələrə ucalan alim : Həsən Əliyev - 100 //
36
Azərbaycan. - 2007. - 17 fevral. - S.6.
Xəlilzadə F. Zümrüd hüsnün vurğunu : torpaqşünas, kənd
təsərrüfatı elmləri doktoru Həsən Əliyev haqqında //
Azərbaycan. - 2010. - 15 dekabr. - № 275. - S. 6.
İmanov F. Təbiəti mühafizənin zirvəsində əbədiləşmiş alim :
akademik Həsən Əliyev haqqında // Azərbaycan. - 2013. - 15
dekabr. - № 277. - S. 5.
Qafar T. Təbiətin loğmanı : Həsən Əliyev - 100 // İki Sahil. -
2007. - 30 oktyabr. - S. 6.
Qocayeva A. Təbiət vurğunu : Həsən Əliyev haqqında //
Azərbaycan. - 2008. - 14 dekabr. - S. 4.
Quliyev R. Kənd Təsərrüfatı Akademiyasına şərəf və şöhrət
gətirən ilk məzunlardan biri : Həsən Əliyev- 90 // Azərbaycan.
- 2007. - 16 dekabr. - S. 5.
Mehdixanlı T. "Həyəcan təbili" hələ də eşidilir : Həsən Əliyev
- 100 // Azərbaycan. - 2007. - 27 mart. - S.4.
Məmmədov Ə. Ana təbiətimizə övlad qayğısı : Həsən Əliyev -
100 // Mədəni- maarif. - 2007. - № 6. - S.19-23. ; Ədəbiyyat
qəzeti. - 2007. - 18 may. - S.1,5.
Məmmədov Q. Azərbaycan təbiət elminin patriarxı : Həsən
Əliyev - 100 // Azərbaycan. - 2007. - 5 iyun. - S.6.
Məmmədov Q. Azərbaycan torpaqşünaslıq elminin inkişafında
akademik Həsən Əliyevin böyük rolu olub : Həsən Əliyev -
100 // Azərbaycan. - 2007. - 9 sentyabr. - S.2. ; Yeni
Azərbaycan. - 2012. - 25 dekabr. - № 237. - S. 8.
Məmmədov Q. Ömrünü təbiət elmlərinə həsr etmiş görkəmli
alim : Həsən Əliyev // Azərbaycan. - 2015. - 15 dekabr. - №
276. - S. 11.
37
Məmmədov Q. Təbiətşünaslıq elmimizin iftixarı : [Həsən
Əliyev haqqında] // Azərbaycan. - 2016. - 15 dekabr. - № 278.
- S. 7.
Məmmədova S. Təbiətə vurgun alim : Həsən Əliyev - 100 //
Azərbaycan. - 2007. - 10 noyabr. - S. 4.
Mirtəqəvi H. Comərdlinin comərd oğlu : akademik Həsən
Əliyev haqqında // Azərbaycan. - 2012. - 18 dekabr. - № 282.
- S. 7.
Mirzəyev R. Təbiət vurğunu alim : Həsən Əliyev - 100 //
Azərbaycan. - 2007. - 14 mart. - S.6.
Mükərrəmoğlu M. Akademik Həsən Əliyevin 100 illiyinə həsr
olunmuş tədbirlər keçirildi // Xalq qəzeti. - 2007. - 19 aprel. -
S.7.
38
“Təbiət fədaisi, elm təşnəsi-Həsən Əliyev”
(metodik vəsait)
Ünvan:AZ-1022 Bakı şəh.,S.Vurğun küç.88;
E-mail: childlibbaku@yahoo.com
URL:www.clb.az
F.Köçərli adına Respublika
Uşaq Kitabxanasında
çap olunmuşdur.
Sifariş: 26
Çapa imzalanmışdır:28.02.2017
Tirajı:100
Pulsuz
Dostları ilə paylaş: |