ahmedalhasan313.wordpress.com
514
Nisa təvafı
Sual 97: Nisa təvafının vacib olmasında əsas səbəb nədir?
Cavab: İshaq bin Əmmar nəql edir ki, İmam Sadiq (ə.s) buyurub: “Əgər Allah
(s.v.t) nisa təvafının vacibliyi səbəbi ilə insanlara rəhmətini nazil etmiş olmasaydı,
onda kişi öz zövcəsinin yanına dönərdi. Amma zövcəsi ona məhrəm olmazdı.”
-Şeyx Kuleyni. "Fürui-Kafi.” c. 4. səh. 513. hədis. 3
Sual 98: Yaşlı kişi üçün öz yaşlı qadınından ötrü və onların hər ikisi üçün nisa
təvafını yerinə yetirmələri vacibdir mi?
Cavab: Hüseyn bin Əli nəql edir ki, İmam Sadiq (ə.s) buyurdu: “Bəli. Onların
hamısına təvaf vacibdir.”
-Şeyx Kuleyni. "Fürui-Kafi.” c. 4. səh. 513. hədis. 4
Müqəddəs hərəmlərdə tam qılınan namazların
müstəhəbliyi
Sual 99: Məscidül-Həramda və Məscidi-Nəbəvidə (s) fərz namazlarını tam
qılmaq caizdir mi?
Cavab: İbrahim bin Şeybə nəql edir ki, İmam Cavad (ə.s) cavabladı: “Peyğəmbər
(s.ə.v.v) bu iki müqəddəs yerdə çoxlu sayda namaz qılmağı çox sevərdi. Odur ki, o
yerlərdə çoxlu namaz qıl və (fərz olan) namazlarınıda tam şəkildə qıl.”
-Şeyx Kuleyni. "Fürui-Kafi.” c. 4. səh. 524. hədis. 1
Sual 100: Müsafir olsam belə Məkkə və Mədinə hərəmlərinə daxil olduğumda
orada vacib namazlarımı tam olaraq qılmağım vacibdir mi?
Cavab: Əli bin Yəqtin nəql edir ki, İmam Kazım (ə.s) buyurub: “Onlarda (vacib)
namazlarını tam olaraq qıl. Bu vacib deyil (müstəhəbdir) Amma mən sənin üçün
özüm üçün sevdiyimi sevirəm.”
-Şeyx Kuleyni. "Fürui-Kafi.” c. 4. səh. 524. hədis. 3
ahmedalhasan313.wordpress.com
515
Məscidül-Haramda qılınan namazın fəziləti və
(namaz qılmaq üçün) orada olan ən gözəl məkan
Sual 101: Məscidül-Haramda namaz qılmaq üçün ən əfzəl olan yer haradır?
Cavab: Həsən bin Cəhim nəql edir ki, İmam Riza (ə.s) buyurub: “Həcərül-Əsvəd
ilə Kəbənin qapısı arasındakı məkan.” Ravi deyir, soruşdum: “Sonra haradır?”
İmam (ə.s) buyurdu: “Məqami-İbrahimin (ə.s) yanı.” Ravi deyir, dedim: “Sonra
haradır?” İmam (ə.s) buyurdu: “əl-Hicrənin içində və Kəbəyə yaxın olan hər
yerdə.”
-Şeyx Kuleyni. "Fürui-Kafi.” c. 4. səh. 525. hədis. 1
Sual 102: Məscidül-Haramda qılınan namazların ən az fəziləti nədir?
Cavab: Samit nəql edir ki, İmam Sadiq (ə.s) Atasıdan (ə.s) belə nəql edir:
“Məscidül-Haramda qılınan namaz yüz min namaza bərabərdir.”
-Şeyx Kuleyni. "Fürui-Kafi.” c. 4. səh. 526. hədis. 5
Ümrə və həcc aylarında edilən Ümrə
Sual 103: Ümrə ziyarəti hansı aylarda olunmalıdır?
