M.P.Vaqif
və müasirlik
34
Ağlamalı günün axirətdədir,
Hələ indi səndə nə var ağlarsan?” (3, s. 16).
Ümumilikdə Mir Möhsün Nəvvabın bu təzkirəsində ilk sırada yer alan Vaqif yaradıcılığından
gətirilən nümunələr və məlumatlar bununla kifayətlənir. Göründüyü kimi, bu əsərdə verilən şeir
nümunələrində başlıqlar sanki təsəvvür yaratmaq səciyyəsi daşıyır. Əlbəttə, bütün bunlar təzkirə üçün
xarakterik xüsusiyyətdir. Bunlar ümumilikdə Mir Möhsün Nəvvabın dahi şəxsiyyət, Qarabağ xanlığının
tanınmış ictimai xadimi olan Vaqif haqqında bilgilərini, təsəvvürlərini ortaya qoyur. Bununla da, Nəvvab
Vaqif yaradıcılığını, xəlqiliyini, realizmini, ən əsası da Vaqif nikbinliyini və bu barədə mövcud fikirləri
məhz bu təkirə ilə gələcək nəsillərə çatdırmaq məqsədi daşıyır.
Ədəbiyyat
1. Əliyev Ə. Qarabağ ədəbi mühiti və Mir Möhsün Nəvvabın “Təzkireyi-Nəvvab” əsəri. Bakı: 2012, 142 s.
2. Hacıyeva A. Mir Möhsün Nəvvabın ədəbi-bədii irsi. Bakı: Nurlan, 2004, 178 s.
3. Nəvvab M.M. “Təzkireyi-Nəvvab”. Bakı: Azərbaycan, 1998, 560 s.
4. Səfərli Ə.,Yusifli X. Azərbaycan ədəbiyyatı tarixi. Bakı: Ozan, 2008, 695 s.
BAXŞƏLİYEV EYNULLA
Azərbaycan Milli Elmlər Akademiyası İnsan haqları və Hüquq İnstitutu
MOLLA PƏNAH VAQİFİN DÖVLƏTÇİLİK FƏALİYYƏTİ HAQQINDA
Açar sözlər: Vaqif, xidmət, hökumət, türk, siyasi, məktub
About the state activity of Vagif
History of Azerbaijani statehood was certain services Vagif. He was a great patriot of his country and the
language of the people and defended by all means possible. He was engaged in the problems of the inner
lives of the Karabakh khanate, and to show that the Khanate social, economic and cultural life of prosperity
did his best knowledge and skills. Karabakh khanate foreign countries, carried out under the leadership is
comprised of direct communication with neighboring khanates. Construction of the town, the development
and support of the Foundation has special events.
Keywords: Vagif, service, government, politics, history, letters
Ümummilli liderimiz Heydər Əliyev və hazırda Ulu Öndərimizin layiqli davamçısı Prezident İlham
Əliyev həmişə tariximizə, mədəniyyətimizə yüksək dəyər vermiş, onun öyrənilməsi, qorunması üçün zəruri
tədbirlər görmüşlər (1).
Azərbaycan xalqının dövlətçilik tarixində ayrı-ayrı şəxsiyyətlərin böyük rolu olmuşdur. Tarixi kökləri
böyük olan milli tarixi şəxsiyyətlər xalqımızın siyasi, sosial-iqtisadi, mədəni həyatında böyük rol oynamaqla
Azərbaycanı daim irəli aparmağa çalışmış, ərazi bütövlüyümüzü, dilimizi, mədəniyyətimizi qorumaq,
zənginləşdirmək üçün mübarizə aparmışlar. Belə tarixi şəxsiyyətlərdən biri də Molla Pənah Vaqifdir. O, şair,
müəllim, alim, həm də dövlət xadimi kimi fəaliyyət göstərmişdir. Onun fəaliyyəti XVIII əsr Azərbaycan
tarixinin bəzi məqamlarını öyrənmək üçün imkanlar yaradır.
Tarixi mənbələr göstərir ki, XVIII əsrin 50-ci illərində Qazax mahalında və qonşu Gürcüstan
sərhədlərində ara çəkişmələri, özbaşınalıqlar ilə əlaqədar gərginlik yaranmış, sərhəd bölgələrində yaşayan
bəzi ailələr doğma yurdlarını tərk edib Gəncə və Qarabağ xanlıqlarının ərazisinə köçməyə məcbur
olmuşdular. Qazax mahalının Qıraq Salahlı kəndindən olan Vaqif də belə bir şəraitdə ailəsi ilə Qarabağa –
Cavanşir mahalının Tərtərbasar (1759-cu ildə) kəndinə köçür.
Bir müddətdən sonra Vaqif Qarabağ xanlığının mərkəzi olan Şuşa şəhərinə köçür, şəhərin Saatlı
məhəlləsində məktəb açır və tezliklə onun müəllimlik, şairlik, alimlik şöhrəti ətraf bölgələrə də yayılır.
