11
Mühazirə 3
Dirsək-şatun mexanizminin konstruksiyası haqqında əsas anlayışlar.
3.1. Dirsək-şatun mexanizminin vəzifəsi və onun əsas elementləri.
DYM-də porşenin irəli-geri hərəkətini dirsəkli valın fırlanma hərəkətinə çevirən mexanizm
dirsək-şatun mexanizmidir (şək.3.1). Dirsək-şatun mexanizmləri aksial və dezaksial tipli olurlar.
Dirsək-şatun mexanizminin hissələri iki qrupa ayrılır: hərəkətli və hərəkətsiz hissələr. Hərəkətli
hissələrə porşen, porşen üzükləri, porşen barmağı, sürgüqolu, dirsəkli val və nazimçarx, hərəkətsiz
hissələrə isə paylayıcı dişli çarx blokunun qapağı, blok başlığının araqatı, yanma kameri, silindrlər
bloku başlığı, silindr gilizləri, kipləşdirici üzüklər, silindrlər bloku, silindrlər başlığının qapağı,
qapağın və silindrlər başlığının bərkidici boltları, xaric kollektorunun qol borusu, sıxıcı bolt,
silindrlər başlığının polad araqatı, yağ çənbəri aiddir.
Porşenin vəzifəsi, quruluşu və materialı.
Porşenin vəzifəsi sorma prosesi zamanı silindrə yeni qarışıq və ya hava sormaq, sıxma prosesi
zamanı yeni qarışıq və ya havanı sıxmaq, genişlənmə prosesi zamanı qazların təzyiq qüvvəsini
sürgüqolu vasitəsilə dirsəkli vala ötürmək, xaric prosesi zamanı isə silindrdəki qalıq qazları
atmosferə çıxarmaq, silindrin divarı və silindrlər başlığı ilə birlikdə qapalı həcm yaratmaq və bu
həcmdə iş siklinin proseslərini yerinə yetirmək (şək.3.2), N qüvvəsini qəbul edərək silindrin divarına
ötürmək (şək.3.3);
tg
P
N
1
,
mümkün qədər qazlardan az istiliyin qəbul edilməsini təmin etmək, alınan istiliyi üzüklər, porşen
ətəyi vasitəsilə silindrin divarına, soyutma sisteminə, havaya və yağ dumanına verməyi təmin etmək,
ikitaktlı mühərriklərdə üfürmə və xaric pəncərələrinin açılıb-bağlanmasını təmin etməkdir.
Porşenin hissələri: porşen başlığı 1, porşen təpəsi 2 və ətək 3. Porşen başlığının xarici səthində və
ətəkdə sıxıcı və yağsıyırıcı üzüklər üçün üzük arakəsmələri 4, porşen barmağının yerləşdirilməsi
üçün porşen barmağı yuvası 5, konstruksiyadan asılı olaraq isə porşen sıxlaşdırıcıları 6 və porşen
platforması 7 konstruksiya edilir (şək.3.2). Porşenin materialı əsasən alüminium ərintilərindən və
çuqundan olur.
Şək.3.1. Şək.3.2. Şək.3.3
Porşen üzüklərinin növləri, onların vəzifəsi və sayı.
Porşen üzükləri sıxıcı (kompressiya) və yağsıyırıcı olurlar (şək.3.4, şək.3.5, şək.3.6).
Sıxıcı (kompressiya) üzüklərinin vəzifəsi porşenlə silindr arasında lazımi kipliyi təmin etmək,
qazların yanma kamerindən karterə keçməsinin qarşısını almaq, porşen başlığından qəbul etdiyi
istiliyi silindrə ötürməkdir. Yağsıyırıcı üzüklərin vəzifəsi isə yağın yanma kamerinə keçməsinin
qarşısını almaqdır. Bu üzüklər sıxıcı üzüklərdən aşağıda yerləşdirilir. Yağsıyırıcı üzüklərin xarici
12
səthində yağın keçməsi üçün kəsiklər və yuvalar olur. Üzüyün kəsiyi üzük qıfılı adlanır; düz, çəp və
pilləli ola bilər. Porşen üzükləri ilə birlikdə oxboyu və radial genişləndiricilər də istifadə edilir.