Cavab: Yunis bin Yaqub nəql edir ki, İmam Sadiq (ə.s) buyurub: “Hər ayda Ümrə
var.” (Yəni bütün aylarda oluna bilər)
-Şeyx Kuleyni. "Fürui-Kafi.” c. 4. səh. 534. hədis. 1
Sual 104: Həcc aylarında zəvvarın yalnız ümrətül-müfrədi tamamlayıb, ailəsinin
yanına dönməsi caizdir mi?
Cavab: Abdullah bin Sinan nəql edir ki, İmam Sadiq (ə.s) buyurub: “Həcc
aylarında (zəvvarın) ümrətül-müfrədi tamamlayıb, ailəsinin yanına dönməsi
qadağan deyildir.” (“Bəli. Caizdir")
-Şeyx Kuleyni. "Fürui-Kafi.” c. 4. səh. 534. hədis. 1
Sual 105: Ümrətüt-təməttöyə əməl edən zəvvar ilə ümrətül-müfrədəyə əməl edən
zəvvar arasındaki fərq nədədir?
ahmedalhasan313.wordpress.com
516
Cavab: Müaviyə bin Əmmar nəql edir ki, İmam Sadiq (ə.s) buyurub: “Ümrətüt-
təməttöyə əməl edən zəvvar Həccə bağlıdır (yəni, həcci təvaf etməsi fərzdir) Fəqət
ümrətül-müfrədəyə əməl edən zəvvar onu tamamladıqdan sonra dilədiyi yerə gedə
bilər. Hüseyn bin Əli (ə.s) Zil-Hiccə ayında ümrəni əməl etdi və insanların Minaya
yollandıqları təraviyyə günü onlardan ayrılaraq İraqa doğru yollandı.”
-Şeyx Kuleyni. "Fürui-Kafi.” c. 4. səh. 535. hədis. 3
Ümrənin əməl olunması fəzilətli olan aylar
Sual 106: Ümrənin əməl olunması fəzilətli olan aylar hansılardır?
Cavab: Müaviyə bin Əmmar nəql edir ki, İmam Sadiq (ə.s) buyurub: “Ümrəyə
əməl edən ona ilin bütün aylarında əməl edə bilər və əməl olunmalı ən fəzilətli
ümrə-Rəcəb ayında olan ümrədir.”
-Şeyx Kuleyni. "Fürui-Kafi.” c. 4. səh. 536. hədis. 6
Qeyd: Başqa bir hədisdə isə Ramazan ayında edilən ümrə də fəzilətli ümrələrdən
sayılır.
-Şeyx Kuleyni. "Fürui-Kafi.” c. 4. səh. 536. hədis. 2 və 4-ə baxa biləsrsiz
Sual 107: Bir şəxs ümrə üçün birinci ayda ehrama daxil olmuş və ikinci ayda
ümrəni tamalayaraq ehramı tərk etmişdir. Onun əməl etdiyi ümrə (onun üçün)
bu aylardan hansı birinə yazılacaq?
Cavab: Əbdürrəhman bin Həccac nəql edir ki, İmam Sadiq (ə.s) buyurdu: “Onun
üçün ümrə, ona əməl etməyə niyyət etdiyi ayda yazılmış olacaq və ya bu iki aydan
ən xeyirlisində yazılmış olacaq.”
-Şeyx Kuleyni. "Fürui-Kafi.” c. 4. səh. 536. hədis. 7
Zəvvarın Ümrədə riayət etməli olduğu əməllər
Sual 108: Ümrədə zəvvar hansı əməllərə riayət etməlidir?
Cavab: İmam Sadiqdən (ə.s) nəql olunur ki, buyurub: “Ümrəyə əməl edən təvaf,
Sai və başı keçəl qırxdırma ayinlərinə əməl etməlidir və başını keçəl qırxdırdıqdan
sonra bir dəfə də təvaf etməlidir.”