Azərbaycan demokratik respublikasi
Yüklə 0,85 Mb. Pdf görüntüsü
|
- Bu səhifədəki naviqasiya:
- ƏBDÜLƏLĠ BƏY ƏMĠRCANOV
73
H.Şahtaxtinskinin (1880- 1943) yerinə maarif və dini etiqad naziri təyin olunmuş, 25 gün sonra – martın 30-da bütün kabinə ilə birlikdə istefaya çıxmışdır.
1920-ci il aprelin 27-də baş verən hadisələrdən sonra N.Şahsuvarov Azərbaycan SSR xalq maarif komissiyasının müavini təyin olunmuşdur. O, həmin dövrlərdə Bakıda pedaqoji, S.Ağamalıoğlu adına torpaq və geodeziya texnikumlarında rus dilindən dərs demişdir. Sonralar isə Bakı Dövlət Universitetində rus dili kafedrasının müdiri, Azərbaycan neft institutunda isə rus dili müəllimi vəzifəsində işləmişdir.
1940-ci ildə həbs olunan və Krasnodar diyarına sürgünə göndərilən Nurməmməd Şahsuvarov orada da öz ixtisası üzrə dərs demişdir. Üç il sonra – 1943-cü ildə sürgündən Bakıya qayıdan N. Şahsuvarov Azərbaycan Tibb İnstitutunda rus dili kafedrasının müdiri və müəllimi işləmişdir. O, Azərbaycanda rus dili sahəsində bir mütəxəssis kimi məşhur idi.
Öz dövrünün tanınmış şəxsiyyətlərindən biri olan Nurməmməd Şahsuvarov 1958-ci il avqustun 11-də Bakıda vəfat etmişdir. Onu da qeyd etmək lazımdır ki, o, öz vətənində Azərbaycan İstiqlal dövrünün həyatdan gedən son naziri idi. Mövsüm Əliyev.
www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları 74
Odlar yurdu, № 24, dekabr 1989.
Dövrünün tanınmış siyasi və ictimai xadimi olan Əbdüləli bəy Əmircanov Şirəli bəy oğlu 1870-ci ildə Şəkidə anadan olmuşdur. O, 1876 - 1883-cü illərdə Şəki şəhər məktəbində oxumuş, sonra Tiflisdə Aleksandrovski Müəllimlər İnstitutuna daxil olmuşdur. Əbdüləli bəy sonralar Azərbaycanın məşhur maarif xadimləri kimi tanınmış S.M.Qənizadə (1866-1924), H.Mahmudbəyov (1864- 1928) və S.Əbrührəhmanbəyovla (1860 - 1922) birlikdə oxumuş və yaxındam dostluq etmişdir.
1888-ci ildə təhsilini başa vuran Əbdüləli bəy Əmircanov Şəki şəhər məktəbinə müəllim təyin olunmuşdur. Məktəbdə azərbaycanca dərs keçilməsi, rus dilinin öyrədilməsi, tarix, coğrafiya, təbiətşünaslıq və riyaziyyatın tədrisi sahəsində onun xidmətləri böyükdür.
Ə. Əmircanov XIX əsrin sonlarında Lənkərana köçmüş, müəllim işləmiş, görkəmli maarifçi Teymur bəy Bayraməlibəyovla (1862 - 1937) birlikdə bir çox mədəni – maarif tədbirlərini həyata keçirmişdir. O, həmin şəhərdə də ailə qurmuşdur.
XX əsrin əvvəllərində Bakıya köçən Əmircanov şəhərin rus – azərbaycan məktəblərində dərs deməklə yanaşı, dövlət idarələrində və müxtəlif şirkətlərdə mühasib vəzifələrində də işləmişdir. O, Bakıda bir sıra mədəni – maarif cəmiyyətlərinin I (1906-cı il) və II (1907-ci il) qurultaylarında yaxından iştirak etmişdir.
1917-ci ildə Rusiyada fevral – burjua inqilabı baş verdi. Ə. Əmircanov siyasi hadisələrə qoşuldu. 1918-ci il martın 18-dən 22-dək Bakıda cəbhədən qayıdan nizami erməni əsgəri birlikləri 30 minə yaxın azərbaycanlını qırdı. Onlar S. Şaumyanın göstərişi ilə Bakı Sovetinin qoşunu tərkibinə daxil edilmişdilər. Şəhərdə bu qırğının qarşısını almağa çalışanlardan biri də Ə.Əmircanov idi. O, www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları
75
martın 27-də yaranmış Milli müsəlman Şurası Müvəqqəti İcraiyyə Komitəsinin üzvü idi.
1918-ci il mayın 28-də Azərbaycan Demokratik Respublikası elan olundu. Bitərəf Ə.Əmircanov Azərbaycan Respublikası nazirlər şurasının sədri Fətəlixan Xoyskinin (1875 - 1920) təşkil etdiyi II hökümət kabinəsində (17. VII. 1918) maliyyə naziri təyin olundu. Onun rəhbərliyi altında Azərbaycan hökümət bankı fəaliyyətə başlamışdır.
Bakı 15. IX. 1918-ci ildə oyuncaq Sentrokaspi diktaturası qüvvələrindən təmizləndikdən sonra, Azərbaycan respublikası höküməti Gəncədən Bakıya köçmüş və Ə. Əmircanov öz vəzifəsini burada icra etmişdir. Həmin il oktyabrın 6- da hökümət kabinəsində bəzi dəyişikliklərlə əlaqədar Ə. Əmircanov öz vəzifəsindən azad olunmuş, həmin gündən dövlət nəzarətçisi vəzifəsini tutmuşdur.
Ə. Əmircanov 1918-ci il dekabrın 7-də Bakıda təntənəli sürətdə açılmış Azərbaycan parlamentinə üzv seçilmişdir. O, parlamentdə bitərəflər qrupuna daxil idi.
1918-ci ilin dekabrında F.Xoyskinin kabinəsi istefaya çıxdığı üçün Ə. Əmircanov tutduğu vəzifəni tərk etmişdir.
1919-cu ilin ortalarında xarici ölkələrlə ticarət əlaqələri yaratmaq üçün Ə. Əmircanovun yaxından iştirakı ilə Bakıda ―Dəyanət‖ şirkəti yaradılmışdır. Həmin dövrdə Bakıda həyata keçirilən bir sıra mədəni – maarif tədbirlərinin təşkilatçılarından biri də Ə. Əmircanov idi.
1920-ci il aprelin 27-də baş verən hadisələrdən sonra Ə. Əmircanov Azərbaycanı tərk edərək İstanbula köçmüş və 1948-ci ildə orada vəfat etmişdir. Mövsüm Əliyev.
www.onlinekurs.az Pulsuz hazırlıq kursları – Dövlət qulluğuna hazırlıq, Ali məktəblərə hazırlıq, Magistraturaya hazırlıq, kompüter və xarici-dil kursları Yüklə 0,85 Mb. Dostları ilə paylaş:
|