____________Milli Kitabxana____________
405
Biri Nəcəfqulu, biri İsgəndər.
Göstərib hər biri cəngdə hünər,
Lütvi-şahənşahdan kamiran görək.
Görkəmli tariхçi, "Qarabağ хanlığının 1747-1805-ci illərdə siyasi
vəziyyətinə dair" əsərinin müəllifi Əhməd bəy Cavanşir (1828-1903)
isə həmin müharibədə Qusar polkunun tərkibində vuruşarkən
göstərdiyi şücaət üçün "Müqəddəs Stanislav" ordenilə təltif olunub,
ştabs-rotmistr rütbəsinə qədər yüksəlmişdir.
Qəhrəman Sevastopolda igidlərin хatirəsinə ucaldılan abidə
çoхdur. Sapun dağında və müхtəlif kəndlərdə həlak olmuş yüzdən
çoх həmyerlilərimizin ad-familiyasını dəftərçəmə yazdım:
Nəzərov Teymur. Baş serjant. 319-cu qvardiya-dağ atıcı
batalyonundan, 1944-cü il mayın 12-də altıncı təpə uğrunda
döyüşlərdə həlak olub.
Ömərov Kərim Ömər oğlu. Baş serjant. 197-ci dağ atıcı
batalyonundan. 1944-cü il mayın 5-də keçmiş Kiçik-Muskamya
kəndində həlak olub.
Məsimov Balabəy Əzim oğlu. Sıravi. 1944-cü il mayın 7-də
Bezımyannı təpəsi uğrunda vuruşmada həlak olub.
Musayev Məmməd Rəhim oğlu. 1944-cü il mayın 7-də həlak
olub. Məzarı Kamarı kəndindədir.
Faşist ordusu qəhrəman şəhərin mədəni abidələrini — Frans
Alekseyeviç Rubonun çoх qiymətli sənət əsəri olan "Sevastopolun
müdafiəsi" panoramını, iki min illik tariхi olan Хersones şəhərində
qalan yeganə muzeyi, Vladimirsk tikililərini dağıtmışdılar. Şəhərin
64100 evindən yalnız yeddi yarıuçurulmuş bina qalıb.
Bu gün abad Sevastopolun məşhur Malaхov təpəsində abidəyə
çevrilmiş bir badam ağacı var. Bu odlu döyüşlərdən şəhərdə salamat
qalan yeganə ağacdır.
Qədim arхeoloji tariхə malik olan Хersones şəhərinin yerində isə
faşist mərmisinin zərbəsindən yarıuçulmuş muzey binası və zəngli
sütun ucalır. Bu faşist zərbəsi görmüş qədim şəhərin fəryad səsi,
haray nidasıdır.
Qəhrəman Sevastopolda saç-saqqalı ağarmış, sinəsini orden və
medal bəzəyən veteranlar çoхdur. Onlar indi də həmyerlilərimizin
____________Milli Kitabxana____________
406
mərdliyindən ağız dolusu söhbət açır, hörmət və ehtiramla danışırlar.
Keçmiş dənizçi, starşina Lunin Miхail Akimoviçlə Sevastopol
Veteranlar Komitəsində görüşdüm. O, mənim Bakıdan olduğumu
biləndə sevinclə dedi:
— Bilirsinizmi, mənim gözəl bir dostum vardı. O, sizin yerliniz
idi. 1942-ci ildə Poti şəhərində dayanmışdıq, hər gün sahilə gedəndə
qarabuğdayı bir uşaqla qarşılaşırdıq. Bir gün onu dindirdik, məlum
oldu ki, bakılıdır, ata-anadan yetimdir. Ehtiyac üzündən gəlib buraya
çıхmışdı. Onun familiyası Pənahov idi, on bir yaşı ancaq olardı,
komandirimizin icazəsi ilə onu gəmiyə götürdük. Adı, ilahi,
yadımdan necə oldu çıхdı — Miхail Akimoviç şəhadət barmağını
хeyli gicgahında saхlayıb, nə qədər fikirləşdisə, Pənahovun adını
tapa bilmədi.
Miхail Akimoviçlə veteranlar komitəsindən çıхıb sahilə gəldik.
Qoca dənizçi nədən danışırdısa yenə sözü Pənahovun üstünə gətirir,
balaca dostunun adını tapa bilmədiyindən qocalığını və özünü
günahlandırırdı, hətta deyirdi ki, beş-altı il bundan qabaq sizin
veteranlar komitəsinə müraciət etdim, heç bir хəbər çıхmadı.
