Ü M U M İ D İ L Ç İ L İ K – I I C İ L D
19
və digər məsələlərdən də bəhs olunur. Dünya dilçiliyin-
də linqvistik xəritəşünaslıq geniş inkişaf etmişdir. Ümumi
linqvistik xəritələrlə yanaşı, indiyə kimi linqvistik atlasla-
rın bir sıra növləri də meydana çıxmışdır:
1. Milli dil atlasları.
2. Dil ittifaqları atlasları.
3. Problem atlasları.
4. Ərazi atlasları.
5. Dil anlayışları atlasları və s.
Dil xəritəsi dünyanın etnik xəritəsi ilə bağlıdır. Çox
halda bunlar bir-birinə uyğun gəlir. Lakin bəzən dil və et-
nik cəhətdən uyğun gəlməyən hallar da olur.
Coğrafi təsnifdə dilçilik elminin areal metodundan is-
tifadə olunur. Bunun vasitəsilə makro və mikro obyektlər
dil baxımından xarakterizə edilir.
Coğrafi təsnifin prinsipləri əsasında
türk dillərinin
coğrafiyasını daha da dəqiqləşdirib elmi əsasda linqvistik
xəritəsini yaratmaq müasir türkoloji dilçilikdə xüsusi aktu-
allıq təşkil edir.
2. DİLLƏRİN TİPOLOJİ TƏSNİFİ
Dilçilikdə geniş yayılmış bölgülərdən biri tipoloji təs-
nifdir. Bu təsnifin əsasını dil tipləri təşkil edir. Burada dil-
lər tipinə görə qruplaşdırılır.
Dil tipi nədir və o necə müəyyənləşdirilir? Dünya dillərinin
struktur xüsusiyyətləri nəzərə alınaraq dil tipi müəyyən edi-
lir. Burada dilin fonetik sisteminə, lüğət tərkibinə və qram-
matik quruluşuna aid əlamətlər tutuşdurulur,
ümumi və
fərqli cəhətlər aşkar edilir. Belə bölgüdə başqa komponent-
lərə nisbətən qrammatika hissəsi daha münasib hesab edilir,
morfoloji və sintaktik əlamətlər əsas obyekt kimi götürülür.
Tipoloji təsnifdə
dillərin müasir vəziyyəti nəzərə alınır.
Burada
müqayisəli və qarşılaşdırma metodlarından istifadə
Ü M U M İ D İ L Ç İ L İ K – I I C İ L D
20
olunur. Dillərin bu növ təsnifi
fonetik-tipoloji, leksik-tipo-
loji, morfoloji-tipoloji prinsiplər əsasında qurulur.
Tipoloji təsnif dillərin morfoloji tipologiyası əsasında
təşəkkül tapmışdır. Tədqiqatçılar dil tiplərini ancaq mor-
foloji əlamətlərə görə müəyyənləşdirmişlər. Elə buna görə
də ilk zamanlar bu təsnif morfoloji təsnif adlanmışdır.
Morfoloji tipologiyada dillərin morfoloji quruluşunun oxşar
və fərqli cəhətləri (kökün, şəkilçinin əlamətləri) nəzərə alınır.
Morfoloji tipologiyada sözün quruluşu əsas götü-
rülərək dillər aşağıdakı kimi bölünür.
Dostları ilə paylaş: