Айятуллащ ял-цзма Мякарим Ширази 121
Bu məsələ Peyğəmbəri-Əkrəmdən (s) nəql olunan
rəvayətlərə nəzər saldıqdan sonra diqqəti bir az da cəlb
edir. Məsələn, bir gün o həzrət İbn Məsuda buyurur:
“Bilirsənmi, rahiblik nə vaxtdan yaranıb?” İbn Məsud
cavab verir: “Düzünü Allah və Peyğəmbəri bilir!”
Həzrət buyurur: “İsanın (ə) dövründən bir müddət sonra
zülmkar hökmdarlarla iman əhli arasında üç dəfə döyüş
baş verir. Amma onlar məğlub olduqdan sonra dağlara
və səhralara sığınaraq İsanın (ə) vəd etdiyi peyğəmbərin
(Həzrət özünü nəzərdə tutur) zühurunun intizarı ümidilə
ibadətə qapılırlar.”
1
Məşhur xristian tarixçisi Vil Dürant “Tarix” kitabının
31-ci cildində rahibliklə bağlı geniş məlumat verərək
yazır ki, rahibə qadınların rahib kişilərə qoşulması
miladi tarixi ilə 4-cü əsrə təsadüf edir və sonralar bu
fikrə qoşulanların sayı artaraq, nəhayət, 10-cu əsrdə
artıq geniş miqyas alır.
Tarixçi hətta onların yaşadığı komalar, qayda-
qanunlar, evlənməmələri, eləcə də rahibə qadınların
əl işləri, əkin sahələrini abad etmələri, əkinçilikləri və
digər əyləncələri ilə bağlı qısa izah da verir.
Rahibliyin ən mühüm şərtlərindən biri evlənməyi
tamamilə tərk etməkdir. Fərid Vəcdi “Dairətül-məarif”
kitabında yazır: “Bəzi rahiblər qadına baxmağı
şeytan əməli bildiklərindən, hətta dişi heyvanı belə
evlərinə buraxmazdılar və bunu şeytanın ruhunun
onların mənəviyyatına zərər yetirə biləcəyi ilə
əlaqələndirirdilər!”
Bununla belə, onların komalarında baş verən bir
1 . Bax: “Məcməül-bəyan”, “Hədid” surəsi, 27-ci ayənin təfsiri;
“Biharul-ənvar”, 70-ci cild, “ən-nəhy ənir-rəhbaniyyət” bölümü.
122 Яхлаг сайясиндя саьлам щяйат
çox faciələr tarixdə qeydə alınıb və hətta üçüncü
papa İnsanın ibadətgahların birini “fahişəxana”
adlandırması belə qələmdən yayınmayıb.
1
1 . “İnkişaf tarixi”, Vil Dürant, 13-cü cild, səh.443.
Айятуллащ ял-цзма Мякарим Ширази 123
İCTİMAİ VAHİD VƏ QURUMLAR
Böyük və qüdrətli cəmiyyətin təşkili
İnsan yarandığı ilk zamanlardan onunla birgə icma
quruluşu da formalaşmışdır. Onun icmalara və ayrı-
ayrı qruplara bölünməsinə səbəb aşağıdakılardır:
1. Tayfa: Məlum olduğu kimi, ailə və nəsil artımı
ibtidai icma quruluşlarının ilkin amillərindən sayılır
və ilk ictimai qruplar özünü qəbilə şəklində büruzə
verməyə başlayır. Elə müasir dövrdə də köçərilərdə
şəhər və kənd mühitindən kənar ucqar bölgələrdə
bu proses müşahidə olunur. Bəzən onlara hakim olan
adət-ənənələrin sərtliyindən, hətta iki tayfa arasında
qohumluq əlaqələrini belə bərqərar etmək olmur.
2. Coğrafi məntəqələr: Zaman keçdikcə qəbilələr
irqi ixtilaflarını kənara qoyaraq, yavaş-yavaş bir-birinə
qoşulmağa başlayır və daha böyük icmalar təşkil
edərək coğrafi məntəqələrlə bir-birindən ayrılırlar.
İlkin coğrafi sərhədlər təbii obyektlərlə, məsələn, dərə,
çay və yaxud uca bir dağla müəyyən edilirdi. Amma
sonralar bunu müqavilələrlə əvəz etməyə başladılar.
