ahmedalhasan313.wordpress.com
527
Sual 22: Əgər bir şəxs oğurluq etdiyindən dolayı Allah (s.v.t) qarşısında tövbə
edib, öz oğurluğunu etiraf edər və oğurladığı malı sahibinə qaytararsa hökmü nə
olar?
Cavab: Abdullah bin Sinan nəql edir ki, İmam Sadiq (ə.s) buyurub: “Əgər bir şəxs
oğurluq etdiyindən dolayı Allah (s.v.t) qarşısında tövbə edib, öz oğurluğunu etiraf
edər və oğurladığı malı sahibinə qaytararsa, əli kəsilməz.”
-Şeyx Kuleyni. "Fürui-Kafi.” c. 7. səh. 220. hədis. 8
Oğrunun cəzalandırılmasının vacib olduğu səbəb
Allahu-təala (s.v.t) buyurub:
[Oğru kişi və qadının etdikləri əmələ görə Allah tərəfindən cəza olaraq əllərini
kəsin. Allah izzət və hikmət sahibidir] (əl-Maidə 38)
Sual 23: Oğurluğun haram edilməsinin səbəbi nədir və oğurluq zamanı hansı
cəza tətbiq olunmalıdır?
Cavab: İmam Əli bin Musa ər-Riza (ə.s) buyurub: “Allahu-təala oğurluğu haram
etmişdir. Çünki, buna icazə verilsəydi, malların məhvinə və insanların qətlinə
səbəb olardı. Belə ki, bir-birinin mallarını qəsb etmək qarşılıqlı kütləvi qətllərə,
münaqişələrə və paxıllığa səbəb olur. Eləcə də ticarət və sənayedən uzaqlaşmağa,
sərvətlərin haram və nalayiq yollarla əldə edilməsinə gətirib çıxarardı. Sağ əl bu
səbəbdən kəsilir ki, oğru sağ əli ilə əşyalara toxunur. Sağ əl həm də onun bədəninin
ən yaxşı və ən çox fayda verən üzvüdür. Buna görə, onun kəsilməsi oğru üçün cəza
və başqaları üçün bir ibrət dərsidir ki, haram yolla mallara təcavüz etmək
niyyətindən əl çəksinlər. Həm də ona görə ki, oğru daha çox sağ əli ilə oğurluq
edir.”
-Nurus-Səqəleyn. c. 1. səh. 627. hədis. 183/"Mizanul-Hikmət.” (azəri) bab. 190. səh. 428.
hədis. 3001
ahmedalhasan313.wordpress.com
528
Oğrunun əlinin kəsilməsi vacib olduğu malın
dəyəri
Sual 24: Oğrunun əlinin nə zaman kəsilməsi vacib hökmə çevirilər?
Cavab: Muhəmməd bin Müslim nəql edir ki, İmam Sadiq (ə.s) buyurub:
“(Oğurlanan malın dəyəri) Dinarın dörddə birinə bərabər olarsa.” Ravi deyir,
soruşdum: “Bəs əgər bu dəyər iki dirhəm olarsa?” İmam (ə.s) buyurdu: “Dinarın
dörddə birinə. Bir dinarın neçə dirhəmə bərabər olmasından asılı olmayaraq.” Ravi
deyir, soruşdum: “Əgər bir şəxs dinarın dörddə birindən az dəyərdə oğurluq
edərsə bu halda o "oğru" sayılacaq mı? Eynilə Allahın da qarşısında "oğru" olaraq
mı tanınacaq?” İmam (ə.s) buyurdu: “Müsəlmandan onun qoruduğu və saxladığı
hər nə isə oğurlayan, hər kəs oğru olaraq adlanar və o, Allahın da hüzurunda
oğrudur. Amma oğurlanan malın dəyəri dinarın dörddə biri və ya ondan çox
olmayınca, onun əli kəsilməz. Əgər oğruların əlləri dinarın dörddə birindən az
dəyərində oğurluqlarından dolayı kəsilmiş olsaydı, onda sən insanlardan böyük bir
kütləni əlsiz görərdin.”
