92
və s. kimi müsbət planda verilmiş surətlər qalereyası
bizi heyrətləndirir. Mirzə İbrahimov istər müsbət,
istərsə də mənfi obrazların siyasi-ictimai, sosial
fəaliyyətlərinin miqyaslı, epik təsviri zamanı öz
simpatiya və antipatiyasını gizlətmir, əksinə ədibin
tendensiyası aydın görünür.
İndi bu monumental bədii əsər, demək olar ki,
bütün planeti oymaq- oymaq dolaşaraq həm öz
müəllifinə, həm də bizim müasir romançılığımıza
böyük şöhrət gətirmişdir.
Görkəmli yazıçımız 1957-ci ildə qələmə aldığı
«Böyük dayaq» adlı müasir mövzuya həsr olunmuş
romanında böyük arxa, böyük dayaq olan xalqdan,
kütlələrdən aralı düşməyin faciəsini qələmə almışdır.
Bizcə Rüstəm kişi ədəbiyyatımız üçün tamamilə təzə,
orijinal bir xarakter oldu. Belə ki, hadisələrə, zamana
ayıq gözlə baxan ədib Rüstəm kişini bəzi əsərlərdə
olduğu kimi hazır, ideal, necə deyərlər, aydan-arı,
sudan duru verməmiş, onun öz qüvvəsinə həddindən
çox güvənərək, xalqdan aralanmasını, istinad nöqtə-
sini itirməsini və beləliklə onun tragizmini qələmə
almışdır. Rüstəm kişi çox keşməkeşlərdən keçərək
həqiqəti dərk edir. Cəsarətlə demək lazımdır ki, bu
romanda Mirzə İbrahimov bədii sənətkarlığın yeni bir
zirvəsinə qalxmış, insanların ruhi, daxili aləmlərinə,
psixologiyasına daha dərindən nüfuz edərək alt
qatları, dərin layları göstərə bilmişdir. Bu baxımdan
Rüstəm kişinin, Səkinə arvadın, Qaraşın, Mayanın,
Pərşanın və s. mənəvi, məxfi dünyasının təsvirləri çox
xarakterikdir. Mirzə müəllim bu əsərində də antipod-
lara, el malına xor baxanlara, simasızlara, yaltaqlara
93
qarşı öz kəskin tendensiyalı münasibətini bildirərək
Yastı Salman, Yarməmməd, Lal Hüseyn, Naznaz və
başqa mənfi xarakterlər yaratmağa müvəffəq olmuş-
dur.
Ədib «Pərvanə» epopeyasında isə inqilabi-tarixi
mövzunu işləmiş, Azərbaycanın tam ikiəsrlik həya-
tının geniş panoramını yaratmağa müvəffəq olmuşdur.
Bu roman bizi hər şeydən əvvəl hadisələrin miqyası,
zamanın, dövrün vüsətli əksi, genişlik, üfüqlərdən-
üfüqlərə uzanan böyük sənətkar xəyalının monu-
mentallığı, XIX və XX əsr Azərbaycanının bir vahid
kimi təsəvvür edilərək bütöv, dolğun təsviri, insan
xarakterlərinin, tarixi hadisələrin zənginliyi baxımın-
dan mütəəssir edir. Əsəri oxuyarkən tarixə ədibin ge-
niş, əhatəli, həm də müasir baxışı bizi heyrətləndirir.
Onu da qeyd edək ki, trilogiya şəklində düşünülmüş
əsərin hələlik yalnız birinci kitabı çap olunmuşdur.
Əfsuslar ki, onu tamamlamağa ömür vəfa etmədi.
Mirzə İbrahimov ədəbi fəaliyyətilə yanaşı, həm
də elmi-nəzəri işlə elə yaradıcılığının ilk dövrlərindən
məşğul olmuş və hər iki sahəni paralel şəkildə davam
etdirmişdir. O, 1935-37-ci illərdə SSRİ EA Leninqrad
Şərqşünaslıq İnstitutunun aspiranturasında oxumuş və
C.Məmmədquluzadəyə həsr olunmuş namizədlik
dissertasiyası müdafiə edərək onu 1939-cu ildə «Bö-
yük demokrat» adı ilə monoqrafiya şəklində çapdan
buraxmış və böyük ədibin zəngin irsinin öyrənilmə-
sində ilk uğurlu elmi addım atmışdır. Onun «Həyat və
ədəbiyyat», «Xəlqilik və realizm cəbhəsindən»,
«Gözəlliyin qanunları ilə», «Aşıq poeziyasında rea-
lizm», «Ədəbi qeydlər» və s. monoqrafiyaları, tənqid
94
və ədəbiyyatşünaslıq elmimizi zənginləşdirən əsərlər-
dir.
