77
Ölkəmiz üçün yeni qeyri-ənənvi turizm növlərini müəyyən edərkən nəzərə almaq
lazımdır ki, qeyri-ənənvi turizmə maraq göstərən turistlərdə əsasən aşağıdakı
xüsusiyyətlər səciyyəvidir:
- yeniliyə marağın olması;
- kiçik qruplarda səyahətlərə üstünlük vermək;
- fərqli mədəniyyətlərə marağın olması və s. ;
Müasir dövrdə aktual problemlərdən biri gənclərimizin dünya görüşünün
genişləndirilməsi məsələsidir. Xarici təcrübədə istehlakçılara məhsulu əyləncəli
şəkildə təqdim etməklə, onları hiss edilmədən maarifləndirirlər. Praktikadan
bəhrələnərək qeyri-ənənəvi turizm növlərinin də gənclərin dünya görüşlərini
artırmaqda istifadə etmək mümkündür. Məsələn, Fransanın “Astariks” əyləncə
mərkəzi daha çox uşaqlı ailələrin istirahəti üçün nəzərdə tutulub. Tematik parktikada
Istifadə edilən əyləndirici personajlar kimi onların obrazlarında istifadə edirlər.
Bununla da oşaqları kiçik yaşdan ölkənin tarixi ilə tanış edib, onlarda vətənpərvərlik
hissini formalaşdırırlar. Başqa misal olaraq Yaponiya və Almaniya kimi ölkələrin
Disney Parklarını qeyd etmək olar ki, burada adı çəkilən ölkələrin öz animasiyalarına
üstünlük verilir. Almaniyada daha çox Qrim qardaşlarının nağılları tanıdılır.
Ölkəmizdə də gələcəkdə yaradılacaq əyləncə mərkəzlərində xarici yox, öz
ədəbiyyatlarımıza aid cırtdan, qoğal, Molla Nəsrəddin, qaraca qız və s.
personajlardan istifadə edilsə, daha məqsədəuyğun olar. Eyni zamanda, xaricdən
gələn turistlər üçün belə mərkəzlərdə yeni obrazların istifadə edilməsi həm maraqlı,
həm də cəlbedici olacaq.
Beləliklə, bölgələrimizdə qeyri-ənənəvi turizm növlərinin inkişaf etdirilməsinin
əhəmiyyəti aşağıdakılardan ibarətdir:
- ölkənin xarici bazarda tanıdılması;
- Dövlət büdcəsinə əlavə gəlirin gəlməsini təmin edəcək;
- Regionlara pul axınını yaradaraq onların inkişafına təkan verəcək;
- əhalinin (xüsusən də regionlarda) maariflənməsinə kömək edəcək;
- ölkədə turizmin mövsümülükdən asılılığını zəiflədəcək;
- təbii, eləcə də mənəvi dəyərlərin qorunmasına imkan yaradacaq;
78
- əhalinin məşğulluğunu (xüsusən bölgələrdə) artıracaq;
- təklif edilən məhsullar sayəsində istehlakçıların tələbi ödəniləcək;
- daxili bazarda təkliflərdə çeşidlilik yaranacaq.
Azərbaycan Respublikasında turizmin daha da inkişaf etdirilməsi və turizm
fəaliyyəti üçün əlverişli şəraitin yaradılması zərurətini, turizm ehtiyatlarından
səmərəli istifadə olunmaqla zəngin coğrafi landşafta malik ölkəmizin təbiət
abidələrinin, eləcə də xalqımızın qədim mədəni-tarixi irsinin geniş miqyasda
tanıdılmasını təmin etmək məqsədi ilə müvafiq tədbirlərin görülməsi nəzərdə tutulub.
2011-ci ilin ölkəmizdə "Turizm ili" elan edilməsi də bu baxımdan diqqəti çəkən
məsələ olmuşdur. Ölkə başçısının "Azərbaycan Respublikasında 2011-ci ilin "Turizm
ili" elan edilməsi ilə bağlı Tədbirlər Planı"nın təsdiq olunması haqqında sərəncam
imzalaması qarşıya qoyulan vəzifələrin uğurla həyata keçirilməsini təsdiqlədi.
Bakıda beşulduzlu hotel komplekslərinin açılışı qarşıya qoyulan vəzifələrin uğurla
həyata keçirildiyinə əyani sübutdur. Dünya standartlarına cavab verən hotel
komplekslərinin istifadəyə verilməsi ölkəmizin qüdrətindən xəbər verir. Yalnız
dünyanın ən inkişaf etmiş ölkələrində rast gəlinən bu cür obyektlər iş adamları,
turistlər və qonaqlar üçün maksimum xidmətlər təklif edir. Ölkəmizdə qeyri-neft
sektorunun inkişafına olan diqqət və qayğı respublikamızda turizmin inkişafını
sürətləndirmişdir.Əldə olunan nəticələr ölkəmizdə hotel biznesiningenişləndirilməsini
və keyfiyyətcə yeni mərhələyə qədəm qoymasını zəruri edir.
