20
Cəmiyyət və dövlətdən çəkinməyərək öz fikrini ifadə etmək hüququ — özünüifadə azadlığı, ümumi fikrə görə,
insan haqlarının ən mühümü və vətəndaĢın dövlətin idarə olunması və ona nəzarət edilməsində həqiqi iĢtirakının
əsasıdır. ―Özünüifadə azadlığı‖ anlayıĢı tarixən vicdan və dini fəaliyyət azadlığı, söz və mətbuat azadlığı, sərbəst
toplaĢmaq və hökumətə Ģikayət və tələblərlə müraciət etmək hüququnu ehtiva etmiĢdir.
Yadfikirliliyin təqib olunması dünyanın özü qədər qədim tarixə malikdir. Sokrat, Nəsimi, Tomas Mor, Qalileo
Qaliley və minlərcə digər intellektual öz fikirlərini azad Ģəkildə ifadə etməyə cəhd göstərdiklərinə görə hər Ģeyə
qadir olan cəmiyyət, yaxud dövlət tərəfindən cəzalandırılmıĢlar. 16-cı əsrdən baĢlayaraq kitab çapının sürətlə
inkiĢafı ilə bağlı 1637-ci ildə Ġngiltərədə kral hökuməti mətbuatda ilkin senzura qoydu. Elə həmin ildə ingilis
yazıçısı Uilyam Prinn müəllifi olduğu kitaba görə ömürlük həbs cəzasına məhkum edildi. Onun günahı bu
kitabda ―kraliçaya böhtan atmaqdan‖ ibarət idi. Əlavə cəza kimi onun hətta qulaqlarını da kəsdilər.
Özünüifadə azadlığı uğrunda fəal mübarizə Ġngiltərə inqilabı dövründə (17-ci əsr) baĢlanmıĢdır. Bu vaxt
mübarizəyə həm dini
və siyasi xadimlər, həm də elm və incəsənət nümayəndələri qoĢulmuĢlar. Bu mübarizədə
ingilis Ģairi Con Milton (1608—1674) da fəal iĢtirak etmiĢdir. Con Milton bu gün Ġngiltərədə Vilyam ġekspirdən
sonra ikinci böyük Ģair hesab olunur. O, bizdə ―ĠtirilmiĢ cənnət‖ poeması ilə məĢhurdur. Con Miltonun ictimai
və siyasi fəaliyyəti haqqında məlumatımız daha azdır. O, bütün dünyada insan haqları uğrunda mübarizəyə
qalxmıĢ ən məĢhur incəsənət nümayəndəsi kimi tanınır.
Parlamenti böyük inamla müdafiə edən Milton Ġngiltərə inqilabının, demokratiya və mənəvi yeniləĢmə uğrunda
hərəkatın intellektual liderlərindən birinə çevrilmiĢdi. O, çoxsaylı esse və pamfletlərində kralın yaratdığı
yepiskop kilsəsinə qarĢı çıxır, vicdan və söz azadlığını, boĢanma hüququnu, təhsildə demokratik islahatları
müdafiə edirdi.
Milton öz tərəfdarları ilə birlikdə kral hakimiyyətinin 1637-ci ildə qoyduğu ilkin senzuraya qarĢı müvəffəqiyyətlə
mübarizə aparırdı. 1640-cı il inqilabı kral senzurasını ləğv edir. Lakin ölkədə hakimiyyət parlamentin ixtiyarına
keçdikdən sonra Milton parlamentin qərarları ilə 1641, 1642 və 1643-cü illərdə senzuranın bərpa edilməsindən
dəhĢətə gəlir. Senzura qaydalarını pozanlar ciddi cəzalara — cəriməyə və hətta həbsə məruz qalırdılar.
1644-cü ildə Milton parlament qarĢısında çıxıĢı ilə öz silahdaĢlarını ölkədə yeni repressiya rejimi yaratmaqdan
çəkindirməyə çalıĢdı, onları bununla bağlı təhlükədən xəbərdar etdi. Milton bildirdi ki, senzura cəmiyyətin
inkiĢafına zərər gətirir, daha çox isə o, azad, yaradıcı insanın ləyaqətini
təhqir edir, çünki belə insanlar üçün
onların yaradıcılığına nəzarət etməkdən də artıq təhqir yoxdur. Milton senzorları ―kitab qatilləri‖ adlandırır, hər
bir kitabın qətlə yetirilməsini isə bütöv bir dünyanın məhv edilməsinə bərabər tuturdu. Ġnsanın hərəkətlərinə bu
alçaldıcı nəzarəti rədd edən Milton böyük əminliklə bildirirdi ki, əgər insanlara istənilən problemi azad müzakirə
və tədqiq etmək imkanı verilərsə, həqiqət istənilən halda özünə yol tapacaqdır.
