_____________________________________________
492
qoymuşdur. Bu zamandan Mirzə Cəlil Molla Nəsrəddin adı ilə məşhur oldu.-
197, 259-266.
165. Hüseyn Cavid, Hüseyn Abdulla oğlu Rəsizadə (1882 - 1941) -
böyük Azərbaycan şaıri, dramaturq. Hüseyn Cavid Azərbaycan mütərəqqi
romantizminin banilərindən biri olmuşdur. O, lirik şeirlərin, lirik-epik, epik
poemaların müəllifıdır.
Hüseyn Cavid daha çox dramaturq kimi tanınmışdır. Onun fəlsəfi və
tarixi faciələri forma yeniliyi baxımından Azərbaycan dramaturgiyasında
yeni bir mərhələ yaratmış, millı teatr mədəniyyətinin inkişafına qüvvətli təsir
göstərmışdır. Azərbaycanın ən dəyərli milli ziyalı nümayəndələrini məhv
edən sovet totalitar rejiminin repressiya qurbanlarındandır. - 197, 262, 263,
274.
166. Məhəmməd Tağı Sidqi (1854-1903) - maarifçi pedaqoq, şair,
publisist. Sidqi Ordubadda “Əxtər” (1892), Naxçıvanda isə “Tərbiyə”
(“Məktəbi Tərbiyə”, 1894) məktəbi təsis etmiş, xalq müəllimi kimi şöhrət
qazanmışdır. Elmi-pedaqoji dəyərə malik yeddi dərsliyin müəllifidir. Sidqi
Azərbaycan uşaq nəşrinin ilk yetkin nümunələrini yaratmışdır. Sidqi
publisistika sahəsində də fəaliyyət göstərmiş “Tərcüman” (Baxça-saray),
“Əxtər” (İstanbul), “Həblülmətin” (Kəlkətə), Kaspi (Bakı) və s. qəzetlərlə
yaxından əməkdaşlıq etmişdir. - 197, 199.
167. “Molla Nəsrəddin” - həftəlik, illüstrasiyalı ilk Azəbaycan jurnalı.
Birinci nömrəsi 1906-cı il aprelin 7-də Tiflisdə çapdan çıxmışdır. 1906- 18-ci
illərdə Tiflisdə, 1921-ci ildə Təbrizdə, 1922-31-ci illərdə Bakıda nəşr
olunmuşdur. Redaktoru və naşiri Сəlil Məmmədquluzadə idi. 25 il ərzində
748 nömrəsi çıxmışdır. Mütərəqqi ideyaların carçısı olan “Molla Nəsrəddin”
xalq və demokratiya cəbhəsində duraraq azadlıq düşmənlərini - çar
mütləqiyyətini, müstəmləkəçilik siyasətini, geriliyi, mövhumatı, millətçiliyi
amansız satira atəşinə tuturdu. Bütün təqib və təzyiqlərə baxmayaraq “Molla
Nəsrəddin”in haqq səsi Qafqazın hüdudlarını aşıb Rusiyada, bütün Yaxın və
Orta Şərqdə eşidilmişdi. “Molla Nəsrəddin” Azəbaycan xalqının mütərəqqi
qüvvələrini, demokratik ziyalıları öz ətrafında toplanmışdı. “Molla
Nəsrəddin”in yalnız Azərbaycanın deyil, eləcə də Yaxın Şərq ölkələrinin
ictimai və əbədi-bədii fikir tarixində müstəsna rolu olmuşdur. - 197, 261.
168. Zəngəzur mahalı, Zəngəzur qəzası- XIX əsrin ikinci yarısında
Azərbaycanda inzibati ərazi vahidi. 1861-ci ildə təşkil olunmuşdur.
_____________________________________________
493
Çar Rusiyası hökumətinin 1867-ci il dekabr tarixli fərmanına əsasən
yaradılmış Yelizavetpol (Gəncə) quberniyasının tərkibinə daxil edilmişdi. -
198.
169. İrəvan, Rəvan, Erivan, Yerevan, - orta əsrlərdə və yeni dövrdə
(1918-ci ilin mayın 29-dək İrəvan) Azərbaycan şəhəri. XVI əsrin
əvvəllərində Zəngi çayı sahilində dağlarla əhatə olunmuş düzənlikdə
salınmışdır. İrəvan şəhəri dəfələrlə Səfəvi və Osmanlı qoşununun
hücumlarına məruz qalmış, gah bu, gah da о biri dövlətin tərkibinə
qatılmışdı. İkinci Rusiya-İran müharibəsi (1826-28) dövründə, Türkmənçay
müqaviləsinə (1828) əsasən, Rusiyaya birləşdirildi. XIX əsrin 20-30-cu
illərində İran və Türkiyədən köçürülmüş çoxlu erməni İrəvanda
yerləşdirilmişdi. 1918-ci ilin mayında Daşnaksutyun partiyası liderlərinin
başçılığı ilə Ermənistan Respublikası yarandı. 1918-ci il mayın 28-də
yaradılmış Azərbaycan Xalq Cümhuriyyəti hökuməti mayın 29-da keçirdiyi
iclasında İrəvan şəhərini “paytaxtı” olmayan Ermənistan Respublikasına
güzəştə getdi. - 198, 286.
