_____________________________________________
489
xanı seçilmişdi. Çingiz xan daim monqol tayfalarını birləşdirmək və mərkəzi
hakimiyyəti möhkəmlətmək siyasəti yeritmişdir. - 192.
153. Teymurləng, Əmir Teymur, Teymur, Topal Teymur (1336-1405) -
Orta Asiya görkəmli dövlət xadimi, sərkərdə, əmir. Teymurilər imperiyasının
banisi. Türkləşmiş barlas tayfasından idi; döyüşlərdə aldığı yaralara görə
“Teymurləng” (Topal Teymur) ləqəbi ilə tanınmışdır. Teymurləng üç
yürüşündə (1386-87; 1392-97; 1399-1404) Azərbaycanda olmuşdur.
Əlincə qalası uğranda 14 il mübarizə aparan Teymurləng buraya 4 dəfə
(1387, 1393, 1397, 1400) yürüş etmiş, cıddi döyüşlər aparsa da məqsədinə
nail ola bilməmişdi. - 192.
154. Əlincəqala, Əlincə, Alancik, Alıncaqala-Naxçıvan MR- də qala.
Əlincə çayın sağ sahilində və eyniadlı dağın zirvəsindədir. Əlincənin adını
tədqiqatçılar qədim türk dılində düzənlik mənasında işlədilən “alan” sözü ilə
bağlayırlar. Əlincənin tikilmə tarixi haqqında müxtəlif fikirlər mövcuddur.
Bəzi tədqiqatçılar qalanı təqribən 2 min il bundan əvvələ aid edir, digərləri
isə Sasani padşahları zamanından (3-7-ci əsrlərdə) məlum olduğunu
söyləyirlər. Əlincənin divarları Əlincə dağlarının ətəklərindən başlayaraq
pillələr şəklində yuxarıya doğru ucalır və onun zirvəsini tamamilə əhatə edir.
Azərbaycan atabəyləri - Eldəgəzlərin hökmranlığı dövründə Əlincə
qalanın əhəmiyyəti xüsusilə artmış, mühüm hərbi istehkam olan qala
hökmdar ailəsinin təhlükəsizliyini təmin etmək üçün sığınacaq yerinə
çevrilmişdi. - 192.
155. “Kitabi-Dədə Qorqud” - türk xalqları və Azərbaycan xalq
ədəbiyyatının ən qədim yazılı abidəsi. “Kitabi-Dədə Qorqud” dastanının
yaranmasından 1300 il keçir. Elm aləminə XIX əsrdən məlum olan bu
qəhrəmanlıq dastanının hələlik XV-XVI əsrlərdə köçürülmüş iki əlyazma
nüsxəsi (Drezden və Vatikan) tapılmışdır. - 193, 194, 195.
156. Anar, Rzayev Anar Rəsul oğlu (d. 1938) - görkəmli Azərbaycan
yazıçısı, publisist, dramaturq, ictimai xadim, Azərbaycanın xalq yazıçısı.
Azərbaycan və SSRİ Dövlət mükafatları laureatıdır. Azərbaycan və SSRİ Ali
sovetlərinin xalq deputatı olmuşdur. 1995-2005-ci illərdə Milli Məclisin
deputatı və Mədəniyyət məsələləri komissiyasının sədri, 1987-ci ildən
Azərbaycan Respublikası Yazıçılar Birliyinin sədridir. Əsərləri dünyanın bir
çox ölkələrində nəşr olunmuşdur. Azərbaycan Respublikasının “İstiqlal”
ordeni ilə təltif edilmişdir. -194.
_____________________________________________
490
157. Naxçıvan xanlığı - Azərbaycanda XVIII əsrin ortalarında Nadir şah
Əfşar əyanlarının sui-qəsdi nəticəsində öldürüldükdən sonra Kəngərli
tayfasının başçısı Heydərqulu xan İran naibi Ağa Həsəni Naxçıvandan
qovmuş və özünü xan elan etmişdi. Xanlıq Zəngəzur dağlarından Araz çayı
dərəsinədək ərazini əhatə edirdi. Əlincə, Xok, Dərələyəz, Ordubad, Əylis,
Dəstə, Bəllav mahallarına bölünürdü. Naxçıvan xanlığının inzibati, həm də
başlıca ticarət mərkəzi Naxçıvan şəhəri idi.Türkmənçay müqaviləsinə (1828)
əsasən Naxçıvan xanlığı İrəvan xanlığı ilə birlikdə Rusiyaya birləşdirildi. -
195, 196.
158. İrəvan xanlığı - XVIII əsrin ortalarında Cənubi Qafqazda, keçmiş
Çuxursəd bəylərbəyliyi ərazisində yaranmış müstəqil Azərbaycan feodal
dövləti; Ağrıdağ düzənliyinin Göуçə gölü hövzəsini və Araz çayından cənub-
qərbə doğru uzanan ərazini əhatə edirdi. Azərbaycanın cənub-qərbində
yerləşən bu xanlıq paytaxtı İrəvan şəhəri olmaqla inzibati cəhətdən 15 mahala
bölünürdü, İrəvan xanlığı 1747-97-ci illərdə müstəqil dövlət olmuş, 1797-
1828-ci illərdə İranın hakimiyyəti altında olmuşdur. Türkmənçay
müqaviləsinə (1828) görə Rusiyanın tərkibinə keçmişdi. Bu zaman İrəvan
xanlığı ərazisində 420-dən çox kənd dağıdılmış, 10 minlərlə azərbaycanlı
əhali məhv edilmişdi. - 195.
