II FƏSİL.RİSK MENECMENTİNİN BANK SFERASINDA TƏTBİQ
İSTİQAMƏTLƏRİ
2.1.
Risk menecmentinin banks sferasında tətbiq istiqamətləri
Risk menecmenti korporativ idarəetmə mədəniyyətinin əsas tərkib hissəsi
kimi çıxış edir. Risk menecmentinin əsas məqsədi bank sferasından və bankın
fəaliyyətində risklərin idarə edilməsi işinin prinsiplərini, təşkili, vəzifə və
öhdəliklərini, eləcə də risklərin strateji və gündəlik idarə edilməsi kimi məsələləri
müəyyənləşdirməkdir. Risk menecmentini, müasir dövrdə rentabelliyin əsas
mənbəyi kimi ifadə edə bilərik. Maliyyə Bazarlarına Nəzarət Palatası bank
sektorunda risk menecmentinin inkişaf statusu üzrə qiymətləndirmə apararaq, risk
perspektivini tam dəqiqləşdirir. Riskin başvermə ehtimalı yarandığı halda , yaxud
çatışmazlıqlar və maneələr olduqda, onların aradan qaldırılması ilə bağlı mühüm
tədbirlər yerinə yetirilir. Bununla belə risk menecmenti mexanizmlərinin tam
tətbiqi kifayət qədər vaxt tələb edir. İnfrastruktur və maliyyə bazarlarının tez
inkişaf etdiyi və bu münasibətlərin dərinləşdiyi bir şəraitdə risk menecment
fəaliyyətlərinin də sistemli şəkildə tətbiqi zəruri hala çevrilmişdir. Digər bir
tərəfdən isə risklərin idarəedilməsi prosesinin səmərəli və operativ şəkildə həyata
keçirilməsi üçün dəqiq informasiya bazası olmalıdır. Sadaladığımız məsələlərlə
yanaşı, ölkəmizdə fəaliyyət göstərən kommersiya bankların institusional və
texnoloji inkişafının tam şəkildə yekunlaşmasa da, risk menecmenti bölməsinin
bankın digər bölmələri ilə lazımi səviyyədə inteqrasiya olunmaması bank
sferasından risklərin idarə edilməsini mürəkkəbləşdirən amillərdən hesab edilir.
Risk menecmenti sistemində digər çatışmazlıqlardan biri də bu sfera üzrə yüksək
ixtisaslı kadrların çatışmazlığıdır.
Müasir dövrdə hər bir bankın başlıca diqqət yetirməli olduğu əsas
bölmələrindən biri də məhz risk menecmenti bölməsidir. Risklərin düzgün şəkildə
qiymətləndirilməsi, bankların fəaliyyəti zamanı ödəmə qabiliyyətinin kəskin
zəifləməsinə, bank resurslarının itirilməsinə, planlaşdırılmış gəlirlərin əldə
olunmamasına səbəb ola bilər. Belə halların baş verməməsi baxımından banklar
31
bütün fəaliyyət istiqamətləri üzrə mövcud potensial riskləri əvvəlcədən müəyyən
etməli və onların yaranma səbəblərini aşkar edərək təhlil etmək bacarığına malik
olmalıdırlar. Bank sferasında risk menecmentinin tətbiqi xüsusiyyətləri, zamanla
baş verə biləcək itkiləri müəyyənləşdirərək onların kompensasiya edilə bilən
alternativ variantlarının aşkar edilməsi risk menecmentin əsas vəzifələrindən hesab
edilir. [10, səh.86]
Risk menecmenti xüsusi diqqət tələb edən bir sahədir. Xüsusilə son illərdə
bu istiqamətdə çox əhəmiyyətli layihələr həyata keçirilmişdir. Dünyada baş verən
qlobal maliyyə böhranı isə risk sferası üzrə layihələrinin əhəmiyyətini daha da
artırmışdır. Buna müvafiq olaraq qeyd edə bilərik ki, ölkəmizdə risk
menecmentinin hansısa model üzərində qurulması olduqca aktual hesab edilir. Belə
ki, inkişaf etmiş ölkələrdə tətbiq edilən risk menecment modelinin MDB
məkanında olduğu kimi tədqiqi mümkün deyil. Lakin buna baxmayaraq, bu gün
ölkəmizdə olan risk menecmentinin qurulacaq modeli daha çox inteqrasiya
olunmuş, eləcə də, kəskin dəyişiklikləri əhatə edən bir model olmalıdır. Bu
istiqamət üzrə adekvat və işlək prosedurların formalaşdırılması, risk menecmentin
