23
inkişafında böyük rol oynayan kapital münasibətlərinin genişlənməsində əvəzsiz paya
malikdir. Sxem №2-də qiymətli kağızlar bazarının maliyyə bazarında yeri göstərilib :
Mənbə: N.Qreqori Mənkyu, Ekonomiksin Əsasları, Bakı 2007, səhifə 560
Azərbaycan Reapublikasının Mülki Məcəlləsində bu bazar qiymətli kağızların
emissiyası, buraxılması, tədavülü, ödənilməsi, sahibliyi, saxlanılması, onlarla
əqdlərin bağlanması, digər əməliyyatların aparılması üzrə subyektlər arasında olan
hüquqi və iqtisadi münasibətlərin məcmusu ( maddə 992-1.) kimi tərifləndirilir.
Bazarın məqsədi sərbəst maliyyə resurslarını səfərbər etmək və onların bazarın
iştirakçılarının qimətli kağızlarla keçirdiyi müxtəlif əməliyyatlar vasitəsilə yenidən
bölgüsünü təmin etməkdən ibarətdir. Bu bazarın mövcudluğu bütün bazar
iqtisadiyyatlı ölkələr üçün mühüm əhəmiyyət kəsb edir. Qiymətli kağızlar bazarı
əmtəə və pul tədavülünə fəal surətdə xidmət edir. Digər tərəfdən qiymətli kağızların
buraxılması və bazarda yerləşdirilməsi sərbəst pul vəsaitlərinin səfərbər edilməsi və
sosial-iqtisadi inkişafa istiqamətləndirilməsinin səmərəli yoludur. Bunun nəticəsində
müvəqqəti sərbəst pul vəsaitlərinin dövriyyə sürəti güclənir, ölkədə investisya üçün
əlverişli şərait yaranır ki, bu da iqtisadi artıma səbəb olur. Bu bazarın formalaşması
üçün ilkin şərt qiymətli kağızlar buraxan kifayət qədər emitentlərin, investorların,
qiymətli kağızların hərəkət və infrastrukturunu reqlamentləşdirən inkişaf etmiş
normativ-qanunverici bazanın, qiymətli kağızlarla aparılan əməliyyatlara nəzarətin
təşkilinin olmasıdır.
24
Müvəqqəti sərbəst pul vəsaitlərinin cəlb edilməsi zamanı bazardakı vasitəçilər
bu prosesi sürətləndirirlər. Lakin bəzən vasitəçilərə müraciət kapitalın cəlb olunması
ilə bağlı xərcləri artırır. Əgər borc alanın borc verənə birbaşa müraciət imkanı varsa
bu, cəlb olunan resursların dəyərini aşağı salır. Buna maliyyə bazarının
sekyuritizasiyası şəraiti yaradır. Bu zaman az likvidli aktivlər qiymətli kağızlara
transformasiya olunur. Qiymətli kağızlar maliyyə vəsaitlərinin ucuz və tez cəlb
olunmasını təmin edir. Məsələn, müəssisənin maliyyə vəsaitlərinə ehtiyacı var. Bu
zaman o, banka kredit almaq məqsədilə müraciət edə bilər, ya da istiqraz buraxa
bilər. Birinci halda bank vasitəçi kimi çıxış edir və öz xidmətinə görə haqq alır. İkinci
halda isə müəssisə istiqrazları birbaşa investora satır və bu da cəlb olunma xərclərini
azaldır.
Qiymətli kağızlar bazarında qiymətli kağızlar buraxan emitentlər (hüquqi və
fiziki şəxslər), qiymətli kağızları alan investorlar (hüquqi və fiziki şəxslər), həmçinin
qiymətli kağızların tədavülünə və müxtəlif fond əməliyyatlarının keçirilməsinə
kömək edən vasitəçilər mövcuddur.
