217
plastik yeşiklərə və ya qutulara qablaşdırırlar. Xəmir kündələrinin hər bir sırasına
perqament kağızı, polietilen və digər polimer materialdan olan örtüklərlə döşənir.
Dondurulmuş yarımfabrikatları bişirənə qədər soyuducu kamerada (-10)—
(18)ºC temperaturda saxlayırlar. Dondurulmuş xəmir kündələrinin (-10)—(15)ºC
temperaturda saxlanma müddəti 9 sutka, (-16) — (18) ºC temperaturda 18
sutkadan çox olmamalıdır.
Dondurulmuş yarımfabrikatlardan məmulatların hazırlanması üçün onların
donunu 40-100 dəq. müddətində sex şəraitində və ya temperatur rejimi
tənzimlənən xüsusi kamerada açırlar. Dondurulmuş xəmir kündələrini bitki yağı və
ya emusiya ilə yağlanmış təbəqələrə düzür və donunun açılması üçün kameraya
göndərirlər. Çəkisi 0,05-0,08 kq olan kündələri 1,0-1,5 saat, çəkisi 0,10-0,15 kq
olan kündələri 1,5-2,0 saat və kütləsi 0,15-0,20 kq olan kündələri 2-3 saat ərzində
18-22 ºC temperaturda saxlayırlar. Xəmir kündələrinin donu açılandan sonra onları
saxlanma və bişirilmə üçün göndərirlər.
9.4. Qat-qat məmulatlar üçün xəmirin
hazırlanmasının xüsusiyyətləri.
Qat-qat məmulatlar üçün xəmirin hazırlanmasının əsas xüsusiyyəti xəmir
qatlarının yayılaraq bir neçə dəfə qatlanması və yağlanması yolu ilə xəmirə qat-qat
quruluş verməklə xəmirin qat-qat edilməsi əməliyyatından ibarətdir.
Xəmirin qat-qat edilməsi aşağıdakı kimi həyata keçirilir. Qıcqırmış xəmiri
çəkisi 5-8 kq olan tikələrə bölür, onları uzununa diyirlədərək 5-10 dəq. saxlayırlar.
Uşaq, qənnadı məmulatı, pavidlolu zərfşəkilli qat-qatlar və qat-qat bulkalar üçün
xəmir, əvvəlcə 20-22 ºC-dək soyudulur. Bunun üçün nəzərdə tutulmuş yağı
tikələrin sayına görə bərabər hissələrə bölürlər. Soyudulmuş xəmir tikələrini bir
qədər saxladıqdan sonra 15-25mm qalınlıqda uzunsov yayılır. Sahəsinin 2/3
hissəsinə uzununa olmaqla, əvvəlcədən yumşaldılmış yağ və ya marqarin xırda
parçalara bölünərək düzülür. Düzülmüş yağın üzərinə xəmirin yağlanmamış
tərəfini qatlayırlar. Sonra qalan üçüncü hissəni əvvəlki iki qatın üzərinə qatlayırlar,
218
nəticədə üç xəmir qatı alınır ki, onların arasında iki yağ qatı olur. Qatlanmış
xəmirin kənarlarını yağ tökülməsin deyə birləşdirir, diqqətlə bərkidirlər, sonra
yayırlar. Yaydıqdan sonra onu əks uclardan elə əyirlər ki, hər iki kənarı ortada
birləşsin. Alınmış xəmiri iki dəfə qatlayır, un səpilmiş təbəqəyə yerləşdirir, 6-10
ºC-də 60-80 dəq. soyumaq üçün soyuq yerə qoyurlar.
Yağ və ya marqarin istifadədən əvvəl mütləq soyudulmalıdır. Son zamanlar
yağları yeni üsulla – qalınlığı 2 sm qalınlığında hissələr şəklində daxil edirlər.
Xəmirin qat-qat edilməsində tətbiq edilən yağ məhsullarına qoyulan əsas
tələblərdən biri — onların yüksək ərimə temperaturudur.
9.5. Avadanlıqların işçi səthinə kündələrin yapışmasının
aradan qaldırılması üzrə tədbirlər.
Xəmirformalayan maşınların uzunömürlü olmasının əsas şərtlərindən biri
xəmir kündələrinin bu maşınların işçi səthinə yapışmasının və bulaşmasının
qarşısının effektiv üsullarla alınmasıdır.
