M.P.Vaqif
və müasirlik
38
millətlər arasında ayrı-seçkilik salmayan, dini ayrılığı ortalığa çıxarmayan, həyat, gözəllik aşiqi kimi göz
önündə canlanır.
Vaqif hələ öz sağlığında Cənubi Qafqazda da tanınmış, əsərləri yayılmışdır. Tədqiqatçılar göstərirlər ki,
XVIII-XIX əsrlərdə gürcü xalq müğənnilərinin, aşıqlarının repertuarında Vaqifin qoşmaları mühüm yer
tutmuşdur. Bu şeirlər gürcü əlifbası ilə həmin müğənnilərin dəftərlərinə köçürülmüşdür. Hazırda gürcü
əlifbası ilə yazıya alınmış həmin şeirlər Gürcüstan Elmlər Akademiyasının K.Kekelidze adına Əlyazmalar
İnstitutunda və İ.Qrişaşvilinin kitabxana-muzeyində saxlanılır. Görkəmli gürcü yazıçısı Akaki Beliaşvilinin
«Besiki» romanı bu baxımdan maraqlıdır. Əsər gürcü şairi və siyasi xadimi Besiki Qabaşvilinin həyatına
həsr edilmişdir. Burada şairin həyatı fonunda XVIII əsrdə baş vermiş mühüm sosial-siyasi hadisələr öz əksini
tapmışdır. Romanda müəllifin Besiki ilə birlikdə onun azərbaycanlı müasiri Vaqifə də hörmət və məhəbbəti
aydın hiss olunur (6, s. 122).
Azərbaycanın görkəmli yazıçısı Y.V.Çəmənzəminlinin “Qan içində” romanında da Vaqifin
Gürcüstanla əlaqələrinə geniş yer ayrılmışdır. Burada Gürcüstan hökmdarı II İrakli ilə danışıqlar aparmaq
üçün Qarabağ xanlığı nümayəndə heyətinin Vaqifin rəhbərliyi ilə Tiflisə getməsi təsvir olunur. Vaqif qonşu
gürcü xalqına xüsusi hörmət bəsləyir. O, II İraklinin 1783-cü ildə Rusiya ilə müqavilə bağlanmasını bəyənir,
Cənubi Qafqaz xalqlarının Rusiya ilə ittifaqına yaxşı bir hal kimi baxır (7, s. 498).
Tədqiqatçıların böyük əksəriyyəti Vaqifin fəaliyyətinin ən müxtəlif cəhətlərini təhlil edərək belə bir
yekdil qənaətə gəlirlər ki, Vaqif, hər şeydən əvvəl, böyük vətənpərvərdir, öz vətənini, xalqını və dilini
mümkün olan bütün vasitələrlə müdafiə etmişdir. Biz də hesab ediriki, böyük dövlət xadimi haqqında
tədqiqiatlar hələ bunda sonar da davam etməlidir və daha yeni faktlar, fikirlər elmi dövriyyəyə gətiriləcək.
Ədəbiyyat
1. http://lib.aliyevheritage.org/az/3313657.html. Xalq şairi Səməd Vurğunun 90 illik yubileyinə
həsr edilmiş
gecədə Azərbaycan Respublikasının Prezidenti Heydər Əliyevin nitqi - Respublika Sarayı, 7 mart 1997-ci il.
2. Ə.B.Haqverdiyev. Seçilmiş əsərləri. 2 cilddə. I c. “Lider Nəşriyyat. Bakı, 2005, 504 s.
3. Qarabağnamələr. Qarabağ xanlığının 1747-1845-ci illərdə siyasi vəziyyətinə dair. Birinci kitab. Şəərq-
Qərb. Bak, 2006, 216 s.
4. http://zim.az/elmi-meqaleler/3038-vaqif-yaradcl-aq-dbiyyat-il-klassik-poeziyann-qovanda.html.
5. Qarabağnamələr. Qarabağ xanlığının 1747-1845-ci illərdə siyasi vəziyyətinə dair. İkinci kitab. Şəərq-
Qərb. Bakı, 2006, 288 s.
6. Müşfiq Borçalı. M.P.Vaqif və Gürcüstan. Bakı, “Borçalı”, 2017, 172 s.
7. Y.V.Çəmənzəmənlinin əsərləri. 3 cilddə. İkinci c. Avrasiya Press. Bakı, 2005, 664 s.
BAXŞƏLİYEV SAMİR
tarix üzrə fəlsəfə doktoru
Azərbaycan Dövlət Pedaqoji Universiteti
MÜDRİK VƏZİR VƏ AĞILLI SİYASƏTÇİ
Açar sözlər: Vaqif, Qarabağ, diplomat, siyasət, tarix
Wise vizier and clever politician
Vagif wise policy, and made a significant contribution to our people is one of the statesmen who. His
work was a great experience. Vagif saw a good education. He spoke in persian and arabic. Astranomiya,
mathematics, music and poetry have extensive knowledge on. He worked as chief minister of the interior,
and then in the Karabakh khanate vizier. Vagif high literacy and scientific knowledge has won the sympathy
of all of us.
