Azərbaycan müasir poeziyasının görkəmli nümayəndələrindən biri
Yüklə 229,28 Kb. Pdf görüntüsü
|
Kitabxanalarda keçirilən kütləvi işin səmərəsi kitabxanaçının xidmət göstərdiyi hər bir oxucu qrupunun, elecə də ayrı-ayrı oxucuların xüsusiyyətlərini, tələbat və maraqlarını nə dərəcədə bilməsindən çox asılıdır. Hazırda kitabxanalarda keçirilən mədəni-kütləvi tədbirlərin səviyyəsi xeyli yüksəlmişdir. İndi tədbirlərin məzmunu milli tərbiyənin başlıca məqsədlərini- vətənpərvərlik, tarixi soykökünə qayıdış, oxucularda yüksək bədii zövqün formalaşdırılması kimi anlayışları əhatə edir.
Bu gün inamla demək olar ki, Azərbaycan kitabxanaçıları mühacir və unudulmuş şair və yazıçıların zəngin ədəbi irsini təbliğ etməklə şəxsiyyətin hərtərəfli inkişafının formalaşmasına səmərəli təsir göstərir, oxucuların ideya və sosial baxımdan kamilləşməsinə, əxlaqi və mənəvi cəhətdən yetkinləşməsinə köməklik edirlər. Almas İldırımın zəngin ədəbi yaradıcılığını və onun haqqında yazılmış materialların çoxsaylı oxuculara çatdırılması üçün MKS-lər əyani və şifahi təbliğatın rəngarəng formalarından: kitab sərgilərindən, kitabxana plakatlarından, stendlərdən, oxucu konfranslarından, söhbətlərdən, məruzələrdən, sual- cavab gecələrindən, biblioqrafik xülasələrdən, və mühazirələrdən məqsədə uyğun şəkildə istifadə etməlidirlər. Qeyd etmək lazımdır ki, təbliğatın hər bir növü məlumat və tərbiyəvi funksiya daşıyır, mütaliənin
30 istiqamətləndirilməsinə, oxucuların dünyagörüşünün hərtərəfli inkişafına xidmət edir. Kitabxanalarda A.İldırımın yubileyi ilə bağlı keçirilən mədəni-kütləvi tədbirlərdə əsas diqqət mühacir ədəbiyyatını yaradan səbəblərə, vətən həsrətilə qovrulan, ürəyinin odunu, alovunu şeirlərinə köçürən şairin yaradıcılığına və o dövrün ictimai-siyasi hadisələrinə yönəldilməlidir. Etiraf etmək lazımdır ki, uzun müddət Almas İldırım bir vətənpərvər şair, milli dəyərlərin daşıyıcısı kimi öyrənilməmiş, Azərbaycanda yaxından tanınmamış, səsi yalnız xarici mətbuat səhifələrindən, radio dalğalarından eşidilmişdir. Bu irs varislik baxımından Azərbaycan mədəniyyətinin, eləcə də ədəbiyyatının davamı və inkişafıdır. Ona görə də Azərbaycan xalqına – bizim yeni nəslə Almas İldırım taleyinin güzgüsü olan zərif, təmiz poeziyanı çatdırmaq və oxucuları hərtərəfli məlumatlandırmaq kitabxanaçıların ən ülvi
vəzifələrindən biri olmalıdır. Onun hərtərəfli yaradıcılığı haqqında Azərbaycan oxucusuna qaranlıq qalan səhifələr hələ də çoxdur. Ona görə də müasir informasiya əsrində kitabxanaçılar şair haqqında məlumat topladıqda internetdə müxtəlif ünvan və saytlarda da axtarışlar aparmalıdır. Çünki kitabxanaçının oxuculara, tədqiqatçılara verdiyi hər bir yeni məlumat didərgin şairin yaradıcılıq və ictimai irsinin damcı-damcı öyrənilməsinə, mütəxəssislərin məlumat bazasının zənginləşməsinə kömək edəcəkdir.