Bu günlərdə Bakıda daha bir beşulduzlu hotel - "Four Seasons Hotel Baku"nun
açılışı oldu. Klassik və müasir dizaynı ilə seçilən bu kompleksdə beynəlxalq və milli
memarlıq üslubu peşəkarlıqla uzlaşdırılmışdır. "Four Seasons" özünün yeni incisi -
"Four Seasons Hotel Baku"nu Xəzər dənizinin sahilində, ekoloji təmiz zonada
turistlərin ixtiyarına verir. Yeni istifadəyə verilən hotelin orijinallığını artıran və daha
çox diqqəti cəlb edən amillərdən biri də dizayn zamanı milliliyin diqqətdə
saxlanılmasıdır. Hotelin bütün zallarına və toplantı otaqlarına ecazkar Azərbaycan
muğamlarının adı verilmişdir. Burada "Segah" adlı 500 nəfərlik böyük ziyafət zalı
yaradılmışdır. Bu zalda xüsusi mərasimlər və digər əlamətdar tədbirlər keçirmək
mümkündür. Belə mərasimlərin keçirilməsi üçün həcmcə daha kiçik bir zal - 390
79
nəfərlik "Rast" zalı da istifadəyə verilmişdir. Hotelin "Şur", "Çahargah", "Bayatı-
Şiraz", "Humayun", "Şüştər" otaqlarında müxtəlif işgüzar görüşlərin keçirilməsi üçün
bütün şərait yaradılmışdır. "Four Seasons" hotellər şəbəkəsinin dünyada sayca 90-cı
hoteli "Four Seasons Hotel Baku" 27 lüks və yüksəksəviyyəli qonaqlar üçün nəzərdə
tutulan iki nömrə də daxil olmaqla ümumilikdə 171 geniş otaqdan ibarətdir. Son
dəbdə yaradılan hotelin fəaliyyətə başlaması ümumilikdə 350-yə yaxın yeni iş yerinin
açılması deməkdir.
Prezident İlham Əliyev Bakıda beşulduzlu "Four Seasons Hotel Baku"nun
açılışında bildirib: "Mən çox şadam ki, belə möhtəşəm memarlıq və sənət əsəri
Bakıdadır, Azərbaycandadır. Azərbaycan buna layiqdir. Bakıya gələn qonaqlar
şəhərin gözəlliyi ilə tanış olacaq, eyni zamanda bu gözəl hoteldə istirahət edəcəklər.
Ölkəmizdə hotellərin sayı getdikcə artır. Azərbaycanda son bir il ərzində bir neçə
dünya şöhrətli hotellər şəbəkəsi açılmışdır. Onların sadəcə sadalanması onu göstərir
ki, doğrudan da Bakı dünyanın mərkəzinə çevrilir. Son bir il, ya bir il yarım ərzində
"Kempinski", "Hilton", "Sheraton", "Marriott", "Jumeirah" və nəhayət, "Four
Seasons" hotellərinin açılması, növbəti aylarda "Fairmont" hotelinin açılışı
Azərbaycanın nəinki turizm potensialını, ümumiyyətlə potensialını göstərir. Çünki
mən başqa belə şəhər tanımıram ki, qısa müddət ərzində dünyanın aparıcı hotelləri
burada öz hotellərini açsınlar. Bu, Azərbaycana olan inamın təzahürüdür.
İnvestorların Azərbaycanın bugününə, gələcəyinə olan inamının təzahürüdür.
Şəhərimizin sürətlə inkişaf etməsinin təzahürüdür".
Prezident İlham Əliyev ötən 9 ildə Bakı şəhərinin milli üslubda inkişaf etməsi,
təmizliyi, gözəlliyi, müasirliyi ilə göz oxşaması üçün bütün zəruri tədbirləri həyata
keçirmişdir. Bu illərdə həyata keçirilmiş çoxşaxəli tədbirlər sistemi həm kəmiyyət,
həm də keyfiyyət göstəricilərinə görə miqyaslı, konkret və ünvanlı olması ilə diqqət
çəkir. Ölkə başçısının yeni dövrün tələblərinə uyğun olaraq Bakı şəhərinin və onun
qəsəbələrinin sosial-iqtisadi inkişafının daha da sürətləndirilməsi üçün konkret
vəzifələr müəyyənləşdirməsi qarşıdakı dövrdə daha böyük nəticələrin əldə
olunacağına əminlik yaradır. /http://www.azerbaijan-news.az/.
Dostları ilə paylaş: |