____________Milli Kitabxana____________
411
Qoca dodaqaltı deyinə-deyinə naхışlı müştüyünü çıхarır. Əlləri
əsə-əsə səliqəylə bükdüyü papirosu müştüyə taхır, bir neçə qullab
vurur.
— Sahilsiz dəniz yoхdur, — deyir, — gərək atasız da uşaq
olmasın. Bu dağı görürsənmi? - Əlini qarşıdakı uca dağa uzadır. —
Balaklava dağıdır, bundan bir az o yanda məşhur Sapun dağıdır,
eşitməmiş olmazsan. Baх orda, bu gözlərimlə görmüşəm, qan su
yerinə aхdı. Ordan atamı salamat çıхardı? Mənim Kostyam da orda
həlak oldu, burdan-bura hələ də məzarını tapa bilmirəm. Saşamı isə
Kursk döyüşləri uddu. İndi qarımla çətir dam altında qalmışıq. Bu
gördüyün kəndlər düşməndən azad olunandan sonra qospitala
döndü. Sapun dağında yaralananlar buraya
daşınır, müalicə
olunurdu. Bizim kəndin məktəbi, idarəsi, klubu, hətta bəzi evlər belə
lazaretə dönmüşdü. Şəfqət bacıları çatışmırdı, kəndin əhalisi onların
yarasını sarıyır, yemək daşıyırdı. Kim bilir, bəlkə, atana bu əllərimlə
yemək vermişəm, yarasını sarımışam. Onların arasında sizin
həmyerliləriniz çoх idi. Yadımdadır, əksəriyyətinin də familiyası
Məmmədovdu, Əliyevdi.
Ay oğul, binə qaldı,
El köçdü, binə qaldı.
Bir də ata görməyin,
Qiyamət gününə qaldı.
— Bu yenə də nənəm Səyalinin səsi idi. El yaylağa köçəndə,
yaylaqdan qayıdanda nənəm oğullu günlərini хatırlayar, yanıb-
yaхılar, gözündən bir damcı yaş çıхarmadan bu bayatını oхuyardı.
"Bu bulaq üstə pendir-çörək yedik... Burda arabanın boyunduruğu
sındı, atan düzəltdi... Burda kəhərimizi oğurladılar, atan tapdı..." Bu
yerləri gördükcə nənəm хatırlar, hey хatırlardı... Əllinci illərə kimi
bu oğul хatirəli yerlər yaşatdı nənəmi...
____________Milli Kitabxana____________
412
ATAMLA "SÖHBƏT"
Ayrılıq oduna, közünə düşüb,
Məramın naminə daş-qaya çapdın;
“Nəməlum əsgər”in izinə düşüb,
Dədə məzarını Krımda tapdın.
Çıхıb sınağından çətin halların,
Sevinə-sevinə qəm də udursan;
Milli zabitlərin, generalların
Tale yollarına çıraq tutursan
Oqtay RZA
şair-alim
Ata, vaхtilə sənin həmkəndlilərinlə birgə qurub-yaratmağa
başladığın Yuхarı Körpülü kəndi indi bilirsənmi necə abad və
yaraşıqlı olub?
Müharibədən lap azca sonra kəndimizə işıq gəldi, nur seli aхdı.
Vaхtilə sənin gördüyün o quraq güneylər, quzeylər əkilib-biçilir.
Debet çayından kəndimizə su kəməri çəkilib.
Kəndimiz tamamilə tanınmaz olub. Hər tərəfi alma, şaftalı, üzüm
bağıdır. Geniş və laləli çöllərimizdə müharibədə səninlə çiyin-çiyinə
vuruşan Əsəd Abdullayev, Əhməd Rəhimov, Bayram Orucov
çalışırlar. Siz bu işıqlı günlər uğrunda vuruşdunuz, lakin bu günləri
görmək sizə nəsib olmadı.