Keywords: Vagif, Karabakh, diplomat, politics, history
Azərbaycanın tarixində müdrik siyasəti, xalqımızın mənafeyini, milli maraqlara cavab verən xidmətləri
ilə yadda qalmış dövlət xadimlərindən biri də Vaqif olmuşdur. Bu görkəmli tarixi şəxsiyyətin 300 illik
yubileyinin dövlət səviyyəsində keçirilməsinə hazırlıq işlərinin görülməsi heç də təsadüfi deyil (1).
Vaqif 1717-ci ildə Qazax yaxınlığındakı Salahlı kəndində anadan olmuşdur. Belə bir fikir var ki, onun
babaları Bayat tayfasından olub. Pənah yaxşı təhsil görmüşdü. O, fars və ərəb dillərində danışır,
astronomiya, riyaziyyat, musiqi və poetika üzrə geniş biliyə malik idi. O, Qazaxda tanınmış alim və pedoqoq
M.P.Vaqif və müasirlik
39
Şəfi əfəndinin yanında oxumuşdu. Bəzi salnaməçilər belə hesab edirlər ki, sonrakı təhsilini Gəncədə və
ya Təbrizdə almışdır.
Vaqif əvvəlcə Qazaxda, sonra isə Qarabağda məscid nəzdində fəaliyyət göstərən mədrəsədə dərs demiş
və elə burada da Molla Pənah adını almışdır. Bu zaman onun alimliyi haqqında xəbərlər Molla Pənahın
yaşadığı ərazinin hüdudlarından çox-çox uzaqlara yayılır.
Tarixdən məlumdur ki, XVIII əsrin ortalarında Gürcüstan sərhəddində gərginlik yaranır və bir çox
ailələr Qazaxdan Qarabağ və Gəncəyə köçürülürlər. Vaqifin ailəsi də köçkünlərin arasında idi. Bu ailə
Qarabağın Tərtərbasar kəndində sığınacaq tapır. Vaqif burada da müəllimliklə məşğul olur. Aldığı cüzi maaş
böyük ailənin maddi ehtiyaclarını ödəmir və Vaqifin ailəsi kasıblıq həddində yaşayırdı (3, s. 140).
Qarabağa gəldikdən sonra Vaqif Tərtərbasardan Şuşaya köçür. Burada məktəb açan şair tez bir zamanda
şəhər sakinləri arasında həm müəllim, həm də istedadlı şair kimi tanınmağa başlayır. Şairin şöhrəti Qarabağ
hakimi İbrahimxəlil xana çatır və onu saraya dəvət edirlər.
Vaqifin saraya gəlməsi barədə bir neçə rəvayət mövcuddur. Bunlardan birinə əsasən, Vaqif ayın
tutulması və zəlzələ olacağı haqda əvvəlcədən dəqiq xəbər verir və bu xəbəri xana çatdırırlar. İbrahimxəlil
xan bu bacarıqlı münəccimlə tanış olur və Vaqifin dərin ağıl və zəkasını görən xan ona sarayda qalıb işləmək
təklifi verir. Başqa bir rəvayətə görə, hələ Gəncədə ikən Vaqif Gəncə xanı Cavad xana bir şikayətçinin
dilindən ərizə yazır. Ərizənin üslubu xanı o qədər valeh edir ki, o, Molla Pənahı sarayına gətirdirir. Lakin
İbrahimxəlil xanın təkidli xahişi ilə şairin Qarabağa qayıtmasına icazə verir (3, s. 144).
Vaqifin ömrünün son günlərinə qədər sarayda yaşaması məlumdur. O, əvvəl eşikağası, yəni, daxili işlər
naziri, daha sonra isə baş vəzir kimi fəaliyyət göstərmişdir. Özünün yüksək savadı və elmi biliyi ilə o, burada
da hamının rəğbətini qazanır.
Bundan başqa Vaqif astronomiya ilə ciddi məşğul olmuş, bu sahədəki biliklərini təcrübi olaraq günəş
tutulmalarının və digər təbii hadisələrin müəyyənləşdirilməsi üçün istifadə edir, astroloji biliklərini isə
sarayda münəccim məsləhətləri ilə nümayiş etdirirdi. Ehtimal etmək mümkündür ki, Vaqif tətbiqi riyaziyyatı
da yaxşı bilib. Belə ki, onun xan sarayının, yaşayış evlərinin, Şuşa qalasının divarlarının tikintisində dəqiq
hesablamalar aparması da bəllidir.