Hərçənd, hələ də təbii hədlər dünyanın bir çox
məntəqələrində coğrafi sərhədliyini ifa edir. Məsələn,
124 Яхлаг сайясиндя саьлам щяйат
İngiltərəni Fransadan, Çini Yaponiyadan və s. ölkələri
bir-birindən ayıran təbii hədlər hələ də əhəmiyyətini
itirməyib. Amma, şübhəsiz, hər bir ölkənin sərhəd və
ərazilərini təbii hədlər müəyyənləşdirmir.
3. İdeoloji səbəblər: İnsanı icmalar ətrafında toplayan
baxış, nəhayət, onun üzünə daha geniş üfüqlər açaraq
əqidə, təfəkkür tərzi və ideoloji əsasların çevrəsində
birləşməyə gətirib çıxartdı. Qərinələr sovuşduqca o,
başa düşdü ki, irq, tayfa və s. onların arasında ixtilaf və
ayrılıq salmamalıdır. Qanı, kökü və dini bir olanlar bir-
birlərinə daha tez uyğunlaşsalar da, bu, heç vaxt onların
digər xalqların kənarında yaşamasına mane olmamalı,
coğrafi məntəqələr sərhədlər yaratmamalı və əlaqələrin
genişlənməsi ilə coğrafi hüdudlar da tam şərti xarakter
daşımalıdır.
Bu minvalla irqi-milli vahidlər həddi aşaraq yavaş-
yavaş ideoloji vahidlərdə birləşməyə başlayır və
iyirminci əsrdə, demək olar, dünyanı iki yerə ayıran
kommunist və kapitalist dünyagörüşləri bunun ən real
nümunələrindəndir. İlk baxışda bu bölgü və ixtilafın
qətiliyi və daimiliyi təsəvvür olunsa da, get-gedə
məlum oldu ki, onların da saxta qarşıdurmaları az
deyildir. Çünki millətlərin bəzən yaranan fikri-ideoloji
ixtilafları onların çoxsaylı müştərək cəhətlərini qıra
bilməz və onları həmişə birgə mənafenin ətrafında
birləşməyə çağırır. Beləliklə, “birgə yaşama” hissi
millətlər arasında ideologiyalarından asılı olmayaraq
formalaşmağa başladı və hal-hazırda hamı bunun
canlı şahididir. Bununla belə, bəzən bir dövlətin
şəxsi mənafeyi və ya onun inkişaf və tərəqqidən geri
qalması hələ də bir çox üfüqlərdə onları bir-birindən
Айятуллащ ял-цзма Мякарим Ширази 125
ayırır. Lakin bir çox təfriqə və ayrılıq salan amillər tam
həqiqi şüura arxalanmır və gələcək nəsillərin dərketmə
qabiliyyəti bunları da işıqlandıracaqdır. Məlum
fərziyyələr də göstərir ki, bəşəriyyətin vahid icmada
birləşməsi ağıldan uzaq deyildir.
Ən güclü ictimai ittifaq
Dünya səviyyəsində böyük beynəlxalq vahid
icmanın təşkili bir sıra məsələləri tələb edir:
1. Əlaqələrin asanlaşdırılması: Artıq müasir
dövrdə bu məsələ öz əksini tapmaq üzrədir. Şübhəsiz,
elmi-texnoloji tərəqqi gələcəkdə lazımı üsulları daha
da genişlən dirəcəkdir.
2. İdeoloji vəhdət və birlik: Hər hansı bir ideyaya
yekdil etiqadlı olmadan əsl mənada vəhdətdən söz gedə
bilməz. “Müştərək cəhətlər” və “birgə mənfəət hissi”
müəyyən ortaq fikirlər yaratsa da, şübhəsiz, tərəddüd və
şəkk-şübhələri tamamilə aradan qaldırmayacaq və hər
hansı həmkarlıq əlaqələri məhdud şəraitdə olacaqdır. Bu
da ki, vahid və ideal ittifaq üçün zəmin yaratmır. Amma
zehinləri bir yerə toplaya bilən kamil dünyagörüşünə
rəğbət yaratmaqla ümumdünyəvi ittifaqa ümid gözü ilə
baxmaq olar.
3. Fikri-əxlaqi tərəqqi: Əldə olan nəticələr göstərir
ki, kütlələr arasında kifayət qədər fikri tərəqqi
yaranmadan daha böyük miqyasda, yəni ümumi
bəşəri mənafedən söz açmaq çətindir. Hələ hamının
razılaşdığı müştərək hədəf və orta məxrəcdən sonra
qarşıya çıxan sinfi, milli, coğrafi və s. fərqləri nəzərə
almalı, onlara uyğun təfavüt və tələblərə boyun
əyməyimiz üçün əxlaqi tərəqqiyə hazır olmalıyıq.
Dostları ilə paylaş: |