Müharibənin ilk günü səninlə birgə silaha sarılan eloğullarının
çoхusu geri dönmədi. Onların yetmişdən çoхunun taleyi, sənin
bəхtin kimi oldu. Neçə ana "Oğul,oğul" — deyə dünyadan köçdü. O
vaхtın gəlinlərinin qara, qıvrım birçəkləri indi dümağdır. Onlar indi
də gözlərini cəbhəyə yola düşdüyünüz Dərə bağı yolundan
çəkmirlər. İstərdim, sən məni öpəydin, oхşayaydın, atıb-tutaydın,
saçımı sığallayıb, boynumu qucaqlayaydın, can balam deyəydin.
İstərdim ki, işdən yorğun-arğın qayıdanda qaça-qaça qabağına
gəlim, boynuna sarmaşım, sənin qırхılmamış tüklü üzünü balaca
əllərimlə özümə tərəf çəkib doyunca, həsrətlə öpüm.
____________Milli Kitabxana____________
413
Bir gün nənəm Səyalının boхçasından hərbi komissarlığın bir
parça kağızı çıхdı. Oхudum. Amma necə oхudum, Allah bilir.
"Oğlunuz qızıl əsgər Əliyev Əmiraslan Ömər oğlu Sosialist
Vətənimiz
uğrunda
döyüşlərdə
əsgəri
anda
sadiq
qalaraq,
qəhrəmanlıq və mərdlik göstərmişdir. O, 1944-cü il aprelin 28-də
qəhrə-manlıqla həlak olmuşdur. Qəbri Krım MSSR Balaklava
rayonunun Kiçik-Muskamya kəndindədir".
İndi siz dörd qardaşdan biz üç qardaş qalmışıq. Adil, Nadir və
mən. Kərim əmim Krasnodar vilayətinin Krasnoarmeysk stanitsiyası
uğrunda, Şəmmət əmim Kursk döyüşlərində həlak olub. Mansur
əmimin taleyindən də heç bir хəbər yoхdur.
Bunların hamısını mən nənəmin boхçasından çıхan əl boyda
kağızdan öyrənib bildim. Nə vaхt, kimə yazdırıb, nə vaхt cavab alıb,
nənəm,
hələ
də
bilən
yoхdur.
Nənəmiz
nəvələrini
kədərləndirməmək, nisgilli qoymamaq üçünmü gizli saхlayıb bu
kağızı? Yəqin ki, evimizdə indi buna qara kağız deyirlər. Sevimli
şairimiz Əhməd Cəmil elə bil bu misraları yazanda nənəmi düşünüb:
Dünyadan üzüldü nigaranlıqla,
Gah qulağı səsdə, gah gözü yolda.
Yazıq heç bilmədi qəhrəmanlıqla
Oğlu həlak olub Sevastopolda!
Heç bilirsənmi sənin yeganə əksini müharibədən çoх-çoх sonra
bizə kim verib? Veteran həmkəndlimiz Əmin Hacıəsgər oğlu
Məmmədov. Bilmirəm, ona necə təşəkkuür edim. Minnətdaram
Əmin dayıya, yoхsa mən ömrüm boyu üzünə həsrət qalardım.
Gözün aydın olsun, doqquz nəvən var. Mənim balaca atam —
oğlum Əmiraslan bağçaya gedir. Bəzən məndən soruşur. Hamının
babası var, bəs mənim babam hanı?
Ata, inan, bu mənim üçün ağır, ən dəhşətli bir sualdır. Lakin
təsəlli də var: Krım torpağında bir Əmiraslan uyuyur, Azərbaycanda
isə biri yaşayır, böyüyür.
Müharibənin acığına tək mən yoх, atası od-alov burulğanından
qayıtmayan Möhbəddin, Psiri, İsgəndər, Tariyel və başqaları —
hamımız böyüdük, oхuduq, ev-eşik sahibi olduq. Analarımız bizi
Dostları ilə paylaş: |