185
Konsaltinq xidmətləri təklif edən şirkətlərin ixtisaslaşması
müxtəlif ola bilər: hər hansı bir konsaltinq xidməti ilə məh-
dudlaşan xidmətlərdən bu sahədə tam formalaşan xidmətlərədək.
Buna müvafiq olaraq bu sahədə işləyən hər bir mütəxəssis
konsaltinq anlayışına öz mənasını tətbiq edir və şirkətin fəaliyyət
istiqaməti ilə əlaqələndirir.
Kredit konsaltinqi hüquqi və fiziki şəxslər üçün kredit və
investisiya maliyyələşdirilməsinin cəlb edilməsi sferasında
konsaltinq xidmətlərinin göstərilməsidir. Kredit konsaltinqi bu
gün fəal şəkildə geniş yayılmış yeni biznes növüdür. Biznesin
inkişafına xaricdən vəsaitlərin cəlb edilməsi sahəsində müştərilərin
artan marağını nəzərə alaraq kreditlər üzrə məsləhət xidmətinin
inkişafına obyektiv zərurət yaranmışdır.
Bununla yanaşı olaraq banklar tərəfindən müxtəlif kredit
proqramlarının təklif edilməsi də artır. Onlardan hər biri
müştəriyə xüsusi şərtlər təklif edir, həmçinin ondan müəyyən
sənəd və zəmanət toplusunun təqdim edilməsini tələb edir.
Potensial kredit əldə edən üçün bu sferada müstəqil surətdə
fəaliyyət göstərmək çətinləşir, bu axında itmək isə asanlaşır.
Konsaltinq – əsas məqsədi elmi-texniki və təşkilati-
iqtisadi innovasiyaların inkişafı və istifadəsi perspektivləri əsa-
sında təhlildən ibarət olan intellektual fəaliyyət növüdür.
Konsaltinq təşkilatın strateci planlaşdırmasının, şirkətin
ümumi fəaliyyətinin optimallaşdırılmasının, biznesin aparıl-
masının, istehlak bazarlarının tədqiqatı və proqnozlaşdırılmasının,
qiymətlərin dəyişməsinin idarə, iqtisadi, maliyyə, investisiya
fəaliyyəti məsələlərini həll edir. Başqa sözlə, konsaltinq bu və ya
digər problemin həllində xarici məsləhətçilər tərəfindən göstərilən
istənilən yardımdan ibarətdir.
Növbəti
hallarda
məsləhətçinin dəvət edilməsi məqsədəuyğundur:
Problemin mövcudluğu;
Problemin həlli üçün vaxt və ya kadr ehtiyatının çatış-
mazlığı;
Problemin həlli üçün xüsusi biliklərin çatışmazlığı;
186
Məsələnin yüksək qiyməti.
Dəvət edilmiş məsləhətçinin (konsultant) insaflı və pe-
şəkar olması barədə danışmağa ehtiyac yoxdur – bu zəruri şərtdir.
Belə ki, müştərinin məsləhətçi ilə qarşılıqlı əlaqəsinin uğurunu
şərtləndirən bir sıra prinsipial amillər mövcuddur:
Məsləhətçinin düzgün seçilməsi. Heç bir məsləhətçi hər
şeyi bilə bilməz. Məsləhətçilərin hərəsi müəyyən növ
problemlərin həlli üzrə ixtisaslaşıblar. Buna görə konkret
problemə görə məsləhətçinin düzgün seçilməsi olduqca
əhəmiyyətlidir. Bu zaman nəzərə almaq lazımdır ki,
tanınmış adlar heç də həmişə seçimin düzgünlüyünü təmin
etmir. İştiraklarını tələb edən problemlə rastlaşmayana
kimi çoxsaylı məhdud ixtisaslaşmış və sadəcə az tanınmış
məsləhətçilər mövcuddur. Burada əsas – müştərinin
probleminin həlli üçün məsləhətçinin təklif etdiyi
metodoloci və praktiki təcrübəni qiymətləndirməkdir.
