riyyəti dövründə mədəniyyət quruculuq problemləri və s. Kul-
turoloji məsələlərə dair tutarlı fakt və təhlillər bir çox əsərlərdə
yer aldı. Tarixi, fəlsəfi, filoloji, sənətşünaslıq və s. aspektlərdən
yazılmış həmin tədqiqat əsərlərində kulturoloji problemlərlə
bağlı yeni-yeni faktlar təqdim edildi, mədəni irsin tədqiqi ilə
əlaqəli olan bir sıra suallara cavab axtarıldı.
Ümumilikdə bu əsərlərin bir qismində mədəniyyətin nəzə
riyyəsi və tarixinə, milli-mənəvi irsin mühafizəsinə dair məsə
lələrə yer verilmişdir. Qeyd edilən müxtəlif aspektli elmi-tədqi
qat əsərlərindən başqa araşdırılan dövrün ictimai-siyasi, elmi-
mədəni, ədəbi-bədii, pedaqoji və publisistik irsinin təqdim
olunduğu toplular da çap edilmişdir. Bu nəşrlərdə XX əsrin
əvvəllərinin milli-mədəni intibah hərəkatı, Azərbaycan xalqının
istiqlal mübarizəsi və ictimai fikir tarixinin ən mühüm məqam
ları, azadlıq hərəkatının görkəmli nümayəndələrinin həyat və
fəaliyyəti, Azərbaycan Xalq Cümhuriyyətini doğuran tarixi şə
rait, Cümhuriyyət xadimlərinin həyat və mübarizəsi, parlamen
tin və hökumətinin fəaliyyəti və s. mövzularla yanaşı mədəniy
yət quruculuğu, kulturoloji fikir, mədəni-maarif həyatı, habelə
mühacirət ədəbiyyatı, mətbuatı və mədəniyyəti məsələləri yer
almışdır. Lakin mövzuya dair bu qədər zəngin və çoxaspektli
tədqiqatların aparılmasına baxmayaraq XX əsrin əvvəllərinin
kulturoloji fikri ayrıca olaraq tədqiqat obyekti kimi araşdırıl
madığından həmin dövrün kulturoloji məsələlərinin öyrənil
məsi aktuallıq kəsb etdi.
8
Yeniləşmə prosesinin tarixi-kulturoloji aspektləri
XX əsrin əvvəllərində Azərbaycanda reallaşmış milli-mə
dəni intibah faktı, təbii ki, birdən-birə baş vermiş, hazır şəkildə
alınmış, mənimsənilmiş bir mədəniyyət hadisəsi deyildi. Bu
intibahın zəminində XIX əsr boyunca tədricən formalaşmış bir
yeniləşmə hərəkatı dururdu. Milli-mədəni intibahın mütərəqqi
fikirli şəxsiyyətlərinin, qabaqcıl ziyalılarının yetişməsində də ilk
növbədə əvvəlki yüzilliyin oyanış və yeniləşmə proseslərinin
təsiri şəksizdir. Həmin zamana qədər Azərbaycanda A.A.Bakı-
xanov, M.Ş.Vazeh, İ.Qutaşınlı ilə başlayan maarifçilik və millət
davasının M.F.Axundzadə və H.B.Zərdabi ilə davam etdirilən
böyük bir “mədəni hərəkat” mərhələsi, daha sonra Ə.Hüseyn-
zadə, Ə.Topçubaşov, Ə.Ağaoğlu, M.Ə.Rəsulzadə, M.B.Məm-
mədzadə, N.B.Yusifbəyli kimi ziyalılarla təmsil olunan qısa bir
“siyasi hərəkat” dövrü vardır. Bu mənada mədəni intibah dövrü
nün ümumi kulturoloji fikrinin və ictimai-siyasi görüşlərinin
ideya mənbəyini milli və bəşəri dəyərlərin vəhdəti təşkil edirdi.