MKS-lər ilk növbədə illər uzunu qadağan edilmiş mühacir
ədəbiyyatını mümkün qədər komplektləşdirməyə çalışmalı, toplanan ədəbiyyat kitabxananın kataloq və kartotekalarında operativ öz əksini tapmalıdır. “Azərbaycan mühacir ədəbiyyatı” başlığı altında toplanan bu nəşrlərdən oxucular asanlıqla istifadə edə bilərlər. Mühacir ədəbiyyatının görkəmli nümayəndəsi Almas İldırımın 100 illik yubileyi ilə əlaqədar olaraq şairin ədəbi irsi: kitabları, şeirləri, onun haqqında yazılmış məqalələr, elmi monoqrafiyalar, konkret mərhələlər üzrə toplanmalı və xüsusi rubrikada müəyyən ardıcıllıqla yerləşdirilməlidir. Kitabxanaçı bu ədəbiyyatın əlifba və sistemli oxucu kataloqlarında düzgün əks etdirilməsinə ciddi qayğı ilə yanaşmalıdır. Kitabxanaçı oxuculara kataloqdan düzgün istifadə etmək üçün tövsiyələr verməli, açıq rəf üsulundan bəhrələnməyin səmərəsini başa salmalıdır. A.İldırımın həyat və yaradıcılığı haqqında oxucuları geniş məlumatlandırmaq üçün kitab müzakirələrinin keçirilməsi olduqca faydalıdır. Kitab müzakirəsi oxucu fəallığının artmasına, bədii estetik zövqlərin formalaşmasına, oxucuların kitab üzərində müstəqil işləməsinə və müzakirə olunan kitab haqqında sərbəst fikir yürütməsinə təsir göstərir. Kitab müzakirəsi heç bir halda formal xarakter daşımamalıdır. Hər hansı bir əsərin müzakirəsinə ciddi hazırlıq tələb olunur. Çünki Azərbaycan ədəbi mühitində bu günə kimi mühacir ədəbiyyatı tam öyrənilməmiş
32
mürəkkəb bir dövrdür və bu günə kimi çap olunan nəşrlər mütəxəssislərin və tədqiqatçıların elmi araşdırmalarının məhsuludur, elmi tədqiqat əsərləridir. Bu kitablara düzgün qiymət vermək, oxucuları maraqlandıran o dövrün ədəbi mənzərəsini nəzərə çatdırmaq üçün məsuliyyətli və ciddi hazırlaşmaq lazımdır. Mümkün olsa kitab müzakirələrinə alim və mütəxəssisləri dəvət etmək məqsədəuyğun olar. Müzakirəyə Almas İldırımın həyat və yaradıcılığını düzgün əks etdirən, geniş oxucu kütləsini maraqlandıran, onun haqqında yeni mənbələrlə zəngin olan əsərlər seçilməlidir. Məsələn: Akademik Bəkir Nəbiyevin “Didərgin şair”, tədqiqatçı-alim Elnarə Bəşirovanın “Milli azadlıq mübarizi”, N.Ələkbərlinin “Üç budaq” kitablarının müzakirəsini keçirməyi məsləhət görürük. Həmin kitabların müzakirəsi gedişində kitabxanaçı diqqəti təxminən aşağıdakı məsələlərə yönəltməlidir: 1. A.İldırımın yaşadığı ictimai-siyasi dövr; 2. A.İldırımı bir şair kimi formalaşdıran ədəbi mühit; 3. Şairə qarşı edilmiş əsassız ittihamların mahiyyəti; 4. Müzakirə edilən əsərin (kitabın) başlıca ideyası və əhatə etdiyi mövzular. Hər hansı bir müzakirənin darıxdırıcı: “əsər (kitab) barədə kim nə bilir, danışsın”
prinsipinə əsaslanan çıxışların edilməsinə yol verilməməlidir. Çünki yuxarıda qeyd etdiyimiz kimi Azərbaycan mühacirət ədəbiyyatı hələ lazımi qədər öyrənilməyib. Bu mövzunu oxucular üçün maraqlı və aydın izah etmək üçün savadlı və hazırlıqlı məruzəçilər olmalıdır. Kitabxanaçılar
33
Yüklə 229,28 Kb. Dostları ilə paylaş:
|