ahmedalhasan313.wordpress.com
524
Cavab: İmam Sadiq (ə.s) buyurub: “İmam Əli (ə.s) üç cür iftira atan şəxsə, cəza
həddi qoyardı: “1.Kişinin kişini (haqqsız olaraq) zinakarlıqda günahlandırmasına;
2.Birinin digərinin anasına (haqsızcasına) zaniyə deməsinə; 3. Birini (haqqsız yerə
günahkar bilib, onu) atasının ismi ilə çağırmayan şəxsə. Bunların cəzası 80 ədəd
şallaq zərbəsidir.”
-Şeyx Kuleyni. "Fürui-Kafi.” c. 7. səh. 205. hədis. 1
Sual 16: Bir qadın haqsız yerə bir kişini zinakarlıqda günahlandıraraq ona iftira
atır. Bu halda qadına kəsiləcək cəza hökmü nədir?
Cavab: Əbu Bəsir nəql edir ki, İmam Baqir (ə.s) buyurdu: “Ona (qadına) 80 zərbə
şallaq vurulmalıdır.”
-Şeyx Kuleyni. "Fürui-Kafi.” c. 7. səh. 205. hədis. 4
Sual 17: Əgər bir kişi digər bir kişini: “Ey zaniyənin oğlu! "-deyə cağırarsa
hökmü nə olar?
Cavab: Əmmar Səbati nəql edir ki, İmam Sadiq (ə.s) buyurub: “Əgər onun anası
sağdır və üzürlüdürsə, fəqət daha sonra zahir olaraq öz haqqını tələb edərsə, iftira
atan şəxs 80 şallaq zərbəsi ilə cəzalanmalıdır. Amma əgər zahir olmazsa, bu halda
onun zahir olub, haqqını tələb edəcəyi vaxta qədər gözlənilməlidir. Amma əgər
anası dünyadan köçmüş ola və özü ilə insanlar arasında gözəl xatirələr qoyarsa, bu
halda ona qarşı iftira atan şəxs 80 şallaq zərbəsi ilə cəzalanmalıdır.”
-Şeyx Kuleyni. "Fürui-Kafi.” c. 7. səh. 206. hədis. 6
Şərab və ya spirtli içkilər qəbul edən şəxsin cəzası
Sual 18: Əgər bir şəxs bilərəkdən bir qurtum şərab içərsə, hökmü nədir?
Cavab: İshaq bin Əmmar nəql edir ki, İmam Sadiq (ə.s) buyurub: “Səksən zərbə
şallaq ilə cəzalanmalıdır. İstər şərabın miqdarı az, istərsə də çox olsun haramdır.”
-Şeyx Kuleyni. "Fürui-Kafi.” c. 7. səh. 214. hədis. 1
Bureyd bin Müaviyə nəql edir ki, İmam Sadiq (ə.s) buyurub: “Əlinin (ə.s)
kitabında belə yazılmışdır: “Şərab içən şəxs səksən şallaq zərbəsi ilə cəzalanmalıdır.
ahmedalhasan313.wordpress.com
525
Eynilə də, xurmadan alınan məst edici içkini də qəbul edən şəxs səksən şallaq
zərbəsi ilə cəzalanmalıdır"
-Şeyx Kuleyni. "Fürui-Kafi.” c. 7. səh. 214. hədis. 4
Əbu Bəsir nəql edir ki, İmam Baqir (ə.s) buyurub: “İmam Əli (ə.s) şərab içən azad
qulu, yəhudi və nəsranini 80 şallaq zərbəsi ilə cəzalandırardı.” Ravi deyir, dedim:
“Ya Mövlam! Yəhudi və nəsraninin buna nə aidiyyatı var?” İmam (ə.s) buyurdu:
“Onlara şərabı cəmiyyət arasında içmələri caiz deyildir. Qoy bu işi öz evlərində
görsünlər.”
-Şeyx Kuleyni. "Fürui-Kafi.” c. 7. səh. 215. hədis. 9
Əbu Məryəm nəql edir ki, İmam Əmirəl-möminin Əlinin (ə.s) hüzuruna Ramazan
ayında içki içmiş, şeir bəstələyən bir ovçu gətirdilər. Əli (ə.s) onu 80 şallaq zərbəsi
ilə cəzalandıraraq bir gecəlik zindana atdırdı. Sabahkı gün zindandan çıxartdıraraq
yenidən 20 şallaq zərbəsi vurdurdu. O kişi dedi: “Ya Əmirəl-möminin! Sən dünən
məni şərab içdiyimə görə cəzalandırdın. Bəs bu 20 şallaq zərbəsi nə üçündür?”
