50
təhlükəsizliyinin təmin olunmasına, müəssisənin sosial-iqtisadi göstəricilərinə
pozitiv təsir göstərir.
Əmək kollektivlərində psixoloji mühitin gərginliyinə təsir göstərən amillərdən
biri əməyin yeknəsəqliyidir. Əməyin yeknəsəqliyi məsələləri ilə bağlı problemlərlə
mühəndis-texnoloqlar, konstruktorlar, iqtisadçılar, sosioloqlar, psixoloqlar məşğul
olurlar. Istehsalatda işlər xırda və sadə işlərə parçalanarsa yeknəsəq əmək özünü
daha aydın göstərə bilər. Sadə işlərə parçalanmış əməliyyat proseslər tez-tez və
qısa müddətdə ifa edildikdə yeknəsəq iş daha da inkişaf etməyə meyl edir. ən çox
istehsalat proseslərinin xırda əməliyyatlara bölünməsi əməyin axın-konveyer
sistemində olmasını mütləq labüd hal hesab edir. Lakin belə bir fikri də tamamilə
qəbul etmək olmaz. Çünki burada konveyer sisteminin təşkilində olan bir nöqsanı
qanuni bir hal hesab etmək olardı. Məlum olduğu kimi yeknəsəqlik yalnız,
konveyer sistemində deyil, həm də ümumiyyətlə əmək təşkilində əmələ gəlir.
Zahirən yeknəsəqlik müəyyən bir işi yerinə yetirmək üçün ona olan marağın
və həvəsin itməsi ilə özünü göstərə bilər. Yeknəsəqlik, iş vaxtının müddətində
dəyişiklik əmələ gəlməsinə səbəb olur, iş günü uzanmış kimi görünür, işçi gözləyir
ki, iş qurtarsın, amma belə hiss edir ki, iş vaxtı sanki uzanır. Bu halda işçi
mürgüləməyə meyl edir, bəzən həqiqətən yatmağa başlayır. Yeknəsəqlik iş
gününün ortasında daha da özünü səciyyəvi olaraq göstərir. Iş gününün axırında
yeknəsəq işin təsiri bir qədər zəifləyir: guya işin qurtarması vaxtının yaxınlaşması
ilə əlaqədar olaraq müəyyən formada işdə “nəhayət həvəslənmə” əmələ gəlməyə
başlayır və bir də işçi öz qüvvəsini səfərbər etməklə iş tempini qüvvətləndirməyə
meyl edir ki, işdə buraxdığı geriliyi aradan qaldıra bilsin. Yeknəsəq iş əməyin
səmərəsilə yanaşı işçinin özünə də əlverişli olmayan təsir göstərir. Həddindən artıq
biruzə verən yeknəsəq iş sinir sistemində müəyyən pozulmaların əmələ gəlməsinə
səbəb ola bilər ki, bu da müəyyən mənfi təsirlərin təzahür etməsi üçün şərait
yarada bilir. Birincisi, yeknəsəq iş ən primitiv, mürəkkəb olmayan hərəkətlərlə
həyata keçirilir: bu, beyin fəaliyyətindən heç bir yaradıcılıq tələb etmir, heç bir
maraq yaratmır və müsbət emosiya doğurmur. Bu da öz növbəsində işdə yuxulama
üçün əlverişli fizioloji şərait yaradır və işçi məcburiyyət qarşısında qalır ki,
51
yuxulamaya qarşı mübarizə aparmaq üsulu özünü gərgin vəziyyətdə saxlasın.
Ikinci, iş növbəsi ərzində daimi olaraq sadə hərəkətlərin təkrar olunması
səbəbindən belə yeknəsəq işdə bütün əlamətləri ilə yorulma tez güclənir. Üçüncü,
yeknəsəq iş şəraitində bərpaedici funksional sistemlə yuxu bir-birilə qarşılıqlı
fəaliyyətdə olub əmək fəaliyyətinin əsas funksional sisteminə olan münasibətdə
özlərinin ləngidici təsirini göstərirlər.
Yeknəsəqliyə qarşı mübarizə yollarını praktiki olaraq İ.P.Pavlov aşkar
etmişdir. O, bu mübarizə yollarını həm ümumiyyətlə yaranan yeknəsəqliyə, həm də
axınlı istehsal prosesində əmələ gələn yeknəsəqliyin aradan qaldırılması
istiqamətinə yönəltmişdir. Pavlov mübarizənin beş yolunu göstərmişdir:
1) Növbələşən sadə və yeknəsəq əməliyyatların bir qədər mürəkkəb və
müxtəlif məzmunda birləşməsi;
2) Qarışıq əməliyyatda hər bir icraçının yerinə yetirdiyi əməliyyatların dövri
olaraq növbələşməsi;
3) Məhsuldarlığın və iş qabiliyyətinin dəyişməsinə uyğun olaraq işin ritminin
dövri olaraq dəyişməsi;
4) Işin gərginliyindən və xaeakterindən asılı olaraq istirahət üçün 5-10 dəqiqə
müddətində əlavə fasilələrin verilməsi;
5) Kənar qıcıqlandırmaların aparılması (musiqi və sair).
