1.3.
Risk menecmentinin xüsusiyyətləri
Müasir dövrdə risklərin daimi xarakter kəsb etməsi, onların artıq reallıq kimi
dəyərləndirilməsini tələb edir. Bu baxımdan da risklərin düzgün başa düşülməsi və
qiymətləndirilməsi və onların idarəçilik qərarlarının tərkib hissəsi kimi qəbul
edilməsi olduqca vacibdir. Məhz buna görə də risklərin idarəedilməsinin
şirkətlərdə, banklarda və digər təşkilatlarda baş verə biləcək itkilərin azaldılması
və mənfəətin artırılması baxımından son dövrlərdə daha da aktual bir problem kimi
formalaşmışdır. Sadaladığımız bu problemlərin də göstəricilərin qarşılıqlı əlaqəsi
də risk menecmentinin tərkib hissəsi kimi meydana çıxır. Risklərin idarə edilməsi,
müəssisə və təşkilatlarda istər düzgün qərarların qəbul edilməsi baxımından, istərsə
də iqtisadi artımın təmin edilməsi və iqtisadi fəaliyyətin yaxşılaşdırılması nöqteyi
nəzərindən çox mühüm əhəmiyyət kəsb edir. Xüsusilə də, sənaye baxımından
inkişaf etmiş bir sıra ölkələrdə risklərin idarə edilməsi istiqamətində xüsusi
menecment tədbirləri modellərlə işlənib hazırlanır. Hətta bu nöqteyi nəzərdən bir
sıra şirkətlərin risk menecment üzrə xüsusi mütəxəssislər hazırlanır və belə bir ştat
da müəyyənləşdirilir. Bu zaman risk menecment üzrə hazırlanan mütəxəssislər
müəssisə və təşkilatlardan, son dərəcə yüksək formada olan iqtisadi təhlil etməyi
və yüksək imtiyazlı bacarığa malik olmalıdırlar. Belə ki, riskləri idarə edən şəxslər
müəssisə və təşkilatlardan bir sıra digər sferalar üzrə fəaliyyət göstərən
mütəxəssislərdən, öz biliyi ilə fərqlənməli və baş verə biləcək hər hansı itkilərdən
sığortalanmaq məqsədilə mütəmadi olaraq risk siyasətini həyata keçirməlidirlər.
Bu zaman isə risklərin proqnozlaşdırılması prosesində ən səmərəli seçim
metodologiyası və konsepsiyası çox mühüm rol oynayır. Bu dediklərimizlə yanaşı,
müəssisə və təşkilatların, hər şeydən əvvəl onların fəaliyyət göstərdiyi sfera üzrə
məqsədləri, missiyası, fəaliyyət istiqaməti və bu sahədə yarana biləcək risklərin
meydana çıxması səviyyəsi təhlil edilməlidir. Bu zaman bütün iqtisadi, texniki,
texnoloji məsələlərin təhlili edilməli, baş verə biləcək itkilərlə əldə ediləcək
gəlirlər və bunların həcmi araşdırılmalıdır. Təhlil nəticəsində itkilərin baş vermə
ehtimalının mövcud olması, müəssisə və təşkilatlarda psixoloji gərginlik
24
yaratmamalı, əksinə, bu zaman risklərin idarə edilməsi, qiymətləndirilməsi və
azaldılması ehtimalları ilə əlaqədar tədbirlər işlənib hazırlanmalıdır.
Beləliklə, risk menecmentinin tərkib hissəsi olaraq, riskin baş vermə
ehtimalının obyektivliyini qəbul edərək, həmin problemin həllini müəssisə və
təşkilatlarının fəaliyyətinin tərkib hissəsi kimi qiymətləndirmək daha doğru hesab
edilir. Bu zaman təşkilatların iqtisadi fəaliyyətin həcmindən asılı olaraq risklərin
meydana gəlmə meylləri və idarə edilməsi məsələləri də nisbətən fərqli xarakteri
kəsb edir. Belə olduqda isə meydana çıxan problemlərin nəzərə alınmasını və bu
riskləri mümkün qədər minimuma endirilməsi məsələsi olduqca zəruridir. Bir sıra
mütəxəssisləri risklərin idarə edilməsi zamanı baş verə biləcək risk ehtimallarını
minimuma endirməsi üçün adaptiv yanaşmadan istifadənin daha düzgün hesab
edirlər.
