Referat mövzu: Xalı-Palçıq Pilpiləsi antiklinal xəttinin geoloji inkişaf tarixi ilə əlaqədar neft-qaz perspektivliyi

NƏTİCƏ VƏ TƏKLİFLƏR…………………………………………………
70
İSTİFADƏ OLUNAN ƏDƏBİYYAT……………………………………….	71

GİRİŞ


Problemin müasir vəziyyət: Geofizika və geologiya İdarəsi 2016-ci il üçün “Azneft” İB ilə razılaşdırılmış və ARDNŞ tərəfindən təsdiq edilmiş iş proqramına əsasən “Abşeron-Balxanyanı neftli-qazlı zonasında məhsuldar layların sahə üzrə izlənməsi” mövzusunun yerinə yetirilməsini Kompleks Mühəndisi Axtarış İstehsalat Bölümünün Geoloji-Kəşfiyyat Ekspedisiyasına həvalə etmişdir. Mövzunun yerinə yetirilməsində məqsəd aşağıdakılardan ibarət olmuşdur:
Abşeron-Balxanyanı neftli-qazlı zonasında yerləşən Pirallahı, Gürgan-dəniz, Cənub, Cənub-2, Xali, Cilov adası, H.Aslanov, Palçıq Pilpiləsi, Neft Daşları, Oğuz, Günəşli, Çıraq, Azəri və Kəpəz sahələrdə
- qazılmış quyuların qazıma, sınaq mənimsəmə, qazıma zamanı quyulardan götürülmüş kern nümunələri, sahələr üzrə aparılmış geofiziki və digər məlumatların toplanması və cədvəl şəklinə salınması;
- toplanmış məlumatlar əsasında hər bir sahə üzrə kəsilişdə iştirak edən məhsuldar layların izlənməsi;
- quyu məlumatlarından istifadə etməklə sahəvi və regional geoloji profillərin və korrelyasiya sxemlərinin tərtib edilməsi.
Abşeron-Balxanyanı qalxımlar zonasında yerləşən 14 strukturdan 12-si yataq hesab olunur. Buradakı müxtəlif flüid (neft, qaz və qaz-kondensat) sistemli yataqlar Məhsuldar Qat (MQ) çöküntülərinin həm üst (Suraxanı-Fasilə lay dəstələri) və həm də alt (QÜG, QÜQ, QD, QA, QaLD) şöbələrinə aid edilir.
Mövzu üzrə əldə olunan məlumatların təhlili və ümumiləşdirilməsi işləri müasir informasiya-texnologiya imkanlarından istifadə etməklə aparılmışdır.
Tədqiqat sahələrində son illərdə aparılmış dərin axtarış və kəşfiyyat işlərinin təhlili nəticəsində MQ-ın alt şöbəsi çöküntülərinin litoloji tərkibi, qalınlığı və neftqazlılığı haqqında yeni məlumatlar alınmışdır. Çox saylı quyu karotajları ilə yanaşı ayrı-ayrı lay dəstələri və ya horizontları təşkil edən süxurların petroqrafik xarakteri (qranulometrik tərkib xarakter minerallar) litofizik xassələri (karbonatlılıq, məsaməlik, keçiricilik) haqqında mövcud olan materiallardan da geniş istifadə olunmuşdur.