170. Tiflis - Gürcüstan Demokratik Respublikasının (1918-21) paytaxtı.
Şəhərin meydana gəldiyi ərazi eramızdan əvvəl 4-3-cü minilliklərdə mühüm
yaşayış məskənlərindən biri olmuşdur. Azərbaycan Xalq Cümhuriyyətinin
yaradılması haqqında İstiqlal bəyannaməsi Tiflisdə elan edilmiş, 10-cu
hökumət kabinəsinin təşkili və ilk dövlətçilik tədbirləri burada həyata
keçirilmişdi. - 198, 286.
171. Bəktaşi Tofiq Heydər oğlu (1912-1995) - riyaziyyatçı. Fizika-
riyaziyyat elmləri doktoru, professor. Diferensial tənliklər sisteminə, zərbə
nəzəriyyəsinə, nəzəri mexanikaya dair tədqiqatların, elmi-metodik və tədris
metodikası məsələlərinə dair əsərlərin müəllifıdir. -200.
172. 1990-cı ilin yanvarı - 1990-cı ilin yanvarında Azərbaycanda faciə
baş verdi. Yanvarın 19-dan 20-nə keçən gecə fövqəladə vəziyyət elan
edilmədən Sovet ordusunun xüsusi təyinatlı cəza dəstələri, dəniz
donanmasının və daxili qoşunların bölmələri Bakı şəhərinə yeridildi. Sovet
ordusunun bu kütləvi zorakılıq aktı nəticəsində 131 nəfər öldürülmüş, 744
nəfər yaralanmış, yüzlərlə adam qanunsuz hələs edilmiş və itkin düşmüş,
dövlət əmlakına, ictimai və şəxsi əmlaka, şəhər təsərrüfatına və vətəndaşlara
böyük maddi ziyan dəymişdi. 1990-cı ilin qanlı yanvarı Azərbaycanın ərazi
bütövlüyü uğrunda aparılan mübarizə tariximizdə Vətənin şəhid övladlarının
qanı ilə yazılmış şərəfli səhifə oldu. - 202.
_____________________________________________
494
173. Bəxtiyar Vahabzadə, Вəxtiуаr Mаhmud оğ1u (d. 1925) -
Azərbaycanın xalq şairi, dramaturq, ədəbiyyatşünas. Azərbaycan Dövlət
mükafatı laureatı, 1991-2005-ci illərdə Azərbaycan Respublikası Milli
Məclisinin deputatı, Azərbaycan Milli EA-nın akademikidir. Azərbaycan
Respublikasının “İstiqlal” ordeni ilə təltif olunmuşdur. - 202, 333.
174. Cəfərqulu xan (?-?)- Naxçıvan xanı. 1783-cü ildə xoylu Əhməd
xanın dəstəyi sayəsində Naxçıvan xanlığının hakimi oldu. Cəfərqulu xan ilk
gündən xalqı incitmiş, hətta iş о уегə çatmışdı ki, naxçıvanlıların bir çoxu
doğma ocaqlarını tərk etmiş, başqa yerlərə köçməyə məcbur olmuşdular. -
204.
175. Lenin, V1аdimir İliç (Ulyanov) (1870-1924) - SSRİ-nin siyasi və
dövlət xadimi. Нə1ə tələbəlik illərindən inqilabi hərəkata qoşulmuşdur. Lenin
1895-ci ildə Peterburq “Fəhlə sinfınin azadlığı uğrunda mübarizə ittifaqı”nın
yaradılmasında iştirak etmişdir. 1900-cu ildə Plexanovla birlikdə “İskra”
qəzetini nəşr edir. 1903-cü ildən RSDFP-nin 2-ci qurultayında bolşevik
fraksiyasına başçılıq edir. 1907-ci ildən xaricə emiqrasiya edilir. 1917-ci ildə
Petroqrada qayıdıb silahlı üsyana başçılıq edir. Lenin başda olmaqla 2-ci
Ümumrusiya Sovetlər qurultayında hökumət - XKS yarandı. Vətəndaş
müharibəsi dövründə “hərbi kommnunizm” siyasətinin yaradıcılarından
olmuşdur. Bunun nəticəsində ölkə bir partiyalı sistemə keçmiş, ölkədə geniş
surətdə repressiya başlanmış, müxalifət qüvvələri və orqanları ləğv edilmiş,
görkəmli adamlar və ziyalılar ölkəni kütləvi surətdə tərk etmişlər. 1922-ci
ildə xəstələnmiş və ölkənin siyasi həyatından uzaqlaşdırılmışdır. - 204.
176. Şərur - Naxçıvan MR-də şəhər. Naxçıvan şəhərindən 66 km şimal-
qərbdə, Şərur düzündədir. Əhalisi 6315 nəfərdir. Şərurun salındığı tarix
hələlik dəqiq müəyyənləşdirilməsə də, buranın hələ eradan əvvəl
məskunlaşdırıldığı məlumdur. - 207.
177. Gəncə - Azərbaycan Respublikasında şəhər. Sahəsi 107 km
2
,
əhalisinin sayına görə Bakıdan sonra ikinci şəhərdir. Gəncə Azərbaycanın
qədim şəhərlərindəndir. Gəncənin salındığı tarix dəqiq məlum deyil. Bəzi
müəlliflər Gəncənin Makedoniyalı İsgəndərin dövründə (е.ə.336-323)
salındığını qeyd etmişlər. - 208.
178. Ümid körpüsü, Həsrət körpüsü- Araz çayı üzərində körpü (uz. 286
metr). Türkiyə ilə Azərbaycan arasında sərhəddə (Türkiyənin Dilucu
Dostları ilə paylaş: |