Şərqdə bir səadət aradığın gün,
Nəriman, ürəyin parçalandımı?
Göz qapaqlarını yumarkən o gün,
Dodaqların qoca Şərqi andımı?
Həmin şeirdən anlaşılır ki, gənc yazar Almas
İldırım təkcə N.Nərimanovun ölümündən ötrü deyil,
vətəni Azərbaycanın müqəddəratı üçün güclü narahatlıq
hissi keçirir. Çünki Azərbaycana qarşı mübarizənin
nəticələri göz qabağında idi. O zaman Zəngəzur və
Azərbaycanın bir çox torpaqları ermənilərə verilmiş, bir
sıra vətən oğulları məcburən ölkəni tərk etmişdilər.
Etiraf etmək lazımdır ki, A.İldırımın
dünyagörüşünə, ilk növbədə milli bir şair kimi
yetişməsinə “Azərbaycan Ədəbiyyatı Cəmiyyəti”nin
üzvlərinin, xüsusən cəmiyyətin katibi olmuş Əhməd
Cavadın və digər azad fikirli şair və yazıçıların böyük
təsiri olmuşdur. A.İldırım 1925-ci ilin fevralında
yaradılmış “Azərbaycan Ədəbiyyatı Cəmiyyəti”nin ən
gənc və ən fəal üzvlərindən biri idi.
1927-ci ildə A.İldırım Bakı Dövlət Universitetinin
Şərq fakültəsinə daxil olur. Bir-iki ay oxuduqdan sonra
onu guya mənşəyini gizlətdiyi üçün (əslində əksinqilabi
şeirlər yazdığı üçün) ali məktəbdən xaric edirlər.
Bu illər şair Bakı ədəbi mühiti ilə sıx bağlı olmuş,
şərq ədəbiyyatını, folklorunu ciddi öyrənmişdir.
Elə bu vaxtlar Bakıda “Azərbaycan Proletar
Yazıçılar Cəmiyyəti” yaranır. A.İldırım bu cəmiyyətin
üzvü kimi yaradıcılığını davam etdirir və təşkilatın çap
21
etdirdiyi “Gənc Qızıl Qələmlər” adlı məcmuədə bir neçə
şeiri də dərc olunur.
Ancaq onun adı bəzi yığıncaqlardakı sərbəst
çıxışlarına, ictimai mənşəyinə, nəhayət İstanbulun
“Həyat” dərgisində çap etdirdiyi şeirlərinə görə artıq
siyasi idarənin qara siyahısına düşmüşdü.
Bütün bu deyilənlərin əsasında Almas İldırım
Azərbaycan Proletar Yazıçılar Cəmiyyətindən xaric
olunur.
Az sonra Baş siyasi idarənin (QPU) əli ilə şair
Dağıstana sürgün edilir. Bu hadisə Almas İldırıma çox
sarsıdıcı təsir bağışlamışdı. Cavan şair öz hisslərini belə
ifadə etmişdi:
Gizli yol kəsmədim, qaçaq olmadım,
Sakit bir həyatı pozmadım mən ki?
Dost üçün qanlı bir bıçaq olmadım,
Heç bir qətlə fərman yazmadım mən ki?!
İki il Dağıstanda olduğu müddətdə şairin ziyalılar,
xüsusilə tələbə gənclər ilə dostluq münasibətləri yaranır.
Onun artmaqda olan nüfuzu bəzi şəxslər tərəfindən
qırmızı işğal əleyhinə milli birlik ideyalarının
oyanmasına birbaşa təsir göstərən amil kimi
qiymətləndirilir və şairin bundan belə orada qalması
təhlükəli hesab edilir.
Almas İldırımı 1931-ci ildə Türkmənistana sürgün
edirlər. O, yenə daimi nəzarətdə saxlanılır. Buna
baxmayaraq, Aşqabadda, Qafqazdan və İrandan köçüb
22
gələn türk ailələrinin uşaqlarının oxuduğu məktəbdə
tədris müdiri vəzifəsində çalışır.
Almas İldırım Türkmənistan ziyalıları ilə əlaqə
saxlayır, vətənpərvərlik ruhunda yazdığı şeirlər əldən-ələ
gəzir, nüfuzu durmadan yüksəlir və Aşqabadın ədəbi
mühitində yaradıcı fəailiyyəti güclənir.
Buna görə şairi Türkmənistanda da rahat
buraxmırlar və o, 1933-cü ildə ailəlikcə gizlincə İrana
köçməyə məcbur olur. İranda ürəyincə iş, ailəsi üçün
güzəran, yazmaq üçün imkan tapa bilməyən Almas
İldırım 1934-cü ildə Türkiyəyə getməyi qərara alır.
30-cu illərin ortalarında Türkiyə Respublikası təkcə
türk elləri arasında yox, yaxın şərqin İslam regionunda
da yeganə ölkə idi ki, Atatürk inqilabından sonra
insanların azadlığı və ölkənin istiqlaliyyəti üçün nisbətən
geniş imkanlar yaradılmışdı. Beləliklə, Almas İldırım da
bir çox türkdilli ziyalılar kimi Türkiyənin timsalında
özünə ikinci vətən tapır.
Türkiyədə 17 il yaşamış Almas İldırım şərqi
Anadolunun əyalət şəhərlərində müxtəlif idarələrdə
kargüzarlıqla, katibliklə məşğul olmuş, bir müddət
müəllimlik də etmişdir.
Almas İldırımın qürbət lirikasının qidalandığı real
varlıq konkret olaraq Azərbaycan gerçəkliyi idi. Şair öz
əsərlərini yazanda Azərbaycanın zəhmətkeş və qüdrətli
xalqı olmazın fiziki, maddi əzablara, mənəvi sıxıntılara
məruz qalmışdı.
23
Elə ona görədir ki, vətən, onun dərdi, taleyi
qürbətdə yazdığı şeirlərdə birinci dərəcəli mövzu,
“mövzular mövzusu” olmuşdur:
Kim deyir ki, könlümdə xatirən yox,
yadın yox;
Lənət o şerimə ki, onda sənin adın yox!
A.İldırımın əsərlərində vətən həsrətinin ifadə
vasitələri müxtəlif və rəngarəngdir. “Qafqaz”, “Batan
günəş”, “Qürbətdə”, “Yurd həsrəti kimi” şeirlərinin hər
birində şair vətəninin solmaz obrazını yaradır, yaxud
vətən həsrətinin ifadəsi üçün yeni vasitələr tapır. “Əsir
Azərbaycanım” şeiri isə bir sıra xüsusiyyətlərilə onun
yaradıcılığının başlıca mövzusunun həm təntənəli
uvertürası, həm də yüksək akkordlu finalı sayıla bilər.
Azərbaycan poeziyasının nadir hadisələrindən olan bu
şeiri həyəcansız oxumaq qeyri mümkündür.
Harda məni gül qoynunda doğuran,
Xamırımı göz yaşıyla yoğuran,
Beşiyimdə “layla balam” çağıran
Azərbaycan, mənim baxtsız anam oy!
Neçə ildir həsrətində yannam oy!...
Almas İldırımın “Əsir Azərbaycanım” şeiri ədəbi
mühitimizə nur saçan babası Füzulinin “qara baxtım
oyanmazmı?” fəryadını yada salır.
24
Dostları ilə paylaş: |