M.P.Vaqif
və müasirlik
36
məlumatlardan aydın olur ki, belə bir şəraitdə İbrahim xan A.M.Qacara qarşı mübarizə aparmağın mümkün
olmayacağı qənaətinə gəlir. Çünki A.M.Qacarın Qarabağa, Şuşaya birinci hücumu zamanı xanlığa çox ziyan
dəymişdir. Digər tərəfdən Qarabağ vilayətində üç il davam edən quraqlıq nəticəsində məhsul qıtlığı
yaranmış, əhali arasında aclıq başlanmışdı (4, s. 62).
M.M.Xəzaninin yazdığına görə Belə bir şəraitdə Qarabağ xanı İbrahim xan Qarabağı tərk edir, ailəsi və
yaxın adamları ilə birgə Balakənə- qaynı Ümmə xanın yanına gedir(5,58). A.M.Qacarın adamları tərəfindən
Vaqif həbs edilir. Şahın əmrilə Vaqifi səhər edam etmək üçün zindana salırlar. Lakin gecə A.M.Qacarın özü
öldürülür. Ağa Məhəmməd şah Qacarın öldürülməsindən sonra onun qoşunları Qarabağı tərk edir, geri
qayıdır. Qarabağ hakimliyi isə İbrahim xanın qardaşı oğlu Məhəmməd bəy Cavanşirin əlinə keçir.
Məhəmməd bəy İbrahim xanın yaxın adamlarını aradan götürməyi planlaşdırmışdı. Beləliklə, Məhəmməd
bəy Cavanşirin əmri ilə Vaqif 1797-ci ildə edam edilir (4, s. 222).
Şuşada şərəflə dəfn edilən Vaqifin məzarı xalq tərəfindən həmişə hörmətlə ziyarət olunmuşdur. Əvvəlcə
burada kiçik məqbərə tikilsə də, sonra onun məzarı üzərində, bu müdrik dövlət xadiminin abidəsi – heykəli
ucaldılmışdı.
Ədəbiyyat
1. http://www.president.az/articles/22465. Böyük Azərbaycan şairi Molla Pənah Vaqifin 300 illik
yubileyinin
keçirilməsi haqqında Azərbaycan Respublikası Prezidentinin Sərəncamı. Bakı şəhəri, 12 yanvar 2017-ci il.
2. Azərbaycan tarixi. Yeddi cilddə. III cild (XIII-XVIII əsrlər). Bakı. "Elm". 2007. 592 s. + 56 s. illüstrasiya.
3. Qarabağnamələr. Qarabağ xanlığının 1747-1845-ci illərdə siyasi vəziyyətinə dair. Birinci kitab. Şərq-
Qərb. Bakı 2006. 216 s.
4. Qarabağnamələr. Qarabağ xanlığının 1747-1845-ci illərdə siyasi vəziyyətinə dair. İkinci kitab. Şəərq-
Qərb. Bakı 2006. 288 s.
5. Samir Həsənov. M.M.Xəzaninin “Kitabi-tarixi-Qarabağ əsərinin öyrənilməsi və tədqiqi tarixindən”.
Qafqaz universiteti. № 20 2007. s.56-61
BAXŞƏLİYEV FAZİL
tarix üzrə elmlər doktoru
Bakı Dövlət Universiteti
M.P.VAQİFİN İCTİMAİ - SİYASİ FƏALİYYƏTİ HAQQINDA
Açar sözlər: Vaqif, Qarabağ, türk, siyasi, tarix
M.P.Vagif public - political activityon
The history of Azerbaijan as one of the persons in their place and role in Vagif. A lot of different books
and articles about him, and sometimes there were conflicting opinions. Vagif, first and foremost, a great
patriot of his country and the language of the people and defended by all means possible. Despite being
aware of other religions and peoples of restrictions on religious title of mutərəqii also differed. He thought
his own people, the same way other nations considered equal, universal ideas have been propagated, the
peoples of the friendship and cooperation called.
Keywords: Vagif, Karabakh, turkish, politics, history
Dövlət xadimlərimizin müdrik siyasəti, xalqımızın mənafeyini, milli maraqlarımızın nəzərə alması
mənəvi dəyər nümunəsidir. Mənəvi dəyərlərimizi qorumaq hər birimizin borcudur. Ayrı-ayrı tarixi
şəxsiyyətlərimizin dövlətçilik fəaliyyətindən bəhs edərkən bu sırada Vaqifin də xüsusi yerini qeyd etmək
zəruridir.