İmam (ə.s) buyurdu: “Bu sənin şərabı Ramazan ayında içdiyinin günahı üçündür.”
-Şeyx Kuleyni. "Fürui-Kafi.” c. 7. səh. 216. hədis. 15
Şərab və spirtli içki içən şəxsin öldürülməsinin
vacib olduğu hallar
Sual 19: Əgər bir şəxs birinci dəfə içdiyi şərabdan dolayı cəzalanar, fəqət
törətdiyi əməli ikinci və üçüncü dəfədə təkrar edərsə, hökmü nə olar?
Cavab: Əbu Bəsir nəql edir ki, İmam Sadiq (ə.s) buyurub: “Allah Rəsulunun
(s.ə.v.v) hüzuruna şərab içən şəxsi gətirdikdə o, onu səksən şallaq zərbəsi ilə
cəzalandırardı. Əgər o şəxs ikinci dəfə də şərab içsəydi, yenə də səksən şallaq
zərbəsi ilə cəzalandırardı. Fəqət bu əməlini üçüncü dəfə təkrarlamış olsaydı, onun
boynunu vurardı.”
-Şeyx Kuleyni. "Fürui-Kafi.” c. 7. səh. 218. hədis. 1
ahmedalhasan313.wordpress.com
526
Suleyman bin Xalid nəql edir ki, İmam Sadiq (ə.s) buyurub: “Allah Rəsulu (s.ə.v.v)
buyurub: “O şəxs ki, şərab içir şallaq ilə cəzalandırın. Əgər gördüyü işi yenidən
təkrarlayarsa, yenədə şallaq ilə cəzalandırın. Fəqət üçüncü dəfə təkrarlayarsa,
öldürün.”
-Şeyx Kuleyni. "Fürui-Kafi.” c. 7. səh. 218. hədis. 3
Yunis nəql edir ki, İmam Museyi-Kazım (ə.s) buyurub: “Əgər böyük günahlar
işləyən kəs günahlarından dolayı iki dəfə cəzalanarsa, üçüncü dəfə həyatından
məhrum edilər.”
-Şeyx Kuleyni. "Fürui-Kafi.” c. 7. səh. 219. hədis. 6
Günahını etiraf edən şəxsə vacib olan cəza və
cəzalandırılması vacib olmayan şəxs haqqında
Sual 20: Əgər bir şəxs şərab içər, oğurluq edər və ya iftira atarsa və bu
səbəblərdən dolayı cəzanın vacib olduğunu bilərək günahını etiraf edərsə və
sonra da (qorxu səbəbindən) günahını danarsa, hökmü nə olar?
Cavab: Həlabi nəql edir ki, İmam Sadiq (ə.s) buyurdu: “Əgər bir şəxs (oğurluq
etdiyindən dolayı) İmamın hüzurunda oğurluq etdiyini etiraf edər və sonra da
sözünü danarsa, bu halda onun ixtiyarının əksinə olsa belə əli kəsilməlidir. Əgər o
şərab içdiyini və ya iftira atdığını etiraf etmiş olarsa, bu halda onu səksən şallaq
zərbəsi ilə cəzalandırın.”
-Şeyx Kuleyni. "Fürui-Kafi.” c. 7. səh. 220. hədis. 4
Sual 21: Əgər bir şəxs cəzası vacib olan cinayətindən dolayı günahını etiraf
edərsə hökmü nə olar?Əgər etiraf etdiyi cinayətini sonradan inkar edərsə cəzası
nə olar?
Cavab: Muhəmməd bin Müslim nəql edir ki, İmam Sadiq (ə.s) buyurub: “Əgər bir
şəxs cəzası vacib olan cinayətindən dolayı günahını etiraf edərsə, mən onu rəcm
əsasında cəzalandıraram. Amma, əgər o (cinayəti üzərinə götürərək) cinayət
etdiyini etiraf edər, fəqət daha sonra bunu inkar edərsə, rəcm edilməz.”
-Şeyx Kuleyni. "Fürui-Kafi.” c. 7. səh. 220. hədis. 5