¹2(3) èéóí 2012
160
-Nə aybı var, qızım. Kənd payıdı də... Hə, bunu da Gülümalı kişi
avtobusda verdi, deyəsən
ətdi... Bax, bu iki toyuğu Atlas xalan qızardıb, indi yan-yön elə yeyək... Ay Xostan, bu sənindi,
genə Atlas xalan büküb, bunu da anan verdi... Bu da puldu, baban göndərdi...
Həyət soyuq olduğundan yeməyi Səkinəgilin içəri otağında yeyirik. Burda tək bir
narahatçılıq var: Nanə yemək yemir. Eləcənə oturub key-key Hafiz müəllimə baxır. Əlacsız qalan
Səkinə onu o biri otağa aparır. Və qayıdanda gülə-gülə deyir ki,
Nanə Hafiz müəllimdən
qorxurmuş. Soyuq-soyuq gülüşürük.
Mən arada Atlas xalaya baxıram. Qadın bir artıq hərəkət eləmir. Gözü ərinin əlindədir.
Hafiz müəllim nə edirsə, bu da onu təkrarlayır.
DƏRS
Gecə Səkinəgildə bir xeyli söhbət eləyib yatmağa bizə gəlmək istəyirik. Daha doğrusu, belə
qərara gəlmişik ki, Atlas xala orda qalacaq, Hafiz müəllimlə ikimiz mənim otağımda gecələyəcəyik.
Qapıdan çıxanda Atlas xala Hafiz müəllimə göz-qaşnan nəsə başa salır. İkisi də çölə çıxır. Mən
gözucu hələ ki, özünü ədəbli aparan Nanəyə baxıram. O da məni qanlı-qanlı süzür.
Qayıdıb çölə çıxıram və Hafiz müəllimin cod səsini eşidirəm:
-Ay qız, məni biyabır eləmə! O dəli dəyil ki... Bir az çatışmazlığı var də... Onun səninlə nə
işi var?
-Mən qorxuram, Hafiz... Qoy eləcənə sizin yanıızda yatım... elə istolda oturub mürgüləyim,
amma orda, o dəli qızın yanında qalmıyım... Mən onnan qorxuram... Vallah qorxuram...
Onlara
yaxınlaşdım və dedim:
-Mən
mətbəxdə yataram, narahat olmayın...
Beləcə Səkinənin ciddi etirazına baxmayaraq Atlas xala da mənim otağıma gəlir və
Səkinənin gətirdiyi yorğan-döşəklə yer salırlar. Səkinə istəyir ki, mən gedib onlarda yatım, amma
mən göz-qaşla onu başa salıram ki, olmaz belə şey. Və mənim ciddi etirazıma baxmayaraq Atlas
xala öz yerini mətbəxdə salır. “Eləcənə kuxnuda yatacam” deyir. Biz isə Hafiz müəllimlə yan-yana
yer salırıq. O, Aslanın çarpayısında, mən də özümünkündə uzanıram.
O yandan-bu yandan söhbətləşirik. Sonra Hafiz müəllim başlayır söhbətə.
-Bizim tərəflərdə bir dərviş olub. İldə bir dəfə gəlib bizim kəndə çıxarmış... Dərviş bilirsən
nədi?
Mən duruxuram və nəhayət dillənirəm:
-Hə, təxminən... “Nəsimi” filmində...
-Hardan biləssən ki? Sənin müəllimin mən olmuşam, gərək dərsdə deyəydim ki, sən də
biləydin... Hə, düzdü, o filmdə var dərvişlər... Dərvişlər tərkidünya idilər,
bu dünyaya qonaq
gəldiyimizi sanardılar... Özü də elmli, bilikli, kamil əxlaq sahibiydilər. Oba-oba, oymaq-oymaq
gəzər, öz təlimlərini yayardılar. Ailə qurmazdılar. Bir qurtum su, bir loğma çörək onların gündəlik
azuqəsi olardı. Sənin baban şərq fəlsəfəsini də, qərb fəlsəfəsini də mənimsəmiş kamil adamdır. Mən
bir sovet müəllimi kimi böyük fəlsəfədən – sufizmdən bixəbər olmuşam uzun illər. Sonralar babanla
dost oldum. O məni həm sovet ÇK-sının çəngindən xilas etdi, həm də maddiyyatçı marksist-leninist
təlimin əlindən aldı. Mən onun zəngin kitabxanasınnan Mövlananı, Şəms Təbrizini, Yunis İmrəni
oxudum, sufizm fəlsəfəsini öyrəndim... Çar Rusiyası, onun şikəst
varisi olan Sovet hökuməti
sufizmin, sufi əxlaqının daşıyıcıları olan Azərbaycan maarifçilərinin ideallarını dağıtdı... Cavidləri,
Cavadları, Cəfər Cabbarlıları məhv etdi. Sənin babalarının törəməsi olan böyük alim Məhəmməd
Həsən Baharlını, yüzlərlə, minlərlə belə ziyalımızı qanına qəltan elədilər. Mən görməmişəm, amma
eşitmişəm, Baharlıda bir Yapon Səməd olub, çox ağıllı, elm-ürfan sahibiymiş. Özünün xalça sexi,
boyakarlıq məktəbi varmış. Təbriz xalça məktəbinə əsaslanan xalçaları Şərqin ən gözəl xalçaları
sayılıb. Sovet hökumətinin ilk illərindəcə onu tutdular. Sexlərini, boyakarlıq
müəssisələrini alt-üst
elədilər... Yapon Səməd... Sən bir ada bax... Bu adı ona savadsız kütlə, el-oba verib. Necə də dəqiq
Ðöáëöê ÿäÿáèééàò äÿðýèñè
161
tapıblar adını. Avropalı yox ha, firəng, ingilis yox, yapon Səməd!.. Eh... Hə mən axı dərvişdən
danışacaqdım sənə...
