85
Milli neft sektorunda biznesin tənzimlənmə mexanizminin təkmilləşdirilməsi
istiqamətində digər amillərin də nəzərə alınması zəruridir. Belə ki, ARDNŞ-nın
əsas fondlarının köhnəliyi sahədə əlverişli biznes fəaliyyətinin qurulmasında
maneələr yaradır. Təhlil göstərir ki, ARDNŞ-yə mənsub əsas kapitalın aşınma faizi
o qədər yüksəkdir ki, burada bəzi istiqamətlərdə əsaslı təmir xərcləri investisiya
qoyuluşuna bərabərdir. Deməli, sözügedən problemin həlli sahədəki neft bizne-
sinin genişləndirilməsi strategiyasından və bu strategiyada istehsal dövriyyəsini
tam əks etdirən hər bir sahəvi element və təsisatın ölçü və yerinin dəqiq təyina-
tından asılı olacaqdır. Bu məqsədləri ifadə edərək vizual müşahidələrin, çoxsaylı
materialların təhlili əsasında aparılan araşdırmalar göstərir ki, ARDNŞ-da biznes
fəaliyyətinin genişləndirilməsi və müvafıq investisiya axınının obyekti kimi
aşağıdakılar istehsal və təsərrüfat komponentləri modernizasiya olunmalıdır:
– texniki və təşkilati sferada qazma işi;
– layveriminin yüksəldilməsi texnologiyalarının tətbiq prosesi;
– neftin hazırlanması və nəqli sahəsi;
– infrastrukturun genişləndirilməsinə və servis işi;
– təhcizat və marketinq prosesi;
– texnoloji və təşkilati menecmentin effektivliyinin artırılması işi. Moderniza-
siya ilə yanaşı fundamental işlərin də görülməsi vacib hesab ediləndir. Bu sıraya
yüksək keyfiyyətli məhsul istehsal edən mini neft və qaz emalı zavodlarının inşası,
yeni xidmət və servis sahələrinin yaranışı və elmi-konstruktur işlərinin hərtərəfli
maliyyələşdirilməsi ilə bağlı tədbirlər bloku daxildir. Məhz bu sahələrə investisi-
yaları yönəltməklə rəqabətli biznes işini canlandırmaq və onu yeni kefıyyətdə
tənzimləmək mümkündür.
Qeyd etmək lazımdır ki, geoloji-kəşfiyyat sferasında da yeni fəaliyyətlər üçün
çoxsaylı investisiya obyektləri mövcuddur. Bu istiqamətdə digər bir unikallıq da
yaddan çıxarılmamalıdır ki, ARDNŞ-nin iqtisadi-texnoloji modernizasiyasında
Qərbin birbaşa investisiyaları tələb olunmur. Burada investisiya axıcılığının qabaq-
cıl texnologiyaları gətirən orta miqyasda və ünvanlı formada olması daha münasib
hesab ediləndir. Bu işdə isə dövriyyə mümkün qədər elə qurulmalıdır ki, qabaqcıl
86
texnologiyaları neft sektoruna gətirənlər sırasında yerli sahibkarlar üstünlük təşkil
etsinlər. Eyni zamanda həmin texnologiyaların gələcək modifıkasiyası da ölkə
daxilində neft infrastrukturuna qoyulacaq yeni investisiyalar hesabına təmin olun-
sun. Digər mənada neft sahələrinin təchizatı təmin edən infrastruktur və sənaye
obyektləri qabaqcıl texnologiyaları istehsal etmək zəmində rəqabətli əsasda
yenidən təşkil edilərək fəaliyyət göstərməlidirlər.
Respublikanın neft kompleksində mövcud tənzimləmə sisteminin də biznes
fəaliyyətinin tənzimlənməsi ilə birbaşa əlaqəsi vardır. Bu sırada isə vergiqoyma
sistemi çox mühüm əhəmiyyət daşıyır. Belə ki, neft sektoru vergi qanunveri-
ciliyinin əhatə etdiyi xüsusi müstəvidə yerləşir. Müvafiq müstəvinin quruluş və
xüsusiyyəti də vergi qanunvericiliyinin buradakı sırf fiskal xarakteri ilə bağlıdır.
Azərbaycan Respublikasının Vergi Məcəlləsində nəzərdə tutulan vergi növləri
kiçik istisnalarla bütünlüklə neft sektorunda tətbiq edilir. Bununla belə neft
sektorunun, xüsusilə hasilat sferasının xarakterik xüsusiyyəti burada əlahiddə
vergiqoymanı şərtləndirir. Beynəlxalq praktikada karbohidrogen məhsulunun
çıxarılması ilə bağlı vergi hasilatın pay bölgüsü üzrə realaşdırılır və o, yatağın
açılmasından əvvəl üç qeyri-müəyyən parametrdə – hasilat, neftin qiyməti və
xərclərlə müəyyən edilir.
