51
çəltiyi biçin,Yığın çəltiyi çin-çin» «Halay» rəqs mahnısı misal ola
bilər [9. s.51].
Fərbiyə xanım həm də Azərbaycan dilində olan talış mahnıları
haqqında məlumat verirərək qeyd edir ki, bu mahnıların əsas
məğzində mətnin Azərbaycan dilində səslənməsinə baxmayaraq
onun daxilində olan poetik məna hiss və düşüncələr talış xalqının bu
və ya digər şəkildə həyat tərzi ilə bağlı olur.
Fərbiyə Şabanova ilə söhbətimiz çox maraqlı idi. O öz
həyatından danışarkən, vaxtilə onun atasının Pensər kəndindən
gəldiyi və Kakalos kəndində məskunlaşdığı haqda məlumat verdi. O
anası haqqında danışaraq dedi: «Pensər kəndinə toya qonaq
gedərdik. Gəlin gələn zaman anamı (Xanım nənəni) «Halay» rəqs
mahnılarının gözəl bilicisi kimi mütləq oxudardılar». Fərbiyə xanım
gəlininin anası Məhbubə nənənin də belə mahnılar oxumasını qeyd
etdi.Əyanilik naminə biz Xanım nənənin, Amana nənənin və
digərlərinin vaxtı ilə toy mərasimlərində oxuduqları audio lentinə
qulaq asdıq. Bu mahnılar sırasına «Ulduz ay aman ay aman ay»,
«A yordu yordu-yordu», «İstiotum, ispanağım, gəl mənim əziz
qonağım», «A yordu yordu-yordu» (variant), «Mübarək olsun
gəlinin qədəmi», «Öyrən gəlin, əylən gəlin», «Ulduz ay aman», «A
yordu, yordu», və s. mahnıları aid idi. Audio lentdə bəzi mahnıların
tələffüzü aydın eşidilməsə də «Boyu bəstə gəlinin» «Halay»
mahnısının başqa bir versiyada oxunması xüsusi maraq oyatdı.
Fərbiyə Şabanovanın bibisinin söylədiyi «Mübarək badey»,
«Novruz» mahnıları dua-mərsiyə tipli nəğmələr fonunda əks
olunurdu. «Nar-nar-nargilə, yar gəlir gülə-gülə», «Yar əli, yar
düymələri mərcan» halaybaşlıqları ilə ifa olunan «Halay» mahnıları
toy, Novruz bayram mərasimlərində oxunularaq, insanların öz arzu
və istəklərini bu mahnıların poetik məzmunlarında izhar etməsi ilə
bağlı olmuşdur.
Daha sonra Fərbiyə xanım mövsüm mərasim mahnıları
haqqında danışaraq «Novruz» mahnısını ifa etdi. Bu novruz mahnı-
sında döyüş təsvirləri, göyə atılan fişəng, yumurta boyanması və s.
haqqında məlumat verilir. Burada həm də baharın gəlişi, gəlinin
52
gəlişi ilə müqayisə olunur. Novruzun gəlişi yeni gün olduğu kimi,
gəlinin gəlişi də yeni ailənin başlanğıcıdır.
F.Şabanova Kakalos kəndi haqqında, «Kakalos» sözünün
mənası haqqında bir çox məlumatlar verdi.O bildirdi ki, «ka» talışca
tərcümədə «ev»,«los» isə yığım mənasını ifadə edir. Kəndin adı
Kakalos sözü isə ilk dəfə bir neçə evin toplu şəklində əks edilməsini
bildirir.
Sonra isə biz Fərbiyə xanımla birgə 08 aprel 1997-ci ildə
video lentə çəkilmiş toya baxdıq. Burada biz toy mərasimi
haqqında yazdıqlarımızın əksəriyyətinin şahidi olduq.Video lentdə
gördüklərimiz əsil folklor səhnələrinə çox yaxın idi.
