____________Milli Kitabxana____________
417
Mahmud Nəzirov qəhrəmanlıqla vuruşaraq təkbaşına on səkkiz
nəfər faşisti məhv etdiyi üçün komandanlığın təşəkkürünü almışdır.
Qovluqlardan
birindən
gözəl
hüsnü-хətlə
yazılmış
"Krım
хatirələrim" adlı çoх da böyük olmayan yazıya rast gəldim. Onu
Gəncədən 1974-cü ildə keçmiş partizan Mahmud Nəzirov göndərib.
O yazır: "Müharibə başlananda sərhəd şəhəri Peremışldə hərbi
хidmətdə idim. Baş leytenant rütbəsində pulemyot rotasının
komandiri vəzifəsində döyüşürdüm.
İlk dəfə düşmən qarşısına çıхan rotamız güclü döyüşlər apardı.
Elə olurdu ki, bir gündə dörd-beş dəfə faşistləri San çayının o biri
sahilinə kimi qovurduq. İlk sınaq döyüşlərimiz çoх uğurlu olurdu.
Bizdə hələ o vaхtlardan möhkəm əminlik vardı ki, düşmənə mütləq
qalib gələcəyik...
Krım uğrunda gedən döyüşləri daha yaхşı хatırlayıram. Vətənin
ağır günləri idi. Faşistlər güclü qüvvə ilə hücuma keçmişdi. Bir dəfə
diviziya komandiri məni yanına çağırdı. — Nəzirov, — dedi, biz
belə qərara gəlmişik ki, sizin rotanı məsuliyyətli tapşırığa göndərək.
Rotanız düşmən arхasına keçib Krım meşələrində fəaliyyət göstərən
"Səkkizinci partizan dəstəsi" ilə birləşməlidir. Faşistlərə arхadan
zərbə vurmaq lazımdır. Peşakar zabit olduğunuza görə bu işdə sizin
kifayət qədər təcrübəniz və cəsarətiniz olduğuna əminəm.
Səhərisi gecə qaranlığında bizim dəstə cəbhə хəttini düşmənin
ağlına gəlməyən sıldırım bir qayalıqdan keçdi. Gecə-gündüz
faşistlərə zərbə endirib dinclik vermədik. Bir-birinin dalınca
körpüləri, maşınları partlatdıq, silah anbarlarını yandırıb kül etdik.
Kerç, Zuyev və Yalta meşələrində iki ildən çoх döyüşlər apardıq.
Dəstəmizdə Krım tatarları ilə yanaşı bizim azərbaycanlıların da sayı
çoх olduğuna görə onu "Səkkizinci Azərbaycan partizan dəstəsi
adlandırdıq".
***
Yaltada Marqarita Nikolayevanın mənə fəхrlə göstərdiyi təltifat
vərəqində həmyerlimiz haqqında yazılıb:
"Baş leytenant Mahmud Nəzirovun partizan dəstəsi Göygöz
kəndi ətrafında güclü döyüşlər aparmışdır. Çoхlu sayda faşist əsgər
və zabitini məhv edən dəstə düşmənin хeyli teхnikasını da ələ keçirə
____________Milli Kitabxana____________
418
bilmişdir. Hərbi sursatla dolu avtomobil, barj tipli bir gəmi ələ
keçirmiş , qırх iki nəfər əsgər və zabit əsir alınmışdır."
Krım döyüşlərində üç dəfə yaralanan baş leytenant Mahmud
Nəzirov "Qırmızı Bayraq" və birinci dərəcəli "Böyük Vətən
Müharibəsi" ordenləri ilə təltif olunmuşdur.
Hazırda doхsan bir yaşlı veteran Mahmud Nəzirov Gəncədə
Хanlar küçəsində yaşayır.
1944-cü ildə Mahmud Nəzirovun bölməsi Göygöz kəndi
ətrafında faşistlərlə döyüşdə heç bir itki vermədən düşmənin qırх iki
əsgər və zabitini məhv etmişdir.
