Qəmər MÜRŞÜDLÜ
434
Bu mülahizələrdən çıxış edərək C.Əfqani, İslam ümmətinin maarif-
lənməsini, elmin və texnikanın nailiyyətlərinə yiyələnməsini dini islahatçılıq
konsepsiyasının tərkib hissəsi hesab edirdi. Onun üçün müsəlmanları
gerilikdən, cəhalət və mövhumatdan xilas etməyin yollarından biri onların
zehniyyətindəki durğunluğu aradan qaldırmaq, elmi bilikləri yaymaq idi.
Cəmaləddin deyirdi ki, Qərb ölkələrində inkişafın əsas vasitəsi elmdir və
Avropa xalqları elmin və texnologiyanın inkişafına görə güclü və üstün-
dürlər. Qərb bilik və zəhmət sayəsində ucaldığı halda, Şərq cahillik və tən-
bəllik nəticəsində çökmüşdür. Filosofa görə, Şərq xalqlarının – müsəlman-
ların da tərəqqisi Qərbin əsaslandığı iki mühüm dayağa söykənməlidir: ağıl
və vətəndaş fəallığı.
Buna görə də Seyid Cəmaləddin İslam alimlərini və filosoflarını elmin
və texnikanın nailiyyətlərindən geri qalmamağa, yeni elm sahələrini, yeni
ixtiraları və kəşfləri öyrənməyə çağırırdı. O hind alimlərinin simasında
müsəlman ziyalılara müraciətlə deyirdi: “İbn Sinanın “Şəfa”sında, yaxud da
Şihabəddinin “İşraq fəlsəfəsi”ndə adları çəkilmədiyi üçün yeni şeyləri
öyrənməkdən imtina etməniz nə dərəcədə doğrudur? O böyük sələflərinizin
sizi təmin etdiyi kimi, siz də öz davamçılarınızı ən yüksək ideyalarla təmin
etməyə borclu deyilsinizmi?”
4
Mütəfəkkir müsəlmanların Avropada inkişaf etmiş rasional elmləri və
texnologiyaları mənimsəmələrini vacib saysa da, onları Qərbin ruhu, mənəvi
dəyərləri ilə deyil, İslamın saf hikmətilə əxz etməyə çağırırdı və bu işdə
alimlərin üzərinə bir məsuliyyət düşdüyünü vurğulayırdı. Qeyd etmək lazım-
dır ki, Əfqani Qərbin mədəniyyəti, elm və texnologiyaları qarşısında təslim-
çiliyi və təqlidçiliyi rədd edirdi. O Avropada təhsil almış, geyim, davranış və
həyat tərzində Qərbi təqlid edən və öz mədəniyyətini inkar edən müsəlman
ziyalıları tənqid edir, müstəmləkəçilərin belə təqlidçilərin xidmətlərindən öz
məqsədləri üçün həmişə yararlandıqlarını ürək ağrısı ilə deyirdi. Mütəfəkkir
Qərb sivilizasiyasından bəhrələnməyi zəruri saysa da, Şərqin öz mənəvi
dəyərləri üzərində yüksəlməsinə üstünlük verirdi.
Əfqani çıxışlarının birində deyirdi ki, elm təkcə fəlsəfi dünyagörüşün
əsası deyil, o həm də iqtisadi, siyasi və hərbi inkişafın mühüm vasitələ-
4
J.al-Afghani. The Benefits of Philosophy / Nikki R.Keddie. An Islamic Response
to Imperialism, p.122.
Elmə ən doğma din İslam dinidir
435
rindəndir. Maarifçi-filosof bütün tarix boyu xalqların qazandıqları nailiy-
yətləri, gücü-qüdrəti elmlə bağlayırdı. Onun nəzərincə, keçmişdə kəldani-
lərin, misirlilərin, finikiyalıların və yunanların əldə etdikləri uğurlar onlarda
elmlərin inkişafı ilə bağlı olmuşdur: “İsgəndər Yunanıstandan durub Hindis-
tana gəlmişdir ki, Hindistanı öz təsiri altında saxlasın. O da bunu elmin
hünərinə edirdi…İndi isə bütün dünyanı öz təsiri altında saxlayan Avropanı,
Əfqanıstanı tutan ingilisi, Tunisi işğal edən Fransanı götürün. Bunlar nə
ingilisin hünəridir, nə də fransızların, bunlar yalnız onların elminin gücü-
nədir. Gerilik və nadanlıq isə hər yerdə başını zəlillik torpağına qoymaqdan
başqa bir çarə tapmamışdır”
5
. Şeyxin fikrincə, insan yaşayışını təmin edən
bütün nemətlər, var-dövlət və sərvət də əsasən elmin məhsuludur, bunlar ha-
mısı sənayenin, əkinçiliyin və ticarətin elmi yollarla aparılmasının nəticə-
sidir.
C.Əfqani dövrünün elm sahələrinə yaxşı bələd idi və elmləri konkret
vəzifələrinə, tədqiqat mövzularına görə ayırırdı. Məsələn, yazırdı ki, fizika
mövcud olan cisim və əşyalardan bəhs edir; kimya cisimlərin tərkib və
analizindən, nəbatat elmi isə bitkilərdən bəhs edir və s. Filosofa görə, hər bir
elmin öz sahəsi olsa da, onlar bir-biri ilə sıx əlaqədədir. Çünki hər bir elmin
“mövzusu ümumi elmin bədəni üçün bir üzv kimidir və bunların heç biri
ayrı-ayrılıqda yaşaya bilməz və bəşəriyyətə xeyir də verə bilməz”
6
. Və
mütəfəkkir bu elmləri birləşdirə biləcək bir elmin gərəkliliyini vurğulayaraq,
onun fəlsəfə olduğunu əsaslandırırdı.
Elmin bəşəriyyət üçün üstünlüklərini və faydalarını qeyd edən Cəma-
ləddin mülahizələrini ümumiləşdirərək, deyirdi: “…Dünya elm üstündə
bərqərar olur… Dünyanın sultanı həmişə elm olmuşdur, elmdir və elm ola-
raq qalacaqdır…Hələ ki, elm sarayından heç bir hökmdar qovulmamışdır.
Dünyanın hər yerində həqiqi hökmdar olan elm ancaq vaxtaşırı öz paytaxtını
dəyişmiş, gah Məşriqdən Məğribə, gah da Məğribdən Məşriqə getmişdir”
7
.
Mütəfəkkir elmin paytaxtının gah Şərqdən Qərbə, gah da əksinə keçdi-
yini deyərkən, dünya elminin bütövlüyü, vahid sistem olması ideyasından çı-
xış edirdi. O yazılarında və mühazirələrində Şərq və Qərb mədəniyyətlərinin
5
C.Əfqani. Təlim-tərbiyə haqqında / C.Əfqani. Seçilmiş əsərləri. Bakı, 1998, s.27.
6
Yenə orada, s.29.
7
C.Əfqani. Təlim-tərbiyə haqqında / C.Əfqani. Seçilmiş əsərləri, s.27-28.
Qəmər MÜRŞÜDLÜ
436
və elminin varislik əlaqəsindən, qarşılıqlı təsirindən dəfələrlə söz açmış,
Şərq xalqlarının öz düşüncə və təfəkkürünə görə Qərb xalqlarından bacarıq-
sız olmadıqlarını əsaslandırmışdır.
Şeyx Cəmaləddin vaxtilə müsəlmanların elmdə və fəlsəfədə böyük
uğurlar qazandıqlarını yazırdı: “Şərqdə İbn Sina, Fərabi, Razi və digərləri;
Qərbdə də İbn Bəcca, İbn Rüşd, İbn Tüfeyl və digərləri vardı. Şəriət elmləri
isə İslam aləminin bütün bölgələrində inkişaf etmişdi”
8
. Ancaq mütəfəkkiri
təəssüfləndirən o idi ki, son dövrlərdə İslam cəmiyyətində rasional elmlərin
öyrənilməməsinin səbəbkarı müsəlman alimlərin özləri idi, təhsilin və
təlimin düzgün aparılmaması idi. O deyirdi ki, üləmanın cahilliyindən və
təlim-tərbiyənin naqisliyindəndir ki, müsəlmanlar nəhv elmindən, məan və
bəyan elmindən, fiqh və üsuldan bir fayda görə bilmirlər: nə ərəb dilində
düzgün yazıb-oxuya bilirlər, nə də gündəlik sözləri düz yazıb, düz tələffüz
edə bilirlər. “Fiqh elmini yaxşı öyrənib bilən hər bir şəxs ölkənin sədr-əzəmi,
yaxud bir dövlətin baş naziri səviyyəsinə yüksəlməyə layiq olmalıdır.
Halbuki fiqhi öyrənən və öyrədən alimlərimiz öz evlərini idarə etməkdə belə
acizdirlər və bu axmaqlıqları ilə fəxr də edirlər ”
9
.
Əfqani alimlərin təlim-tərbiyədəki rolunu İslamın onlara verdiyi şərəfə
görə dəyərləndirirdi və hesab edirdi ki, əsil alim nur mənbəyi olmalıdır,
ətrafa işıq yaymalıdır. Amma İslam alimləri isə, nə öz ətrafını işıqlandıra
bilirlər, nə də başqalarına işıq verə bilirlər. Çünki onların “başı mövhumatla
doludur”, onlar dövrün elmi nailiyyətlərindən, ixtira və kəşflərindən
xəbərsizdirlər. Şeyx yazırdı ki, onlar dini elmlərdə, müqəddəs Quranın və
səhih sünnətin göstərdiyi xoşbəxtlik yolunu dərk etməkdə də acizdirlər.
Buna görə də mütəfəkkir doğru müəyyənləşdirirdi ki, İslam cəmiyyətinin
tənəzzülü, xürafata və mövhumata düçar olması ilk öncə alimlərdə, din
başçılarında təzahür etmiş, sonra müsəlmanlara keçmişdir; buradan da o
müsəlmanların maariflənməsi, elmə, mədəniyyətə yiyələnməsi üçün din
başçılarının, üləmanın islah olunmasını, elmlərini təkmilləşdirməsini və
təlim-tərbiyənin, təhsilin səmərəliliyinin artırılmasını zəruri hesab edirdi.
8
C.Afqani. İslam birliği / C.Afqani, M.Abduh. El – Ürvetül-vüska. İst., (nəşr ili
göstərilmir), s.167.
9
C.Əfqani. Təlim-tərbiyə haqqında / C.Əfqani. Seçilmiş əsərləri, s.31.
Dostları ilə paylaş: |