36.1. Ölkə ərazisində tanınmış idman növləri və fənləri idman növlərinin dövlət
reyestrinə daxil edilir. İdman növlərinin dövlət reyestrinin aparılması qaydaları
müvafiq icra hakimiyyəti orqanı tərəfindən müəyyən edilir.
36.2. Müvafiq icra hakimiyyəti orqanı tərəfindən tanınmamış və idman növlərinin
dövlət reyestrinə daxil edilməmiş idman növlərinin Azərbaycan Respublikası
ərazisində təbliği və yayılması qadağandır.
Maddə 37. İdman adları, idman dərəcələri, məşqçilərin təsnifat kateqoriyaları,
idman hakimlərinin təsnifat dərəcələri
37.1. Azərbaycan Respublikasında bədən tərbiyəsi və idman sahəsində idman adları,
idman dərəcələri, məşqçilərin təsnifat kateqoriyaları və idman hakimlərinin təsnifat
dərəcələri müvafiq icra hakimiyyəti orqanı tərəfindən müəyyən edilir.
37.2. İdman adları, idman dərəcələri, məşqçilərin təsnifat kateqoriyaları və idman
hakimlərinin təsnifat dərəcələrinin tələb və normativləri müvafiq idman növləri üzrə
respublika idman federasiyalarının təqdimatlarına uyğun olaraq müvafiq icra
hakimiyyəti orqanı tərəfindən təsdiq edilir və Vahid idman təsnifatında öz əksinin
tapır.
Maddə 38. Respublika Vahid idman təsnifatı
38.1. Respublika Vahid idman təsnifatı idman növlərinin dövlət reyestrinə daxil
edilmiş idman növləri üzrə müvafiq idman adları, idman dərəcələri, məşqçilərin
təsnifat kateqoriyaları və idman hakimlərinin təsnifat dərəcələrinin verilməsi üçün
zəruri normaları, tələbləri və onların yerinə yetirilməsi şərtlərini müəyyən edir.
Respublika Vahid idman təsnifatının əsasnaməsi ilə bu norma və şərtlərin məzmunu,
eləcə də idman adları və dərəcələrinin verilməsi qaydaları müəyyənləşdirilir.
Respublika Vahid idman təsnifatının əsasnaməsi müvafiq icra hakimiyyəti orqanı
tərəfindən təsdiq edilir.
38.2. İdman hakimlərinə təsnifat dərəcələrinin verilməsi qaydaları, müvafiq dərəcələr
üçün tələb olunan təsnifat norma və tələbləri, eləcə də idman hakimlərinin hüquq və
vəzifələri idman hakimləri haqqında əsasnamə ilə müəyyən edilir. İdman hakimləri
haqqında əsasnamə idman növləri üzrə respublika idman federasiyalarının
təqdimatına əsasən müvafiq icra hakimiyyəti orqanı tərəfindən təsdiq edilir.
38.3. Respublika Vahid idman təsnifatı müvafiq icra hakimiyyəti orqanlarının, idman
növləri üzrə respublika idman federasiyalarının, Milli Olimpiya, Paralimpiya,
Deflimpiya, Xüsusi Olimpiya komitələrinin təklifləri nəzərə alınmaqla formalaşdırılır və
müvafiq icra hakimiyyəti orqanı tərəfindən təsdiq edilir.
38.4. İdman adları, idman dərəcələri, məşqçilərin təsnifat kateqoriyaları, idman
hakimlərinin təsnifat dərəcələri və fəxri idman adları müvafiq icra hakimiyyəti orqanı
və onun tərəfindən müəyyən edilmiş bədən tərbiyəsi
-
idman təşkilatları tərəfindən
verilir.
Maddə 39. Respublika və beynəlxalq miqyaslı bədən tərbiyəsi və idman
tədbirlərinin Vahid təqvim planı
39.1. Respublika və beynəlxalq miqyaslı bədən tərbiyəsi və idman tədbirlərinin Vahid
təqvim planı Azərbaycan Respublikası ərazisində keçirilən bədən tərbiyəsi və idman
tədbirlərinin, kütləvi kompleks tədbirlərin, respublika və beynəlxalq yarışların, eləcə
də milli yığma komandaların beynəlxalq yarışlara hazırlıq və iştirakını təmin edən
tədbirlərin siyahısını, keçirilmə vaxtı və yerini müəyyən edən əsas sənəddir.
39.2. Respublika və beynəlxalq miqyaslı bədən tərbiyəsi və idman tədbirlərinin Vahid
təqvim planı respublika idman federasiyalarının təqdimatları əsasında müv
afiq icra
hakimiyyəti orqanı tərəfindən hazırlanır, yeni təqvim ilinin ərəfəsində təsdiq edilir,
müvafiq icra hakimiyyəti orqanlarına, respublika miqyaslı bədən tərbiyəsi
-idman
təşkilatlarına, respublika idman federasiyalarına göndərilir. Bu sənəd həmçinin
bədən
tərbiyəsi və idman üzrə mətbuat orqanlarında ölkə idman ictimaiyyətinin
məlumatlandırılması üçün dərc edilir və yayımlanır.
39.3. Respublika və beynəlxalq miqyaslı bədən tərbiyəsi və idman tədbirlərinin Vahid
təqvim planına daxil edilmiş bədən tərbiyəsi tədbirlərinin və idman yarışlarının
maliyyələşdirilməsi qaydaları və bu tədbirlərin təşkili və keçirilməsinə ayrılan xərclərin
normaları müvafiq icra hakimiyyəti orqanı tərəfindən təsdiq edilir.
Maddə 40. Bədən tərbiyəsi
-
sağlamlıq və idman tədbirlərinin təşkili və
keçirilməsi
40.1 Bədən tərbiyəsi
-
sağlamlıq və idman tədbirlərinin təşkilatçıları tədbirlərin
keçirilməsi qaydalarını və şərtlərini müəyyən edir, onların təşkili və keçirilməsinə görə
cavabdehdirlər. Təşkilatçılar tədbirləri dayandırmaq, keçirilmə vaxtlarını dəyişdirmək,
yekunlaşdırmaq və yekunlarını təsdiq etmək hüquqlarına malikdirlər.
40.2. Bədən tərbiyəsi
-
sağlamlıq və idman tədbirlərinin adlarından və simvollarından
istifadə etmək hüququ yalnız onun təşkilatçılarına məxsusdur. Tədbirlərin keçirildiyi
yerlərdə reklamların yerləşdirilməsi, tədbirlərin televiziya və radio vasitəsi ilə
işıqlandırılması, eləcə də yayımların yazılışlarının və fotoçəkilişlərinin aparılması,
tədbirlərdə istifadə olunan idman geyimləri, avadanlığı və ləvazimatlarının
istehsalçılarının müəyyən edilməsi hüquqları bu tədbirlərin təşkilatçılarına
məxsusdur.
40.3. Hüquqi və fiziki şəxslər bu Qanunun 40.2
-
ci maddəsində göstərilmiş
hüquqlardan yalnız onlarla tədbirlərin təşkilatçıları arasında bağlanmış müqavilələr
əsasında istifadə edə bilərlər.
40.4. Bədən tərbiyəsi
-
sağlamlıq tədbirləri və idman yarışları onların təşkilatçıları
tərəfindən təsdiq olunmuş tədbirlər və ya yarışlar haqqında əsasnamələrə
(reqlamentlərə) uyğun və müvafiq idman növləri üzrə qaydalar əsasında təşki
l edilir
və keçirilir.