34
məni gözləyirmiş. Hara dayanırdım ki… şələ dalımda götürüldüm. Düşdü dalıma.
O qovdu, mən qaçdım,
o məni hədələdi, söydü, mən də ona cavab verdim. Birdən
çarığımın bağı ayağıma dolaşdı, yıxıldım. Yerdən durunca, az qaldı məni haqlasın.
Bu dəhgədə Baxış bəy atlı böyürdən çıxdı. İbadullaha nə dedi, nə demədi, məndən
əl çəkdi…
- Sən gərək bəyin qoruxçusuna ağır söz deməyəydin, oğul. Kənd onların,
bağ-bağça onların. Bundan sonra heç kəsin bir çöpünə də əlini vurma. Səni tutarlar,
döyərlər. Bizim də köməyimiz yox. Arxamız yox. Qaçqın babayıq. Atalar deyər:
«qərib itsən, qıvrıl yat…».
- Yox, ata, mən heç kəsdən söz götürməyəcəyəm. Nə olar qərib olanda. Bizə
dolanmaq lazım deyil?.. Niyə hər yetən üstümüzə ayaq alır?..
Nəbi boy atmış, bığ yeri tərləmiş oğluna baxır, həm sevinir, həm
də ürəkdən
qəmgin olurdu. Onun arzusu Yusifi oxutdurub adam cərgəsinə qoşmaq idi. Həyat
bu mehriban atanın arzusunu gözündə qoydu.
Nəbi ah çəkib qəlyanını sümürdü.
- Ah çəkmə, ata. Fikir də eləmə. Biz həmişə başqasının töyləsində
qalmayacayıq. Mən gedib birinə nökər olaram, azdan-çoxdan qazanaram,
dolanarıq. Bəs oğul atanın hansı günündə lazımdır…
Oğlundan ilk dəfə belə sözləri eşidən Nəbi fərəhləndi. Yusifin ağıllı qara
gözlərinə baxıb-baxıb dedi:
- Allahın kərəminə şükür olsun ki, səni mənə verib. Oğul, elə ona sevinirəm
ki, sən daha böyümüsən, yaxşı ilə yamanı, dost ilə düşməni ayırırsan.
Amma oğul,
səni nökərçiliyə getməyə qoymayacağam. Qəm çəkmə, bala, qüvvətə gələrəm,
yenə birinə düyü döyərəm, birinin yerini suvararam, birinə biçinçi olaram,
dolanarıq.
Növrəstə atasını yuyunmaq üçün çağırmağa gəldi. Nəbinin qolundan tutub:
- Dur gedək içəri, ata, - dedi, - su qızdırmışam, yuyun.
Nəbi yerindən qalxdı. Hər üçü getmək istədikləri zaman, Baxış bəy həyətin
aşağısında göründü. Növrəstə atasının qolunu buraxıb, tez evə getdi.
Nəbinin ürəyinə şübhə doldu: «Yəqin ki, bəy Yusifi döyməyə gəlib». Baxış
bəy yaxınlaşanda, Nəbi birinci olaraq ona salam verdi.
Baxış bəy salamı alıb, divarın üstdə oturdu və Nəbinin də oturması üçün əli
ilə işarə verdi. Nəbi əyləşdi. Yusif bir tərəfdə ayaq üstə dayandı. Gözünü bəyə
dikib ürəyində fikirləşdi: «Görəsən, bəy atama məndən nə deyəcək?..»
Baxış bəy hələ ağzını açıb
bir söz deməmiş, Nəbi günahkar adamlar kimi,
alçaqdan dedi:
- Baxış bəy, gərək bizi bağışlayasan, taqsırımızdan keçəsən. Oğlum
qanmayıb bir az çır-çırpı yığmaq üçün sənin bağına girib. Özüm onu danlamışam.
Bir də bundan sonra elə iş görməz. Düzü, bəy, mənim uşağım dələduz uşaq deyil,
ehtiyac vadar eləyir… Yusif mənə hər şeyi danışıb. Allah ömrünü uzun eləsin, sən
olmasaymışsan, qoruxçu İbadullah gədəni döyüb ölüsünü qoyarmış… Yenə
təvəqqə eləyirəm bağışlayasan…
Baxış bəy gülə-gülə dedi:
- Bu barədə kim sənə söz deyir, Nəbi kişi. Nə olar Yusif bir şələ odun
yığanda. Lap yaxşı eləyib. Ağacları da kökündən çıxarıb gətirsə, gözünü püləyən
35
olmaz. Ə, Yusif, bundan sonra İbadullahdan-zaddan qorxma. Tapşırmışam sənə
dəyib dolaşmasın. Əgər bir də sənə bir söz desə, cəzasını özüm verərəm.
