52
6.4.4 Çay ekosisteminə cari antropogen təsirlər
1.
Sudan suvarma üçün istifadə
2. Meşələrin qırılması
3. Bərk tullantıların yerləşdirilməsi
4. Çaylarda maşınların yuyulması
5. Yaşayış yerlərindən çirkab sularının çaylara buraxılması
6.
Hidromorfoloji dəyişikliklər
7. Kənd təsərrüfatındakı pestisidlər və gübrələr
vasitəsilə çirklənmə
Yuxarıda təsvir edilən mühüm təzyiqlər üzrə aşağıdakı təsirlər baş verə bilər:
Su sərtliyi və su sərfiyyatının ekoloji axından aşağı səviyyəyə qədər azalması. Yayda nəticə
etibarilə bəzi
çaylar quruya bilər;
Yaxşı məlum olduğu kimi, meşələrin qırılması torpağın aşınmasına və səth sularının torpağa
sızmasının azalmasına gətirib çıxarır ki, bu da aşağı axın dövrlərində su sərfinin azalması ilə
nəticələnir;
Emal edilməmiş çirkab suların və bərk tullantıların atılması çaylarda suyun keyfiyyətinin
pisləşməsinə gətirib çıxarır;
Morfoloji dəyişikliklər çayların ekoloji vəziyyətinin mənbə şəraitindən fərqlənməsinə gətirib
çıxarır. Çay sahillərinin betonla üzlənməsi çayın flora və faunasına
təsir göstərir;
Su kənd təsərrüfatı sahələrindən daxil olan üzvi kimyəvi maddələrlə çirklənir. Bu, çayın
ekosisteminə ziyan dəyməsinə gətirib çıxarır və sağlamlıq üçün mənfi təsiri vardır.
6.4.5.
“Strategiya” üzrə müəyyən olunan təsirlərin həcmi
KSES
Strategiya üzrə ümumilikdə kiçik dağ çaylarında KSES-lərin layihələndirilməsi planlaşdırılmış, lakin
dəqiq mənbələr göstərilməmişdir. Layihə çərçivəsində baza təhlillərinə istinad edilərək, dağ çayları
üzrə əsas ekoloji təhdidlər nəzərə alınaraq, ümumi qiymətləndirmə aparılmışdır.
KSES-də derivasiya metodu ilə enerjinin alınması nəzərdə tutulduğu üçün, bu metodu ilə istehsal
edilən elektrik enerjisi hər hansı çirklənmə və ya zərərli ekoloji təsirlərə səbəb olmur. KSES-in
saxlanılması asan və ucuz başa gəlir və həmçinin qəza halları da azdır. KSES uzun ömürlü olur və
enerjinin yaranması prosesi əsasən avtomatik olduğundan, elektrik stansiyasını idarə etmək və ona
nəzarət etmək üçün daha az əmək qüvvəsi tələb olunur. KSES qurğuları bəndlərin tikilməsini adətən
nəzərdə tutmur və məcralara təsir minimumdur. Buna baxmayaraq, bu metodla belə texnoloji dizayn
təkliflərində belə bəndlərin tikintisi planlaşdırıla, və ya bir neçə KSES-in bir kiçik çay üzərində
tikintisi planlaşdırıla, habelə su rejimi nəzərə alınmadan ekoloji axım saxlanılmadan suyun böyük
həcmdə derivasiya ilə götürülərək kənarda hovuzda saxlanılması tələb oluna bilər.
Hidroenerjinin inkişafı kanallara mənfi təsiri olmasa da, çayların minimum axınlarını azalda bilər və
bu çay ekosisteminə mənfi təsir göstərə bilər. Derivasiya kanallarının tikintisi zamanı isə çay məcrasında
dəyişikliklərə gətirib çıxara bilər.