Bu beş vasitədən başqa digər vasitələr də vardır ki, onların köməkliyi ilə də
yeknəsəqliyi aradan qaldırmaq mümkün olur
2.3. Kollektivin stabilliyinin sosial-psixoloji aspektləri
Müəssisələrə rəhbərlikdə ən başlıca məsələlərdən biri istehsalın funksional
amilləri (əməyin məzmunu, əməyin təşkili, əmək şəraiti) ilə sosial-psixoloji
amillərin kompleks və sistemli halda nəzərə alınmasıdır.
Əmək kollektivlərinə rəhbərlikdə ən vacib vəzifələrdən biri kollektivin
stabilliyinin təmin edilməsidir. Burada ən vacib məsələlərdən biri sosial-psixoloji
baxımdan əməyə uyğunlaşmanın təmin edilməsi, onun üzərində nəzarətin
aparılması, gənc fəhlələrin işgüzar keyfiyyətinin öyrənilməsi, onların peşə daxili
52
hərəkətinin təmin edilməsi, kadrların düzgün seçilməsi və yerləşdirilməsi, irəli
çəkilməsi, rəhbər işçilərin təlimləndirilməsi, kadrların attestasiyası və sosial-
psixoloji diaqnostikadır.
Kollektivə
rəhbərlikdə
kadrların
seçilməsi,
yerləşdirilməsi
və
qiymətləndirilməsinin böyük əhəmiyyəti vardır. Çünki, bu əmək kollektivlərinin
davranışına və sosial situasiyaya və əməyin nəticələrinə əhəmiyyətli dərəcədə təsir
göstərir.
Kadrların seçilməsində sosial və psixoloji tələblərin böyük əhəmiyyəti vardır.
Ona görə də burada bir sıra psixoloji meyarlar və sosial keyfiyyətlər nəzərə alınır.
Psixoloji meyarlar psixoqramma vasitəsi ilə müəyyən edilir. Psixoqrammada hər
hansı bir peşə fəaliyyəti üçün müəyyən tələblər irəli sürülür: işçinin yaddaşı,
təfəkkürü, dərk etməsi, psixi vəziyyəti və digər xarakteristikası. Işçinin peşəyə
psixoloji uyğunsuzluğu mürəkkəb psixoloji situasiya yaradır.
Kadrlar seçilərkən onların peşə yararlığına xüsusi fikir verilir. Peşə yararlığı
dedikdə, müəyyən pvəzifələrini icra etmək üçün lazım olan bilik, bacarıq və
vərdişlərin, habelə şəxsi xassə və keyfiyyətin məcmuyu başa düşülür.
Işçi qüvvəsi axıcılığının sosial-demoqrafik və digər əlamətlərə görə (cins, yaş,
təhsil, məlum müəssisədə iş stajı, kateqoriyalar, sexlər, peşələr və sair üzrə)
xüsusiyyətləri və meylləri ilk uçot və statistik hesabat məlumatlarının işlənməsi və
qruplaşdırılması, işdən gedən və işə qəbul edilən işçilərin anket yoxlaması yolu ilə,
sorğu vasitəsilə faktiki kadrlar axıcılığının öyrənilməsi, müəssisədə işləyən işçilər
arasında sorğu anketinin yayılması yolu ilə real və potensial kadrlar axıcılığı
müəyyən edilir.
Son zamanlara qədər kadrlar axıcılığının ilk uçot və hesabat məlumatları üzrə
öyrənilməsi təcrübəsi böyük üstünlük təşkil edirdi.
Bu əsasən onunla izah olunur ki, sahələrin inkişafının müəyyən mərhələsində,
bu metod kadr axıcılığının öyrənilməsi üçün tam şərait yaradır və onun aradan
qaldırılması üçün tam şərait yaradır və onun aradan qaldırılması üçün zəruri olan
tədbirlərin işlənib hazırlanmasına imkan verirdi. Bundan başqa, bu metodun tətbiqi
sadədir və böyük əmək məsrəfləri tələb etmir.
Dostları ilə paylaş: |