Söhbət əsnasında biz talışların özünəməxsus mərasimlərindən
biri olan Şəvnışt” (talış dilində şəv-axşam, nışt-oturmaq) haqqında
danışdıq. “Şəvnışt” zamanı insanlar axşam vaxtı bütün işləri bitir-
dikdən sonra çay dəstgahı təşkil edirlər. Bu çay dəstgahı əsasən hər
hansı bir ailənin özü tərəfindən təşkil olunur. “Şəvnışt” mərasiminin
iştirakçıları ailəyə mənsub olmayan qohumlar, qonşular və başqaları
da ola bilər. Keçmiş dövrlərdə “Şəvnışt” mərasimi əsasən xalça
üstündə çay içərək başlanardı. Mərasimdə insanlar bir-biriylə söhbət
edir, dərdlərini danışıb, mahnı oxuyur və səhnəciklər göstərə
bilərlər. Bu bir növ kənd həyatının müxtəlif məzhəkəli anları, sevgi
duyğuları, öyüd və nəsihətlər və s. bağlı olur. Tarixən məzhəkələrdə
yadda qalan və təkrarlanan anlar həm də özündə kənd həyatını
tərənnüm edən mahnılarla da bağlı olmuşdur. Bu mahnılar öz
növbəsində təkrarlanaraq yaddaşlara köçürülmüşdür. Təbiidir ki,
«Şəvnışt» mərasiminin keçmiş vaxtlarda keçirilməsi haqda
informasiya zəif olduğundan bizə az məlumat çatmışdır. Lakin,
«Şəvnışt» mərasimi, onun rəngarəngliyi, özünəməxsusluğu,
inkişafı, ümumi xalq məhsulu olması, daha mütəşəkkil formada
həyata keçirilməsi, onun qədimliyi haqqında bizə geniş təsəvvür
verir. Fikrimizcə müasir dövrdə «Şəvnışt» mərasiminin zəifləməsi,
mədəniyyətlər arası inteqrasiyası ilə də bağlı ola bilər. Yeni düşüncə
tərzinin, qlobal problemlərin, müasir dünyanın xalqın həyat və
53
məişətinə təsiri «Şəvnışt» mərasiminin inteqrativ prinsiplərini də
meydana gətirmişdir.
Artıq axşam düşürdü. Astaranın subtropik iqliminə uyğun
narın-narın yağış yağırdı. Fərbiyə xanımla söhbətimiz o qədər
maraqlı idi ki, vaxtın necə tez gəlib kecdiyini hiss etməmişdik.
Söhbətimizin sonuna doğru bu ziyalı xanımdan özü haqda geniş
məlumat verməsini xahiş etdik. O xahişimizi nəzərə alaraq öz
fəaliyyəti dövründə həm də bir tərbiyəçi – müəllim vəzifəsində
işləməsi barədə bizə məlumat verdi. Sonra Fərbiyə Şabanova onu
da qeyd etdi ki, ilk vaxtlar kolxoz kənd məktəblərində musiqi, rəsm
və əmək fənlərindən dərs vermişdır. O, XX əsrin 70 – 80-cı illərində
özünün və müxtəlif insanların əl işlərindən ibarət olan sərgilərini
təşkil etmişdir. Onun təşkil etdiyi sərgilərə baxış keçirildikdən sonra
F.Şabanova Astara rayonunun Mədəniyyət Şöbəsinin müdiri
vəzifəsinə təyin edilmişdir. Fərbiyə xanım bundan sonra daha da
fəaliyyətini genişləndirərək sadaladığı folklor kollektivlərini
yaratmışdır. O rayonda bir orkestrin, bir musiqi məktəbinin, Şəkə-
ran kəndində həmin məktəbin filialının açılmasına nail olduğunu
qeyd etdi. Fərbiyə xanım Şadoğlan müəllim haqda da danışdı. O
qeyd etdi ki, Şadoğlan Bayramov həmin musiqi məktəbini daha da
təkmilləşdirmişdir. F. Şabanova öz fəaliyyəti dövründə gülçülük
birliyi yaratmış, yüzlərlə dərnəklərin açılması üçün böyük əmək sərf
etmişdir. Onun yaratdığı «Qərənfil» teatr birliyi özündə qiraət,
teatr və kukla teatrını birləşdirirdi. O kukla teatrı üçün Rusiyanın
Leninqrad şəhərindən kuklalar gətirtmişdir. Beləliklə biz
tədqiqatımız üçün önəmli olan maraqlı informasiyaları aldıqdan
sonra Fərbiyə Şabanovagildən xoş təəssüratla ayrılaraq yenidən
dayanacaq məntəqəmiz olan Lənkəran şəhərinə yollandıq.
23 avqust 2007-ci ildə isə axşam Lənkərana yetişərək bu
şəhərdə tanınmış ziyalı, ədəbiyyatşünas - alim və tədqiqatçı Hacı
Mirhaşım Talışlı ilə telefon əlaqəsi saxlayıb, bizimlə görüşməyimizi
xahiş etdik. Xahişimizi qəbul edən bu böyük alim bizi evində
qarşıladı. O bizi öz iş otağına dəvət etdi. Mirhaşım müəllimin şəxsi
kitabxanası öz böyüklüyü və zənginliyi ilə diqqətimizi cəlb etdi.
Dostları ilə paylaş: |