Yusif ürəkdən şad olub güldü.
Nəbi bəyin alicənablığına görə təşəkkür elədi.
-
Nəbi kişi, mən sənin kefini soruşmağa gəlmişəm. Atam Əhmədalı bəy
həmişə mənə deyərdi ki, oğul, qəribin halını soruşmaq savabdır. Yoxsulun dərdinə
qalmaq, kömək eləmək varlı adamların borcudur. Özü də hamıya əl tutan adam idi.
Kasıba, füqəraya, nökərə, qulluqçuya güldən ağır söz deməzdi. Mənə də nəsihət
verib deyərdi, bir könülü ki, tikməyəcəksən, onu yıxma. Hə, indi necəsən?
Ehtiyacın nəyədir, de, utanma.
- Allah atana rəhmət eləsin, ömrün uzun olsun, bəy, bir təhər dolanırıq…
-
Allahdan gizlin deyil, Nəbi kişi, bəndədən nə gizlin: siz bu kəndə gələndən
sənə yaman quşum qonub… Nədən ki, dünya görmüş adamsan, şirin söhbətin var.
Mən də söhbətcil, ağıllı adamlarla aşnayam. Sənin canın üçün, mən özünü beş
şahılıq beçə kimi çəkən adamlardan deyiləm. Rəiyyətə endirməyən,
buynuz
göstərən bəylərdən deyiləm. Doğrudur, Allah mənim nəslimi, ata-babamı bəy
yaradıb, rəiyyəti rəiyyət, amma adamın qanacağına nə gəlib… Bax, səninlə bu
divarın üstə, yanaşı oturmuşam. Nə olar. Şənimə şikəstlik gəlmir ki? Bir yerim
əksilmir ki?! Əlbəttə yox! Mən elə kəndlilərin hamısı ilə yaxınam. Mən onların
hamısının, lap o lütünün də evinə gedib, kefini soruşuram. İndi, Nəbi kişi, mən
beləyəm. Onu deyim ki, rəiyyətdən də çox razıyam. Mənə olduqca
hörmət
eləyirlər. Tutub qoyun kimi başlarını da kəssəm, bir söz deməzlər. Mən adam
sərrafıyam, Nəbi kişi. Sənin sifətinə baxanda, iki kəlmə danışmağını eşidəndə
bildim ki, qanacaqlı, mərifətli adamsan. Nə olsun ki, qaçqınsan. Əlbət öz yerində
bir adam imişsən…
Nəbi:
- Bəli, Baxış bəy, - dedi, - biz də özümüzə görə bir adam idik. Fələyin çarxı
çevrilsin. Aranı qızışdıranların, bizi elimizdən, obamızdan eləyənlərin koması
dağılsın. – Nəbi susub canını qaşıdı, sonra birdən üzünü oğluna tutdu: - Bay səni,
lap yadımdan çıxıb… Yusif, get Nubar qarıgildən bir gəbə gətir, bəyin yanını daş-
divar əzdi. Bağışla, bəy, özümüzdə sənin altına salmağa
layiqli paltar-palaz
yoxdur. Demə ki, Nəbi qanacaqsızdır, məni evə çağırmayır. Bəyi töyləyə çağırmaq
ədəbsizlikdir. Niyə durmusan, oğul, sən get.
- Paltar-zad lazım deyil, Yusif. Ancaq Növrəstəyə de ki, getsin bizə. Ev
töküblər, paltar yuyurlar. Anam deyir Nəbi kişinin qızı gəlsin, bir az bizə kömək
eləsin. O günü evdə söhbət düşmüşdü, anam danışırdı ki, Növrəstəyə bir neçə dəfə
iş gördürmüşəm, əlli-ayaqlı gəlindir, səliqəlidir, bəy evinin qulluqçusu olmağa
layiq adamdır. Əslinə baxsan, Nəbi kişi, məni sənin yanına elə anam göndərib.
Dedi, get Nəbi ilə özün danış. Növrəstəni bizə həmişəlik qulluqçu versin.
Yeməyini yeyər, paltarını geyər, sizə də paydan-zaddan gətirər dolanarsınız. Deyir,
Növrəstəni öz qızım kimi saxlayacağam.
Ona başqa qulluqçular kimi
baxmayacağam. Nəbi kişi, buna sənin sözün nədir?
- Nə deyim, bəy… Aftab xanım çağırır – getsin. Bir gün işləməklə adama
heç bir şey olmaz. Amma həmişəlik qulluqçu olmasına söz verə bilmərəm. Çünki