53
Bununla yanaşı, qeyd etmək lazımdır ki, dağ çaylarında xüsusilə Şəki-Zaqatala və Şirvan çaylarında sel
hadisələrinin tez tez təkrarlanması və məcra proseslərinin aktiv getməsi səbəbindən əlavə sahil
bərkitmə işləri tələb edə bilər ki, bu da çay ekosisteminə, çay suyunun keyfiyyətinə antropogen təsiri
artıra bilər
Çay məcrasından suyun götürülməsi üsulu (derivasiya üsulu olsa belə) və yenidən çaya qaytarılması
üzrə texnoloji seçimdən asılı olaraq, yuxarı və aşağı byefdə su balansının bərabər paylanmaması çay
seqmentində quruma
təhlükəsi yarada bilər
GES üçün
Azərbaycanda kifayət qədər potensial var. Günəş panellərinin yuyulmasında istifadə olunan
su mənbəyi baxımından Aran rayonlarında və Abşeron Qosbustan zonasında su qıtlığı yaşana bilər.
Azərsu ASC-nin bir çox rayonlarda su təchizatı və kanalizasiya layihəsi çərçivəsində yenidən qurma
işləri aparılır və yeni ÇSTQ-nin tikintisi planlaşdırılır.
Ümumilikdə qeyd olunmalıdır ki, Strategiya
çərçivəsində planlaşdırmada su ehtiyatları qiymətləndirilsə də, suya olan tələbat nəzərə
alınmayıb. Belə ki,
su mənbəyi kimi bəzi rayonlarda
(məs. Xızı rayonu) bulaq sularından istifadə
olunması və bu su ehtiyatının kasıb olması səbəindən gələcəkdə günəş panellərinin yuyulması üçün
suyun çatdırılmasında problem yaşana bilər. Eyni zamanda istifadə olunan suyun kənarlaşdırılması
zamanı həssas zonalarda daha diqqətli olmaq tələb olunacaqdır.
KES
Külək enerjisi çirklənmə əmələ gətirmir, daimi enerji növüdür. Quruda yerləşdiriləcək külək enerjisi
qurğularının su ehtiyatlarına mənfi təsiri gözlənilmir. KES-lərin sahildən kənar su sahəsində
yaradılması, istismarı, nəqli və əməliyyatı dəniz suyunun lillənməsinə və nəqliyyat vasitəsi və
gəmilərin təsiri ilə çirklənməsinə gətirib çıxara bilər. Strategiya üzrə quruda bir neçə rayonda nəzərdə
tutulmuşdur) KES-lərin layihələndirlməsinin su mühitinə təsiri gözlənilmir.
Geotermal enerji
Yeraltı suların potensialından istifadə zamanı qəza hallarında ətraf mühitin çirklənməsi, o cümlədən
yeraltı su ehtiyatlarına neqativ təsirlər formalaşa bilər. Geotermal stansiyaların işləməsi zamanı
soyutma prosesində və təkrar suyun laya vurulması üçün (laya vurmaq üçün rezervuarlarda bir hissəsi
buxarlandığı üçün) su tələb olunur. Bu isə yaxın arealda su təchizatına təsir edə bilər.
Geotermal sular kükürd, mineral duzlar və s. zəngin olduğu üçün ətraf ərazilərə axıdılması suyun
keyfiyyətinə təsir edə bilər. Suyun qapalı sistemdə təkrar laya vurulmasının təmin edilməsi və
layihələndirmə mərhələsində ətraf mühitin idarəolunması planının hazırlanması bu problemlərin
qarşısını ala bilər. Bu baxımdan layihələndirmə mərhələsində ətraf mühitə təsirin
qiymətləndirilməsinin aparılması və mümkün ən yaxşı texnologiyaların və istismar rejiminin seçilməsi
zəruri hesab edilmişdir.
Yuxarıda qeyd olunanları nəzərə alaraq, suya tələbatın müəyyən edilməsi üçün əhalinin sayı, çayların
çirklənmə dərəcələri və yağıntıların miqdarına görə ən quraq əraziləri əks etdirən GİS xəritə
hazırlanmışdır. Xəritə və
təsirlər qiymətləndirilməsi cədvəli konkret su stress zonalarını müəyyən
etmək və layihə təkliflərini bu əsasda formalaşdırmaq üçün uyğun vəsait olaraq təqdim olunur: