279
- Gördüm öz kəndimizdəyəm. Elə indiki kimi gözəl yay günüdür.
Qonşumuz
oğluna toy eləyir. Hamı yığılıb gəlib. Ev, həyət-baca adamla dolub. Mən də onların
içindəyəm. Kim isə Şahmərdanın qolundan tutub çəkdi meydana. Dedi: «Gəl
güləşək». Qurşaqlaşdılar, bibioğlum onu yıxdı. Bu vaxt kənardan üç-dörd atlı
çıxdı. Yaxınlaşdılar – gördüm pristavla strajniklərdir. Toyçular daha çalmadılar.
Pristav Şahmərdanı göstərib strajniklərə dedi: «Tutun, onu çoxdan axtarırdım».
Bibioğlumun qollarını bağlayanda, əldən buraxılıb qaçdı. Pristav onu daldan
gülləyə tutdu. Şahmərdan yıxıldı. Ağlaya-ağlaya özümü onun üstünə saldım.
Strajnik məni geri itələdi. Şahmərdanın qollarını bağlayıb, qıçından qan sıza-sıza
aparanda mən qışqırdım. Elə bu vaxt öz səsimə ayıldım.
Siranuş güldü.
- Şahmərdan qardaşın fikri ilə yatmısan. Onun üçün də yuxuna girib.
Yuxuda qan görmək pis deyil, deyərlər ki, qan qovuşuqdur. İnşAllah, o da, Vahan
dayı da sağ-salamat qayıdıb gələcəklər.
- Eh, nə deyim, ay Siranuş, Allah ağzından eşitsin. Ancaq elə bilirəm ki, bir
də onun üzünü görməyəcəyəm…
- Yaxşı, yaxşı, elə fikirləri beynindən çıxart. Gorus davasında
biz də
düşmənlə üz-üzə gəldik – ölmədik ki… Suren dünən mənə deyirdi ki, hazır ol,
bəlkə bu günlərdə daşnakların üstə getdik. Deyirdi, bu dəfə Njdenin qoşununu
darmadağın eləyəcəyik.
- Ay Siranuş, vallah, bilmirəm nə vaxt bu dava-şavadan qurtaracayıq?..
- Nə bilim, ay qız, dur gedək.
- Hara?
- Bizə. Səni aparmağa gəlmişəm. Bu gün günorta çörəyini bizdə yeyəcəyik.
- Gedə bilmərəm. Əmim, dayım gəlib məni evdə görməzlər.
- Onlar da bizdə olacaqlar. Dur gedək.
Növrəstə etiraz eləmədi. Onlar küçəyə çıxanda Camalla qarşılaşdılar.
- Salaməleyküm. Mən sizə gəlirdim, Növrəstə bacı!..
- Nə olar, yaxşı eləyirdin. Siranuş, qayıdaq evə.
Camal dedi:
- Yox, daha evə qayıtmaq lazım deyil. Elə bir vacib işim yoxdur.
Səninlə
xudahafizləşmək istəyirdim. Dedim, Növrəstə bacını görməmiş gedərəm, inciyər.
- Hara gedirsən?
- Evimizə. Sizdən də eyib olmasın, arvaddan kağız almışam, yazır ki,
xəstəyəm, özünü mənə yetir. Mən də yoldaşlara danışdım, getməyimi məsləhət
gördülər. Gerasimov da icazə verdi. Əlimə də bir kağız verdi ki, Camal Allahyar
oğlu partizan olub, hazırda Qırmızı Orduda əsgərlik eləyir… Özü də tapşırdı ki, bu
kağızı möhkəm saxla, bir vaxt sənə lazım olar. Hə, indi mənə sözündən-
sovundan?..
- Məndən Tükəzban bacıya salam-dua apar.
-
Baş üstə, salam göndərən sağ olsun…
- De ki, vaxt olar, yaxşılığından çıxaram. O, mənə anadan, bacıdan artıq
olub.