Belə bir kulturoloji fikrin ideya zəminində Şərqin əsrlər boyu
qazandığı fikri və mədəni nailiyyətləri dayanırdı. O dövrün ziya
lıları dünya elminin keçdiyi inkişaf yolunu izləyərək, Avropa
demokratik fikrindən, qabaqcıl ideyalarından faydalanmış, onları
yeni tarixi şəraitə uyğun olaraq daha da inkişaf etdirərək böyük
məharətlə Azərbaycan mühitinə tətbiq etmişdilər. Bu ziyalılar öz
yaradıcılıqlarını ancaq milli ənənələrlə, milli zəminlə məhdud
laşdırmamış, bu çərçivəni cəsarətlə qırmağa çalışaraq müasir
dünya mədəniyyəti səviyyəsinə yüksəlmək yollarını axtarmış
dılar. Ona görə də dünyagörüşləri zəngin milli ədəbi-bədii, fəl-
səfi-kulturoloji fikrin zəminində, ümumşərq mədəniyyəti dəyər
ləri və ümumbəşəri sivilizasiya nailiyyətlər kontekstində təşək
kül tapmışdır. Milli-mənəvi dəyərlərlə sintezinə çalışdıqları mə
dəni dünya təcrübəsinin mənimsənilməsi isə onlara Azərbaycan
cəmiyyətini yeni dövrün ümumi tələbləri səviyyəsinə yüksəlt
mək üçün geniş imkanlar açmışdır.
9
Azərbaycandakı sözügedən yeniləşmə proseslərini araşdıran
tədqiqatçılar bu tarixi mərhələni iki yerə - “Oyanış” və “Yeni
ləşmə” dövrlərinə bölürlər. Belə ki, XIX əsrin birinci yarısını
“Oyanış” çağı, ikinci yarısını isə “Yeniləşmə” çağı adlandırırlar.
Məsələn, bu mərhələni Avropadakı “Renosans” və “Reforma-
siya” prosesləri ilə müqayisə edən Hüseyn Baykaraya görə “bu
hər iki çağın sosial və iqtisadi şərtləri də şübhəsiz ki, ayrı-ayrı
olmuşduf’ (99, s. 9). Təbii ki, belə bir mədəni oyanış faktı həm
sosial-iqtisadi şərtlər, həm də ictimai-siyasi amillər kontekstində
dəyərləndirilməlidir. Çünki çar imperiyasının işğalına məruz
qaldığı XIX əsrin ilk illərindən etibarən Azərbaycan türklüyü
qərəzli və şovinist siyasətin məngənəsində sıxılmışdır. Türk
xalqlarını bir-birindən təcrid etmək, qədim mədəniyyətə malik
olduğunu danmaq və inkişafına əngəl törətmək, mədəni irsin
varisliyini yeni nəsillərin yaddaşından pozmaq, dünyagörüşündən
silmək çar imperiya siyasətinin başlıca məqsədlərindən olmuşdur.
Belə bir siyasət daha çox çarizmin dini, elmi və mədəni
tədbirləri vasitəsilə həyata keçirilirdi. Belə ki, işğalın ilk illə
rindən başlayaraq rus və erməni əhalisinin Azərbaycanda yer
ləşdirilməsi, Tiflisin idarə mərkəzi olması və maarif müəssi
sələrinin orada yerləşdirilməsi mədəni mühitin formalaşmasına
əngəllər törədirdi. Milli birliyi və mədəni intibahı çətinləşdirə
cək tədbirlər çarizmin diqqət mərkəzində dururdu. Bu yolda
dini vasitələr də unudulmur, düşünülmüş siyasətlə məzhəb
ixtilafı qızışdırılırdı. Ruhani idarəsi adı ilə yaradılan və rəsmi
hökumət müəssisəsinə çevrilən dini təşkilat şiələr üçün “şey
xülislam”, sünnilər üçün isə “müfti” yetişdirirdi. “Əli” və
“Ömər” məktəbləri yaradılır və sünni məzhəbinə qulluq
edənlər “Ömər”, şiələr isə “Əli” məktəblərində oxutdurulurdu.
Gürcü əsilzadələri ilə Azərbaycan bəyləri arasında yaratdığı
qərəzli fərqi, çarizm müsəlman əhli üçün ixtilaf yuvası olan bu
təşkilatda da nəzərdən qaçırmamışdı. Gürcü patriarxı ilə erməni
katolikosu kimi müsəlmanların da “şeyx” və “müfti”ləri vardı
(140, s. 24). Lakin onların rütbə və ehtiramına gəlincə, müsəl
10
Dostları ilə paylaş: |