Kommunikasiya. Məsləhətçi müştəri ilə oxşar anlayışdan is-
tifadə etməli, başqa sözlə, bir dildə danışmalıdırlar. Əks
halda elə bir vəziyyət yarana bilər ki, məsləhətçi öz
analitik təfəkküründən istifadə etməklə problemi müəyyən
edə və onun həllinə yol tapa bilər, lakin müştəri
məsləhətçinin məsləhətlərini başa düşə bilməz. Buna görə
müştəri və məsləhətçinin istifadə etdiyi anlayış və
terminalogiya barədə əvvəlcədən danışmaq lazımdır.
Hazırlıq səviyyəsi. Məsləhətlər ancaq tətbiq edildikdə
təsirini göstərir. Lakin məsləhətçinin məsləhətlərindən
istifadə etmək üçün müştəri bəzən mütləq müvafiq
minimal hazırlıq səviyyəsinə malik olmalıdır. Hətta hərtə-
rəfli yazılmış texnoloci proseslərin tətbiqi müəyyən
texniki hazırlıq səviyyəsini, eyni zamanda ən ətraflı
idarəetmə məsləhətlərinin tətbiqi müəyyən idarəetmə
hazırlıq səviyyəsini tələb edir. Əgər belə problem
yaranarsa, oxşar hazırlığın təminatı üçün əlavə tədbirlərin
görülməsi zəruridir.
187
Məqsəd və məsələlərin başa düşülməsi. Bəzən müştərinin
ona nə lazım olmasını dəqiq bilmədiyi, lakin qətiyyətlə
nail olmağa cəhd göstərdiyi hallar mövcuddur. Bu, adətən
müştəri ilə məsləhətçi arasında qarşılıqlı əlaqə zamanı
ciddi problemin yaranmasına səbəb olur. Ona görə də,
əvvəlcə birgə səylə məqsəd və məsələni müəyyən etməli
və sonra isə işə başlamaq lazımdır.
Kredit təşkilatlarında maliyyələşdirilmə üzrə xidmətlərə
iri məbləğli investisiya layihələrini həyata keçirən müəssisələrdə
tələbat vardır. Belə layihələrin həyata keçirilməsinə borclu kimi
müəssisənin investisiya cəlb etməsinin artırılması üzrə iş planı aid
edilə bilər.
Müxtəlif profilli, yüksəkixtisaslı mütəxəssislərin (maliy-
yəçi, hüquqşünaslar, iqtisadçılar, marketologiya və s. ) daxil
edildiyi məsləhətçilər komandası bütöv kompleks xidmətlərlə
müəssisə və təşkilatlara, potensial borclulara köməkliyin
göstərilməsi məqsədilə biznes planın hazırlanmasından maliyyə
mənbəyinin (bank, investisiya şirkəti, investisiya fondu, şəxsi
investorlar və s.) axtarışına və müəyyənləşdirilməsinə kimi bütün
xidmətlərlə təmin edə bilər. Bu xidmətlərə kreditin alınması,
kreditləşmə forma və metodunun seçilməsi üçün sənədlərin
hazırlanması, investorların axtarışı və maliyyələşmənin təşkili aid
edilir.
Kredit agentliyi (kredit brokeri) tərəfindən təklif olunan
məsləhət xidmətləri və məhsullar investorların – banklar və digər
kredit təşkilatların və investisiya şirkətinin tələblərinə maksimal
olaraq yaxındır.
Müxtəlif banklarla fəal əməkdaşlıq edən Kredit agentliyi
müştərilərə maliyyələşdirilmənin təşkilini – kredit investisiya
layihələri üçün bankların axtarışı və seçimini, istehsalatın
inkişafının maliyyələşdirilməsini, onun yenidən təşkilini və
texniki təchizatını, həmçinin dövriyyə vəsaitlərinin tamamlanması
üçün kreditlərin əldə edilməsini təklif edir.
Dostları ilə paylaş: |