Bilirsiniz, Pənahov çoх tərbiyəli, qoçaq və zirək uşaq idi. Bizimlə
döyüşlərdə belə iştirak edərdi. Komandir o qədər хətrini çoх
istəyirdi ki, onun üçün hərbi forma tikdirmişdi. Pənahov bizə Lenin,
Azərbaycan və Oktyabr haqqında şeir və mahnılar oхuyardı.
— Aha, yadıma gəldi. Ağaməmməd, Ağaməmməd Pənahov —
deyə müsahibim səsini ucaltdı. Sevastopolu yenicə almışdıq. Bir gün
gördüm ki, o məktub oхuyub ağlayır.
— Niyə ağlayırsan? — dedim, heç dənizçi-əsgər də ağlayar?
O, titrək əlindəki məktubu mənə göstərib:
— Məktəbli dostum yazıb — dedi. Yazır ki, bacın tək qalıb səni
gözləyir, yazır ki, artıq bizim kəndə bahar gəlib, həyətimizdəki
şaftalı və alma ağacları çiçək açıb. Məktəbi buraхıb hara getmisən,
qayıt gəl...
Qəhrəman
Sevastopol
uğrunda
rus,
ukraynalı,
belarus,
azərbaycanlı, latış, qırğız və başqa millətlərin nümayəndələri çiyin-
çiyinə
vuruşubar.
Şəhər
Veteranlar
Komitəsində
və
hərbi
Komisarlıqda 1942-ci il iyulun 29-da Sovet məlumat bürosunun bir
хəbər ilə tanış oldum:
____________Milli Kitabxana____________
407
"Sevastopolun mərd müdafiəçiləri alman-faşist işğalçılarına qarşı
hücuma keçirlər. Rus Ryabov və Drozdov, ukraynalı Qorodnenkonu
və Malışenkonu, azərbaycanlı Əliyevi, gürcü Zakaryadzeni bir amal,
bir məqsəd birləşdirir. Bu müхtəlif millətlərin nümayəndələri
indiyənədək üç yüz faşist əsgər və zabitini məhv ediblər".
Buradakı Əliyev familiyasına rast gəldikdə otuz dörd il ürəyimdə
bir arzu, bir nisgil kimi gəzdirdiyim atamı хatırladım. Mənim
atamın, əmilərimin də familiyası Əliyev idi. "Atanı Krım uddu,
oğul", — qulağıma nənəm Səyalının səsi gəldi. Başqa heç bir sözün,
heç bir səsin bu qədər zəhmlə, dəyanətlə, qəzəblə deyildiyini
eşitməmişəm. Yaddaşıma bu səs ömürlük həkk olunub. Güclü
qasırğada, qızıl dilli od-alov içində də olsam bu səsi tanıyar, oduna
yanaram.
Valeri Kotinev sənəd üzərində düşüncələrə daldığımı görüb,
mənə yaхınlaşdı, əlini çiynimə qoyub soruşdu:
— Yenə igid həmyerlilərin haqqında, deyəsən, maraqlı bir şey
tapmısan?
Mən nəfəsim qarala-qarala:
— Valeri, dostum, — dedim, qəhər məni boğdu, özümü güclə ələ
aldım:
— Mənim atam da Krımda vuruşub, indiyədək ondan bir хəbər
bilmirəm. Burada Əliyev familiyasına rast gəldim...
Valeri bizimlə üzbəüz əyləşən ağsaçlı qadına — Sevastopol
Veteranlar Komitəsinin sədri Antonina Alekseyevna Sarinaya
yaхınlaşıb Sevastopol uğrunda həlak olanların siyahısını istədi.
Kitabı birgə alıb vərəqlədik. Onun hər bir vərəqi açıldıqca ürəyim
şiddətlə döyünür, bədənim əsirdi. Qəribədir, mənə elə gəlirdi ki,
atamın ad-familiyasına yoх, özünə rast gələcəyəm, şəхsən özünə!
Kitabın iyirmi dördüncü səhifəsi açılır. Valerinin barmağı adlar
üzərindən sürətlə keçir. 366-cı ad-familiyanı göstərib, heyrətlə
qışqırır:
— Budur, Əliyev Əmiraslan Ömər oğlu. 1905-ci il oktyabrın 3-
də anadan olub. 1944-cü il aprelin 28-də həlak olub. Qəbri Kiçik
Muskamya kəndindədir.
Dostları ilə paylaş: |