5
I FƏSİL: Turizmin inkişafının nəzəri-metoloji əsasları
1.1.Turizmin sosial- iqtisadi mahiyyəti və
inkişafının nəticələri
Turizmin mahiyyəti onun sosial-iqtisadi mənasını açır. İqtisadi mənası sahə
olaraq gəlir gətirmək qabiliyyətidir. Turizm sahəsi iş yerlərini təmin edir,özünün
maddi ehtiyatlarını formalaşdırır, uyğun fondları təşkil edir.Fəaliyyəti nəticəsində
gəlir-mənfəət əldə edir. Sosial mənası isə iş yerlərinin açılması, sahibkarlığın inkişafı
və uyğun olaraq turizm regionlarında ev təsərrüfatının, əhalinin ehtiyaclarına uyğun
xidmət sferası yaratmaqdır.
Dünya təcrübəsi göstərir ki, turizm inkişaf etmiş regionlarda dövlət və əhali
gəlirlərinin 30%-ə qədəri turizm fəaliyyəti ilə bağlıdır. Turizm sosial sahə olaraq
inkişafı xidmət sferası ilə bağlıdır. O cümlədən turizm inkişaf etmiş regionlarda
sosial infrastruktura daha geniş yayılıb. Sosial infrastruktura sahələri isə nəqliyyat,
ictimai iaşə, mənzil otel və məişət xidmətləri sahələri ilə bağlıdır.
Turizmin infrastruktur sahələri şəhərsalma və regionlarda kompleks ərazi
inkişafını təmin edir. Turizmin sosial mahiyyəti onun sosial predmeti olaraq öyrənmə
və sosial proqnozlarının əsasını yaradır.
Turizmin inkişafında sosial amillər- demoqrafik və təhsil səviyyəsi ilə ölçülür.
Turizmin sahə quruluşu, onun regional yerləşmə sxemi, sosial infrastrukturun
yerləşməsinin konseptual əsasıdır.
O cümlədən, turizmin infrastrukturu birbaşa sosial xarakterli infrastrukturadır.
Təhsil,səhiyyə, əhali daşınması, pullu xidmətləri, mənzil-kommunal təsərrüfatlarının
inkişafı, otelçilik, ev təsərrüfatına münasibət sosial vəzifələri ifadə edir. Turizmin
sosial-iqtisadi inkişafı əhalinin həyat səviyyəsinin yüksəldilməsi, rifah halının
yaxşılaşdırılmasına səbəb olur. Bölgələrdə iş adamları tərəfindən və ya dövlət
himayəçiliyi ilə turistik bazalar yaradılarsa, bu, ilk növbədə on minlərlə iş yerinin
açılması, kənd təsərrüfatı mallarının rahat satışı, bölgə əhalisinin sosial rufah halının
yaxşılaşması deməkdir.
6
Ümumiyyətlə, turizm xidmətin xüsusi bir sahəsi olmaqla, insanların beynəlxalq
hərəkəti və yaxud səyahəti ilə bağlıdır və bu sahənin inkişafı XX əsrin ikinci
yarısından başlayaraq geniş vüsət almışdır.
Müstəqilliyini bərpa etdikdən sonra yeni ictimai-iqtisadi inkişaf yoluna qədəm
qoyan, açıq bazar iqtisadiyyatı sisteminin tələbləri əsasında inkişaf edən Azərbaycan
beynəlxalq aləmə inteqrasiya prosesləri çərçivəsində dünya dövlətləri ilə iqtisadi
əlaqələrini genişləndirmişdir.Ölkəmizdə bu əlaqələrin bir qolu olan beynəlxalq turizm
münasibətlərinin inkişafı istiqmətində də təqdirəlayiq işlər görülmüşdür.
Ümummilli lider Heydər Əliyev ölkəmizdə turizmin inkişafına xüsusi önəm
verirdi. 1999-cu ildə ulu öndərin müvafiq Fərmanı əsasında qəbul edilmiş “Turizm
haqqında qanun” və 2002-ci ildə həyata vəsiqə almış “2002-2005-ci illərdə
Azərbaycanda turizmin inkişafı proqramı”sonrakı dövrlərdə Azərbaycanda turizm
sektorunun inkişafına təkan vermişdir.
Azərbaycan çox nadir təbii, mədəni, milli, etnoqrafik obyektlər kompleksinə
malikdir. Əlverişli coğrafi mövqeyi, doqquz iqlim qurşağı, flora və faunasının
müxtəlifliyi və zənginliyi, dəniz sahilində yerləşməsi, mədəni-tarixi irsi, ləziz
mətbəxi, yüksək qonaqpərvərlik ənənələri ölkəmizdə turizmin inkişafı üçün böyük
perspektivlər açır.
