_____________________________________________
501
215. Qori seminariyası, Zaqafqaziya (Qori) müəllimlər seminariyası -
Zaqafqaziyanın, əsasən, yerli əhalisindən ibtidai məktəb müəllimi hazırlayan
orta pedaqoji təhsil müəssisəsi. 1876-cı ildə Qoridə açılmışdı.
Seminariyanın Azərbaycan şöbəsi 1879-cu ildə fəaliyyətə başlamışdı.
Azərbaycan şöbəsinin yaradılmasında M.F.Axundovun böyük rolu olmuşdur.
Qori seminariyasında təhsil rus dilində idi. Azərbaycan dili isə yalnız
Azərbaycan şöbəsində fənn kimi tədris edilirdi. Qori seminariyası
Zaqafqaziya xalqlarının, о cümlədən Azərbaycan xalqının mədəni inkişafında
mühüm rol oynamışdır. Qori seminariyası 1918-ci ilədək fəaliyyət
göstərmişdir. Seminariyanın Azərbaycan şöbəsi 1918-ci ildə F.B.Köçərlinin
rəhbərliyi ilə Qazax şəhərinə köçürülmüşdü. - 297.
216. Qazax müəllimlər seminariyası - Azərbaycanda müəllim
hazırlayan ilk tədris müəssisələrindən biri. İlk direktoru F.B.Köçərli
olmuşdur. Seminariyada ana dili, ədəbiyyat, rus dili, pedaqogika,
psixologiya, riyaziyyat, tarix, coğrafıya tədris edilirdi. Seminariyanın
Azərbaycanda xalq maarifinin inkişafında mühüm rolu olmuşdur. - 297.
217. İmam Xomeyni, Ruhulla Musavi (1903-1989) - 1979-cu ildən İran
İslam Respublikasının başçısı, ayətullah. 1964-cü ildə ölkədən qovulmuş,
əvvəlcə İraqda, sonra isə Fransada mühacirətdə olmuşdur. 1979-cu ildə İrana
qayıtmış, şah rejimini devirməyə və İslam Respublikasını qurmağa nail
olmuş inqilaba başçılıq etmişdir. - 301.
218. İrşad Əliyev, İrşad Nadir oğlu (d. 1944) -1992-94-cü illərdə
Respublika Qaçqınlar və Köçkünlərlə İş üzrə Dövlət Komitəsinin sədri,
1994-cü ildən 2004-cü ilə qədər Azərbaycan Respublikasının Kənd
Təsərrüfatı naziri olmuşdur. - 304, 306
219. Yaşar Əliyev, Yaşar Tofiqi (d.l948) - cərrah həkim, professor,
diplomat. 1990-cı ildən Azərbaycan Respublikası Ali Sovetinin, 1994-cü
ildən isə Milli Məclisin deputatı və Milli Məclis sədrinin müavini olmuşdur.
Hazırda Çin Xalq Respublikasında Azərbaycan Respublikasının fövqəladə və
səlahiyyətli səfiridir. - 306.
220. Beynəlxalq Atatürk Sülh mükafatı - Türkiyə Cümhuriyyətinin
banisi Mustafa Kamal Atatürkün “Yurdda sülh, cahanda sülh” prinsiplərinə
uyğun olaraq regionda, beynəlxalq aləmdə və ölkələrarası münasibətlərdə
sülh, dostluq, anlaşma və xoş məramlı əməkdaşlıq yara-
_____________________________________________
502
dılmasına xidmət edən görkəmli şəxsiyyətlərə verilir. Mükafat 1986-cı ildə
təsis edilmişdir. - 320, 418-434, 455, 457, 458.
221. ATƏT-in Lissabon zirvə görüşü - 1996-cı il dekabrın 2-4-də
Portuqaliyanın paytaxtı Lissabon şəhərində ATƏT-in 54 üzvünün dövlət və
hökumət başçılarının iştirakı ilə növbəti Zirvə toplantısı keçirildi. Lissabon
Zirvə toplantısında müzakirə olunan məsələlər arasında Azərbaycan
Respublikası nümayəndə heyətinin təkidi ilə Ermənistan-Azərbaycan
münaqişəsi geniş diskussiyaya səbəb oldu. Azərbaycan Respublikası
nümayəndə heyətinin başçısı Heydər Əliyevin qəti, prinsipial mövqeyi və
gərgin səyi nəticəsində yekun sənədə əlavə kimi qəbul edilən ATƏT sədrinin
bəyanatında ilk dəfə olaraq ən yüksək səviyyədə münaqişənin həllinin əsası
kimi Azərbaycan Respublikasının ərazi bütövlüyü 53 dövlət tərəfindən
qətiyyətlə dəstəkləndi və Dağlıq Qarabağın statusunun yalnız Azərbaycan
Respublikasının tərkibində müəyyən olunması öz əksini tapdı. - 329, 352,
362, 384.
222. Klivlend - ABŞ-da şəhər. Klivlend ABŞ-ın sənaye, maliyyə-ticarət
və mədəni mərkəzlərindən biri kimi tanınır. - 331, 355, 356, 357.