Lakin bununla yanaşı olaraq qeyd etməliyik ki, bir sıra risklərdən yayınmaq
və bu risklərini məhdudlaşdırmaq üçün sadəcə bu yanaşma metodu kifayət etmir.
Burada meydana çıxa biləcək risklərin azaldılması məqsədilə sistemli tədbirlər və
antiböhran tədbirlərinin görülməsi zərurəti yaranar. Çünki kommersiya bankları və
eləcə də digər firma və şirkətlərinin böhranı vəziyyətdə və onların kapitalın
yerləşdirilməsi üzrə meydana çıxan problemləri, eləcə də kooperativ itkilərin
azaldılması ilə əlaqədar yaranan ziddiyyətlərin aradan qaldırılması məqsədilə daha
geniş idarəçilik tədbirlərinin həyata keçirilməsi vasitəsilə həll etmək mümkün olur.
Nəinki ümumi risk anlaşaraq, risklərin idarə edilməsi, ümumilikdə iqtisadi
risklər və bütün maliyyə kredit risklərini çoxaspektli olmaqla baş verə biləcək
itkiləri ifadə etdiyi üçün ona istənilən iqtisadi fəaliyyətdə inamsızlığı
formalaşdırır. Bu daha çox bazar iqtisadi sistemində iqtisadi risklərin meydana
gəlməsi ilə özünü biruzə verir. Belə ki, iqtisadi riskləri ümumilikdə mənfəətin
azalmasına və iqtisadi itkilərə səbəb olar. Bu baxımdan da iqtisadi risklərin
sistemli formada təhlil edilməsi zəruri hesab edilir. Belə ki, iqtisadi risklər, bazar
münasibətlərinin biznes fəaliyyətinin və azad sahibkarlığın əsas tərkib hissəsi kimi
25
çıxış edir. Lakin bazar iqtisadiyyatının tərkib hissəsi kimi risk amili çox şişirdilir
və hətta onu sahibkarlığın əsası kimi ifadə edirlər. Sözsüz ki, sahibkarlıq fəaliyyəti
müəyyən risklərlə əlaqədardır, bunu inkar etmək olmaz, ancaq bununla yanaşı risk
fəaliyyətin əsasını təşkil etdiyini qeyd etmək doğru hesab edilmir. Çünki istənilən
fəaliyyət növündən və itkilərin yaranma ehtimalından zamanla müəssisə və
təşkilatlar, itkilərin azaldılması baxımından bir sıra müxtəlif tədbirlər həyata
keçirirlər. Buna müvafiq olaraq müxtəlif mütəxəssislər risklərin öyrənilməsində
peşəkar fəaliyyətin iqtisadi sistemin xarakterinə uyğun metodların seçilməsini
zəruri hesab edirlər. Risk menecmentinin tərkib hissəsi hesab edilən risk
kateqoriyasının öyrənilməsi zamanı bir sıra obyektiv və subyektiv meyarların,
informasiyanın sistemli şəkildə öyrənilməsi və eləcə də risklərin yaranmasının
ehtimal xarakteristikasının müəyyənləşdirilməsi və risklərin hansı səviyyədə
olması da nəzərə alınmalıdır. Riskin nəzərə alınmaması istənilən müəssisə və
təşkilatlarından böhran vəziyyətinə səbəb ola bilər. Bu isə birbaşa olaraq iqtisadi
itkilərlə qarşılaşmaq deməkdir. İtkinin baş vermə ehtimalı olan hissəsində risk
olduğu halda, böhran zamanı bu risk daha da kəskinləşir və qlobal səciyyə daşıyır.