- Növrəstə bacı. Elə ona sevinirəm ki, səndən nigaran getmirəm. Əmin
komissardır, qardaşın əsgər olub, dayın müəllimliyə girib, ərinlə də ki, maşAllah,
280
can bir qəlbdəsiniz.
Gün o gün olsun ki, daşnaklar tarmar olsun, siz də öz
kəndinizə qayıdıb rahat yaşayasınız. Hə, daha sizi küçədə çox saxlamaq istəmirəm.
İkiniz də salamat qalın!
Növrəstə və Siranuş sanki bir ağızdan:
- Sağ-salamat get, Camal qardaş! – dedilər.
Camal ayrılıb küçə aşağı getdi. Növrəstə və Siranuş da başqa səmtə
yönəldilər.
On doqquzuncu fəsil
Günün saraltısı dağların başından çəkiləndə Tatevə doğru üç atlı gəlirdi…
Tatev kəndi Zəngəzurun ən qədim kəndlərindən biridir.
Qədim olduğu qədər
də gözəl və mənzərəlidir. Onun şimal tərəfində sıra-sıra çılpaq dağlar görünür.
Adama elə gəlir ki, zümrüd səma, sütun kimi qalxmış həmin dağların uca və şiş
zirvələri üzərində dayanıb… Kəndi qərb və şərq tərəfdən dərələr, təpələr, qalın
meşələr əhatə edir. İki qayanın arasından tökülən güclü şəlalə ətrafa səs salır.
Kəndə bu tərəfdən girən hər kəs əvvəlcə bir monastır görəcəkdir. Qədim
əsrlərdən yadigar qalmış bu monastır geniş və çox dərin bir dərənin yamacındakı
sıldırım qayanın üstündə tikilmişdir. Deyilənlərə görə,
onu qədim Syunik
hökuməti, saysız insan əməyi və kəndlilərdən alınan xərac hesabına illər uzunu
tikdirmişdir. Onunun tikdirilməsində iki məqsəd varmış: buranı dini ocağa
çevirmək, Tatevi və ətraf kəndləri xarici işğalçılardan müdafiə etmək.
Deyirlər ki, həm keşiş, həm də alim olan Qrikor Tatevski burada böyük bir
kitabxana təşkil edibmiş, din xadimləri hazırlamaq üçün ruhani məktəb açıbmış.
Monastır öz arxitekturası, daşlara, divarlara həkk olunmuş yazıları, şəkilləri,
bəzəkləri cəhətdən böyük bir sənət abidəsi kimi diqqəti cəlb edir. Bütün kənd
əhalisini tuta biləcək monastırın yalnız iki qapısı var. Qapıların başının
üstdə baca
açılmışdır. Deyirlər ki, bu, düşmənin monastıra daxil olacağı zaman, onun başına
isti su tökmək, daş salmaq üçünmüş.
Monastırın içində dəyirman, çörək bişirmək üçün kürə və zəərək yağı hasil
etmək üçün emalatxana da var.
Monastırın bir qülləsi var ki, dava zamanı keşikçilər buradan ətrafa baxar,
düşmənin hansı tərəfdən hücum etdiyini görüb xəbər verərmişlər.
Bu zaman böyük
zəngi çalıb bir fəlakət üz verdiyini ətraf kəndlərə bildirərmişlər: kəndlilər yığılıb
gələr, düşməni qovarmışlar.
Monastırın geniş həyətində, daima öz-özünə yırğalanan bir sütun ucalır.
Qədim erməni münəccimləri bu hündür sütunun başından ayı, ulduzları seyr
edirmişlər.
Rəvayətə görə, bir dəfə işğalçılar Tatevə hücum etmişlər. İlk növbədə
monastırı ələ keçirməyə can atmışlar. Lakin ala bilməyib böyük tələfatla geri
qayıtmışlar. İkinci hücum zamanı, bir nəfərin satqınlığı üzündən, düşmən
əsgərlərindən bir neçəsi gizli surətdə monastıra soxula bilmişdir. Onlar zəngi açıb
yerə salmışlar. Tatevlilər daha zəng səsiylə ətraf kəndlərə xəbər verə bilməmişlər,