-Şeyx Kuleyni. "Fürui-Kafi.” c. 7. səh. 222. hədis. 6
Allah Rəsulu (s.ə.v.v) buyurub: “Oğrunun əli, yalnız dinarın dörddə biri və ya
ondan çox məbləğdəki oğurluqda kəsilər.”
-Səhih-Müslim. hədis. 1684/"Mizanul-Hikmət.” (azəri) bab. 190. səh. 428. hədis. 3002
İmam Baqir (ə.s) və ya İmam Sadiq (ə.s) buyurub: “Yalnız divarı deşmək ya qıfılı
sındırmaqla evə daxil olan oğurunun əli kəsilər.”
-Seyyid Hürr Amili. "Vəsailuş-Şiə.” c. 18. səh. 510. hədis. 5
Oğurluğa görə cəzalandırılmayanlar
Sual 25: Oğru hansı hallarda cəzalandırılmaz?
Cavab: Allah Rəsulu (s.ə.v.v) buyurub: “Oğrunun əli yalnız dinarın dörddə biri və
ya ondan çox məbləğdəki oğurluqda kəsilər.”
-Səhih-Müslim. hədis. 1684/"Mizanul-Hikmət.” (azəri) bab. 190. səh. 428. hədis. 3002
ahmedalhasan313.wordpress.com
529
Sual 26: Bir qızın qulağından zorla mirvari sırğanı oğurlayan kişinin cəzası
nədir?
Cavab: İmam Əmirəl-möminin Əli (ə.s) buyurub: “Bu aşikar oğurluqdur.” Sonra
şallaq vurub, zindana saldı.”
-Şeyx Kuleyni. "Fürui-Kafi.” c. 7. səh. 226. hədis. 7
Sual 27: Hansı növ oğruların əli kəsilməz?
Cavab: İmam Əli (ə.s) buyurub: “Dörd nəfərin əli kəsilməməlidir: qapı qaçıran,
qənimətə xəyanət edən, qənimətdən oğurlayan və fəhlənin oğurluq etməsi. Çünki,
bunların işi oğurluq yox, xəyanət sayılır.”
-Şeyx Kuleyni. "Fürui-Kafi.” c. 7. səh. 226. hədis. 6
İmam Sadiq (ə.s) buyurub: “Əgər fəhlə, yaxud qonaq oğurluq etsə, əlləri kəsilməz.
Çünki, onlara etimad olunubdur.”
-Şeyx Səduq. "İləluş-Şərayə.” c. 2. səh. 535. hədis. 1
Əlin kəsilmə qaydası haqqında
Sual 28: Oğrunun cəzalandırılmasında maksimum hədd hansı üzvlərinin
kəsilməsidir?
Cavab: Zürarə bin Əyan nəql edir ki, İmam Baqir (ə.s) buyurub: “İmam Əli (ə.s)
oğrunu cəzalandırarkən, onun bir əl və bir ayağından savayı başqa bir üzvünü
kəsməzdi və buyurardı: “ Mən oğrunu paklanacaq və ayağa qalxa biləcək şeyə
duyduğu ehtiyacdan məhrum etməkdən, Rəbbimdən həya edirəm.” Ravi deyir,
soruşdum: “Bəs əgər əl və ayağının kəsilməsindən sonra yenə oğurluq edərsə?”
İmam (ə.s) buyurdu: “Bu təqdirdə mən onu ömürlük həbsə salacaq və insanları
onun şərrindən qurtaracağam.”
-Şeyx Kuleyni. "Fürui-Kafi.” c. 7. səh. 222. hədis. 3
Sual 29: Əgər bir şəxs iki və ya üç dəfə oğurluğunu təkrarlayarsa cəzası nədir?
Cavab: Qasim nəql edir ki, İmam Sadiq (ə.s) buyurub: “Mən Atamdan (ə.s)
eşitmişəm ki, O (ə.s) buyurub: “Əlinin (ə.s) zamanında onun hüzuruna oğurluq