Bunu tarixi dövr ərzində baş vermiş dünya maliyyə böhranın nəticələrinə baxaraq
da görmək olar.
Bununla yanaşı risk menecmentinin xüsusiyyətləri kimi risk anlayışının
məzmununda onun obyektiv və subyektiv cəhətdən müxtəlif nöqteyi nəzərdən,
yanaşmaları da mövcuddur. Bu yanaşmalarda qeyd edilir ki, riskin ya obyektiv,
ya da subyektiv səviyyəsinə üstünlük verilir və bunlar içərisində riskin obyektiv-
subyektiv xüsusiyyəti önəmli yer tutur.
Risk anlayışının subyektiv tərəfi onun müxtəlif alternativlərinin seçimi və
onların nəticəsinin ehtimalı ilə əlaqədar mənanı ifadə etməsidir. Riskin subyektiv
nöqteyi nəzərdən təhlili prosesində aydın olur ki, onun daha çox insanların
müxtəlif hadisələrə psixoloji və ideoloji baxışlarından yüksəkliyindən irəli gələrək,
riskin səviyyəsində baxışlar, müxtəlif olur. Bununla yanaşı riskin obyektiv
xüsusiyyəti də var. Belə ki, riski, obyektiv mövcudluğu, sosial iqtisadiyyatın
26
subyektləri kimi çıxış edən variantları və eləcə də müxtəlif sosial və texnoloji
proseslərin mövcudluğu imkanı şərt formasında qarşıya qoyur. Bu zaman riskin
obyektivliyi formasından real həyatda mövcud olan və baş verən hadisələr əks
olunur. Risk onun mövcudluğunun araşdırılmasından asılı olmayaraq mövcuddur.
Riskin subyektiv təbiəti onunla izah olunur ki, bu anlayış həm subyektiv xarakterli
proseslərdən və eyni zamanda, insanların arzu və iradəsindən asılı olmayan
proseslərdən yaranır.
Risklər aşağıdakı mənbələr hesabına yaranır:
öz - özünə baş verən və daxili səbəblərdən formalaşan risklər. Bu prinsiplərə
əsasən təbii fəlakətlər zəlzələ, daşqın, qasırğadan bu və xoşagəlməz müxtəlif
ildırım quraqlıq tipli hadisələrə aid edilir.
təsadüfilik. Təsadüfilik vasitəsilə formalaşan risklər, adətən, sahibkarlıq
fəaliyyətinin subyektləri şəklində çıxış edən yaranma ehtimalı bir sıra
proseslərdən asılı olaraq formalaşan risklərə aid edilir. Bu risklərin
yaranması təsadüfi elementlər vasitəsilə meydana çıxır. Belə olduqda isə
gözlənilən nəticənin qabaqcadan baş verməsini müəyyən etmək qeyri
mümkün olur. Buna misal olaraq real həyatda da təsadüfən baş verən risk
ehtimalı olan hadisələri göstərə bilərik. Təsadüfilik nəticəsində yaranan
riskləri, adətən, sahibkarlıq fəaliyyətinin nəticələrini ona olduqca mənfi təsir
göstərir və onları qabaqcadan müəyyən etmək mümkün olmur. Bu cür
risklər zamanla onların qabaqcadan müəyyən edilə bilməyən mümkünsüz
olduğuna görə bir sıra təsir vasitələri yaranır ki, bunlara misal olaraq,
yanğın, partlayış və avadanlığın sıradan çıxması zamanı nəqliyyatda
müxtəlif xoşagəlməz hadisələrin baş verməsini göstərə bilər. Təcrübələrə
əsasən deyə bilərik ki, dünyanın bir sıra ölkələrində cəmiyyət tərəfindən
təsadüfi risklərin başvermə ehtimalı zamanı bir sıra tədbirlər görülsə də, bu
risklərin yaranma ehtimalı hər zaman qalır və heç bir qabaqcıl texniki
tədbirlər bunu aradan qaldıra bilmir.