Miltonun nitqi onun silahdaĢlarına təsir etmədi. Ġlkin senzura özünüifadə azadlığı tərəfdarlarının təzyiqi ilə
yalnız Ģairin ölümündən 20 il sonra — 1694-cü ildə ləğv olundu. Lakin bundan sonra söz azadlığının təqib
edilməsi məhkəmələr vasitəsilə davam etdirildi. On səkkizinci və on doqquzuncu əsr Ġngiltərəsində kim nə istəsə
danıĢa bilərdi, lakin sonra buna görə məhkəmədə cavab verməli idi. O dövrdə Böyük Britaniyada Çexov və
Tolstoyun bəzi kitabları ―əxlaqi səbəblərə görə‖ qadağan edilmiĢdi...
Söz azadlığının müdafiəsi haqqında söylədiyi
nitqində Milton bildirirdi ki, senzura insanın çoxsahəli mənəvi
fəaliyyəti üzərində hətta texniki baxımdan da həyata keçirilə bilməz. Lakin o, burada yanılırdı — mətbuatda
ilkin senzuranın ĢaxələnmiĢ sistemi tezliklə bütün mədəni dünyaya yayıldı və bir sıra ölkələrdə bu günə qədər
qalmaqdadır.
CON MĠLTON
Areopagitica
(1)
(1644)
Parlament qarşısında mətbuat azadlığı haqqında nitq
...Mənə hər cür azadlıqlardan əvvəl bilmək,
danışmaq və öz məsləkimə uyğun olaraq
sərbəst fikir yürütmək azadlığı verin...
...Əslinə qalsa, bu barədə gərək mən özüm danıĢmayaydım, lakin əminəm ki, əgər burada hamı öz ölkəsini azad
görmək naminə sidq ürəkdən birləĢmiĢsə, məni
də heç kəs məzəmmət etməz; o zaman mənim fərz olunan nitqim
21
azadlıq töhfəsi olmasa da, hər halda, həqiqətin səsi olar. Biz ölkədə heç vaxt heç bir çətinliyin ola bilməyəcəyi
bir azadlıq arzusunda deyilik: bunu heç kəs arzulaya bilməz; lakin narazılıqlar azad surətdə dinlənilib, diqqətlə
nəzərdən keçirilib tez bir zamanda həll edilirsə, o zaman ağıllı adamın yalnız arzu edə biləcəyi vətəndaĢ
azadlığının son həddi əldə edilmiĢ olar. Elə mənim bu cür danıĢmaq imkanımın olmasından bu nəticəyə gəlirəm
ki, biz artıq həmin vəziyyətə xeyli yaxınlaĢmıĢıq...
Lordlar və icmalar, siz özünüzə xas olan ehtiyatkarlıqla ağıllı məsləhətə qulaq assanız və bu məsləhətin haradan
qulağınıza çatmasından asılı olmayaraq ona əməl etsəniz və sonra özünüzün təyin etdiyiniz qanunu, eləcə də
sələflərinizin qoyduqları qanunu eyni
həvəslə ləğv etsəniz, onlardan üstün olduğunuzu tam sübuta yetirmiĢ
olarsınız.
Mən sizdəki bu qətiyyəti etiraf etməklə (bunu etiraf etməməksə sizin üçün təhqir olardı) sizin özünüzdə
gördüyünüz ədalətə olan məhəbbəti və özünüzə qarĢı tərəfgir olmağa qoymayan mühakimənizin aliliyini bir daha
nümayiĢ etdirmək imkanını sizə göstərmək cəsarətində bulunuram: bunun üçün sizin kitab çapı üzərində nəzarət
haqqında qəbul etdiyiniz qanunu bir daha müzakirə etməyiniz kifayətdir;
həmin qanuna görə,
―heç bir kitab,
broşüra, yaxud vərəqə bu iş üçün xüsusi təyin edilmiş şəxslər, yaxud heç olmasa bu cür şəxs tərəfindən irəlicədən
yoxlanılıb təqdir edilməyənəcən çapa verilə bilməz‖. Mən bu qanunun hər kəsin öz əlyazmasına sahibolma
hüququnu ədalətlə müəyyən edən və yoxsullar haqqında qayğıya aid olan hissəsinə toxunmuram — yalnız heç bir
xüsusi Ģəxsi təhqir etməyən namuslu və zəhmətsevər insanların təqib olunması ehtimalını istisna etmək
istəyirəm...