əsasını təşkil edir. Məhz buna görə risklərin idarəolunması prosesində xüsusi ilə
kredit verilməsi ilə əlaqədar kredit riskləri üzrə tələblərin yenilənməsi, stress
testləşdirmə və tövsiyələrin hazırlanmasında risk menecmentin tələblərinə uyğun
əməliyyat sisteminə keçid çox mühüm əhəmiyyət kəsb edir. [19, səh.106]
Sadaladığımız məsələlərlə müvafiq olaraq bir sıra banklar beynəlxalq
səviyyəli məsləhətçilərin köməyi vasitəsilə müasir risk menecmenti sistemlərinə
üstünlük verirlər və bu sistemlər Mərkəzi Bank tərəfindən dəstəklənir. Növbəti
addım isə bu sistem üzrə yüksək ixtisaslı kadrların vətəndaşlara xidməti ilə
əlaqədardır. Lakin bütün bunlar-risklərin idarə edilməsi bank sferasında bir sıra
sahələrlə qarşılıqlı əlaqəlidir. Belə ki, yeni informasiya sistemləri, risklərin idarə
edilməsi prosesində çox mühüm rol oynayır. Xüsusilə də risklərin idarə edilməsi
zamanı məlumatların saxlanması və yenilənməsi üzrə inzibatçılıq səlahiyyətlərinin
təyin edilməsi zəruri hesab edilir. Texniki strukturu və eləcə də bankda
32
informasiyanın tamlığının və sistemin təhlükəsizliyinin tələb olunan səviyyədə
olmasına risk menecmenti sisteminin ayrılmaz tərkib hissəsi kimi çıxış edir.
Bankın inkişaf strategiyasının əsaslandırılmasında və idarə olunmasından,
risklərin minimuma endirilməsi, çox mühüm əhəmiyyət kəsb edir. Xüsusilə də
kommersiya banklarından bütün strateji hədəflərin düzgün seçilməməsi bankın
işgüzar nüfuzuna, bazardakı mövqeyinə zərər yetirir. Buna görə də risklərin
idarəedilməsi zamanı maliyyə itkilərinə səbəb olan ümumi inkişaf strategiyasından
və ayrı-ayrı strateji qərarların qarşısının alınması, minimuma endirilməsi bankın
müştərilər, hökumət, yerli özünüidarəetmə orqanları və bank ittifaqları qarşısında
nüfuzunun qorunması, eləcə də bank əməliyyatlarının idarə edilməsi sisteminin
keyfiyyətinin yüksəldilməsi və bu istiqamətdə səmərəliliyin artırılması
səhmdarların və əmanətçilərin qanuni maraqlarının təminatı kimi çıxış edir.
Bank risklərinin idarəedilməsi, bankın fəaliyyət sferasına uyğun səmərəli
korporativ idarəetmə modelinin qurulmasından, eləcə də işgüzar nüfuzunun
qorunması və öz fəaliyyətinin istənilən mərhələsində maraqların toqquşmasının
istisna edilməsi və peşəkarlıq standartlarına əməl edilməsini təmin etməlidir.
Risklərin idarə olunmasının, səmərəli sisteminin qurulmasının əsas şərti kimi
aşağıdakı amillər çıxış edir:
1.
bankın müştərilərə eləcə də tənzimləyici nəzarət orqanlarına təqdim edilən
məlumatlarının doğruluğuna nəzarət edilməsi;
2.
bankın fəaliyyətində şəxsi məqsədlər üçün istifadə edilməsinə yol
verməməyə istiqamətlənən sistemin işlənib hazırlanması;
3.
qərarların qəbul edilməsində kollegiallıq prinsipinə riayət edilməsi;
4.
normativ
və
operativ
informasiya
bazasının
yaradılması
və
təkmilləşdirilməsi.
Bank risklərin idarəedilməsi sisteminin təkmilləşdirilməsi, kommersiya
banklarında baş verə biləcək itkilərin qarşısının alınması məqsədilə cari və sonrakı
tədbirlərin icra edilməsi istiqamətinin aşkar edilməsi, təhlili və qiymətləndirilməsi
kimi məsələlərin hərtərəfli araşdırılmasını özündə əks etdirir. Sadaladığımız bu
tədbirlər sisteminin səmərəliliyin yüksəldilməsi, riskdən yaranan itkilər, onların
33
həcmi, yaranma səbəbləri, ödənilməsi üsulları və bununla bağlı həyata keçirilən
tədbirləri əhatə edir.
