81
3.4. stilik emalı zamanı zülallarda baş verən dəyişikliklər.
Heyvanat mənşəli xammal və yarımfabrikatlarda olan züllar işə
məhsullarının istehsalı proseslərində əhəmiyyətli dərəcədə fiziki-kimyəvi
dəyişikliyə uğrayırlar. Bu dəyişmələrin dərinliyi onların təbii xassələri ilə, kolloid
sistemin qatılığı ilə, xarici təsirin xarakteri ilə və digər amillərlə əlaqədardır.
Zülalların dəyişilməsi xammalın ilkin emalında və yarımfabrikatların
istehsalında olduğu kimi, onların istilik emalında da müşahidə olunur.
Məhsulların əksəriyyəti üçün bu dəyişikliklər məmulatların çıxarına,
yarımfabrikatların quruluşu-mexaniki, orqanolertiki və digər keyfiyyət
göstəricilərinə, hazır məhsulun keyfiyyətinə həlledici təsir göstərir.
Bütövlükdə zülalların dəyişilmısi onların hidratlaşması, dehidratlaşması,
denaturasiya olunması və dekstrusiyası ilə əlaqədardır.[15]
Zülalların hidratlaşması.
Xammalın ilk emalı və yarımfabrikatların
hazırlanması zamanı zülallar ərtaf mühitdən daxil olan suyu özünə birləşdirir. Bu
da onunla əlaqədardır ki, təbii zülalların molekulları öz səthində polyar qruplara
malikdirlər,eyni zamanda su molekulları da polyarlığa malikdirlər və buları
müxtəlif yüklərə malik dipollar kimi təsəvvür etmək mümkündür. Zülalın su ilə
kontaktı zamanı həmin bu dipollar zülal molekulunun səthinə adsorbsiya
olunnurlar, polyar qrupların ətrafına istiqamətlənirlər və bu səbəbdən də onları
hidrofil adlandırırlar. Beləliklə zülallarla möhkəm yaxud zəif birləşmiş suyun
ə
sas hissəsi adsorbsiya olunmuş ( adsorbsion ) su hesab olunur.
Zülalların hidratlaşmasının yarimfabrikatlar istehsalında praktiki əhəmiyyəti
böyükdür. Bu özünü xüsusilə xırdalanmış balıq ətinə su, xörək duzu və digər
maddələr qatıldıqda daha aydın göstərir. Bu halda hidratlaşma zülalların həll
olması və zülalların şişməsi nəticəsində baş verir. Əlbətdə , bununla yanaşı
hidratlaşma prosesinə məhsullarda az və ya çox miqdarda osmotik və kapilyar
ə
laqəli suyun təsirini də nəzərə almaq lazımdır.
82
Zülalların dehidratlaş ması.
Bu hadisə xarici qüvvələrin təsiri ilə birləşmiş
suyun zülallardan ayrılması kimi aşa düşülür. Texnoloji proseslərdə bərpa olunan
və bərpa olunmayan dehidratlaşmanı fərqləndirirlər. Məsələn, məhsulların
sublimasiyalı qurudulması bərpa olunan dehidratasiyaya aid edilirsə, zülalların
denaturasiyasını bərpa olunmayan dehidratasiyaya aid edirlər.
Bərpa olunmayan dehidratlaşma ətin, balığın, qeyri-balıq dəniz
məhsullarının donunun açılması zamanı və həmçiin məhsulların istilik emalı
zamanı da baş verə bilər.[15]
Balıq ətinin tez bir zamanda donunun açılması zülalların dehidratlaşması,
onların kolloid sistemlərinin tam bərpa olunmaması nəticəsində baş vrir ki, bu da
dondurulma zamanı onların quruluşunun pozulması ilə əlaqədardır. Balıq
zülallarının dehidratlaşması, onların dondurulması və saxlanması zamanı
denaturasiya olunması ilə əlaqədardır.
Adətən balıq, ət, qeyri-balıq dəniz məhsullarının istilik emalı zamanı
onların zülallarında bərpa olunmayan dehidratlaşma baş verir ki, nəticədə bu
məhsullardan ətraf mühitə su ayrılır və bu su ilə birlikdə ətrafa onda həll olunan
ekstraktiv maddələr, mineral maddələr, vitaminlər və s. maddələrin bir hissəsi də
itirilir. Beləliklə dehidratlaşma məhsullarda kütlənin azalması ilə yanaşı, müəyyən
dərəcədə onların qidalılıq dəyərinin aşağı düşməsinə də səbəb olur.
Zülalların denaturasiya olunması
. Denaturasiya dedikdə, zülalların ilkin
fəza quruluşunun pozulması başa düşülür.
Ümumiyyətlə zülalların tərkibu amin turşulardan ibarətdir. Kulinar emalı
zamanı məhsullarda olan zülali maddələrin dəyişilməsi əsasən onlara təsir edən
istiliklə əlaqədardır. Çünki bu halda istilik ən əsas amildir ( burada digər amillərin
təsirini istisna etmək olmaz ).
Istiliyin təsiri nəticəsində məhsulların tərkibindəki həll olan zülallar sürətlə
denaturasiya hadisəsinə uğrayırlar ( buna istilik denaturasyası da deyilir ). Başqa
83
sözlə istiliyin təsiri altında zülal molekullarında bir sıra fiziki-kimyəvi dəyişikliklər
baş verir. Bu dəyişmələr nəticəsində zülallar öz həllolma xassəsini və şişmə
qabiliyyətini itirir,habelə ferment birləşmələrinin təsirinə qarşı öz davamlılığını
zəiflədirlər. Zülallar quruluşlarına görə iki cür olurlar:
1)Fibrilyar- suda həll olunmayanlar.
2) Qlobulyar- suda həll olanlar.
Denaturasiya olunma zamanı əsasən qlobulyar yəni kürə formasında olan
zülallar dəyişilirlər.
Zülalların tərkibi aminturşuların birləşmiş halda olan makromolekullarından
ibarətdir. Bu molekullar isə bir və yaxud bir neçə polipeotid zəncirindən ibarət ola
bilər.
Polipeotid zəncirləri və ya rabitələri 3 formada olur. Yəni zülal
makromolekulları öz aralarında 3 cür rabitələrdən biri ilə birləşə bilirlər:
1)Hidrogen rabitəsi.
2)Duz rabitəsi.
3)Disulfid rabitəsi.
Kulinar emalı zamanı ərzaq xammalı hüceyrəsinin daxili maye şəklində
olduğuna görə burada su iştirak edir. Mühit qızdırıldıqda istilik zülallara keçir,
eyni zamanda isə su isə peptid zəncirlərin arasına daxil olaraq , burada olan
hidrofob qruplarına təsir edir, yəni hidrogen rabitələrini qırmağa başlayır. Bunun
nəticəsində ayrı-ayrı peptid qrupları yaranır, onlar da kiçik peptid zəncirlərinə
çevrilirlər, açılırlar və s. reaksiyalar baş verir.
Bundan sonra disulfid rabitələri (bu rabitələr ya molekullar arasında
gizlənirlər, ya da qonşu qruplardan verilir. Bu hadisə isə elmdə hələ də müəyyən
ediməmişdir. ) akivləşir. Yəni denaturatlaşmış molekullar öz aralarında birləşməyə
başlayırlar. Bunlara kömək edən əsasən SH- və -S-S- qrupları arasında gedən
Dostları ilə paylaş: |