Azərbaycan xalqının Ümummilli Lideri Heydər Əliyev 1976-cı ildə dünyanın müxtəlif guşələrindən
xalq şairi Səməd Vurğununu 70 illik yubileyinə gəlmiş qonaqlar qarşısında demişdi ki, Səməd Vurğunun
“Vaqif” dramı haqqında düşünəndə müəllifin qüdrətli istedadına, pyesin baş qəhrəmanının obrazını necə də
sənətkarlıqla yaratdığına valeh olmaya bilmirsən. Çünki o, Vaqifi eyni dərəcədə həm şair kimi, həm
maarifpərvər kimi, həm də dövlət xadimi kimi göstərə bilmişdir. Bu dramı diqqətlə oxuyanda əsərdə iki
nəhəng şairin - Vaqifin, bir də müasirimiz, mütəfəkkir şair, filosof, öz xalqının səadəti uğrunda mübariz
Səməd Vurğunun obrazını görürsən(1).
M.P.Vaqif və müasirlik
37
Qeyd etdiyimiz kimi, o dövrdə Azərbaycan İran və Rusiyanın arasında qalmışdı. Qacarın məqsədi
Azərbaycanı İrana qatmaq, qüvvətli İran dövləti yaratmaq idi. Heç də təsadüfi deyil ki, görkəmli Azərbaycan
yazıçısı Əbdürrəhim bəy Haqverdiyevin «Ağa Məhəmməd şah Qacar» pyesində Şuşada qətlə yetirilən şah
son nəfəsində belə deyir ki, ey evi yıxılmış, İranı viran qoydun (2, s. 170).
Bununla birlikdə qeyd etmək lazımdır ki, Qacarın Qarabağı ələ keçirmək istəməsinin əsas səbəbi
Qarabağ hakimi İbrahim xanın Rusiyaya meylinin artması ilə əlaqədar olmuşdur. Mirzə Camal Cavanşir öz
“Qarabağnamə” əsərində bu barədə belə yazmışdı ki, hamı yüksək Rusiya dövlətinə itaət etməyə hazırlaşdığı
zaman, əzəmətli imperatriçə II Yekaterina vəfat etdi. Böyük sərkərdə Zubov (1796-cı ildə Dərbəndi tutmuş
rus qoşunlarının komandanı Əbülfət xanı (İbrahim xanın general Zubovun hüzuruna göndərdiyi oğlu),
Qarabağın bəyzadə və kəndxudalarını böyük hörmət və çoxlu ənamla yola salıb, padşah Pavelin əmrinə görə
geri qayıdacağını İbrahim xana xəbər verdi. Bu xəbər həm qəm-qüssəyə, həm də Ağa Məhəmməd şahın
ədavətinin artmasına səbəb oldu. Çünki o, mərhum İbrahim xanı tələfat vermədən, xoşluq və mülayimliklə
özünə tabe etmək fikrində idi. Lakin İbrahim xanın müharibəsiz Rusiya dövlətinə əbədi itaət edib,
səmimiyyət göstərməsi, islam və İran padşahından üz çevirməsi onu olduqca qəzəbləndirmişdi. Buna görə
İbrahim xanı yox etmək qərarına gələrək, yaz fəslində qoşunla Azərbaycana tərəf hərəkət etdi (3, s. 62).
Ümumiyyətlə, Vaqif haqqında hətta müxtəlif bədii əsərlərdə və yazılarda verilmiş fikir və ifadələrin
əksəriyyəti, bəzilərinin dediyi kimi uydurma, bədii təxəyyül məhsulu olmayıb real həqiqət olmuşdur.
Qarabağ xanlığının Rusiya ilə əlaqə yaratmaq təşəbbüsü, qonşu gürcü xalqı ilə birgə hərəkət etməsi və bu
işdə Vaqifin böyük rol oynaması, onun Qacara sərt cavab məktubu yazması və Qacarın bundan
hiddətlənməsi, Vaqifin Şuşanın işğalı vaxtı şəhərdə qalması və s. tarixi faktlardır.
Tarixdən məlumdur ki, 1783-1784-cü illərdə Qarabağ xanlığı Rusiya ilə əlaqəni möhkəmləndirmək
məqsədilə bir sıra təşəbbüslər göstərmiş, bu işdə Vaqif də yaxından iştirak etmişdir. II Yekaterina 1784-cü
ildə knyaz Q.A.Potyomkinə belə yazmışdı ki, deyəsən, İbrahim xanın məktubları mənə gəlib çatan türk və
bəzi İran məktublarından daha nəzakətli yazılmışdır... Mənə bildir, görək o kimdir?... Gəncdir, yoxsa qoca?