Xəmir tikələrinin maşınların işçi səthinə yapışmasına yol verməmək üçün
onları qızdırılmış hava ilə üfürürlər. Bu havanı, bilavasitə binanın yuxarı
hissəsindən götürərək ventilyatorla diametri 350mm olan havaçəkənlərə doldurulur,
oradan da diametri 100-200mm olan ötürücülərlə bölücü, girdələyici və yayıcı
maşınlara daxil edirlər. Bütün havaçəkənlər taxtapuş poladdan hazırlanır. Onların
sonu ucluqla bitir. Ucluqları elə yerləşdirirlər ki, maşınların işçi orqanları və xəmir
kündələrinin səthləri hava axınında qurusun.
Ayrı-ayrı maşınlara ötürülən havanın həcminin tənzimlənməsi üçün boru
kəmərlərində qapaqlar quraşdırırlar. Üfürülmə üçün daxil olan havanın
temperaturu 28-30 ºC, nisbi rütubət 40-43 % arasında dəyişir.
Yapışmanın
aradan
qaldırılmasının
bu
üsulunun
nöqsanlarına
havaçəkənlərin metal konstruksiyalarının iriliyini və onların birləşmələrini, eləcə
də bişirilmiş məmulatlarda qalınlaşmış qabığın yaranmasını aid etmək lazımdır.
219
Bəzi hallarda kündələrin yapışmasını azaltmaq üçün xəmirformalayan
maşınların səthini su ilə (çovdar çörəyinin istehsalı zamanı), bitki yağı və ya
emulsiyalarla isladırlar.
Daha effektli üsullardan biri kimi xəmirgirdələyən və xəmiryayan maşınların
işçi orqanlarının, xəmir kündələrini endirən detal və mexanizmlərin əsası
ftoroplast-4 (teflon) və ya silisium üzvi mayedən ibarət olan (silikon) müasir
polimer kompozisiyalarla işlənməsini göstərmək olar.
Konveyer lentinin silisium üzvi maye QJK-94-lə işlənməsi üçün lenti
sabunlu isti su ilə və ya qələvi ilə diqqətlə yuyur, havada qurutduqdan sonra onu 1-
2 dəqiqəliyə 5 %-li QJK məhluluna salırlar. İkinci dəfə qururutduqdan sonra lent
quruducu kamerada 120 ºC-də 1,5 saat ərzində işlənir. Hopdurma və qurutmanı
sorulma altında aparırlar. Lentin 1m
2
-i üçün təqribən 214q QJK-94 mayesi sərf
olunur.
Ftoroplast örtüklərin çəkilməsi üçün detalları ftoroplastlı emusiyaya salır,
ardınca, nazik təbəqənin sonrakı qurudulmada polimerləşməsini həyata keçirirlər.
Nazik ftoroplast təbəqəsini vintlərin köməyi ilə xəmirformalayan maşınların işçi
orqanlarına bərkitmək də olar.
Yapışma əleyhinə örtüklər bitki yağı və yeyinti yağlarının formalayıcı
səthlərin yağlanmasında istifadəsini istisna etməyə, xammal və hazır məhsulun
itkisini azaltmağa, avadanlıqların məhsuldarlığını artırmağa, istehsal mədəniyyətini
yüksəltməyə, əməyin və məhsulun əmtəə növünün sanitar-gigiyenik şərtlərini
yaxşılaşdırmağa imkan verir.
Çörəkbişirmə sənayesində istehsal xərclərinin azaldılması üçün tozşəkilli
poliolefinlərin və ftoroplastların əsasında bio-və termo davamlılığı artırılmış, yeni
nəsil, yapışmaya qarşı örtüklərdən istifadə etmək məqsədəuyğundur. Mövcud olan
analoqlardan metala daha çox (2,5-3 dəfə) və məhsula daha az (1,5 dəfə) yapışması,
çox möhkəm olması (2-3 dəfə), termiki, mexaniki, bioloji zədələnmələrə və
əlverişsiz mühitin təsirinə olan davamlılığı ilə fərqlənirlər. Polimer örtükləri
asanlıqla sanitar işləmələrdən keçirmək olur ki, nəticədə mikrofloranın inkişafının
mümkünlüyü azalır.
Dostları ilə paylaş: |