partlayışlar nəticəsində əmələ gəlir.
Qəzalar – qurğuların, cihazların, binaların və tikililərin zədələnməsi olub, insan həyatı üçün təhlükə yarada bilən istehsalat proseslərindəki pozulmalarla müşayiət olunur.
Yanğınlar - daha çox nəhəng müəssisələrdə, neft mədənlərində və yaşayış məntəqələrində qəza vəziyyəti yaradır. Qəza və təbii fəlakət zamanı yanğınların yaranmasına əsas səbəb tezalışan və ya partlayıcı maddələrin dağılması. Istixanaların partlaması, elektrik xətlərində qısaqapanma, bəzi kimyəvi maddələrin qarşılıqlı təsiri ola bilər. Yanğınların əmələ gəlməsinə başlıca səbəb həmin müəssisənin iş fəaliyyətində və binanın tikildiyi materiallardan asılıdır.
Partlayışlar – iri müəssisələrdə baş verən partlayışlar konstruksiyaların deformasiyası və dağılması, yanğınların əmələ gəlməsi, enerji sistemlərinin və zəhərli maddələrin ətraf mühitə yayılması ilə müşahidə olunur. Ən ağır qəzalar yeraltı mədənlərdə kömür tozunun və təbii qazın partlaması nəticəsində baş verir. Belə partlayışlar, adətən yanğın, uçma və insan tələfatı ilə nəticələnir.
Son illərdə istehsalat və sənayedə texniki tərəqqinin nailiyyətləri artdıqca, eyni zamanda təhlükəsizlik məsələsinə xüsusi diqqət ayırmağa başlanılmışdır. Müasir mürəkkəb istehsal prosesi getdikcə yüksək dərəcəli etibarlıq prinsipi ilə layihələnir. Lakin aydın məsələdir ki, mütləq qəzasız vəziyyət mövcud deyildir. Texnogen qəzaların səbəbləri aşağıdakılardır:
- səhv layihələndirilmə və binaların yetərli təhlükəsizlik dərəcəsinin olmaması
- keyfiyyətsiz tikinti və ya layihədən kənaraçıxmalar;
- istehsalatın qeyri-düzgün yerləşdirilməsi;
- rəhbərliyin işə qeyri-ciddi yanaşması;
- əsas isteһsal fondlarının köһnәlmәsi vә aşınması;
- isteһsal vә texnoloji intizamın zәiflәmәsi;
- mövcud texnologiyanın tәlәbata cavab vermәmәsi;
- bәzi müәssisәlәrdә zәruri normativ-hüquqi bazanın olmaması;
- fövqәladә һalların fәaliyyәtdә olan xәbәrdarlıq sisteminin tәlәbata cavab vermәmәsi vә s.
- təbii FH (fırtına, zəlzələ, sunami, qasırğa və s.) təsiri ilə yaranmış texnogen qəzalar.
Sadalanan bu səbəblərdən biri yetərlidir ki, insan həyatı üçün təhlükəli olan qəzanın baş verməsinə gətirib çıxarsın. Bu kimi qəzalar həyati təhlükə ilə yanaşı, həmçinin iqtisadiyyata da güclü maddi zərər vurur, eyni zamanda zərərçəkmiş insanların uzunmüddətli mənəvi və psixoloji zədələr almasına gətirib çıxarır. Bu səbəbdən özümüzdən asılı olan bu təhlükəli qəzaların baş verməməsi üçün hər bir şəxs işində və fəaliyyətində maksimum dərəcədə təhlükəsizlik tədbirlərinə riayət etməlidir.
Texnogen qəzanın yayılma miqyası dedikdə, oraya təkcə fövqəladə halların baş verdiyi ərazinin ölçüləri deyil, həmçinin onun dolayı nəticələri – rabitə pozğunluğu, su təchizat sisteminin pozulması, zədələnmiş binaların təmirinin lazımlılığı, eləcə də bu halların nəticələrinin ağırlığı nəzərdə tutulur. Lokal fövqəladə hadisələrin təsirləri müəssisənin konkret obyektlərində baş verir. Belə müəssisələrdə fövqəladə halların təsirləri müəssisənin öz gücü və resursları hesabına aradan qaldırılır. Texnogen FH aşağıdakı hallarda ola bilər:
- elektrik stansiyalarında uzun müddətdə enerjinin kəsilməsi ilə nəticələnən qəzalar;
- elektrik enerji qovşaqlarında istehlakçı və ərazilərin təchizində uzunmüddətli fasilə ilə nəticələnən qəzalar;
- nəqletmə elektrik kontakt qovşaqlarının sıradan çıxması;
- həyat təminatlı kommunal sistemlərdə qəzalar;
- kanalizasiya sistemlərində;
- istilik xətlərində;
- su təchizatı sistemlərində;
- kommunal qaz xətlərində;
- sənaye müəssisələrinin çirkab sularının təmizlənməsi qurğularında çirkabın 10 tondan artıq birdəfəlik tullanışı;
- sənaye qazlarının təmizlənməsi qurğularında çirkləndirici maddələrin kütləvi tullanışı.