“Qarabağnamələrdə” yazıldlğı kimi, Qarabağ xanlığının vəziri kimi Vaqif özünü layiqli dövlət xadimi,
müdrik və uzaqgörən bir siyasətçi kimi göstərə bilir (4, s. 182).
Vaqif Molla Vəli Vidadi, Hüseyn xan Müştaq, Ağqız oğlu Piri kimi şairlərlə dostluq etmişdir. Onun ən
yaxın dostu isə heç şübhəsiz, həmyerlisi və bəzi mənbələrə əsasən, uzaq qohumu Vidadi olub. Vaqifin yaxın
dostlarından biri – Hüseyn xan Müştaq 22 il Şəki xanı olmuşdu, Vaqifin onunla da şeirləşdiyi bəllidir.
Vaqif saraya düşdükdən sonra özü sünni olsa da, xanın inandığı şiə məzhəbini qəbul edir. Birinci vəzir
olduqdan sonra xanlığın xarici siyasətinə rəhbərlik edir. O vaxt Azərbaycanda vəziyyət çox gərgin və
mürəkkəb idi. 1747-ci ildə Nadir şah Əfşarın öldürülməsindən sonra Azərbaycanda müstəqil xanlıqlar
yaranmışdı. Lakin bu xanlıqların müəyyən iqtisadi, siyasi və hərbi uğurlarına baxmayaraq, onların başı
üzərində hər an öz müstəqilliklərini itirmək təhlükəsi dolaşırdı. Fasiləsiz feodal müharibələri və güclü
qonşuların basqınları Qarabağ xanlığını məcbur edirdi ki, yaxın xanlıqlarla dil taparaq, aparıcı dövlətlərdən
dəstək alsın. İbrahim xan Gürcüstanla ittifaqa girir və birlikdə Rusiyadan dəstək istəyirlər. 1783-cü ildə
gürcü çarı II İrakli Rusiya təbəəliyini qəbul edir və Vaqif bir il sonra Tiflisdə həmin ölkələr arasında
müqavilənin imzalanması mərasimlərində iştirak edir.
1783-cü ildə İbrahimxəlil xan II Yekaterinaya məktub yazaraq, ondan xahiş edir ki, Qarabağ xanlığını
Rusiya təbəəliyinə qəbul edilsin. İbrahim xan çətin bir seçim qarşısında qalmışdı: o ya Rusiyanı, ya da İranda
hakimiyyətə gəlmiş Ağa Məhəmməd şah Qacarı seçməli idi. İbrahimxəlil xan çox düşünmədən Rusiyaya
üstünlük verir. 1795-ci ildə Ağa Məhəmməd xan Qarabağa yaxınlaşanda, İbrahimxəlil xan II İrakli ilə daha
artıq yaxınlaşmağa başlayır. Vaqif Qacara qarşı birləşmək üçün İbrahimxəlil xan, II İrakli, İrəvan hakimi
Məhəmməd xan və Talış hakimi Mir Mustafa xanla danışıqlarda iştirak edir.
Qarabağ üzərinə yürüşə hazırlaşarkən Ağa Məhəmməd şah İbrahimxəlil xandan ona tabe olmasını və
bunun rəmzi kimi oğlunu onun yanına girov göndərməsini tələb edir. İbrahimxəlil xan buna razı
olmur. 1795-ci ildə Ağa Məhəmməd xanın qoşunları Araz çayını keçərək, Şuşa istiqamətində irəliləməyə
başlayırlar. Şuşalılar Vaqifin başçılığı altında müdafiə olunmaq üçün hazırlıq görürlər. O vaxt Şuşanın 33
günlük mühasirəsi qalanın müdafiəçilərini sarsıtmır və şah məcbur olub, mühasirəni dayandıraraq,
Gürcüstana yola düşür (2, s. 443). Qalanın müdafiəsində Vaqif özü də şəxsən iştirak etmişdi.
1796-cı ildə qraf V.Zubovun başçılıq etdiyi rus qoşunları Şamaxıdan keçərək, Qarabağ sərhədlərinə
gəlir. İbrahimxəlil xan öz oğlu Əbülfət xanın başçılığı ilə onun yanına elçilər göndərir. Bu heyətə Vaqif və
tanınmış Qarabağ əmirlərinin oğlanları da daxil olurlar (4, s. 251).
1796-cı ildə II Yekaterina vəfat edir. Yeni imperator I Pavel Qafqazdakı rus qoşunlarını geri çağırır.
Qacar bundan istifadə edərək, həmin il o, yeni yürüşə çıxır və bu yürüşünü Şuşadan başlayır. Bu dəfə