2007-Cİ İLDƏ
AMEA NƏSİMİ ADINA DİLÇİLİK İNSTİTUTUNUN
NƏŞR OLUNMUŞ ELMİ ƏSƏRLƏRİ
____________________________________________________________________
__________________________________________________________________________________
«Tədqiqlər», 2008, №1, səh. 299
fərqli cəhətləri aşkar edilmişdir. Müəllifin qənaətinə görə özündə arxaik dil
faktlarını qoruyub saxlayan Lerik şivələri Azərbaycan ədəbi dilinin tarixini
izləmək baxımından çox əhəmiyyətlidir.
Çap olunan kitablar içərisində dialektologiya şöbəsinin
böyük elmi işçisi,
f.e.n.Kubra Quliyevanın «Azərbaycan dilinin Quba-Dərbənd dialektində qə-
dim türk leksilk qatı» monoqrafiyası da elmi dəyəri ilə diqqəti cəlb edir.Bu
kitabda müəllif Quba və Dərbənd dialektinə aid materialları «Terminoloji və
terminoloji olmayan leksika» adlı iki fəslin çərçivəsinə sığışdırmış, bir qrup
asemantik köklərin ekstra və intralinqvistik üsullarla etimoloji izahına cəhd
göstərmişdir. Müəllif tədqiq etdiyi dialektlərlərdə digər dialekt və şivələrdə
rast gəlinməyən zəngin dil faktları aşkara çıxarmışdır.
Dialektologiya şöbəsinin müdiri, f.e.d., prof.Qəzənfər Kazımovun «Müa-
sir Azərbaycan dili. Sintaksis»(Ali məktəblər üçün dərslik) kitabı da 2007-ci
ildə təkmilləşdirilərək «Təhsil» nəşriyyatı tərəfindən III dəfə nəşr olunmuşdur.
Adını çəkdiyimiz bu dərslik ümumi dilçiliyin və Azərbaycan dilçiliyinin son
nailiyyətləri əsasında yazılmışdır. Ənənəvi sintaksis sahəsində görkəmli alim-
lərimizin tədqiq və araşdırmaları ilə yanaşı,
söz birləşməsi, cümlə və mətn
problemlərinin öyrənilməsinə yeni baxış əsas götürülmüş, mövzuların şərhinə
nitqin aktuallaşdırılması imkanlarının öyrənilməsi mövqeyindən diqqət
yetirilmişdir. Ona görə də dərslik nitqin funksional
cəhətlərinin xüsusi nəzərə
alınması baxımından əvvəlki dərslikdən fərqlənir. Ali məktəblərin filologiya
fakültələri üçün nəzərdə tutulan bu dərslikdən başqa fakültələrin tələbələri,
magistrlər, aspirantlar, müəllimlər də istifadə edə bilərlər.
2007-ci ildə çap olunan kitablardan biri də dil tarixi şöbəsinin əməkdaşı,
f.e.d.,prof.Rəhilə Məhərrəmovanın «Kitabi-Dədə Qorqud»un söz xəzinəsi»
monoqrfiyasıdır. Kitabda türk dünyasının
ölməz abidəsi, şifahi xalq
yaradıcılığının nadir incilərindən olan «Kitabi-Dədə Qorqud»un söz xəzinəsi
araşdırılmışdır.Abidənin lüğət tərkibini türk dillərinin əksəriyyəti üçün ortaq
olan sözlər təşkil edir. Bu sözlər müəyyən fonetik, leksik, semantik dəyişmə-
lərə uğrayaraq ədəbi dildə müəyyən dövrə qədər işlənmiş, sonralar
arxaik-
ləşmişdir. Kitabın birinci hissəsində bu qədim türk sözləri semantik, leksik,
fonetik dəyişmələr başlıqları altında qədim və orta əsr türk abidələri əsasında
izlənmişdir.
Kitabın ikinci hissəsində ümumişlək leksika(məişət sözləri, etnoqrafik
leksika), söz-terminlər(bədən üzvlərinin adlarını, ailə və qohumluq münasi-
bətlərini bildirən sözlər),
hərbi terminlər, musiqi terminləri və onomastik
vahidlərdən geniş bəhs edilmişdir.