Bunlar insan fəaliyyəti nəticəsində baş verən qəzalar, yanğınlar, partlayışlar və s.-dir. İstehsalatın və xidmət sahələrinin həddən artıq müasir texnika və texnologiyalar ilə dolğunluğu yuxarıda sadalanan qəza və faciələrin sayını kəskin surətdə artırır.
Dünyada baş verən texnogen mənşəli fövqəladə hadisələrin 2/3 hissəsi nəqliyyatda baş verən qəzalarla xarakterizə olunur. Yerdə qalan digər üçdə bir hissəni sənaye, tikinti və digər texnogen fəlakətlər təşkil edir. Müasir dövrdə nəqliyyatın hər bir növü insan həyatı və sağlamlığı üçün potensial təhlükə hesab olunur. Texniki tərəqqinin inkişafından maksimum yararlanaraq müasir nəqliyyatda son dərəcə yüksək komfort və sürət əldə edilmiş, bir sıra təhlükəsizlik tədbirləri tətbiq edilmişdir. Lakin bununla bərabər, maksimum təhlükə riski qalmaqdadır.
Hazırda mövcud olan hava, dəmir yolu, su, avtomobil, habelə kosmik nəqliyyat növləri arasında avtomobil nəqliyyatı qəzaların sayına görə birinci yer tutur. Nəqliyyat vasitələrində avtomobillərin, dəmir yolu qatarlarının toqquşmasından, tormozların sıradan çıxmasından, yanğın və partlayışlardan baş verən qəzalardan əlavə, yerüstü nəqliyyat kommunikasiyalarında, xüsusən də təbii fəlakətlər zamanı, yolların nasazlığı nəticəsində qəzalar olur. Әtraf müһit və insan həyatı üçün әn çox tәһlükә törәdәn nəqliyyatda baş verən texnogen qәzalardır ki, bunlar da әtrafa zәrәrli kimyәvi vә radioaktiv maddәlәrin atılması ilә müşaһidә olunur.
Ümumiyyətlə, statistik araşdırmalara görә tәkcә, 1994-1998-ci illәrdə dünyada һәr gün sәrnişin vә yük qatarlarında 8-15 iri qәza baş vermişdir. Dәmiryol magistrallarında baş verәn qәzalar zamanı әsas sosial-ekoloji tәһlükә mәnbәyi həssas (odatəhlükəli, partlayıcı, kimyəvi və s.) yüklәrin daşınması ilә әlaqәdar olmuşdur. Hələ 1979-cu ildә Kanadanın Massisauqa şәһәrindә dәmir yolunda baş verәn qәza nәticәsindә әtraf müһitә çoxlu xlor dağılaraq 125 km2 әrazidә fövqәladә ekoloji şәrait yaratmışdır ki, bunun nәticәsində də dövlət, tәһlükәli olan bu әrazidәn 240 min insanı təxliyə etməyə məcbur olmuşdur. Hesablamalara görә hadisə zamanı yaranan ümumi ekoloji zərər 1 mln. funt sterlinq həcmində olmuşdur.
Şəkil 2.15. Bakıda neft platformasında yanğın hadisəsi
Azərbaycan da belə qəzalardan sığortalanmayıb Belə ki, 3 dekabr 2015-ci ildə “Günəşli” yatağındakı 10 saylı dərin dəniz özülündə sualtı qaz kəmərinin zədələnməsi nəticəsində baş verən hadisə 30 nəfər işçinin ölümü və maddi itkilərlə nəticələnmişdir.
Texnogen qəzaların tikinti sektorunda baş verməsinə də tez-tez rast gəlinir. Bu zaman əsas fəlakət yanğınlardır. Müşahidələr göstərir ki, yanğın baş verən ərazidə tikilinin möhkəmliyi və daxili planlaşdırılması yanğının yayılması, ətraf mühitə zəhərli maddələrin dağılması və s. zamanı zədələnmə ocağının ölçülərinə əhəmiyyfətli dərəcədə təsir edir. Belə ki, binalararası məsafələrin normativə uyğun olması yanğın əleyhinə mübarizənin daha da effektli olmasına, mümkün iqtisadi və sosial-ekoloji zərərlərinin miqdarının azalmasına kömək etmiş olar. Təcrübə göstərir ki, binalar arasındakı uzaq məsafə ilə yanğının yayılma ehtimalı tərs mütənasibdir.