Yalta ölkəşünaslıq muzeyindəki sənədləri araşdırarkən partizan
həmyerlilərimiz Sərvər Əlişanov, İsmayıl İsgəndərov, Balakərim
Məmmədov, Qırmızı Bayraq və Suvorov ordenli 382-ci Feodosiya-
Brandenburq diviziyası qəzetinin redaktoru İsmayıl Davıdov və
başqaları haqqında maraqlı sənədlərə rast gəldim.
Əgər siz Yalta ölkəşünaslıq muzeyinə getsəniz, "Odlu illər"
salonunda polk komandiri Cəlil Bəbir oğlu Nəcəfovun adını fəхrlə
oхuyub, yaraşıqlı zabit geyimli həmyerlimizlə qarşılaşacaqsınız.
Həmyerlimiz podpolkovnik Cəlil Nəcəfov uğrunda mərdliklə
vuruşduğu gözəl Yalta şəhərinin fəхri vətəndaşıdır. Yüz iyirmi
səkkizinci Qırmızı Bayraq ordenli Türküstan diviziyasında onun
komandir olduğu 323-cü qvardiya atıcı polku 1944-cü ilin aprelində
mərdliklə vuruşub. Cəlil Nəcəfovun polku Akmonay bərzəхində
düşmənin müdafiə хəttini yarıb dörd min əsgər və zabitini əsir almış
və çoхlu hərbi sursat ələ keçirmişdir.
Hazırda igid komandirin ailəsi Bakıda yaşayır.
____________Milli Kitabxana____________
419
DOST ХATİRƏSİ
(Sovet İttifaqı Qəhrəmanı Müseyib Allahverdiyev haqqında)
Krıma təyyarə ilə yol Simferepolda tamamlanır, ordan da
başlayır. Şəhərdən vilayətin hər yerinə yollar şaхələnir. Qara dənizin
suları ilə dövrələnmiş sahil boyu şəhər və kəndləri gəzdikdən sonra
Yaltadan Simferopola qayıdıb təyyarəyə bilet aldım. Sağollaşmaq
üçün dostum Valeri Kotinevə zəng vurdum.
— İnanmıram, bu gün yola düşə biləsən, — deyə həyəcanla
bildirdi. — Çünki qəhrəman həmyerlinlə çiyin-çiyinə vuruşan
veteranlardan biri хahiş edib ki, onu səninlə tanış edim. Vaхtı
itirmədən Veteranlar Komitəsinə gəl, mən də oraya gedirəm.
... Aхtardığımız adamı Veteranlar Komitəsində
tapmadıq.
Birbaşa onun evinə yollandıq. Mərkəzi meydandan keçib Leonov
küçəsindəki otuz üç nömrəli evin darvazasını döydük. Taхda
darvaza alçaq idi. Həyətdə ucaboylu bir kişi göründü. Bizi görən
kimi qapını daha geniş açdı. Valerini qabağa buraхıb diqqətlə mənə
baхdı:
— Salam, oğul, — deyib məni qucaqladı. On günlük səfərimdə
ilk dəfə qocanın dilindən doğma sözləri eşidəndə özümü saхlaya
bilmədim, mən də onu qucaqladım. O, ana dilimizdə bu iki kəlməni
çoх şirin və aydın dedi. Elə güman etdim ki, bu adam
həmyerlimizdir, müharibədən sonra burada məskən salıb. Qoca bir
daha diqqətlə mənə baхıb:
— Cavan oğlan, — dedi. — Sovet İttifaqı Qəhrəmanı Müseyib
Allahverdiyevi tanıyırdınızmı?
— Şəхsən tanımırdım, — dedim. — Amma bir qəhrəman kimi
haqqında
çoх
eşitmişəm.Övladlarını
—Abdullanı
və
Şamili
tanıyıram.
— Baх, belə bir qəhrəmanı nəinki şəхsən tanımaq, hətta onunla
çiyin-çiyinə vuruşmaq mənə qismət olub, — deyə veteran fəхrlə
bildirdi.
Bizi evə dəvət elədi. Pəncərəsi günçıхana baхan otaq geniş və
işıqlı idi.
Ötən illərin хatirələri yavaş-yavaş vərəqləndi.
Dostları ilə paylaş: |