F. Köçərli adına Respublika Uşaq Kitabxanası
Yüklə 266,78 Kb. Pdf görüntüsü
|
- Bu səhifədəki naviqasiya:
- “Alimdir gözümdə ən əziz insan”
- Həsən Əliyevin müdrik kəlamları
17
Həsən müəllimin təbiəti mühafizə və təbiəti bərpa sahəsindəki elmi tədqiqatları və tövsiyələri bu gün də fəaliyyətimiz üçün önəmlidir. V iştirakçı: Bütün bunlar vətənsevər və istedadlı alim, böyük ziyalı Həsən Əliyevin
Azərbaycan elminin inkişafına verdiyi töhfələrin yalnız kiçik bir qismidir. Bu gün Azərbaycanın elmi- təqdiqat institutlarında və ali təhsil məktəblərində çalışan onlarla torpaqşünas alim Həsən Əliyev məktəbinin yetirməsidir. Həsən Əliyev gələcəyi duyur və gənc alimlərin istedad və bacarığını həmin istiqamətə yönəldirdi. O, bütün ömrünün hər dəqiqəsini, hər anını xalqına, vətəninə həsr etmiş, ən böyük arzusu Azərbaycan təbiətinin zəngin, torpaqlarını bərəkətli, insanların bu sərvətin əsl sahibi görmək olmuşdur. Akademik Həsən Əlirza oğlu Əliyev onu tanıyanlar tərəfindən daim xatırlanır və sevilir.
Ziyalı şəxsiyyət Həsən Əliyevin həyatı və gördüyü təqdirəlayiq işləri oxuculara tanıtmaq və onları bu haqda bilgiləndirmək məqsədi ilə kitabxanada keçirilən tədbirlərdən biri də “Alimdir gözümdə ən əziz insan” adlı “oxucularla söhbət” adlanır. Kitabxanaçı bunun üçün ilk olaraq akademik haqqında dəyərli fikirlər söyləyir: Kitabxanaçı: Hər bir xalqın bəşər mədəniyyəti tarixində yeri və mövqeyi onun mədəniyyəti, elmi və sənəti ilə müəyyən olunur. Yəni xalqı yaşadan, ona qol-qanad verən bu alimlərdir. Elmdə, sənətdə iz qoymamış xalq başqa xalqlara üstünlük eləyə bilməz. Azərbaycan xalqının böyük şairi Nizami Gəncəvi demişkən:
18
Elmlə, hünərlə-başqa cür heç kəs Heç kəsə üstünlük eyliyə bilməz! Rütbələr içində seçilir biri- Hamıdan ucadır alimin yeri! Azərbaycanın böyük alimi, mütəfəkkiri Cəmaləddin Əfqani deyir: “Dünya elm üstündə bərqərar olur. Elmi bəşəriyyətin əlindən alsan, daha dünyada insan qalmaz”. Alim onu da qeyd edir ki, “Əsl alim nur mənbəyidir. Belə alim bütün dünyaya nur saçmalıdır. Əgər onun elm işığı bütün dünyaya yayıla bilmirsə, heç olmasa, öz ətrafını, öz şəhərini, yaxud kəndini və ya evini işıqlandırmalıdır”. Belə alimlərdən biri də XX əsrin cəfakeş alimi Həsən Əlirza oğlu Əliyevdir. O, Azərbaycanın torpağını işıqlandıran, torpağın üstünü, xüsusən də meşələr və heyvanlar aləmini dərindən bilən, torpağımızı qarış-qarış gəzib dolanan alimlərdən idi. Bu böyük alimin təbiətə olan ülvi məhəbbətinə ana təbiət də borclu qalmamış, özünün sirlərlə dolu elm xəzinəsinin qapılarını onun üzünə taybatay açmış, bu çətin, ağır zəhmət yolunda ona bələdçi olmuşdu. Bunun nəticəsidir ki, Həsən Əliyevin elmin müxtəlif sahələrində saldığı cığırların xəritəsi çox geniş və əhatəli idi. Onun elmə, içtimai vəzifələrə, ölkəmizdə keçirilən elmi yığıncaqlara, kitablar, elmi məqalələr yazmağa, kadrlar hazırlamağa, ölkəmizi qarış-qarış gəzib onun təbiətinə, ekologiyasına nəzarət etməyə, radio və televiziyada çıxışlar etməyə, ailə qayğılarına sərf etdiyi vaxtı toplayıb illərə, aylara, saatlara böləndə adama elə gəlir ki, bir saniyə də yatıb dincəlməmişdir.
Həsən Əliyev uşaqlıqdan təbiət vurğunu idi. Elə ilk addımından təbiəti öyrənməyə başladı və ixtisas seçməkdə çətinlik çəkmədi. Dəyərli oxucular, gəlin onun öz hissləri ilə, öz qəlbi ilə duyduğu fikirləri dinləyək. Bu zaman onun hər bir ağaca, kola, yaşıllığa, bütövlükdə təbiətə olan
19
vurğunluğunu, heyranlığını görəcəyik. Onun uğaqlıq illərində qeyd etdiyi xatirələrdə belə böyük bir sevgi gizləndiyinin bir daha şahidi olacağıq. Məncə, onun hər cümləsində gizlənən duyğular dünyanın ən hündür şəlaləsindən, ən böyük nehirlərindən çağlayan sular qədər coşğundur. Ümimilikdə, Həsən müəllimin incə qəlbindən süzülüb gələn böyük sözləri oxuduqca, təbiəti bir daha, bir daha sevirik, çünki təbiətə həm öz gözlərimizlə, həm də dahi alimin gözləri ilə boylanırıq.
“Doğma ana övladı üçün fəryad etdiyi kimi, torpaq da fəryad edir. Övlad ana üçün, ana övlad üçün şirin olduğu kimi, torpaq da bütün insanlar üçün şirindir. Canlı təbiətə göz açan insanlar həmişə “ana torpaq”, “ana vətən” deyə ondan bir anlıq ayrılmaq istəmirlər. Ana döşündən süd verib körpəsini ərsəyə gətirdiyi kimi, ana torpaq da bütün insan nəslinə, onların xidmətində olan bütün canlılara “süd” verib böyüdür, yaşadır, tükənməz qidalarını onlardan əsirgəmir...” “Uşaq var oynamağa başlarkən qışqırır ki, “Mən kiminləyəm?!” uşaq da var, məğrur dayanıb “Kim mənimlədir?!”-deyə soruşur. Belə uşaqlar böyüyəndən sonra birinci sərkərdə, rəhbər, lider, olan şəxsə çevrilir”. “Yaşıllıq əhatəsində insanı işıqlı fikirlər öz ağuşuna alır, xoş əhval-ruhiyyə, qurub-yaratmaq eşqi güclənir. Məlum həqiqətdir ki, meşəni-yer kürəsinin bu yaşıl kəmərini bircə an təsəvvür etməsək, demək, bəşər də yoxdur. Yaşıllığa ölçüsüz-biçimsiz hücum insana qarşı yönəlmiş ən ağır müharibədir. İnsan ağlı, insan zəhməti bu “müharibəni” dəf etməyə qadirdir”.
Yüklə 266,78 Kb. Dostları ilə paylaş:
|