Azərbaycanda turizm sahəsində mövcud olan geniş imkanlar ölkəmizin bir sıra
beynəlxalq təşkilatlarla turizmin inkişafı istiqamətində əməkdaşlıq etməsinə şərait
yaradır. Bu beynəlxalq qurumlar arasında Dünya Turizm Təşkilatının, İslam
Konfransı Təşkilatının, GUAM-ın, Müstəqil Dövlətlər Birliyinin və digər təşkilatların
adlarını çəkmək olar.
Eyni zamanda, Azərbaycan turizm sahəsində zəngin təcrübəsi olan Türkiyə, Polşa,
İtaliya, Gürcüstan, Ukrayna, Rumıniya, Belarus, Yunanıstan, Moldova, Qətər və
digər ölkələrlə hökumətlərarası sazişlər imzalamışdır. Hazırda digər dövlətlərlə də
belə sazişlərin bağlanması ilə bağlı müzakirələr aparılır.
2002-ci ildən etibarən hər il Bakıda Beynəlxalq Turizm Sərgisinin (AİTF)
keçirilməsinin ənənə halını alması dövlətimizin turizm inkişafna necə böyük
əhəmiyyət verməsini sübut edir. Bundan əlavə, indiyədək Azərbaycanın turizm
7
ehtiyatlarının zənginliyindən, bu sahənin imkanlarının genişliyindən bəhs edən
materiallar dünyanın İstanbul, Berlin, Moskva, London, Əl-Küveyt, Kiyev, Tbilisi,
Daşkənd və digər böyük şəhərlərində keçirilmiş sərgilərdə nümayiş etdirilmişdir.
Qeyd etmək lazımdır ki, ölkəmizdə turizmin müxtəlif növlərinin inkişafına, turizm
sahəsində çalışan kadrların maarifləndirilməsinə yeni təkan verəcək “Azərbaycan
Respublikasında 2007-2016-cı illər üçün turizmin inkişafına dair Dövlət Proqramı”
qəbul edilmişdir.
Dövlət Proqramının əsas məqsədi “Turizm haqqında” Qanunda, habelə digər
müvafiq normativ-hüquqi aktlarda nəzərdə tutulmuş müddəalara uyğun olaraq turizm
sahəsində dövlət siyasətinin həyata keçirilməsini, ölkənin sosial-iqtisadi inkişafını
təmin edən vasitələrdən biri kimi turizm sərvətlərindən səmərəli istifadə olunmasını,
turizmin ölkə iqtisadiyyatının öncül istiqaməti kimi tanınması və bu sahənin
səmərəliliyinin artırılmasını təmin etməkdir.
Azərbaycanda turizmin inkişafı sahəsində qarşıya qoyulan əsas məqsədlər sırasında
turizm ehtiyatlarının öyrənilməsi və onların genişləndirilməsi, turistlərin istirahəti,
onların tələbatının ödənilməsi üçün zəruri olan xidmətlərin, ekskursiya və digər
mədəni
tədbirlərin
çeşidinin
genişləndirilməsi
və
müasir
standartlara
uyğunlaşdırılması, sanatoriya-kurort sərvətlərinin öyrənilməsi və davamlı istismarı,
mehmanxanaların və digər turizm obyektlərinin tikintisinin genişləndirilməsi, turizm
marşrutlarının artırılması, turizm növlərinin inkişaf etdirilməsi, prioritet turizm növü
kimi mədəni turizm, ekoloji turizm və kənd yaşıl turizmi, rekreasiya turizmi
sahəsində dövlət tənzimlənməsinin gücləndirilməsi, milli adət-ənənələrimizi,
Azərbaycan xalqının tarixi-mədəni irsini, ayrı-ayrı regionların və şəhərlərin tarixini
əks etdirən materialların nəşr etdirilməsi və yayılması, milli sənətkarlıq və suvenir
məhsullarının istehsalının və satışının genişləndirilməsi kimi istiqamətləri qeyd
etmək olar.
Eyni zamanda, Azərbaycanı turizmin inkişafı üçün əlverişli şəraiti olan ölkə kimi
dünyada tanıtmaq məqsədi ilə yeni Azərbaycan turizm əmtəə nişanının (loqosunun)
və turizm sahəsində olan Azərbaycan brendlərinin reklam-təbliğat və məlumat-sorğu
fəaliyyətinin canlandırılması, beynəlxalq proqramlar çərçivəsində regional mədəni
Dostları ilə paylaş: |