-Dediniz
bir
dərviş vardı...
-Hə, mən o dərvişi görmüşdüm. Daha uzun saqqalı yoxdu, cır-cındırın içində deyildi, (
axı
dedim ki, dərvişlər tərkidünya olurdular, bu dünyanın malında gözləri olmazdı... Şəms Təbrizi
demişkən, hər kəs özündə olan iki şeyin birini öldürüb, birini diriltməlidir... öldürüləsi lazım olan
şey nəfsdir, çünki nəfsi öldürmədikcə rahat yaşamaq mümkün deyil, dirildilməsi lazım olan şey isə
könüldür, çünki könlü ölü olanın məsud və bəxtəvər olması mümkün deyil...), hətta atı da vardı...
Məlumdur ki, dərvişlər ayaqla gəzərdilər... Danışdığım bu dərvişə camaat sofu deyərdi.
Nə bilim
bəlkə elə bu sufi sözünün dəyişmiş formasıydı? Onun əlində balaca qavalı, bir də bir torbası vardı.
Bu torbada növbənöv ilanlar olardı. O, kəndin ortasında mərəkə qurar, qavalında qəribə ritmli
havalar çalar, sonra torbasından çıxardığı ilanları oynadardı. Aradabir sözlər də deyərdi. Tutalım ən
böyük ilanını göstərər: “Bax, bu zındıq oğlu zındıq dünyanın bütün siçanlarını da yesə, gözü
doymaz” deyib indi unutduğum bir qəzəlmi, ya qəsidəmi söyləyər, rəqs edərdi... Ən kiçik ilanını isə
belə öyərdi: “Bu da ilandır, fəqət, gözütoxdur, başqasına zülm eləməz, zalimlərin yanında yeri yox
onun”... belə-belə sözlər... Sonra da ayaqlarını yerə döyər, at ayağının səsinə oxşar səs çıxarar, bunu
qavalıyla nizamlayar və indi yadımda qulaq-quyruğu qalmış rövzələr oxuyardı:
Hapıda, hapıda, hapıda hoy,
Düzlər qalıb qapıda hoy!
Əyrilər başa çıxıb...
Məmələr qoşa çıxıb...
Hapıdı, hapıdı, hapıdı hoy,
Düzlər qalıb qapıda hoy...
Açar da ki, Şapıda hoy...
Şapı bilirsən kimdi? Dalı şaqqıldaxlı bir arvaddı. Bizim Qırışın nənəsiydi. Adı
Şahpəriydi, Şapı deyirdilər.
Əslində forma dəyişmişdi, məzmun isə eyniydi... dərviş elə dərvişdi... Bilirsən, onun axırı
nə oldu? Qırış məlumat vermişdi. Gəldilər, mərəkələrində gizlicə iştirak edib onu da tutub apardılar
gedər-gəlməzə... Sonuncu dərvişin hekayəsidi bu... Bunu sənə niyə danışdım, bilirsən?
Mən çox sarsılmışdım. Boğazımı qəhər elə biçmişdi ki, danışa bilmirdim. Handan-hana
dedim:
-Niyə?
-Əslində sonuncu dərviş o deyildi...
-Bəs kim idi?
-Sonuncu dərviş sənin baban Haşım kişidi... İçində böyük-böyük alimlərin, sufilərin,
maarifçilərin nişanələrini daşıyan Haşım bəy haqq dərvişlərinin son nümayəndəsidir. O,
təkcə bizim
kəndin deyil, elə Zəngəzurdan Qarabağacan böyük bir elin idimini çəkən, təsibini saxlayan, özünü
sipər eləməyi bacaran cavanşirlərin, baharlıların, qaraqoyunluların ruhunu özündə yaşadan kişidi...
Onun elmi də var axı... Özü də mən də daxil, sovet müəllimləri uzun zaman o kişinin duyduqlarını
duymamışıq, dediklərini anlamamışıq. İnsan belədir, ayağı pərtmədikcə qarşısındakının
böyüklüyünü anlamaz. Yalnız yıxılanda “ya allah kömək ol” dediyi kimi, dizi dirəkdən düşəndə
tutduğu ətəyin kimin ətəyi olduğunun fərqində olur... Sən ki mənim başıma açılan oyundan
xəbərdarsan?
-Hə, siz özünüz danışmışdınız... Dursunla mən dalaşanda...
-Halaldı Dursuna.
Allah qorusun, indi bizim camaatın ümid yeri olub... Bu barədə sonra
danışarıq... Mən babannan danışmaq istəyirəm... Sizin nəslin bir qolu Baharlılara gedib çıxır, yəqin
bilirsən?
-Hə, babamdakı qara cildli kitabdan oxumuşdum... Bir qolumuz cavanşirlərə, o biri qolumuz
baharlılara gedir.