27
mübahisəli ideyaların mövcudluğu və maraqların toqquşması . Riskin bu
xüsusiyyətini daha çox ümumilli münaqişələr və ümumilikdə müxtəlif
proseslər maraqlarının toqquşması kimi hadisələrin təzahüründən
formalaşır. Ümummilli maraqların toqquşması zamanı isə sahibkar bəzi
hallarla qarşılaşa bilər. Bunlara misal olaraq idxal ixrac əməliyyatlarının
dayandırılması, müəssisələrin və məhsulların müsadirə edilməsi, xaricdəki
aktivlərin və gəlirlərin dondurulması, investisiya məhdudiyyətinin
qoyulması ola bilər.
Bununla yanaşı, qeyd edə bilərik ki, sahibkar alıcı uğrunda mübarizə
məqsədilə münasib qiymətə məhsulların çeşidlərini artırır və keyfiyyətini
yaxşılaşdırır. Lakin müəssisələr arasında ədalətli formada aparılmayan, rəqabət də
mövcuddur. Bu zaman sahibkarlardan biri digərlərinin fəaliyyətinin həyata
keçirilməsinə mane olmaq məqsədilə rəqibini ləkələyir və müxtəlif qeyri qanuni
yollardan istifadə edir.
Riskin yaranmasından, onun təkrar istehsal prosesinə zidd olan iddiaların
ehtimalı xarakterə də təsir göstərir. Bura isə elmi texniki tərəqqinin inkişafı
nəticəsində elmi kəşflərin və texniki ixtiraların nəticələrini əvvəlcədən müəyyən
etmək qeyri mümkün olmağına aid edə bilərik. Bununla yanaşı, hər hansı hadisə və
proseslər barədə kifayət qədər məlumatın olmaması da riskin yaranma ehtimalını
artırır. Belə ki, müəyyən məsələlərlə əlaqədar informasiyaların toplanmasını, eləcə
də bu informasiyanın yenidən işlənməsi və insanlar qarşısında müəyyən
məhdudiyyətlər qoyulur və bununla yanaşı, informasiyalar dəyişkən olur.
Qərarların qəbul edilməsi isə kifayət qədər düzgün informasiyanın olmasını tələb
etdiyi üçün natamam informasiya riskinin yaranması ehtimalının bir o qədər artırır.
İnformasiyalar bir sıra müəssisələrin mövcudluğu ilə əlaqədar məlumatları əks
etdirir. Bunlar aşağıdakılardan ibarətdir
məzənnələr, tariflər və qiymətlər ;
rəqibləri maliyyə sabitliyi, ödəniş qabiliyyəti haqqında informasiya ;
28
rəqiblərin fəaliyyəti ilə əlaqədar ehtimal edilən qərarları;
məhsullara
və
xidmətlərə
olan
tələbin
mövcud
səviyyəsinin
müəyyənləşdirilməsi ;
Risk menecmenti sistemində riskin digər xüsusiyyətlərindən biri də müxtəlif
müəlliflər tərəfindən onun həm baş verməsi qeyri müəyyən bir hadisə, həm də
sahibkarlıq fəaliyyətinin nəticəsində nəzərdə tutulmuş gəlirlərin əldə edilməməsi
ehtimalı hesab edilir. Bir sıra müəlliflər tərəfindən riskin bu xüsusiyyətləri izah
olunsa da risk kateqoriyasına riyazi gözləmələr baxımından da yanaşmaq lazımdır.