Həm aparılan əməliyyatların həcmi, həm də iqtisadiyyatda tutduğu mövqeyinə
görə qiymətli kağızlar bazarında səhm və istiqrazlar mühüm rol oynayır. İstiqrazlar,
təyin edilmiş müddətdən sonra müəyyən gəlirin ödənilməsi və ya ödənilməməsi şərti
ilə qoyulmuş pul məbləğinin qaytarılmasını nəzərə alan vahid borc öhdəliyidir. Başqa
sözlə, istiqraz onu əldə edən şəxs qarşısında borc götürənin öhdəliklərini göstərən
borc sertifikatıdır, yəni, hər hansi bir iri şirkət istiqraz buraxır. İstiqrazı alan şəxs öz
pulunu həmin şirkətə verir və bunun qarşılığında faiz və borc verilən məbləğin geri
qaytarılacağına dair sənəd alır. Alıcı istiqrazı son ödəmə tarixinə qədər özündə
saxlaya bilər və ya bu tarixdən əvvəl başqa bir nəfərə sata bilər.
Qiymətli kağızların digər növü isə səhmlərdir. Səhm, səhmdar cəmiyyətin
nizamnamə fondunda olan və müəyyən edilmiş hüquqlara malik vahid əmanətdir.
Başqa sözlə, öz sahibinə dividendlərin alınması və səhm sahiblərinin yığıncaqlarında
səs hüququ verən qiymətli kağızdır. Səhm bazarı səhmlərin alınıb satıldığı bazardır.
Səhmin aşağıdakı özünəməxsus xüsusiyyətləri vardır:
25
- Səhm sahibliyin tituludur, yəni səhmin sahibi səhmdar cəmiyyətin sahiblərindən
biridir;
- Səhmlər müddətsiz qiymətli kağızlardır, yəni səhm sahibinin hüquqları səhmdar
cəmiyyətin fəaliyyət göstərdiyi müddət ərzində mövcud olur;
- Səhm üçün məhdud məsuliyyət xarakterikdir. Belə ki, səhmdar cəmiyyətin
müflisləşməsi zamanı yalnız səhmə qoyduğu vəsaiti itirir;
- Səhmə görə hüquqlar bölünməzdir, yəni səhmə birgə sahiblik ona görə hüquqların
bölünməsi demək deyildir. Həmin hüquqa malik şəxslər bir şəxs kimi çıxış edirlər.
Səhmlər gəlirin daxil olma xüsusiyyətinə görə aşağıdakı kimi təsnifləşdirilir:
-Adi səhmlər. Bu səhmlər sahibinə səhmdar cəmiyyətin idarə edilməsində iştirak
etmək və xalis mənfəətdən dividend almaq hüququnu verən səhmdir. Adi səhmlər öz
sahibinə aşağıdakı hüquqları verir: cəmiyyətin idarə edilməsində Mülki Məcəllə,
digər qanunvericiliklə və cəmiyyətin nizamnaməsi ilə müəyyən edilmiş qaydada
iştirak etmək, onun idarəetmə və icra orqanlarına seçmək və seçilmək;
qanunvericiliklə müəyyən edilmiş qaydada, cəmiyyətin fəaliyyətinə dair məlumatlar
almaq, ildə bir dəfə onun illik hesabatı və mühasibat balansı ilə tanış olmaq;
cəmiyyətin səhmdarlarının ümumi yığıncağının çağırılmasını tələb etmək; cəmiyyətin
səhmdarlarının ümumi yığıncağının gündəliyində dəyişikliklərin edilməsini tələb
etmək; cəmiyyətin səhmdarlarının ümumi yığıncağında səsvermə hüququ ilə iştirak
etmək və onun protokolunun surətini tələb etmək; cəmiyyətin fəaliyyətinin təftiş
komissiyası və ya auditor tərəfindən yoxlanılmasını tələb etmək; cəmiyyətin xalis
mənfəətindən dividend almaq; cəmiyyətin fəaliyyətinə xitam verildikdə, cəmiyyətin
kreditorlarının tələbləri yerinə yetirildikdən, hesablanmış, lakin ödənilməmiş
dividendlər, habelə imtiyazlı səhmlərin ləğvetmə dəyəri ödənildikdən sonra
cəmiyyətin yerdə qalan əmlakının müəyyən hissəsini almaq; səhmdar cəmiyyətinin
nizamnaməsində nəzərdə tutulmuş digər hüquqlar.
Son dövrlərdə inkişaf etmiş fond bazarı infrastrukturuna malik ölkələrdə
səhmdarların hüquqlarını məhdudlaşdıran müxtəlif növ adi səhmlər dövriyyəyə
buraxılmışdır. Belə ki, emitentlər nəzarət paketini itirməmək üçün məhdud səs
Dostları ilə paylaş: |