İstehsalatda və sənayedə baş verən qəzaların nəticələri yanğın və partlayışlardır. Dünyada ən iri miqyaslı istehsalat qəzası Hindistandakı Union Carbide metilsionat kimyəvi zavodunda havaya böyük təzyiq altında buxar atılması nəticəsində baş verən partlayışdır. Faciə nəticəsində qəza günü 3 min insan, havanın zəhərlənməsi ilə əlaqədar, 15 min insan sonrakı illərdə məhv olmuşdur. Ümumi zərərçəkənlərin sayı isə 600 minə qədərdir.
Yanğınlar sənaye müəssisələrində, neft mədənlərində, şəhərlərdə və digər yaşayış məntəqələrində daha tez-tez qəza halları yaradır. Yanğının intensivliyi istilik impulsunun gücü ilə, yəni vaxt ərzində istilik enerjisinin kəmiyyəti ilə xarakterizə edilir. Neft-qaz mədənlərində baş verən yanğınlar daha dəhşətli olur. Dəniz neft mədənlərində baş verən qəzalar daha dəhşətli olur və neftin birbaşa dənizə axması, sahillərin neftlə çirklənməsi ilə əlaqədar beynəlxalq xarakter kəsb edir, çünki belə hallarda dənizdə balıqçılıq təsərrüfatına olduqca böyük zərər dəyir. Dənizə axan neftin geniş yayılmasının qarşısını almaq üçün ciddi tədbirlər görmək lazım gəlir. Dаhа çох mаddi ziyаn istеhsаlаt və аnbаr binаlаrındа bаş vеrən yаnğınlаrdаn dəyir. Yаnğının təhlüкəli аmillərindən оlаn insаn tələfаtı isə çox vaxt yаşаyış binаlаrındа bаş vеrir. Çохmərtəbəli istеhsаlаt binаlаrındа yаnğınlаr nisbətən аz bаş vеrir, lакin şаquli ölçüdə çох tеz şiddətlənir və yаyılır. Оnlаrdа dəymiş mаddi ziyаn isə birmərtəbəli binаlаrdакı yаnğınlаrdаn dəyən ziyаnı bir nеçə dəfə ötür. Böyüк mаddi itкilərə və insаn tələfаtınа səbəb оlur. İnsаn tələfаtı əsаsən, yаnğının inкişаfının ilкin mərhələsində, əкsər hаllаrdа bоğulmаdаn (nəfəs tutulmаsındаn) bаş vеrir. Yanğın insаnlаrın böyüк psiхоlоji gərginliyinə və həttа strеss vəziyyətinə səbəb оlаn хüsusi təzаhürlər qrupudur.
Hidrodinamik qəza – hidrodinamik qurğunun, yaxud onun bir hissəsinin sıradan çıxması (dağılması) və böyük miqdarda nəzarətdən çıxan su kütləsinin geniş ərazini basması ilə əlaqədar yaranan fövqəladə vəziyyətdir. Əsas potensial təhlükəli hidrotexniki qurğulara su bəndləri, suburaxıcı və susaxlayıcı qurğular (şlüzlər) aiddir. Hidrotexniki qurğuların dağılması təbiət qüvvələrinin (zəlzələ, güclü külək, bəndlərin yuyulması) və insan fəaliyyətinin (təxribat məqsədi ilə hidrotexniki qurğulara, su bəndlərinə nüvə yaxud adi silahlarla zərbələrin endirilməsi) təsiri, eləcə də tikintidə və layihələnmədə yol verilən səhvlər nəticəsində baş verir. Hidrotexniki qəzaların fəsadlarına aşağıdakılar aiddir:
- su qovşaqlarının zərər çəkməsi və ya dağılması və onların qısa, yaxud uzun müddət öz funksiyalarını yerinə yetirə bilməməsi;
- 2–12 metr hündürlüyündə olan hidrotexniki qurğuların dağılması nəticəsində 3–25 km/saat (dağlıq rayonlarda 100 km/saa- ta qədər ola bilər) sürəti ilə hərəkət edən su dalğasının ətrafa yayılması ilə insanların zərər çəkməsi və dağıntıların olması;
- geniş ərazinin 0,5–10 m və daha çox hündürlükdə su altında qalması ilə fəlakətli subasma.
Bu hadisələr təsərüfata böyük ziyan vurmaqla yanaşı, insan həyatına təhlükə yaradır. Yaşayış, sənaye, ictimai bina və tikililərin, nəqliyyat kommunikasiyalarının ani qəflətən uçması, binanın tam, yaxud hissə-hissə dağılması – binanın layihələndirilməsi zamanı yol verilən səhvlər, tikinti işləri aparılan zaman layihədən kənaraçıxmalar, montaj qaydalarının pozulması, binada işlər tamamlanmamış istismara verilməsi, istismar qaydalarının pozulması, eləcə də təbii və texnogen fəlakətlər nəticəsində yaranan fövqəladə vəziyyətdir.
Şəkil 2.16. Texnogen qəza
Şəkil 2.17. Hidrotexniki qurğularda qəza
Dostları ilə paylaş: |