ahmedalhasan313.wordpress.com
533
Şəri hökmünü bilmədən zina və oğurluq edib, şərab
içən şəxs haqqında
Sual 39: Əgər bir şəxsi İslama dəvət edəriksə və o qəbul edər, fəqət daha sonra
içki içib, zina və ya oğurluq edərsə ki, daha öncə bunların cəza hökmündən
xəbərsiz idi, bu halda ona cəza verilməlidir mi?
Cavab: Muhəmməd bin Müslim nəql edir ki, İmam Baqir (ə.s) buyurub: “Xeyr. Bir
halda ki, əgər şahidlər qalxıb onun daha öncə bu haramları bildiyinə şahidlik etmiş
olmasınlar.”
-Şeyx Kuleyni. "Fürui-Kafi.” c. 7. səh. 248. hədis. 12
Sual 40: Əgər bir şəxs İslamı qəbul edər, fəqət müsəlman olmayan bir məntəqədə
yaşayarsa ki, oranın əhli içkini halal bilirlər və İslamı qəbul edən bu şəxs də
daha öncə şərabın haram olduğunu bilməyib içki içmiş olarsa, cəzası nədir?
Cavab: Əbu Bəsir nəql edir ki, İmam Sadiq (ə.s) buyurub: “Əmirəl-möminin Əli
(ə.s) bir məsələdə elə bir qəzavət etmişdir ki, hansı ki, ona qədər heç kəs belə bir
hökm çıxarmamışdır. Bu onun (ə.s) Peyğəmbərdən (s) sonra yaranan məsələ
üzərindəki ilk qəzavəti idi. Peyğəmbər (s) vəfat etdikdən sonra xilafət məsələsi
Əbu Bəkrə (l.ə) keçdi. Onun hüzuruna içki içən bir kişini gətirdilər. Əbu Bəkr (l.ə)
ondan soruşdu: “Sən içki içmisən mi?” O dedi: “Bəli.” Əbu Bəkr (l.ə) soruşdu:
“Niyə, axı içki haram buyurulmamışdır?” O dedi: “Mən İslamı yeni qəbul etmişəm
və evim də dağların arasındaki bir vadidədir ki, oranın əhli içkini halal bilirlər və
mən də daha öncə içkinin haram olmasının hökmünü bilmirdim.” Əbu Bəkr (l.ə)
bunları duyunca üzünü Ömərə (l.ə) tutaraq dedi: “Ey Əbu Həfsə! Bunun barəsində
nə deyirsən?” Ömər (l.ə) dedi: “Çətin sualdır. Bunu ancaq Əbəl-Həsən (ə.s) deyə
bilər.” Əbu Bəkr (l.ə) şərab içən kişiyə Əlini (ə.s) çağırmasını əmr etdi. Ömər (l.ə)
dedi: “Ən yaxşısı, mühakimə elə onun evində olsun.” Beləcə onlar qalxaraq Əlinin
(ə.s) evinə gəldilər ki, o zaman Səlman Farisi də oradaydı. Məsələni Əliyə (ə.s)
danışdıqlarında Əli (ə.s) mühacir və ənsarların toplanmasını əmr etdi. Toplantı baş
tutduqdan sonra isə Əli (ə.s) onlardan, daha öncə şərabın haram olma ayəsinin bu
kişiyə xəbər verilib-verilməməsinə şahid olub-olmadıqlarını soruşdu və dedi:
ahmedalhasan313.wordpress.com
534
“Əgər bu kişiyə şərabın haram edilmə ayəsi oxunmamışdısa və o da daha öncə
bundan xəbərsiz idisə, onun üzərində heç bir günah yoxdur.” Beləcə, mühacir və
ənsarlardan (şərab içənin daha öncə ayədən xəbərdar olmasına dair) heç kəs
şahidlik etmədi. Əli (ə.s) kişinin azad edilməsi hökmünü verdi. Əbu Bəkr (l.ə) də
əmr etdi ki, kişini buraxsınlar. Mühakimədən sonra Səlman Əliyə (ə.s) buyurdu:
“Sən onları haqqa yönəltdin.” Əli (ə.s) isə cavabında: “Mən sadəcə onlara özümlə
onlar arasında olan bu ayəni xəbər vermək istədim”: [Elə isə deyin görək haqqa
yönəldən kəs arxasınca gedilməyə daha çox layiqdir, yoxsa özünə doğru yol
göstərilməyincə onu tapa bilməyən kəs? Sizə nə olub? ! Necə mühakimə edirsiniz? !