Güclüdür, yoxsa zəif? (4)
Vaqifin həyat və yaradıcılığına aid geniş tədqiqat aparmış əksər tədqiqatçılar belə qənaətə gəlmişlər ki,
bu məktubun şairanə ruhu, başqa xan və hökmdarların məktublarından öz nəzakəti ilə fərqlənməsi onun əsl
müəllifinin şair və vəzir Vaqif olmasını ehtimal etməyə imkan verir.
Bu məktubdan sonra II Yekaterina rus qoşunlarını qraf V.Zubovun komandanlığı altında Dərbəndə
göndərmişdir. Mirzə Adıgözəl bəyin əsərində oxuyuruq: “Bu xəbər İbrahim xana çatdı. Oğlu Əbülfət xanı
çoxlu hədiyyə və sovqatlarla böyük sərdar qraf Valerian Zubov cənablarının möhtərəm hüzurlarına göndərdi.
Uca Rusiya dövlətinə ixlas və sədaqətini bildirdi. İmperatriçə Yekaterina həzrətlərinin müqərrəblərinə
qaneedici və təvazö bildirən məktublar yazdı. İqtidar sahibi olan sərdar da Əbülfət xana qarşı hədsiz hörmət
və mehribanlıq göstərdi. Behiştlik mərhum (İbrahim) xanın ərizəsini ixtiyar sahibi padşahın fələklər qədər
yüksək olan dərgahına göndərdi. Pənah xan üçün də bir nəfər knyaz vasitəsilə çoxlu bəxşiş və töhfələr
yolladı. Padşahın ona qarşı hədsiz lütf və mərhəməti olduğunu bildirdi. Mövlana Vaqifə də qiymətli daşlarla
bəzədilmiş bir əsa göndərdi” (5, s. 63).
Əsərdə rus çarının adından göndərilən əsanı Vaqifin əlində görən düşmənləri onu ruslara satılmaqda
təqsirləndirirlər. Vaqifə hücum edir, onu «tanrı düşməni», «vətən xaini», «məlun», «qansız», «satılmış» və s.
sözlərlə təhqir edirlər. Şeyx Vaqifi «tanrı düşməni» adlandırmaqla ona qarşı mübarizədə dindən istifadə edir.
Bu məsələ üzərində bir qədər geniş dayanmaq istərdil. Belə li, hələ o vaxtlar da, istər Şuşada, istərbəzi
xanlarımızın düşüncələrində, istərsə də Tehranda A.M.Qacar sarayında bu cür düşünənlər də tapılırdı. Ən
pisi isə budur ki, belələrinə indi də rast gəlinir. Vaqif Qarabağı sata bilməzdi. Çünki əvvəla Vaiqfin elə bir
ciddi səlahiyyəti olmamışdır. Vaqifin vəzifəsi Qarabağın xarici işlər nazirinin müavini idi. Hədiyyə
məsələsinə gəlincə, dövlət nümayəndəsinə hədiyyə verilməsi normaldır. Həmin illərdə Azərbaycan
xanlarının 1785-ci il məlum İstanbul elçiliyində həm xanların sultana, həm də xanlara bahalı sultan
hədiyyələrinin ünvanlanması ümumilikdə, hamılıqla qəbul olunmuş diplomatic etikətlərdən lənar çıxılması
demək deyildi. Əgər belə olmasaydı, onda görün, ən azı Şirvanşah İbrahim Dərbəndidən üzü bəri nə qədər
tarixi şəxsiyyətlərə “qara yaxmışlar” tapılardı.
Daha bir ciddi məqam üzərində dayanmağımıza ehtiyac duyuruq. Vaqif daşıdığı dini titulun
məhdudiyyətlərinə baxmayaraq başqa dinlərə və xalqlara tam mütərəqii baxışları ilə də fərqlənmişdir. O öz
xalqını düşünməklə bərabər başqa xalqlara da eyni gözlə baxmış, ümumbəşəri ideyaları təbliğ etmiş, xalqları
dostluğa, əməkdaşlığa səsləmişdir. Vaqifin öz yaradıcılığından məlumdur ki, o, Qacara qarşı mübarizədə
gürcülərlə müqavilə bağlamaq məqsədilə Tiflisdə olarkən şeirlər yazmış, Tiflisi, bu yerin gözəllərini və
təbiətini tərənnüm etmişdir. Bu şeirlərdə gürcü xalqına səmimi hislər ifadə edilmişdir.
Vaqif yaradıcılığına və yaşadığı dövrə yaxında bələd olan tədqiatçılar bildiririlər ki, Tiflis şeirlərini
oxuyarkən onun müəllifi heç də dini etiqadlar əsiri, bəzilərinin göstərdiyi kimi, qatı məzhəbpərəst deyil,