Mirzə İbrahimov elmi-nəzəri fəaliyyətində heç
bir məhdudiyyət, çərçivə tanımır. O, Azərbaycan
ədəbiyyatının ən qədim dövrlərindən tutmuş müasir
klassiklərinə qədər hər biri haqqında, hətta ilk əsəri,
yaxud şeirlər, hekayələr kitabı, təzəcə çıxanlar barədə
də ürək sözlərini deyir, elmi ümumiləşdirmələrə
əsaslanaraq fıkir yürüdür. Sonuncu elmi əsərlərində
də alovlu, hərarətli bir nəfəs, emosiya, hiss-həyəcan
doğuran ifadə tərzi hakimdir. O nədən yazırsa-yazsın,
ürəkdən, könüldən, duyğularından keçirərək qələmə
alır. Onun publisistikası obrazlı, yaxşı mənada
patetika, sairanə bir publisistikadır.
Mirzə İbrahimov ədəbi gəncliyin dostu, xeyirxa-
hı və ustadıdır. Zəngin mütaliəyə malik olan ədib əli-
nə yeni qələm alan gənclərin sənət uğurlarına sevinir,
onlara qayğı göstərir, yaradıcılıqlarını düzgün istiqa-
mətləndirir. İftixarla demək lazımdır ki, 30-cu illərdən
bəri bədii ədəbiyyat, yaxud ədəbiyyatşünaslıq, ədəbi
tənqid sahəsinə qədəm qoyan bütün nəsillərin hamı-
sında Mirzə müəllimin haqq-sayı, mənəvi, ədəbi ata-
lıq qayğısı vardır.
Mirzə İbrahimov Azərbaycan ədəbiyyatının kəh-
kəşanında işıq saçan ulduzlardan biridir. Ədib yaşa-
saydı, indi 90 illiyini özünün iştirakı ilə qeyd edərdik.
Lakin yaş hər şey üçün ölçü vahidi ola bilməz.
Ulduzlar yaşıyla yox, işığıyla tanınar.
2003
95
HEYDƏR ƏLİYEV
VƏ ƏDƏBİYYAT MƏSƏLƏLƏRİ
Son dərəcə fenomenal bir şəxsiyyət olan Heydər
Əliyev insan zəkasının elə bir sahəsi yoxdur ki, orada
hökmən bir səlahiyyətli, professional, həmin, nisbətən
dar ixtisasın gözəl bir mütəxəssisi, bilicisi, sərrafı
kimi fəaliyyət göstərməsin; istər siyasət, istər iqtisa-
diyyat, istər fəlsəfə, tarix, dil, ədəbiyyat, memarlıq,
sənət və incəsənət, mədəniyyət və s. Ona görə də H.
Əliyevdən danışmaq bu sahələrin hər birinin canlı
klassikindən
danışmaq
deməkdir.
Biz
bu
məruzəmizdə, əsasən, H. Əliyevin bu əsərinə istinad
edəcəyik.
1
Biz onun keçdiyi həyat yolunu ötəri də olsa
nəzərimizdə canlandırsaq, bir neçə komponent üzrə
tam bütöv, ecazkar portretini canlı və müəzzəm
şəkildə gözlərimiz önünə gətirə bilərik. Bu nadir
şəxsiyyətin işi, əməli, dünyagörüşü heç vaxt
konyukturaya sığışmamış, heç vaxt ötəri, keçəri
olmamışdır. H.Əliyev zamanın hakim sosial-siyasi
axarı, çeşidli ideya stereotipləri, lokal, yaxud qlobal
vəzifə səlahiyyəti çərçivələri daxilində də bir sabit
məsləkə – mahiyyətə, alt qatla həmişə əbədi milli-
mənəvi ideala, Azərbaycanın dövlətçilik tarixində
suverenliyi, müstəqilliyi təmin edən dəyərlərə sadiq
qalmağa yollar tapa bilir. Ona görə də alimlər
1
H. Əliyev. Ədəbiyyatın yüksək borcu və amalı, Bakı, 1999 (Qeyd:
bundan sonra gətirilən sitatların yalnız səhifəsi göstəriləcəkdir).
Dostları ilə paylaş: |