19
a) Adət və ənənənn gözlənilməsi, rəhbərlik stili; b) ayrı-ayrı xatirə hadisələrin
qeyd olunması; v) özfəaliyyətin inkişaf etdirilməsi; q) sosial-mədəni
nemətlərin böyük sistemi; g) mənzil növbəliyinin gözlənilməsi və s.
Əmək kollektivinin təşəkkül tapmasına təsir edən metodlar:
a) Tənqid və özünütənqid; b) şəxsi nümunə; v) şəxsi nüfuz; q) təşviqat və
təbliğat.
Siyasi, ideya və tərbiyə metodları bir sıra spesifik təsir metodlarının
fəaliyyətinə əsaslanır:
Siyasi təşviqat və təbliğat işçilərin siyasi tərbiyəsi, inandırma təsir vasitəsi.
Bütün bunlar demokratik partiyalar, hərəkatlar, həmkarlar ittifaqı və digər ictimai
təşkilatların məqsədyönlü siyasi fəaliyyətlərinin təsiri altında həyata keçirilir.
Bütövlükdə bu fəaliyyət həyat tərzinin müvafiq sosial-siyasi, ideya-tərbiyə və
başqa qanun və prinsiplərinə əsaslanır, qarşısına demokratik prinsipləri təbliğ
etmək, qarşıda duran vəzifələri izah etmək, şüurlu intizamı, yaradıcılığı, inamı
bərqərar etmək və daha yaxşı işləmək səyini, məqsədini tərbiyə etməyi qoruyur.
Bu işdə mətbuatdan, radio, televiziya, müxtəlif yığıncaqlardan, əyani vəsaitdən,
onların başqa formalarından geniş istifadə edilir.
Müəssisə müdiriyyətinin fəaliyyətinə nəzarət. Burada məqsəd müəssisənin
iqtisadi vəziyyətinin, idarəedilməsinin yaxşılaşdırılmasına hər vasitə ilə köməklik
göstərməkdən ibarətdir. Odur ki, müdiriyyətin fəaliyyətinə nəzarət etməklə
təsərrüfatın əsas göstəriciləri təhlil edilir, nöqsanları vaxtında aşkara çıxarıb aradan
qaldırmaq, qəbul edilmiş qərarların yerinə yetirilməsini yoxlamaq, ayrı-ayrı
mütəxəssislərin hesabatlarını dinləmək, müəssisənin inkişaf etdirilməsi, yeni
ehtiyatların aşkara çıxarılması üçün adamları səfərbərliyə almağa, işləri təşkil
etməyə kömək edir.
Tənqid və özünütənqid. Istehsalın inkişaf etdirilməsi və təsərrüfat
fəaliyyətinin nəticələrini yaxşılaşdırmaq, istehsalatda baş verən nöqsanları
vaxtında aşkara çıxarmaq üçün tənqid və özünütənqid vasitələrindən geniş istifadə
edilməlidir. Tənqid və özünütənqid prinsipiallıq, aşkarlıq, buraxılan nöqsanların
açıq ehtiraf olunması, obyektivlik, konkretlilik, inkarsız və başqa keyfiyyətləri
20
özündə birləşdirir. Tənqid və özünütənqid ümumi işə, istehsalın inkişafına, müsbət
nəticələrə nail olmağa təkan verir, habelə ondan nöqsanların düzəldilməsində,
kadrlarla işin yaxşılaşdırılmasında bir metod kimi istifadə olunur.
Müəssisənin idarəedilməsinə işçilərin cəlb edilməsi. Işçilərin təşkilat və
müəssisələrin idarəedilməsinə geniş cəlb edilməsi ən mühüm təsir vasitələrindən
biridir.
Işçilərin idarəetməyə geniş cəlb edilməsi özünü müəssisələrdə keçirilən
istehsalat müşavirələrində, iclaslarda, ümumi yığıncaqlarda bir daha göstərir.
Burada istehsal fəaliyyəti, əmək intizamı, kollektiv üzvləri tərəfindən istehsal və
ictimai vəzifələrin yerinə yetirilməsi, ən mühüm qərarlar müntəzəm müzakirə
edilir, işçilər tərəfindən irəli sürülən təkliflər və tənqidi qeydlər nəzərə alınır,
qərara salınır. Bu barədə bütün kollektivə müntəzəm məlumat verilir. Bütün bunlar
nəticə etibarilə, öz növbəsində işçilərin tərbiyə edilməsinin fəal vasitəsinə çevrilir.