Belə ki, riyazi gözləmələrini özü üçün risk dərəcəsini müəyyən mənada olduqca
mücərrəd formada ifadə edir. Lakin heç şübhəsiz ki, real həyatda olmaq sahibkarlıq
fəaliyyəti ilə məşğul olanlar riskin başvermə ehtimalını dəqiq bilsəydilər, bu zaman
onlar riskə getməzdilər. Digər tərəfdən isə əgər hər hansı bir ifadənin mənası və
fəaliyyətin nəticələri qabaqcadan məlumdursa, o zaman bunu risk adlandırmaq
olmaz. Lakin risk menecmentində bütün bunlar o demək deyil ki, o, baş verə
biləcək maliyyə və kredit risklərinin ehtimalını müəyyənləşdirmək mümkün
deyildir. Bu zaman belə bir sual meydana çıxır ki, bəs risk şüurlu fəaliyyətinin
nəticəsi deyildirmi? Heç şübhəsiz ki, biznes fəaliyyəti özündə məqsədyönlü biri
istiqaməti və fəaliyyəti nəzərdə tutur. Lakin bu prosesdə hansı iqtisadi təsadüflərin
qeydi müəyyən xidmət və baş verə biləcək sosial hadisələri nəzərə almaq hər
zaman mümkün olmur. Bu qeyri müəyyənlik və mümkünsüzdür halı da bu riskləri
daha təhlükəli vəziyyət da gətirib çıxarır. Bu risklər isə risk menecmentində həm
tədqiq olunan obyektlərin xarakterindən asılı olaraq müxtəlif səviyyələrdə
mütəmadi yaxud qeyri mütəmadi formada baş verir. Risk prosesində insanların
şüurlu fəaliyyəti iştirak edir. Lakin bu şüurlu fəaliyyəti nəticəsində insanlar həmin
fəaliyyətin gətirəcəyi itkiləri və bir formada əvvəlcədən müəyyən edə bilmirlər.
Belə ki, istənilən fəaliyyət sistemli formada icra edilmədikdə risk yaranır. Gələcək
məhsulun rəqabət qabiliyyəti ilə satışının məsələn, investisiyadan maliyyə
resursları innovasiya kimi məsələlər də tələb və təklif amilləri üst üstə düşməməsi
riskin yaranmasına səbəb olur. Bütün bunlardan şüurlu fəaliyyətin nəticəsi kimi
29
riski yaradan əsas səbəblərdir. Bir sıra müəlliflər risk menecmentində riskin əsas
xüsusiyyətlərindən biri də onun əlavə mənfəətinin əldə edilməsi kimi məsələni
gündəmə gətirmişlər. Belə ki, risk özünü doğrudan zaman o, nəinki əlavə mənfəət
həm də əvvəlki dövrlərdə əldə edilmiş mənfəət və gəlir də öz yerində qalmış olur.
Bu zaman riski sadəcə əlavə mənfəətin əldə edilməsi kimi dəyərləndirmək düzgün
hesab edilməzdi. Çünki bir sıra firmalar yalnız əlavə deyil, əvvəlki mənfəəti
saxlamağı da öz fəaliyyətlərinin əsas uğuru kimi dəyərləndirirlər. Belə ki, müasir
dövrdə hər bir şirkət əldə etdiyi maliyyə resursları istehsalın həcmi qoruyub
saxlamağı özünün əsas uğurlarından hesab edir. Bunun əsas səbəblərindən biri
ondan ibarətdir ki, bazar münasibətlərindən irəli gələn enerji təhlükəsizliyi,
inflyasiya, xammal, material və bununla bağlı meydana çıxan bir sıra məsələlər
özü ilə birlikdə sahibkarlıq fəaliyyətinə müəyyən dərəcədə itkilər gətirə bilər. Buna
görə də əvvəldə qeyd etdiyimiz kimi, istər sahibkarlıq, istərsə də biznes
fəaliyyətlərinə uyğun olaraq risk də müvafiq kateqoriya uyğun biznes riskivə
sahibkarlıq riski kimi anlayışlarla əvəz edilmişdir.
|