2007-Cİ İLDƏ
AMEA NƏSİMİ ADINA DİLÇİLİK İNSTİTUTUNUN
NƏŞR OLUNMUŞ ELMİ ƏSƏRLƏRİ
____________________________________________________________________
__________________________________________________________________________________
«Tədqiqlər», 2008, №1, səh. 300
Üçüncü hissə leksik-semantik söz qruplarına(sinonim, omonim, antonim-
lərə) həsr olunmuşdur. Monoqrafiyanın sonunda «Kitabi-Dədə Qorqud»da
işlənmiş qədim və orta əsr türk yazılı abidələri üçün səciyyəvi olan türk
sözlərinin müxtəsər lüğəti verilmişdir.
2007-ci ildə terminologiya şöbəsinin müdiri, f.e.d.Sayalı Sadıqovanın
«Terminoloqiçeskie slovosoçetaniə v azerbaydcanskom literaturnom əzıke»
adlı monoqrafiyası da çapdan çıxmışdır. Kitabda Azərbaycan dilində
terminoloji söz birləşmələrinin spesifik xüsusiyyətləri araşdırılmış, forma-
laşma prosesi, dil sistemində rolu izlənilmiş,
strukturu, komponentləri arasında
semantik-qrammatik münasibətlər geniş təsvir olunmuşdur. «Azərbaycan
dilinin terminoloji leksikasında söz birləşməsi şəklində olan terminlərin xüsusi
yer tutduğünü»
1
qeyd edən müəllif Azərbaycan ədəbi dilində terminoloji söz
birləşmələrinin əmələ gəlmə və işlənmə periodlarını da ardıcıl izləyə bilmişdir.
Ötən 2007-ci ildə nəşr olunan kitablar sırasında terminologiya şöbəsinin
əməkdaşlarından f.e.n.Xuraman Quliyevanın «Rus dilindən Azərbaycan dilinə
kalkaetmə yolları» monoqrfiyasının da adını çəkmək olar. Əsərdə kalkaların
yaranmasını şərtləndirən dildaxili və dilxarici amillər
müəyyən edilmiş,
kalkaların çoxaspektli xüsusiyyətləri təhlil olunmuşdur.
Türk dilləri şöbəsi də 2007-ci ildə əldə etliyi uğurları ilə öyünə bilər. Be-
lə ki, şöbənin böyük elmi işçisi, f.e.n.Şəkər Orucovanın «Türk dillərində
xitab» monoqrfiyası özünün həm bədii-estetik görüntüsü ilə,
həm də elmi-
praktik məzmunu ilə diqqəti cəlb edir. «Elmi sahmanı və yanaşma ciddiliyi ilə
fərqlənən»
2
bu monoqrafiyada türk xalqlarının müxtəlif və rəngarəng müraciət
formaları, onların yaranma və formalaşması tarixi-müqayisəli şəkildə nəzərdən
keçirilmiş, qrammatik, leksik və üslubi-semantik xüsusiyyətləri araşdırılmış,
xitabların digər həmhüdud kateqoriyalarla sərhədləri müəyyənləşdirilmişdir.
Nəşr olunan kitablar içərisində türk dilləri şöbəsinin digər əməkdaşı,
f.e.n.Elnarə Ələkbərovanın «Dilimizin ulu səsi-Dədə Qorqud abidəsi» monoq-
rafiyası misilsiz sənət abidəsinə – «Kitabi-Dədə Qorqud»a həsr olunmuşdur.
Dastanda işlənmiş sözlər oğuz kontekstində müqayisə olunmuş, dəyərli elmi
nəticələr əldə edilmişdir. «Azərbacan qorqudşünaslığına layiqli töhvə»
3
olan
bu monoqrafiyanın sonunda dastanın lüğət
tərkibi ilə oğuz dillərinin
1
Садыгова С. Терминологические словосочетания в Азербайджанском литературном языке,
Баку, Элм, 2007, с.10.
2
Orucova Ş. Türk dillərində хitab, Bakı, 2007, səh.3.
3
Ələkbərova Е. Dilimizin ulu səsi-Dədə Qorqud abidəsi, Bakı, 2007, səh.3.