Işçilərin sosial və tərbiyə fəallığının yüksəldilməsində əsas metodlardan biri
rəqabət və yarışın təşkilidir. Bu metod vasitəsilə cəmiyyətin ictimai-siyasi və
tərbiyə işinə və hər bir kollektivin mənəvi mühitinə, baxışına, sahibkarlıq
təşəbbüsünə və yaradıcılığına əsaslı təsir göstərmək olar. Yarış kollektivin böyük
tərbiyə məktəbidir, onlar rəqabətdə özünün bütün keyfiyyətlərini göstərə bilirlər.
Rəqabət cəmiyyətin iqtisadi-mənəvi quruculuq metodudur, adamların ictimai
istehsalın idarəedilməsinə çəlb etmək formasıdır. Lakin bır sıra hallarda əmək
yarışının təşkili, qiymətləndirilməsi, qabaqcıl təcrübənin öyrənilməsi və yayılması
məsələləri lazımı səviyyədə qurulmur. Ona görə də yarışın təşkili prinsipləri, qəbul
edilmiş öhdəliklər və planlar bəzi hallarda pozulur, daha doğrusu, yerinə yetirilmir,
yaxud qəbul edilmiş öhdəliklər və tapşırıqlar yarış iştirakçılarının adi istehsal
vəzifələri olur, gərgin rəqabətin həyata keçirilməsi metoduna çevrilmir.
Rəqabət işçilər arasında yaradıcılığın inkişaf etdirilməsi vasitəsinə çevrilməli
və burada heç bir hay-küyə və gurultuya yol verillməməlidir, əksinə, işgüzarlığa,
konkretliyə və tələbkarlığa geniş meydan açılmalıdır. Lakin bir çox dövlət
müəssisələrində əmək yarışı bəzi müəssisə və təşkilatlarda formal təşkil edilir,
öhdəliklər hay-küyçülüklə və gurultuyla qəbul edilir.
21
Nəticədə onun yerinə yetirilməsi səfərbəredici qüvvəyə çevrilmir, yarışın
gedişi prosesində kütləvilik, fəallıq və yenilik hiss edilmir və nəhayət,
iqtisadiyyatın inkişafının hərəkətverici amili ola bilmir. Bəzi müəssisələrdə
yenilikçilərin təşəbbüslərinə çox nadir hallarda təsadüf etmək olur.
Bir sıra müəssisələrdə normaların keyfiyyətsiz olması saxta yenilikçilər,
qabaqcıllar əmələ gətirir. Burada elmi-texniki tərəqqinin tətbiqi və normaları
yerinə yetirən işçilərin ixtisas, bilik, əmək vərdişləri deyil, həmin normaların işçilər
tərəfindən asanlıqla yerinə yetirilmə dərəcəsi nəzərə alınır.
Əmək yarışının düzgün təşkilinin başlıca prinsipləri aşkarlıq, nəticələrin
müqayisə edilməsi, yoldaşcasına qarşılıqlı yardım, geniş qabaqcıl təcrübə
mübadiləsidir.
Əmək yarışının bir sıra formaları vardır: 1) peşələr üzrə fərdi yarış; 2) ayrı-
ayrı təsərrüfatlar, müəssisələr arasında yarış; 3) sahələr, sexlər üzrə yarış, rəqabət.
Idarəetmənin sosial-psixoloji metodu: idarəetmənin sosial metodu və
idarəetmənin psixoloji metodundan ibarətdir.
Sosial
metodların
köməyi
ilə
istehsal
və
əmək
kollektivlərinin
formalaşdırılması, onların sosial inkişafının planlaşdırılması, mənəvi tərbiyə,
mənəvi stimullaşdırma normaları tənzim olunur.
Istehsalatda əmək və istehsal kollektivləri cəmiyyətin elə bir vahididir ki,
onlar özlərində cəmiyyətdə baş verən ictimai əlaqə və münasibətləri, mütərəqqi
inkişafın qanunauyğunluqlarını əks etdirirlər. Kollektivdə adamların yeni
keyfiyyətləri formalaşır, yoldaşlıq və qarşılıqlı yardım münasibətləri yaranır, hər
bir kəsin kollektiv qarşısında və kollektivin isə hər bir işçi qarşısında məsuliyyəti,
cavabdehliyi artır.
“Kollektiv” sözü latınca “kolleqere” (birlik, yığım) sözündən götürülmüşdür,
bu heç də ayrı-ayrı fərdlərin süni bioloji, mexaniki birləşməsi deyildir. Kollektivə
istənilən insan qrupunun birləşməsi kimi də baxmaq olmaz. Həqiqətən kollektiv
sosial-psixoloji xüsusiyyətləri ilə xarakterizə olunan, müəyyən məqsəd üçün
birləşən insanların birliyidir. Bu birlik ümumi məqsədə nail olmağa doğru
yönəldilmişdir. Məqsədsiz insan birliyi ola bilməz, olmuş olsa belə bu birlik axıra
Dostları ilə paylaş: |