Üzüklərin sayı əsasən sıxma dərəcəsindən asılıdır. Boz və ya legirlənmiş çuqundan, forsirə olunmuş
mühərriklər üçün isə sıxıcı üzüklər legirlənmiş poladdan hazırlanırlar.
Şək.3.4. Şək.3.5. Şək.3.6.
Porşen barmağı porşenlə şatunun yuxarı başlığını əlaqələndirmək üçün tətbiq edilir. Porşen
barmağının kənarları porşenin barmaq yuvalarında oturur, mərkəz hissəsi isə şatunun yuxarı
başlığının yuvasına bürünc oymaq ilə sıxılaraq geydirilir. Materialı azkorbonlu poladdan hazırlanır.
Şatun qrupunun vəzifəsi, hissələri və materialı.
Şatun qrupunun vəzifəsi porşenin qəbul etdiyi qazların təzyiq qüvvəsini dirsəkli vala ötürmək,
ətalət qüvvəsinin təsirini porşenə ötürərək onu yuxarıya doğru hərəkət etdirməkdir (şək.3.7). Şatun
qrupunun hissələri: yuxarı başlıq (porşen başlığı) 1, bürünc oymaq 2, sürgüqolu çubuğu 3, aşağı
başlıq (dirsək başlığı) 4, aşağı başlıq qapağı 5, içliklər 6, sürgüqolu boltları 7, qaykalar. Şatun qrupu
hissələrini yağlamaq üçün yağlama yuvalarından istifadə edilir. Yuxarı başlıq üçün yağlama yuvası 8,
yuxarı başlıq oymağının sürtünən səthini yağlamaq üçün yağlama yuvası 9, içliklərin sürtünən
səthlərini yağlamaq üçün yağlama yuvası 10 tətbiq edilir. Yorulmaya görə yüksək müqavimətli
karbonlu və ya legirlənmiş poladlardan hazırlanır.
Şək.3.7.
Dirsəkli valın vəzifəsi və materialı.
Dirsəkli val porşenin irəli-geri hərəkətini fırlanma hərəkətinə çevirərək sürətlər qutusu vasitəsilə
təkərlərə ötürür (şək.3.8). Hissələri: valın ön qurtaracağı 1, ana boynu 2, sürgüqolu boynu 3, yanaqlar
4, əksyüklər 5, nazimçarxın bərkidilməsi üçün bərkidici hissə 6, paylayıcı dişli çarx, qoyma ştift, yağ
nasosu intiqalının dişli çarxı, sürgüqolu boyunlarını yağlamaq üçün yağ yuvaları 7, yağ çənbərindən
13
yağı qəbul etmək üçün yağlama yuvaları 8. Karbonlu və legirlənmiş poladlardan, həmçinin
yüksəkkeyfiyyətli çuqundan hazırlanır.
Şək.3.8.
Silindrlər başlığının vəzifəsi, materialı və onun əsas elementləri.
Silindrlər başlığı 1 (şək.3.9, şək.3.10) silindrləri örtən mühərrikin başlıq hissəsidir. Sorma 2 və
xaric 3 boruları, sorma 8 və xaric 9 klapanları və onların elementləri, yanacaq vermə sistemləri 12,
alışdırma sistemi, hava təmizləyici sistem yerləşdiyindən bunların hissələrini bərkitmək üçün
silindrlər başlığı çox mürəkkəb konstruksiyaya malik olur. Alüminium ərintiləri AO5, AC9 AL5,
AK4, boz çuqunlardan hazırlanır.
Şək.3.9. Şək.3.10.
Silindr gilizinin vəzifəsi, materialı, «quru» və yaxud «nəm» gilizlər.
Şək.3.11.
Porşen 5 silindr gilizinin daxilində irəli-
geri hərəkət edərək işçi sikli yerinə yetirir.
Silindr gilizi blokla bir və ya ayrı hazırlana
bilər. Ayrı hazırlanmış silindr gilizləri bloka
kipləşdirici üzüklər vasitəsilə bərkidilirlər.
Yüksəkkeyfiyyətli legirlənmiş çuqundan və
azotlanmış poladdan hazırlanır (şək.3.11).
Əgər gilizlər soyuducu maye ilə birbaşa
təmasda olmurlarsa «quru», soyuducu maye
ilə yuyulan gilizlər isə «nəm» gilizlər adlanır
(şək.3.12).
Dostları ilə paylaş: |