Kitablar cansız əĢyalara tamamilə aid edilə bilməz: onlarda həyat gücü var və bu güc həmin kitabları yaratmıĢ
ruhun özü kimi
təzahür və hərəkət edir; bu kitablarda hətta bundan da artığı — sanki qabın içindəymiĢ kimi xalis
mənbə — baĢlanğıc, onları yaratmıĢ canlı zəkanın cövhəri bulunur. Mən yaxĢı bilirəm ki, onlar mifologiyada
danıĢılan əjdahanın diĢləri kimi davamlı və bərəkətlidir: bu toxumlardan asanlıqla silahlı adamlar cücərə bilər.
Lakin digər tərəfdən, kifayət qədər ehtiyatla hərəkət etməmək üzündən yaxĢı kitabı öldürmək yaxĢı adamı
öldürmək kimi bir Ģeydir; insanı öldürən kəs Tanrı mislində olan Ģüurlu canlını öldürmüĢ olur; yaxĢı kitabı məhv
edən Ģəxs isə Tanrının doğruçu, həqiqi mislində olan zəkanın özünü öldürmüĢ olur...
...Beləliklə, əgər bu dünyada eybin dərki və müĢahidəsi həqiqi ləyaqətə yetmək, yolunu azmanın öyrənilməsi isə
insanın həqiqətdə möhkəmlənməsi üçün bu qədər zəruridirsə, günah və yalan anlayıĢı ilə tanıĢ olmaq üçün hər
cür kitabı oxumaqdan və hər cür mülahizəni dinləməkdən yaxĢı və təhlükəsiz nə ola bilər? Hərtərəfli oxunuĢun
bizə verdiyi əsas üstünlük də elə bundan ibarətdir...
Böyük hörmətə (yeri gəlmiĢkən, ən az da öz ―Dövlət‖inə görə) layiq olan Platon qanunlar haqqında kitabında (bu
qanunlar heç vaxt heç bir cəmiyyətdə qəbul edilməmiĢdi) öz fantaziyasını xəyali hökmdarların müxtəlif cür
fərmanları ilə məĢğul edir. Lakin ona baĢqa cəhətdən pərəstiĢ edənlər də istərdilər ki, bütün bunlar yaddan
çıxarılsın və olsa-olsa, akademiya alimlərinin axĢam iclaslarında söylənilsin. Bu qanunlara görə, o, yalnız prak-
tiki etiqadlar (bunların tərtibi üçün hətta onun qısaca dialoqları da artıqlıq edərdi) əsasında tərtib edilən Ģərtsiz
nizamnamələrin yol verdiyi bilikləri məqbul sayır. O hətta istəyir ki, hakimlər və qanunvericilər Ģairin əsərini
oxuyub bəyənməyənəcən onun bu əsəri baĢqa xüsusi Ģəxsə oxumaq hüququ olmasın; buradan da açıq-aĢkar aydın
olur ki, Platon bu cür qanunları yalnız və yalnız öz xəyali respublikası üçün tərtib edir. Belə ki, o heç özünün də
əməl etmək istəməyəcəyi qanunlar uydurur...
Əgər biz mətbuatda məlum qayda-qanun yaratmaq istəyiriksə, bütün baĢqa insan zövqlərini və əyləncələrini də
həmin məlum qayda-qanunlara tabe etdirməliyik. Əgər onlar ciddi
və təntənəli deyilsə, heç bir musiqili pyes
ifadə edilməməli, heç bir mahnı oxunmamalıdır. Beləcə, rəqsləri də nəzarət altında saxlanılmalıdır ki, cavanlar
bəyənilməmiĢ hansısa jesti, hərəkəti və ya hansısa ünsiyyət vasitəsini öyrənə bilməsinlər; Platon gərək mütləq
bunların da qayğısına qalaydı. Azı iyirmi senzorun gərgin zəhməti
gərəkdir ki, hər bir evdəki bütün lyutnyalar,
skripkalar və gitaralar öyrənilib təhqiq edilsin; əslinə qalsa, o zaman bu alətləri dinc buraxmaq da olmaz: bu
alətlərdə çalınması mümkün olanları xəlvətcə dinləmək gərəkdir...
Bəs hər iki cinsdən olan gənclərin söhbətlərini kim izləyəcək? Kim qayda qoyacaqdır ki, nəyi danıĢmaq olar, nəyi
yox? Nəhayət, kef məclislərinin yığıĢmasını kim qadağan edəcək və buna yol verməyəcək? Bütün bunlar mütləq
və labüd Ģəkildə mövcud olmalıdır və hər bir ağlı baĢında olan hökumətin əsl müdrikliyi məhz bundadır ki,
bunları mümkün qədər azziyanlı və azəxlaqsız etsin.
Bu həyatı tərk edərək heç bir iĢə yaramayan utopik və xəyalpərvər ideyalar aləminə qapılmaq hələ mövcud
vəziyyəti düzəltmək demək deyildir; Tanrının bizə qoyduğu bu Ģər aləminin içində hərəkət etməyi
bacarmaq
lazımdır...