]. (Yunus 35)
Şeyx Kuleyni. "Fürui-Kafi.” c. 7. səh. 249. hədis. 4
Cəzaya görə əfv etmək haqqında
Sual 41: Əgər bir şəxs oğurluq zamanı tutularsa və bu məsələ İmama (ə.s)
yetişdikdə, İmam (ə.s) onun əlinin kəsilməsinə əmr verərsə, bu təqdirdə
oğurlanan malın sahibi İmamın (ə.s) hüzurunda oğrunu əfv edib, cəzanı onun
üzərindən qaldıra bilər mi?
Cavab: Həlabi nəql edir ki, İmam Sadiq (ə.s) buyurub: “Səhvan bin Ümeyyə
Məscidül-Haramda uzanmışdı. Daha sonra əbasını orda qoyaraq, su içmək üçün
bayıra çıxdı. Qayıtdığında əbasının bir şəxs tərəfindən oğurlandığını aşkar etdi və;
“Əbamı kim oğurladı? "-deyə soruşdu. Cavab verilməyincə isə, axtararaq əbasını
oğurlayan şəxsi tapdı. Oğrunu Allah Rəsulunun (s) hüzuruna gətirdikdə, o (s)
buyurdu: “Onun əlini kəsin!” Bu zaman Səhvan dedi: “Ya Rəsulullah! Onun əlini
mənim əbama görə mi kəsirsiniz? "Allah Rəsulu (s) buyurdu ki; “Bəli.” Səhvan
dedi: “Elə isə mən əbamı ona bağışladım. (Onu cəzalandırmayın)” Peyğəmbər (s)
buyurdu: “Bunu məsələ mənə yetişməzdən öncə etmiş olsaydın, cəzanın qarşısını
almış olardın.” Ravi deyir, soruşdum: “İmam (cəza hökmü vermək üçün)
cinayətkarın onun hüzuruna gətirilməsində, Peyğəmbərə (s) şərikdir mi?” İmam
(ə.s) buyurdu: “Bəli.”
-Şeyx Kuleyni. "Fürui-Kafi.” c. 7. səh. 251. hədis. 2
ahmedalhasan313.wordpress.com
535
Sual 42: Bəs əgər oğurlanan malın sahibi oğrunu, məsələ İmama (ə.s) yetişmədən
öncə əfv edərsə, bu halda oğru cəzalandırılmalıdır mı?
Cavab: Həlabi nəql edir ki, İmam Sadiq (ə.s) buyurub: “Xeyr (cəzalandırlmaz)
(Əksinə) bu gözəldir.”
-Şeyx Kuleyni. "Fürui-Kafi.” c. 7. səh. 251. hədis. 2
Cəzanın tətbiq olunmasına mane olmaq haqqında
Sual 43: Üzərinə vacib cəza gəlmiş bir şəxsin cəzasına mane olmaq olar mı?
Cavab: Muhəmməd bin Qeys nəql edir ki, İmam Baqir (ə.s) buyurub:
“Peyğəmbərin (s.ə.v.v) zövcəsi olan Ümmü-Sələmənin (s.ə) insanlardan oğurluq
edən bir kənizi vardı. Onu Peyğəmbərin (s.ə.v.v) hüzuruna gətirdilər və Ümmü-
Sələmə (s.ə) onun cəzasından keçməsi üçün Peyğəmbər (s) ilə danışdı. Fəqət
Rəsulullah (s) buyurdu: “Ey Ümmü-Sələmə! Bu Allahın hədlərindən olan bir
həddir ki, üzərindən keçmək olmaz.” Peyğəmbər (s.ə.v.v) o kənizin əlini kəsdirdi.”
-Şeyx Kuleyni. "Fürui-Kafi.” c. 7. səh. 254. hədis. 2
Məsni əl-Hənnat nəql edir ki, İmam Sadiq (ə.s) buyurub: “Allahın Rəsulu (s.ə.v.v)
Usamə bin Zeydə belə buyurdu: “Ey Usamə! Cəzanın tətbiq olunmasına qarşı
çıxma. (Və ya: Cəzanın tətbiq olunmasına mane olma! )”
-Şeyx Kuleyni. "Fürui-Kafi.” c. 7. səh. 254. hədis. 4
İmanından və ya dinindən dönmüş şəxsin cəzası
Sual 44: Daha öncə müsəlman olub sonradan dinindən və imanından dönən
şəxsin cəzası nədir?
Cavab: Muhəmməd bin Müslim nəql edir ki, İmam Baqir (ə.s) buyurub: “Hər kim
İslamdan üz çevirər, Muhəmmədə (s.ə.v.v) nazil olana iman etməkdən üz
döndərərsə, onun (sonrakı) tövbəsi qəbul edilməz. Onun həyatdan məhrum
edilməsi və zövcəsinin onunla boşanması vacib olar. Ondan geriyə qalan qəniməti
isə övladları arasında bölünər.”
-Şeyx Kuleyni. "Fürui-Kafi.” c. 7. səh. 256. hədis. 1