Risk menecmentinə təsir edən amillər obyektiv(xarici) və subyektiv(daxili)
olmaqla 2 yerə bölünür.Xarici amillərə aşağıdakıları aid edə bilərik :
1.
inflyasiya
2.
bankların faiz dərəcəsinin və kreditləşmə şərtlərinin, vergi dərəcələrinin və
gömrük rüsumlarının dəyişilməsi
3.
mülkiyyət və icarə münasibətlərində, əmək qanunvericiliyində dəyişikliklər.
Risk menecmenti çərçivəsində banklarda risklərin idarə olunması zamanı
onların ümumi strategiyası nəzərə almaqla istənilən kateqoriyasını özündə
birləşdirən riskin idarə edilməsi siyasəti vasitəsilə müəyyən edilir. Buna müvafiq
olaraq qeyd edə bilərik ki, risklərin idarə edilməsi siyasəti ən azı aşağıdakı
elementləri özündə birləşdirməlidir.
bankın məruz qala biləcəyi risklərin və onların xüsusiyyətlərinin ətraflı
müəyyənləşdirilməsi və hər bir risk növünün idarə edilməsində əsas məqsəd;
yeni əməliyyatların, proseslərin, fəaliyyət istiqamətlərinin banklarda tətbiq
edilməsinin əsas prinsipləri;
risklərin idarə edilməsi ilə əlaqədar bankın öz üzərinə götürə biləcəyi risk
çəkisi və qəbul edilmiş risklər üzrə zərərlərin mümkün maksimal həcminin
müəyyənləşdirilməsi;
riskin idarə edilməsi sisteminin yoxlanılması siyasətinin tətbiqi.
Kommersiya banklarında likvidlik riskinin idarə edilməsi isə əsasən bank
fəaliyyətinin təhlili sisteminin xarakterindən, burada istifadə olunan göstəricilərin
reprezantitivliyindən asılıdır. Sistemin müasir tələblərə cavab verməsi isə bank
fəaliyyətini strategiyasını hərtərəfli əsaslandırılması baxımından bu fəaliyyətin
statistik təhlili ilə əlaqədar bir sıra göstəricilərin qarşılıqlı şəkildə araşdırılmasını
nəzərdə tutur.
Göstəricilərə nəzər salaq.
1.
ehtiyatlarının normasını səciyyələndirən əmsal ;
34
2.
cari və ani likvidliyi ;
3.
bank kapitalının rentabelliyi və aktivlərin gəlirliliyi və maliyyə dayanıqlığını
əks etdirən göstəricilər ;
4.
bankın fəaliyyəti zamanı xarici maliyyə mənbələrindən asılılığın azaldılması
ilə əlaqədar digər parametrlər ;
Banklar öz fəaliyyətində kredit risklərinin idarə edilməsi ilə bağlı məsələləri,
bank sistemi üzrə də ən qabaqcıl xarici təcrübədən istifadə edərək tətbiq edir.
Bununla yanaşı banklar kreditlərin verilmə qaydalarının hərtərəfli araşdırılması,
risklərin idarəedilməsi sistemində bir sıra meyarlar nəzərə alınaraq təkmilləşdirmə
üçün xüsusi imkanlar aşkara çıxara bilər.
Lakin müasir dövrdə ölkəmizdə fəaliyyət göstərən bir sıra kommersiya
bankları kredit risklərini daha optimal idarə etmək məqsədi ilə Scoring-Gradinq
sistemindən istifadə edirlər. Bu sistemə müvafiq olaraq, bank kreditlərinin
verilməsi zamanı bir sıra yanaşmalardan istifadə olunur.
Risklərin idarə edilməsinin əsas xüsusiyyətlərindən biri də risk
menecmentinin
avtomatlaşdırılması
sisteminin
formalaşdırılması
və
təkmilləşdirilməsi,
bununla
əlaqədar
olaraq
proqram
təminatının
yeniləşdirilməsidir. Dünya maliyyə böhranına qədər kommersiya bankları haqda
olan balanslaşdırılmamış likvidlik, xüsusilə daha təhlükəli hesab edilən kredit riski
kreditlərin verilməsi zamanı bir sıra məsələləri tələb edirdi. Ondan sonrakı dövrdə
isə kreditlərin verilməsi zamanı yarana biləcək kredit risklərinə artıq xüsusi
aktuallaşmış risk menecmentinin avtomatlaşdırması imkanlarının reallaşmasına
diqqət daha da artmışdır.
Dostları ilə paylaş: |