258
humanistləşdirilməsi səviyyəsinin meyarlarını şərtləndirir.
Bu mənada dünya miqyasında qeyri-istehsal dairəsinin
maddi istehsal sahəsinə nisbətən üstün templərlə artması
meyli, getdikcə özünü qanunauyğunluq kimi daha aydın
bir tərzdə göstərməkdədir.
Lakin hər halda etiraf etmək lazım gəlir ki, cəmiy-
yətin və insanların həyatında maddi nemətlər istehsalı
həlledicidir. Doğrudur, hər şey deyil, amma onsuz yaşa-
maq da mümkün deyildir.
Nizami Gəncəvinin «İsgəndər-
namə» əsərində belə bir mənzərə təsvir olunur ki, İsgəndə-
rin anası torpaqlar fəth edən oğlunun torpağa tapşırılma-
sına razı olmur. Lakin vəzirin məsləhəti ilə oğlunun tabutu
ilə bir otaqda ac-susuz qalan ana, tavandan asılmış bir
parça quru çörək üçün doğma balasının sinəsindən basır...
İqtisadi nəzəriyyə maddi
istehsal sahəsinə - sənayeni,
kənd təsərrüfatını, tikintini, hasilat dairəsini, energetikanı,
meşə təsərrüfatını, balıqçılığı, ovçuluğu daxil edir. Qeyri-
istehsal, yaxud xidmət sahəsinə isə təhsil, elm, səhiyyə,
elmi müəssisələr, təminat xidməti (bank, sığorta, pensiya),
əhaliyə məişət xidməti, mənzil-kommunal müəssisələri,
sərnişin nəqliyyatı, mədəniyyət, incəsənət, turizm, idman,
qeyri-istehsal xarakterli rabitə, ticarət, dövlət idarəetmə
orqanları və əhalinin asayişini qoruyan orqanlar daxildir.
Milli iqtisadiyyat çərçivəsində maddi istehsal və qeyri-
istehsal sahələri bir-birinin inkişafı, habelə fəaliyyətinə
qarşılıqlı təsir göstərirlər. Eyni zamanda belə bir cəhətə də
diqqət yetirilməsi vacibdir ki, maddi istehsal sahələrindən
fərqli olaraq, qeyri-istehsal sahələri təbii nemətlərin və
istehsalın ciddi dəyişdirici təsirinə məruz qalmır. Bu sahə
bilavasitə əmək alətləri, dəzgahlar, maşınlar, istehsal
vasitələri kimi şeylər yaratmaqla məşğul olmur. Qeyri-
istehsal sahələrinin bilavasitə təsir obyekti insan və onun