Beləliklə, Qarabağ xanı İbrahim xan onu saraya dəvət edir. Mənbənin məlumatına görə İbrahim xan saray
nümayəndəsi Mirzə Vəli Baharlının təklifi ilə əvvəlcə Vaqiflə görüşmüş, onun ay tutulmaları və zəlzələləri
qabaqcadan xəbərvermə qabiliyyəti ilə tanış olmuş, dərin biliyini qiymətləndirərək saraya dəvət etmişdir.
Vaqif sarayda vəzir, daha sonra baş vəzir vəzifəsinə təyin olunmuşdur (3, 46).
Tədqiqatlar göstərir ki, Vaqif eyni zamanda xanlığın daxili həyatına aid problemlərlə də məşğul olmuş,
Qarabağ xanlığının sosial-iqtisadi, mədəni həyatının çiçəklənməsi naminə bilik və bacarığını əsirgəməmişdir.
M.P.Vaqif
və müasirlik
35
Şuşa şəhərinin abadlaşdırılması, inkişafı üçün Vaqif xüsusi tədbirlər görmüşdür. Mirzə Camal, Rzaqulubəy,
M.Xəzaninin qeyd etdikləri kimi məhz Vaqifin saraya gəlişindən və onun gördüyü tədbirlərdən sonra
şəhərdə tikinti işləri, arxların çəkilişi xeyli sürətləndirilmişdir. Tarixi mənbələrdə İbrahim xanın hakimiyyəti
illərində Şuşada yeddi qrup tikilinin salındığı barədə məlumat vardır. Belə ki, həmin dövrdə tikilmiş qalalar,
imarətlər, müdafiə bəndləri, hasarlar şəhərin özünəməxsus simasının formalaşmasında və tarixi-memarlıq
baxımından fərqlənməsində mühüm əhəmiyyət kəsb etmişdir (4, 42; 154; 260). Mənbələr Vaqifin təcrübəli
bir mühəndis kimi tanınması, Şuşadakı Xan sarayının, yaşayış yerlərinin və qala hasarlarının onun tərəfindən
tikilməsi barədə A.Berjenin fikirlərini dəyərləndirməklə haqlı olaraq, həm də Vaqifin Qarabağ xanlığının
birinci vəziri kimi böyük nüfuza, hörmətə sahib olduğunu, xanlıq üçün böyük işlər gördüyünü diqqətə
çatdırmışdır. Vaqif daim xanlıq daxilində sabitliyin, əmin-amanlığın qorunub saxlanması, eyni zamanda
xanlığın hərbi qüdrətinin artırılması üçün çalışmışdır. Bütün bu xüsusiyyətlər Vaqifin müdrik dövlət xadimi
olduğu fikrini deməyə əsas verir. Vaqif təmsil etdiyi dövlətin – Qarabağ xanlığının xarici siyasətinin
müəyyənləşdirilməsində və beləliklə, onun beynəlxalq aləmdə tanınmasında xüsusi rol oynamışdır. Qeyd
etmək lazımdır ki, XVIII əsr Azərbaycan tarixinin mürəkkəb dövrlərindən biridir (2, s. 442). Nadir şah
imperiyası dağılandan sonra Azərbaycan ərazisində müstəqil dövlətlər – xanlıqlar yarandı. Lakin xanlıqlar
arasında mübarizə, böyük dövlətlərin Azərbaycanla bağlı maraqları ölkədə sabitliyin yaradılması üçün çoxlu
maneələr törədirdi. Məhz belə bir zamanda xanlığın xarici siyasət sahəsində əsas siması kimi söz sahibi
olmaq, mürəkkəb situasiyalardan çıxmaq üçün qətiyyətli addımlar atmaq həqiqətən, uzaqgörənlik,
cəsarətlilik, müdriklik tələb edirdi. Tədqiqatlar göstərir ki, Qarabağ xanlığının xarici ölkələrlə, qonşu
xanlıqlarla yazışması bilavasitə Vaqifin rəhbərliyi altında həyata keçirilmişdir. Mirzə Adıgözəlbəy
“Qarabağnamə” əsərində Vaqifin Qarabağ xanı İbrahim xanın “baş katib və dövlətinin sütunu” olduğunu
qeyd edir, onu “kamal, ədəb və elm sahibi bir sima” kimi yüksək dəyərləndirir (3, s. 78).
XVIII əsrin 80-90-cı illərində Qarabağ xanlığı daha da güclənmiş, müstəqilliyini xeyli
möhkəmləndirmişdir. Belə bir vaxtda digər Azərbaycan xanlıqlarının Qarabağ xanlığının rəhbərliyi altında
birləşdirilməsi məsələsi gündəmə gəlirdi. Lakin dövrün mürəkkəb siyasi şəraiti, bunun reallaşmasına imkan
vermədi. Qarabağ xanlığı qonşu Kartli-Kaxetiya çarlığı (Gürcüstan) ilə dostluq münasibətləri yaratmış və bu
münasibətlərin yaranması, möhkəmləndirilməsində Vaqifin də rolu olmuşdur. 1784-cü ildə Qarabağ xanı
İbrahim xan Tiflisə gəlmiş və onu Vaqif müşayiət etmişdir (4, 68).
Qarabağ xanlığı Rusiya ilə də dostluq əlaqələrinin yaradılmasına çalışırdı. Bu əlaqələrin yaradılmasında
Vaqif böyük rol oynamışdır. İbrahim xanın adından çar II Yekaterinaya yazılan məktublar Rusiya sarayında
da böyük marağa səbəb olmuşdur. Təbii ki, bu məktubları Vaqif yazırdı.
Qeyd edək ki, Qarabağ xanlığı Rusiya ilə əlaqələr yaradarkən ehtiyatlı olmağa çalışır, yenicə əldə
etdiyi müstəqilliyə ziyan dəyməməsi üçün yollar axtarırdı. Ümumiyyətlə, Rusiya ilə əlaqələrin
yaradılmasında ehtiyatlılıq çarın səmimi, dostluq münasibətlərində ikitərəfli bərabər əməkdaşlığa, xeyirxah
məqsədlərə inamın möhkəm olmaması, həm də daxildə bəzi məliklərin mərkəzi xan hakimiyyətinə qarşı
çıxmaq təhlükəsi, yarana biləcək intriqalarla bağlı idi.
Qarabağ xanlığının siyasi həyatının ən mürəkkəb dövrü XVIII yüzilliyin sonlarından başlayır. Bu
dövrdə qonşu dövlətlər, xüsusilə Rusiya nəinki Qarabağı, bütövlükdə Cənubi Qafqazı ələ keçirmək üçün
ciddi planlar hazırlayır. 1795-ci ildə A.M.Qacar Tehranı özünə paytaxt edərək Qacarlar dövlətini yaradır.
Sonra isə Qarabağa hücum edərək bu ərazini də ələ keçirməyə çalışır. Belə bir tarixi şəraitdə İbrahim xan
A.M.Qacara qarşı birləşmək üçün Gürcü (Kartli-Kaxeti) çarı II İrakli, İrəvan hakimi Məhəmməd xan və
Lənkəran xanı Mir Mustafa xanla danışıqlar aparır. Bu danışıqlarda Qarabağ xanlığının baş vəziri, xarici
siyasi məsələlərlə bacarıqlı diplomat kimi tanınan Vaqif ilə iştirak edir. Ağa Məhəmməd şah Qacar Qarabağ
xanı İbrahim xana məktub göndərərək Şuşanın təslim edilməsini tələb edir. Müdafiə olunan, inadlı
müqavimət göstərən Şuşa isə təslim olmur. A.M.Qacar İbrahim xanı qorxutmaq üçün ona bir məktub
ünvanlayır. İbrahim xan məktubu alan kimi Vaqifə cavab məktubu yazmağı tapşırır.
Mir Mehdi Xəzaninin “Kitabi-tarixi Qarabağ” əsərində göstərir ki, A.M.Qacar cavabı oxuyan kimi
qəzəblənmiş, Şuşanı ələ keçirmək, ona qarşı çıxanları cəzalandırmaq üçün bütün gücünü sərf edəcəyinə and
içmişdi. Şuşa müdafiəsində Vaqif də iştirak etmiş, özü də silahlanaraq düşmənə qarşı mübarizə aparmış,
bütün qala əhalisini, o cümlədən qadınları da döyüşə ruhlandırmışdır. Şuşanın müdafiəsi 33 gün davam etdi.
Düşmən şəhəri ala bilmədi və geri çəkilməyə məcbur oldu. Belə bir zamanda Rusiya da Qarabağa hücum
etmək üçün tədbirlər hazırlayırdı. Rusiya ordusunun başçısı V.Zubov Şamaxıda məskən salmışdı. O,
imperatriça II Yekaterinanın adından Qarabağ xanına hədiyyələr, həmçinin birinci vəziri Vaqifə qiymətli
daşlarla bəzədilmiş əsa yollamışdı (4, 202).
1796-cı ilin noyabırında Rusiya çariçası II Yekaterina vəfat edir. Yeni çar I Pavel (II Yekaterinanın
oğlu) rus qoşunlarının Cənubi Qafqazdan çıxarılması barədə əmr verir. Rus qoşunlarının Cənubi Qafqazdan
çıxarılması xəbərini eşidən A.M.Qacar yenidən Qarabağa hücuma hazırlaşır. Tarixi mənbələrdəki