223. Faiq Sücəddinov, Faiq Miri oğlu (d.l947) - bəstəkar. Azərbaycan
Respublikasmm xalq artisti. Gözəl mahnılar müəllifıdir. Azərbaycan Dövlət
və İncəsənət Universitetində dosent. Azərbaycan Respublikasının “Şöhrət”
ordeni ilə təltif olunmuşdur. - 334.
224. “Motorola” - beynəlxalq şəbəkələr sistemi. Dünyanın bütün
qitələrini əhatə edən 110 ölkədə şirkətin nümayəndəlikləri var. 1928-ci ildə
fəaliyyətə başlamışdır. İldə 38 milyard dollardan artıq dövriyyəsi var.
Azərbaycanda da fəaliyyət göstərən “Motorola” şirkəti respublikamızda
texniki mərkəz yaradılmasına, buraya azərbaycanlı mütəxəssislərin cəlb
edilməsinə də böyük maraq göstərir. - 340.
225. Xavyer Solana (d.l942) - siyasi xadim, 1995-99-cu illərdə NATO-
nun Baş katibi, 1999-cu ilin iyulundan Avropa İttifaqı Şurasının Xarici
Siyasət və Təhlükəsizlik üzrə Baş katibidir. - 342.
226. Avropa Birliyi (AB) - 1951-57-ci illərdə yaranmış üç Qərbi Avropa
inteqrasiya təşkilatının ümumi adı (Avropa İqtisadi Birliyi - AİB, Avropa
Kömür və Polad Birliyi - AKPB, Avropada Atom Energetika Birliyi -
(AAEB). AB ümumi prinsiplərin müəyyən edilməsindən birgə fəaliyyətə
qədər bir neçə mərhələ (Avropa İnvestisiya Bankının, Avropa Regional
İnkişaf Fondunun - vahid valyutaya keçməsi - AVRO-ya)
_____________________________________________
503
keçmişdir. Mühüm mərhələ Vahid Avropa Aktmm (1986-1987-ci ildən
qüvvəyə minmişdir) qəbul edilməsi olmuşdur. 1967-ci ildə rəhbər orqanların
birləşməsindən sonra - AİB, AKPB və AAEB - Avropa Birliyi - 1993-cü ildə
isə Avropa Şurası yarandı. - 342, 360, 366, 368, 382.
227. Saparmurad Niyazov, Saparmurad Ataoğlu (1940-2007) -
Türkmənistanın siyasi və dövlət xadimi. 1985-ci ildən 1990-cı ilə qədər
Türkmənistan KP MK-nın birinci katibi. 1990-cı ildən Türkmənistan
Respublikasının prezidenti olmuşdur. - 351.
228. Polşa, Polşa Respublikası - Mərkəzi Avropada dövlət. Sahəsi 312,7
min km
2
, əhalisi 38,7 milyon nəfərdir. İnzibati cəhətdən 49 voyevodalığa
bölünür. Ali və yeganə qanunvericisi orqanı ikipalatalı Seymdir. Paytaxtı
Varşava şəhəridir. - 358-388.
229. Aleksandr Kvasnevski (d.l954) - Polşanın siyasi və dövlət xadimi.
1991-1995-ci illərdə Polşa Seyminin deputatı olmuşdur. 1995-2005-ci illərdə
Polşa Respublikasının prezidenti olmuşdur. - 358-388.
230. NATO-nun “Sülh naminə tərəfdaşlıq” proqramı - NATO ilə
Şərqi Avropa və keçmiş SSRİ ölkələri arasında siyasi və hərbi sahələrdə
əməkdaşlıq sənədi, 1994-cü il yanvarın 10-11-də NATO Şurasının dövlət və
hökumət başçıları səviyyəsində Brüsseldə keçirilən görüşdə ABŞ tərəfindən
təklif edilmişdir.
Azərbaycan Prezidenti Heydər Əliyev 1994-cü il mayın 4-də NATO-nun
Brüsseldəki mənzil-qərargahında Azərbaycanın “Sülh naminə tərəfdaşlıq”
proqramına qoşulması haqqında sənədi imzalamışdır. 1996-cı ilin aprelində
Heydər Əliyev NATO-nun Brüsseldəki mənzil-qərargahında NATO-nun Baş
katibi Xavyer Solana ilə görüşündə Azərbaycan Respublikasının təqdimat
sənədini ona vermişdir. Həmin sənəd əsasında Azərbaycanın NATO ilə
tərəfdaşlığının fərdi proqramı hazırlanmışdır. - 362, 365, 377, 379, 384.
231. Ploşko Uosif Kasperoviç (1866,( ) -1930 (?) - memar. Milliyyətcə
polyakdır. 1897-ci ildə Bakıya gəlmiş, burada bir sıra yaşayış binalarının
layihəsini vermişdir. Ploşkonun ən məşhur işləri Bakıda fransız qotikası
rahunda tikilmiş M.Muxtarovun sarayı (indiki Səadət sarayı, 1911-12) və
Venesiya qotikası uslubunda inşa edilən “İsmailiyyə” (indiki Azərbaycan
Milli Elmlər Akademiyası Rəyasət Heyətinin binası, 1908-13) binasıdır. -
363, 384.
Dostları ilə paylaş: |