159. Türkmənçay müqaviləsi (1828) - XIX əsrin əvvəllərində Rusiya-
İran müharibələri başa çatdıqdan sonra, Təbriz yaxınlığındakı Türkmənçay
kəndində bağlanmış müqavilə. 16 maddədən ibarət olan Türkmənçay
müqaviləsinə əsasən Cənubi Qafqaz əraziləri, о cümlədən Şimali Azərbaycan
Rusiyaya birləşdirildi, Cənubi Azərbaycan torpaqları isə İranda qaldı.
Türkmənçay müqaviləsinin 3-cü maddəsinə əsasən Araz çayının о tayı və bu
tayı üzrə İrəvan və Naxçıvan xanlıqları Rusiya imperiyasının tam
mülkiyyətinə keçdi. - 195, 196.
160. Gülüstan müqaviləsi (1813) - birinci Rusiya-İran müharibəsinə son
qoymuş müqavilə. Oktyabrın 12(24)-də Qarabağın Gülüstan kəndində
bağlanmışdır. Rusiya - İran arasında əvvəlcə barışıq aktı, sonra isə on bir
maddədən ibarət sülh müqaviləsi imzalanmışdı. Bu müqaviləyə əsasən hər iki
dövlət arasında yeni sərhəd xətləri müəyyən edildi. 1814-cü il sentyabrın 15-
dən qüvvəyə minən Gülüstan müqaviləsi vahid Azərbaycanın iki işğalçı
dövlət tərəfindən bölüşdürülməsinin əsasını qoydu. - 195.
_____________________________________________
491
161. Nizami Gəncəvi, İlyas Yusif oğlu (1141-1209) – dahi Azərbaycan
şairi və mütəfəkkiri. Dünya ədəbiyyatı tarixinə məsnəvi formasında yazdığı
beş epik poemadan ibarət “Xəmsə” müəllifı kimi daxil olmuşdur. Nizami
Gəncəvinin ilkin Şərq Renessansının zirvəsi olan yaradıcılığında dövrünün ən
humanist, ümumbəşəri ictimai-siyasi, sosial və mənəvi-əxlaqi idealları parlaq
bədii əksini tapmışdır. Nizami Gəncəvi Yaxın Şərq ədəbiyyatında mənzum
roman janrının əsasını qoymuş, yeni ədəbi məktəb yaratmışdır. Nizami
Gəncəvi həm də dövrünün görkəmli mütəfəkkiri olmuşdur. Onun bütün
əsərlərində şəxsiyyət azadlığı, insanın mənəvi azadlığı tərənnüm olunur. -
196, 201, 235.
162. Mömünə xatun türbəsi - Azərbaycan milli memarlığının möhtəşəm
abidəsi, Şərq memarlıq incilərindən biri. 1186-cı ildə Naxçıvan şəhərinin
qərb hissəsində tikilmişdir (memarı Əcəmi Əbu Bəkr oğlu Naxçıvani).
Azərbaycan Atabəylər dövlətinin banisi Şəmsəddin Eldəniz arvadı Mömünə
xatunun qəbri üzərində məqbərə yaradılmasına qərar vermiş, onun tikintisini
oğlu Məhəmməd Cahan Pəhləvan hicri 582-ci ilin məhərrəm ayında (aprel,
1186) başa çatdırmışdır. Elin yaddaşında “Atabəy günbəzi” adı ilə qalmışdır.
Abidənin baştağında küfi xətti ilə bu sözlər yazılmışdır. “Biz gedirik, ancaq
qalır rizigar. Biz ölürük, əsər qalır yadigar”. Kompozisiyaya, yetkinliyə,
ayrıntılarının incə, zərif işlənməsinə və memarlıq həllinə görə türbə orta
əsrlər memarlıq sənətinin şah əsərlərindən sayılır. - 196, 267-271, 273.
163. Mirzə Fətəli Axundov (1812-1878) - böyük Azərbaycan yazıçısı,
dramaturq, materialist - filosof. Axundov Azərbaycan ədəbiyyatı tarixində
pyesləri və fəlsəfi əsərləri ilə tanınmışdır. 1850-55-ci illərdə yazdıgı altı
komediya ilə Azərbaycan və bütün Şərq ədəbiyyatında realist
dramaturgiyanın əsasını qoymuşdur. - 197.
164. Cəlil Məmmədquluzadə, Mirzə Cəlil Hüseynqulu оğ1u (ədəbi
təxəllüsü Molla Nəsrəddin; 1866-1932) - böyük Azərbaycan yazıçısı,
jurnalist, ictimai xadim. Mirzə Cəlilin ictimai-ədəbi fəaliyyəti XIX əsrin 80-
ci illərinin axırından XX əsrin 30-cu illərinə qədərki böyük tarixi dövrü əhatə
edir. 40 illik yaradıcılığı boyu müxtəlif janrlarda yazdığı əsərləri ilə Mirzə
Cəlil Azərbaycan realist ədəbiyyatının yüksək рilləуə qalxmasında müstəsna
rol oynamışdır. 1906-cı il aprelin 7-də çıxan “Molla Nəsrəddin” jurnalının
nəşrinə başlamaqla Mirzə Сəlil Azərbaycanda, eləcə də Yaxın Şərqdə satirik
jurnalistikanın əsasını
Dostları ilə paylaş: |