Respublikada hasilatın pay bölgüsü üzrə qanun qüvvəsinə malik olan sazişlər
çərçivəsində karbohidrogen sahəsində fəaliyyət göstərən şirkətlər üçün «Mənfəət
vergisi haqqında», «Xarici subpodratçıların vergiyə cəlb olunması haqqında»,
«Fiziki şəxslərin vergiyə cəlb olunması haqqında», « dxal və ixrac vergiləri haq-
qında» və digər müvafiq protokollarla tənzimlənən, vergi məcəlləsindən fərqli
üstünlüklərə malik olan xüsusi rejimli vergi sistemi tətbiq olunur [7]. Köhnə
yataqlarda istismarı həyata keçirən «Azneft» stehsalat Birliyi üçün isə bir qədər
mürəkkəb quruluşlu mədən vergisi tətbiq edilir. Təbii ki, mədən vergisi renta ilə
bağlıdır. Buna görə də bu vergi növünün milli neft sektorunda tətbiqi, fiskal alət
olaraq onun köməyi ilə neft biznesinin tənzimlənmə mexanizmi kimi əhəmiyyəti
qeyd edilməlidir.
87
Tarixən formalaşmış praktikaya görə inkişaf etmiş ölkənin öz bazarında
işləyən neft kompaniyası üçün kapital qoyuluşuna müqabil normal mənfəət 5-6
faiz həcmində müəyyən edilmişdir (risk mükafatı formasında L BOR stavkası +2-3
faiz
). Əgər transmilli kompaniya inkişaf etmiş və keçid iqtisadiyyatı ölkələrində
fəaliyyət göstərirsə illik normal mənfəətin 15-17 faizə qədər artır (L BOR stavkası
+ 12-14 faiz)
[16].
Çağdaş zamanda mədən ərazisindən istifadə və burada hüquqi münasibətlər
Azərbaycan Respublikasında müvafıq olaraq «Yerin təki» haqqında qanun,
«Torpaq Məcəlləsi», «Vergi Məcəlləsi» və sair normativ aktlarla tənzim olunur.
Məlumdur ki, yaşadığımız coğrafı məkanın tən yarısına bərabər, sahəsi 43,1
min km
2
təşkil edən quru ərazilərində ehtiyatlar potensialı tükənmış, dağ-mədən,
geoloji şərait xeyli çətinləşərək istismar kəskin mürəkkəb həddə yetişmişdir. Son
30-40 il ərzində burada hasilat 10 dəfə aşağı düşərək dayanaqlaşan orta göstəricidə
illik 1,5 milyon ton neft və 230-250 milyon m
3
qaz həcminə müvafıq olmuşdur.
Belə vəziyyətdə isə hasilat obyektlərindən eyni zamanda mədən və həm də torpaq
vergisinin tutulması normal fəaliyyəti daha da məhdudlaşdırmışdır. Digər tərəfdən
müxtəlif çalarlı olaraq yüksək torpaqtutumlu, ekoloji çətin, yanğın təhlükəli hesab
edilən neftqazçıxarma müəssisələrinin ərazisindən yığılan torpaq və mədən vergisi
diferensiallaşdırılmır. Qazanılmış məntiqi reallıq belədir ki, mədən vergisi stratiq-
rafik və coğrafı bölgüdə yataqların parametrlərini, məhsuldarlığını, dərinliyini,
hasilatını, bazarlara yaxınlığını və s. şərtləri nəzərə almalıdır.
Azərbaycanın qurudakı istismar zonasında mədən və torpaq vergisinin maya
dəyərində orta kommulyativ çəkisi 17-19 faiz təşkil edir. Taktiki praktikada bu
göstərici 8 faiz konturunda standart hesab edilərək diferensiallaşdırıldıqda 6-16
faiz həddində tərəddüdü normal sayılır [82, 15]. Nəzərə alnmalıdır ki, Azərbay-
canın köhnə dəniz və quru sektorunda, Xəzərdəki «Günəşli» yatağı istisna olmaqla,
hasilat əsasən qeyri-rentabellidir. Dənizdə hasil edilən hər ton neftə 5 ton və fontan
hasilatı tamamilə dayanmış quru ərazilərdə isə 13 ton su düşür. Burada hasilat
elektrik enerjisindən qaynaqlanan avadanlıq və qurğular vasitəsilə reallaşır. Hesab-
lamalara görə müvafıq qatışığın çıxarılmasına 14 ton neftin hasilatına sərf olunan
Dostları ilə paylaş: |